ହାଇଦ୍ରାବାଦ: ଚାଇନିଜ କମ୍ପାନୀ ରିଅଲମି ବିଶ୍ବ ଓ ଭାରତୀୟ ବଜାରରେ ଗୋଟିଏ ପରେ ଗୋଟିଏ ସ୍ମାର୍ଟଫୋନ ଲଞ୍ଚ କରୁଛି । କମ୍ପାନୀ ନିକଟରେ Realme GT 7 Pro ଭାରତୀୟ ବଜାରରେ ଲଞ୍ଚ ହୋଇଥିବା ବେଳେ ପାୱାରଫୁଲ ଚିପସେଟ୍ Snapdragon 8 Elite ସହ ଆସିଥିଲା । ଏବେ କମ୍ପାନୀ Realme GT 7 ଫୋନ ଲଞ୍ଚ କରିବାକୁ ଯାଉଛି ଯେଉଁଥିରେ 7000mAh ବ୍ୟାଟେରୀ ଓ 100ୱାଟ୍ ଦ୍ରୁତ ଚାର୍ଜିଂ ସପୋର୍ଟ ମିଳିପାରେ ।
Realme GT 7: ଲଞ୍ଚ ତାରିଖ ଓ ଟାଇମଲାଇନ
ରିଅଲମି ଆନୁଷ୍ଠାନିକ ଭାବରେ ସ୍ମାର୍ଟଫୋନ ଲଞ୍ଚ ତାରିଖ ସ୍ପଷ୍ଟ କରିଛି । ରିଅଲମି ଜିଟି 7 ସ୍ମାର୍ଟଫୋନ (Realme GT 7) ଚୀନରେ 23 ଏପ୍ରିଲ 2025ରେ ଲଞ୍ଚ ହେବାକୁ ଯାଉଛି । କମ୍ପାନୀର ହୋମଟାଉନରେ ଏକ ଇଭେଣ୍ଟ ଅପରାହ୍ନ 4ଟା (ଭାରତୀୟ ସମୟ 1.30ଟା)ରେ ଆରମ୍ଭ ହେବ । ଲଞ୍ଚ ଇଭେଣ୍ଟର ସିଧାପ୍ରସାରଣ କମ୍ପାନୀର ଅଫିସିଆଲ ୱେବସାଇଟ୍ରେ ଦେଖିପାରିବେ ।
Realme GT 7: ସମ୍ଭବତଃ ଫିଚର
- ଡିସପ୍ଲେ: ଏହି ଫୋନର ଡିସପ୍ଲେ ସମ୍ପର୍କରେ କହିଲେ ଏହା 6.78 ଇଞ୍ଚର କର୍ଭଡ OLED+ ଡିସପ୍ଲେ ମିଳିପାରେ ଯେଉଁଥିରେ 120Hz ରିଫ୍ରେସ୍ ରେଟ୍ ଓ 6500ନିଟ୍ସ ସର୍ବାଧିକ ବ୍ରାଇଟନେସ୍ ମିଳିପାରେ ।
- ପ୍ରୋସେସର: ଏଥିରେ MediaTek 9400+ ଚିପସେଟ୍ର ବ୍ୟବହାର କରାଯାଇପାରେ ।
- ବ୍ୟାଟେରୀ: କମ୍ପାନୀ ଏହି ଫୋନରେ ଦମଦାର ବ୍ୟାଟେରୀ ବ୍ୟବହାର କରିପାରେ, ଯାହାକି 7000mAh ବଡ଼ ବ୍ୟାଟେରୀ ଓ 100ୱାଟ୍ ଦ୍ରୁତ ଚାର୍ଜିଂକୁ ସପୋର୍ଟ କରିପାରେ ।
- କ୍ୟାମେରା: ଏଥିରେ ଟ୍ରିପଲ୍ ରିଅର କ୍ୟାମେରା ସେଟଅପ୍ ମିଳିପାରେ ଯେଉଁଥିରେ 50MP_50MP+8MP କ୍ୟାମେରା ମିଳିବ । ସେଲ୍ଫି ଲାଗି ଏଥିରେ 16MPର କ୍ୟାମେରା ରହିପାରେ ।
- ମେମୋରୀ: 12GB RAM ମିଳିପାରେ ଯାହାକି ମଲ୍ଟି ଟାସ୍କିଂ ଅନୁଭବ ପ୍ରଦାନ କରିବ ।
ଭାରତରେ କେବେ ହେବ ଲଞ୍ଚ ?
କମ୍ପାନୀ ଏବେ ଏହି ଫୋନକୁ ପ୍ରଥମେ ଚୀନରେ ହିଁ ଲଞ୍ଚ କରିବ । ଫୋନ କେବେ ଭାରତରେ ଲଞ୍ଚ ହେବ ସେ ସମ୍ପର୍କରେ ସୂଚନା ମିଳିନାହିଁ । ଆଶା କରାୟାଉଛି ଚୀନ ବଜାରରେ ଲଞ୍ଚ ହେବାର କିଛି ଦିନ ମଧ୍ୟରେ ହିଁ ଏହା ଭାରତୀୟ ବଜାରରେ ଉପଲବ୍ଧ ହେବ । ଏବେ ଭାରତୀୟ ବଜାରରେ Realme GT 7 Pro ବିକ୍ରି ହେଉଛି ।
