ହାଇଦ୍ରାବାଦ: ଚାଇନିଜ କମ୍ପାନୀ ଓପୋ ଭାରତୀୟ ବଜାରରେ ନିଜର ବଜେଟ୍ ସ୍ମାର୍ଟଫୋନର ଲଞ୍ଚ ତାରିଖ ସମ୍ପର୍କରେ ଘୋଷଣା କରିଛି । ଲଞ୍ଚ ପୂର୍ବରୁ କମ୍ପାନୀ ଏହାର ଡିଜାଇନ ଓ କିଛି ମୁଖ୍ୟ ସ୍ପେଶିଫିକେସନ ସମ୍ପର୍କରେ ମଧ୍ୟ ସୂଚନା ଦେଇଛି । ଏପରିକି ଏହି ସ୍ମାର୍ଟଫୋନଟିର ଦାମ କେତେ ମଧ୍ୟରେ ତାହା ମଧ୍ୟ ଖୁଲାସା ହୋଇଛି । ଏହି ହ୍ୟାଣ୍ଡସେଟ୍ଟି 7000mAh ବଡ଼ ବ୍ୟାଟେରୀ ସହିତ ଆସିବ ଯାହାଦ୍ବାରା ବ୍ୟବହାରକାରୀଙ୍କୁ ବାରମ୍ବାର ନିଜ ମୋବାଇଲକୁ ଚାର୍ଜ କରିବାକୁ ପଡ଼ିବ ନାହିଁ । ଏହି ମୋବାଇଲରେ ଆଉ କଣ ଖାସ ଜାଣିବା ।
Oppo K13: ଭାରତ ଲଞ୍ଚ
- ଆସନ୍ତା ସପ୍ତାହ ଏପ୍ରିଲ 21ରେ ଏହି ଫୋନଟି ଭାରତୀୟ ବଜାରରେ ଲଞ୍ଚ ହେବାକୁ ଯାଉଛି ।
- ଏହି ହ୍ୟାଣ୍ଡସେଟ୍ର ପ୍ରାରମ୍ଭିକ ମୂଲ୍ୟ 20,000 ତଳେ ରହିବ ଓ ଫୋନଟି ବିକ୍ରି ଲାଗି ଦେଶର ପ୍ରମୁଖ ଇ-କମର୍ସ ପ୍ଲାଟଫର୍ମ ଫ୍ଲିପକାର୍ଟରେ ଉପଲବ୍ଧ ହେବ ।
- ଫ୍ଲିପକାର୍ଟ ମାଇକ୍ରୋସାଇଟ୍ ଅନୁସାରେ ଫୋନଟି ପତଳା ଡିଜାଇନର ହେବା ସହିତ କ୍ୟାମେରା ମଡ୍ୟୁଲ ଅର୍ଦ୍ଧ ବର୍ଗାକାର ଓ ବୃତ୍ତାକାର ରହିବ ।
- ଏହା Icy Purple ଓ Prism Black କଲର ଅପସନ ସହିତ ଉପଲବ୍ଧ ହେବ ।
No lags. No heat. No excuses. The #OPPOK13 is here for one thing—flawless gameplay every single time. Launching on 21st April. #LiveUnstoppable #OPphone
— OPPO India (@OPPOIndia) April 14, 2025
Know more: https://t.co/O13McKcGgn pic.twitter.com/bMEB3A7AmZ
Oppo K13: ସମ୍ଭବତଃ ସ୍ପେଶିଫିକେସନ
- ଡିସପ୍ଲେ: ହ୍ୟାଣ୍ଡସେଟ୍ଟି 6.67-ଇଞ୍ଚ AMOLED ଡିସପ୍ଲେ, FHD+ ରିଜୋଲ୍ୟୁସନ, 120Hz ରିଫ୍ରେସ୍ ରେଟ୍, 1200ନିଟ୍ସ ପିକ୍ ବ୍ରାଇଟନେସ୍ ସହ ଆସିବ ବୋଲି କମ୍ପାନୀ ସ୍ପଷ୍ଟ କରିଛି । ଏହା ଇନ-ସ୍କ୍ରିନ ଫିଙ୍ଗରପ୍ରିଣ୍ଟ ସ୍କାନର ସହ ଆସିବ ।
- ପ୍ରୋସେସର: Snapdragon 6 Gen 4
- ମେମୋରୀ: 8GB LPPDR4x RAM ଓ 256GB UFS 3.1 ଷ୍ଟୋରେଜ ସହ ଆସିବ ।
- କ୍ୟାମେରା: ଏହା ଡୁଆଲ କ୍ୟାମେରା ସେଟଅପ୍ ସହ ଆସିବାକୁ ଥିବାବେଳେ 50MP ମେନ୍ ସେନ୍ସର ସହ ଆସିପାରେ ।
- ସଫ୍ଟୱେର: ଆଣ୍ଡ୍ରଏଡ 15 ଆଧାରିତ ColorOS 15 ଦ୍ବାରା ଚାଲିପାରେ ।
- ବ୍ୟାଟେରୀ ଓ ଚାର୍ଜିଂ: 7,000mAh ବ୍ୟାଟେରୀ ଯାହାକି 80ୱାଟ୍ ଚାର୍ଜିଂକୁ ସପୋର୍ଟ କରିବ ।
- ସୁରକ୍ଷା ଫିଚର: ପାଣି ଓ ଧୂଳି ପ୍ରତିବନ୍ଧକ ଲାଗି IP65 ରେଟିଂ ସହ ଆସିପାରେ ।
- ପରିମାପ: 208 ଗ୍ରାମ ଏବଂ ମୋଟେଇ 8.45ମିମି ରହିବ ।
- AI ଫିଚର: ଏଥିରେ ଅନେକ ଏଆଇ ଫିଚର ମଧ୍ୟ ରହିବ ବୋଲି ଆଶା କରାଯାଉଛି ଯେପରିକି AI Summary, ଏଆଇ ଟ୍ରାନ୍ସେଲଟର ଓ ଏଆଇ ରାଇଟର୍ ସହ ଆସିପାରେ । ଏହାସହ ଏଆଇ ଇମେଜର୍ ଯେପରିକି ଏଆଇ ରିଫ୍ଲେକ୍ସେନ ରିମୁଭର୍, ଏଆଇ ଅନବ୍ଲର୍, ଏଆଇ ଇରେଜର୍ ଓ ଏଆଇ କ୍ଲାରିଟି ଏନହାନ୍ସର ସହ ଆସିପାରେ ।
ଦାମ କେତେ ହୋଇପାରେ ?
ଆସନ୍ତା ସୋମବାର ଲଞ୍ଚ ଇଭେଣ୍ଟରେ OPPO K13ର ମୂଲ୍ୟ ଏବଂ ଉପଲବ୍ଧତା ବିଷୟରେ ଆମେ ଆନୁଷ୍ଠାନିକ ବିବରଣୀ ଜାଣିବା । କିନ୍ତୁ ଏହାର ପ୍ରାରମ୍ଭିକ ମୂଲ୍ୟ 20ହଜାର ମଧ୍ୟରେ ରହିପାରେ । ତେବେ କହି ରଖୁଛୁ ଏହାର ପୂର୍ବ ମଡେଲ୍ OPPO K12x ଭାରତରେ 12,999 ଟଙ୍କାରୁ ଆରମ୍ଭ ହୋଇଥିଲା ।
