Meta ଲଞ୍ଚ କଲା Llama 4 AI ମଡେଲ୍‌; GPT-4o ଓ Gemini 2.0 Flashଠୁ ଅଛି ଉନ୍ନତ କାର୍ଯ୍ୟଦକ୍ଷତା

ମେଟା ନୂଆ Llama 4 AI ମଡେଲ୍‌ ଲଞ୍ଚ କରିଛି । କମ୍ପାନୀ ଦାବି କରିଛି ଯେ ଏହା GPT-4o ଓ Gemini 2.0 Flashଠାରୁ ଭଲ କାମ କରିବ । ଅଧିକ ପଢନ୍ତୁ

ହାଇଦ୍ରାବାଦ: ଫେସବୁକ୍, ହ୍ବାଟ୍ସଆପ୍ ଏବଂ ଇନଷ୍ଟାଗ୍ରାମର ପ୍ୟାରେଣ୍ଟ୍ କମ୍ପାନୀ ମେଟା ଲାମା (Llama) ନାମକ ଦୁଇଟି ନୂତନ ଏଆଇ ମଡେଲ୍ Llama 4 Scout ଓ Llama 4 Maverickକୁ ଲଞ୍ଚ କରିଛି । ଏହି ମେଟା ଏଆଇ ମଡେଲଗୁଡିକ ହ୍ବାଟ୍ସଆପ୍, ମେସେଞ୍ଜର ଏବଂ ଇନଷ୍ଟାଗ୍ରାମରେ ବ୍ୟବହାର କରାଯାଇପାରିବ । ଏହି ଦୁଇଟି AI ମଡେଲ୍ ମେଟା କିମ୍ବା ହଗିଂ ଫେସ୍ (Hugging Face)ରୁ ଡାଉନଲୋଡ୍ ହୋଇପାରିବ ।

ମେଟା ଦ୍ବାରା ଲଞ୍ଚ ହୋଇଥିବା ନୂତନ ମଡେଲର ନାମ ହେଉଛି ଲାମା 4 ସ୍କାଉଟ୍‌ (Llama 4 Scout), ଯାହା ଏକ ଛୋଟ ମଡେଲ୍ । ମେଟା ଦ୍ବାରା ଆରମ୍ଭ ହୋଇଥିବା ଦ୍ବିତୀୟ ମଡେଲର ନାମ ହେଉଛି ଲାମା 4 ମାଭେରିକ୍ (Llama 4 Maverick), ଯାହାକି ଜିପିଟି-4o ଏବଂ Gemini 2.0 ଫ୍ଲାସ୍ ଭଳି କାମ କରିଥାଏ ବୋଲି କମ୍ପାନୀ ଦାବି କରିଛି ।

Llama 4 Leading Multimodal Intelligence (Image Credit: Meta)

ଏହି ଦୁଇଟି ମଡେଲ୍‌ ବ୍ୟତୀତ ମେଟା Llama 4 Behemoth ଉପରେ କାମ କରୁଛି, ଯାହାକୁ ମେଟା ସିଇଓ ମାର୍କ ଜୁକରବର୍ଗ "ଦୁନିଆର ସର୍ବାଧିକ ପ୍ରଦର୍ଶନକାରୀ ବେସ୍ ମଡେଲ୍" ବୋଲି କହିଛନ୍ତି । ଏହି ନୂତନ AI ମଡେଲଗୁଡିକ ଲଞ୍ଚ କରି ମେଟା ଉପଭୋକ୍ତାମାନଙ୍କୁ ନୂତନ ଏବଂ ଅତ୍ୟାଧୁନିକ AI ଟେକ୍ନୋଲୋଜି ବ୍ୟବହାର କରିବାର ସୁଯୋଗ ଦେଇଛି, ଯାହା ବିଭିନ୍ନ ପ୍ରୟୋଗରେ କାମ କରିବ । କମ୍ପାନୀ ମଧ୍ୟ ଏହାର ମଡେଲଗୁଡିକର କ୍ରମାଗତ ଭାବରେ ଉନ୍ନତି କରୁଛି ଯାହା ଦ୍ବାରା ଉପଭୋକ୍ତା ଅଭିଜ୍ଞତା ପ୍ରତ୍ୟେକ ଦିନ ସହିତ ଉନ୍ନତି କରିପାରିବ ।

ଅଧିକ ଭଲ ପ୍ରଦର୍ଶନ କରିବ Llama 4 AI ମଡେଲ୍‌

ମେଟାର ଦାବି ଅନୁସାରେ, ଲାମା 4 ସ୍କାଉଟ୍‌ରେ 10 ମିଲିୟନ୍ ଟୋକେନ୍ କନେକ୍ଟେଡ୍‌ ୱିଣ୍ଡୋ ଅଛି, ଯାହା ଏଆଇ ମଡେଲର ୱାର୍କିଂ ମେମୋରୀ ହୋଇଥାଏ । ମେଟା କହିଛି ଯେ ସେମାନଙ୍କର ଏଆଇ ମଡେଲ ଗୁଗଲ୍‌ର Gemma 3 ଏବଂ Gemini 2.0 Flash-Lite ମଡେଲ ସହିତ ଓପନ ସୋର୍ସ Mistral 3.1 ତୁଳନାରେ ଅଧିକ ଭଲ ପ୍ରଦର୍ଶନ କରିଥାଏ । ଏହା ଗୋଟିଏ Nvidia H100 GPUରେ ଫିଟ୍‌ ହୋଇପାରିଥାଏ ।

Llama 4 Scout instruction-tunned benchmarks (Image Credit: Meta)

ମେଟା ଏହାର ଦ୍ବିତୀୟ AI ମଡେଲ୍ Llama 4 Maverick ପାଇଁ ମଧ୍ୟ ଅନେକ ବଡ଼ ଦାବି କରିଛି । କମ୍ପାନୀ କହିଛି ଯେ ସେମାନଙ୍କର ନୂତନ ମଡେଲ OpenAIର GPT-4o ଏବଂ ଗୁଗଲ୍‌ର Gemini 2.0 ଫ୍ଲାସ ଅପେକ୍ଷା ଭଲ ପ୍ରଦର୍ଶନ କରିଥାଏ । କମ୍ପାନୀ ଆହୁରି କହିଛି ଯେ କୋଡିଂ ଏବଂ ରିଜନିଂ ଦୃଷ୍ଟିରୁ ମେଟାର ଏହି ନୂତନ AI ମଡେଲଗୁଡିକର ଫଳାଫଳ DeepSeek-V3 ସହିତ ସମାନ, କିନ୍ତୁ ଏହା ସକ୍ରିୟ ପାରାମିଟରର ଅଧା ଉତ୍ସକୁ ମଧ୍ୟ ବ୍ୟବହାର କରେ ନାହିଁ ।

ସରଳ ଭାଷାରେ କହିବାକୁ ଗଲେ ମେଟାର ଏହି ଦୁଇଟି ନୂତନ AI ମଡେଲ୍ ସର୍ବନିମ୍ନ ଉତ୍ସ ବ୍ୟବହାର କରିବା ପରେ ମଧ୍ୟ ଗୁଗଲ୍ ଏବଂ OpenAIର AI ମଡେଲ ଅପେକ୍ଷା ଭଲ କାମ କରେ । ଏହା ବ୍ୟତୀତ Llama 4 Behemoth ବିଷୟରେ କହିବାକୁ ଗଲେ, ମେଟାର ଏହି ନୂତନ AI ମଡେଲରେ 288 ବିଲିୟନ ସକ୍ରିୟ ପାରାମିଟର ଅଛି ଏବଂ ସମୁଦାୟ 2 ଟ୍ରିଲିୟନ ପାରାମିଟର ଅଛି । ତଥାପି ମେଟା ଏପର୍ଯ୍ୟନ୍ତ ଏହି AI ମଡେଲ୍ ଲଞ୍ଚ କରିନାହିଁ । ମେଟା କହିଛି ଯେ GPT-4.5 ଏବଂ Claude Sonnet 3.7 ଆଦି ପ୍ରତିଯୋଗୀଙ୍କ ତୁଳନାରେ ଏହା ଅନେକ ମାନଦଣ୍ଡରେ ଭଲ ପ୍ରଦର୍ଶନ କରିଥାଏ ଏବଂ ବ୍ୟବହାରକାରୀଙ୍କୁ ଉନ୍ନତ ଫଳାଫଳ ପ୍ରଦାନ କରିଥାଏ ।

Llama 4 Maverick instruction-tunned benchmarks (Image Credit: Meta)

Llama 4 AI: ଉପଲବ୍ଧତା

Llama 4 Scout ଏବଂ Llama 4 Maverick ମଡେଲକୁ llama.com ଏବଂ Hugging Face ମାଧ୍ୟମରେ ଡାଉନଲୋଡ୍ କରିବାକୁ ଉପଲବ୍ଧ । ଏହି ମଡେଲଗୁଡିକ ଆଗାମୀ ଦିନରେ ମେଟା ଅଂଶୀଦାରମାନଙ୍କ ମାଧ୍ୟମରେ ଡାଉନଲୋଡ୍ କରିବାକୁ ଉପଲବ୍ଧ ହେବ । ଲାମା ବର୍ତ୍ତମାନ ହ୍ବାଟ୍ସଆପ୍‌, ମେସେଞ୍ଜର, ଇନଷ୍ଟାଗ୍ରାମ ଡିରେକ୍ଟ ଏବଂ ୱେବରେ ମେଟା ଏଆଇକୁ ଶକ୍ତି ପ୍ରଦାନ କରୁଛି ।

ଏହା ବି ପଢନ୍ତୁ