ହାଇଦ୍ରାବାଦ: ନିକଟରେ ରୟାଲ୍ ଏନଫିଲ୍ଡ ଭାରତରେ Classic 650 ମୋଟରସାଇକେଲ୍ ଲଞ୍ଚ କରିଥିଲା । ଏହି ମୋଟରସାଇକେଲର ପ୍ରାରମ୍ଭିକ ମୂଲ୍ୟ 3.37 ଲକ୍ଷ ଟଙ୍କା (ଏକ୍ସ-ଶୋରୁମ)ରୁ ଆରମ୍ଭ । ଏହି ବାଇକ୍ 650cc ଲାଇନଅପ୍ରେ ଯୋଗ ଦେଇଛି, ଯେଉଁଥିରେ ପୂର୍ବରୁ Super Meteor 650, Bear 650, Shotgun 650, Interceptor 650 ଓ Continental GT 650 ଅନ୍ତର୍ଭୂକ୍ତ । ନୂଆ କରି ଲଞ୍ଚ ହୋଇଥିବା Classic 650 ବାଇକ୍ଟି ଲୋକପ୍ରିୟ Classic 350 ବାଇକ୍କୁ 650ସିସି ଇଞ୍ଜିନ ସହିତ ଉପଲବ୍ଧ କରାଇଛି । କ୍ଲାସିକ୍ 650 ବାଇକ୍ର ଡିଜାଇନ Super Meteor 650 ବାଇକ୍ ସହ ସମାନ ରହିଛି । ତେବେ 650ସିସି ଇଞ୍ଜିନ ଲାଗି ଆପଣଙ୍କ ପାଇଁ କେଉଁଟା ବେଷ୍ଟ ଏହି ଆର୍ଟିକିଲରେ ଜାଣିବା ।
କ୍ଲାସିକ୍ 650 ବାଇକ୍ଟି ସୁପର ମିଟିଅର 650 ମୋଟରସାଇକେଲ ଉପରେ ଆଧାରିତ । ଉଭୟ 648cc ପାରେଲାଲ୍-ଟ୍ବିନ ଇଞ୍ଜିନ ସହିତ ଆସିଛି । କିନ୍ତୁ ଉଭୟ ପରସ୍ପରଠାରୁ ଭିନ୍ନ ମଧ୍ୟ ଅଛନ୍ତି । ସୁପର୍ ମିଟିଅର 650 ବାଇକ୍ଟି ବହୁ ଦୂରତା ସହିତ ରାଜପଥ କ୍ରୁଜିଂ ପାଇଁ ଉପଯୁକ୍ତ ହୋଇଥିବାବେଳେ କ୍ଲାସିକ୍ 650 ଦୈନନ୍ଦିନ ବ୍ୟବହାର ଏବଂ ଛୋଟ ଯାତ୍ରା ପାଇଁ ଡିଜାଇନ କରାଯାଇଛି ।
Classic 650 vs Super Meteor 650: ଦାମ
ରୟାଲ୍ ଏନଫିଲ୍ଡ କ୍ଲାସିକ୍ 650 3.37 ଲକ୍ଷରୁ ଆରମ୍ଭ ହୋଇ 3.50 ଲକ୍ଷ ଟଙ୍କା ପର୍ଯ୍ୟନ୍ତ ରହିଥିବାବେଳେ ସୁପର ମିଟିଅର 650 ବାଇକ୍ଟି 3.64 ଲକ୍ଷରୁ ଆରମ୍ଭ ହୋଇ 3.94 ଲକ୍ଷ ଟଙ୍କା ପର୍ଯ୍ୟନ୍ତ ରହିଛି । ଏହି ସମସ୍ତ ମୂଲ୍ୟ ହେଉଛି ଏକ୍ସଶୋରୁମ୍ ଦାମ ।
Classic 650 vs Super Meteor 650: ଡିଜାଇନ
ରୟାଲ ଏନଫିଲ୍ଡ କ୍ଲାସିକ୍ 650 ରେଟ୍ରୋ ଡିଜାଇନକୁ ଜାରି ରଖିଥିବାବେଳେ କ୍ଲାସିକ୍ 350 ବାଇକ୍ ଦ୍ବାରା ଅନୁପ୍ରାଣିତ । ଏଥିରେ ଏକ ଟିଅରଡ୍ରପ୍ ଇନ୍ଧନ ଟ୍ୟାଙ୍କ, ବକ୍ର ଫେଣ୍ଡର, କ୍ରୋମ୍ ଟ୍ବିନ୍ ଏକ୍ସହଷ୍ଟ ସହିତ ଡିଜାଇନ ହୋଇଛି । ଏହି ସମୟରେ ରୟାଲ ଏନଫିଲ୍ଡ ସୁପର ମିଟିଅର୍ 650 ବାଇକ୍ରେ ଫରୱାର୍ଡ-ମାଉଣ୍ଟେଡ୍ ଫୁଟ୍ ପେଗ୍, ସ୍କୁପଡ୍ ସିଟ୍ ଏବଂ ସ୍ବିପ୍ ହ୍ୟାଣ୍ଡେଲବାର୍ ଅଛି । ମିଟିଅର୍ 650 ବାଇକ୍ଟି ଏକ ବୃହତ ଏବଂ ଅଧିକ ଆରାମଦାୟକ ବସିବା ସ୍ଥାନ ପ୍ରଦାନ କରେ ଯାହା ଦୀର୍ଘ ରାଜପଥ ଯାତ୍ରା ପାଇଁ ପ୍ରଯୁଜ୍ୟ ।
ଉଭୟ ବାଇକ୍ ଭାରିଏଣ୍ଟକୁ ଆଧାର କରି ଭିନ୍ନ ଭିନ୍ନ ସେଡ୍ରେ ଉପଲବ୍ଧ । କ୍ଲାସିକ୍ 650 ବାଇକ୍ଟି 3ଟି ଭାରିଏଣ୍ଟରେ ଉପଲବ୍ଧ । ସେଗୁଡ଼ିକ ହେଉଛି Hotrod, Classic ଓ Chrome । ସେପଟେ ସୁପର ମିଟିଅର୍ 650 ବାଇକ୍ 3ଟି ଭାରିଏଣ୍ଟ Astral, Interstellar ଓ Celestial ରଙ୍ଗ ସହିତ ଉପଲବ୍ଧ ।
Classic 650 vs Super Meteor 650: ସ୍ପେଶିଫିକେସନ
ଉଭୟ କ୍ରୁଜର ବାଇକ୍ ଏକ 648cc, ଏୟାର-ଅଏଲ କୁଲ୍ଡ ସମାନ୍ତରାଳ-ଟ୍ବିନ୍ ଇଞ୍ଜିନ ଦ୍ବାରା ଚାଳିତ, ଯାହା 46 bhpର ଶକ୍ତି ଉତ୍ପାଦନ ଏବଂ 52 Nm ଟର୍କ ସୃଷ୍ଟି କରେ । ଇଞ୍ଜିନ୍ 6-ସ୍ପିଡ୍ ଗିଅରବକ୍ସ ସହିତ ମେଳ ହୋଇଛି ।
