ହାଇଦ୍ରାବାଦ: ଆମେରିକାର କୋଟିପତି ଜେଫ୍ ବେଜୋସ୍ (Jeff Bezos)ଙ୍କ ସ୍ପେଶଫ୍ଲାଇଟ କମ୍ପାନୀ ବ୍ଲୁ ଅରିଜିନ (Blue origin)ର ମିଶନ NS-31 ସଫଳତାର ଶେଷ ହୋଇ ଇତିହାସ ରଚିଥିବାବେଳେ ଯାହାକୁ ନେଇ ଏବେ ସାରା ବିଶ୍ବରେ ଚର୍ଚ୍ଚା ହେଉଛି । ଏହି ମିଶନ ଅଧୀନରେ ନିଜ ନିଜ କ୍ଷେତ୍ରରେ ସଫଳତା ହାସଲ କରିଥିବା 6 ଜଣ ମହିଳା ମହାକାଶକୁ ଯାତ୍ରା କରିଛନ୍ତି । ଏହି ମହିଳା କ୍ରୁ ମେମ୍ବରଙ୍କ ମଧ୍ୟରେ ଆମେରିକାର ପପ୍ ଗାୟିକା କେଟି ପେରି ମଧ୍ୟ ରହିଛନ୍ତି । ଏପ୍ରିଲ 14 (ସୋମବାର) ଏହି ମହାକାଶ ଯାତ୍ରା ସଫଳ ହୋଇଛି ।
11ମିନିଟ ଧରି ଚାଲିଲା ମିଶନ
ଆମେରିକା ଉଦ୍ୟୋଗପତି ଜେଫ୍ ବେଜୋସ୍ଙ୍କ କମ୍ପାନୀ ବ୍ଲୁ ଅରିଜିନ କମ୍ପାନୀ ସୋମବାର ସନ୍ଧ୍ୟା 7ଟାରେ ୱେଷ୍ଟଟେକ୍ସାସର ଲଞ୍ଚ ସାଇଟ୍ରୁ ଉଡ଼ାଣ ଭରିଥିବାବେଳେ ପ୍ରାୟ 11 ମିନିଟ୍ ପରେ ପୃଥିବୀକୁ ଫେରିଥିଲା । ରକେଟ୍ ପୃଥିବୀଠାରୁ 100କିମି ଉପରକୁ ଯାଇଥିବାବେଳେ ଯିବାଆସିବାକୁ ମିଶାଇ ମୋଟ 212କିମି ଯାତ୍ରା କରିଥିଲା । ଏହି ମିଶନର ସମସ୍ତ କ୍ରୁ ମେମ୍ବର ମହିଳା ଥିବାବେଳେ ନିଜ ନିଜ କ୍ୟାରିଅର କ୍ଷେତ୍ରରେ ବେଶ ସଫଳ ରହିଛନ୍ତି ।
କ୍ରୁ ମେମ୍ବରଙ୍କ ମଧ୍ୟରେ କିଏ ?
ଏହି ମିଶନରେ ମହାକାଶକୁ ଯାତ୍ରା କରିଥିବା କ୍ରୁ ମେମ୍ବରମାନେ ହେଉଛନ୍ତି ପ୍ରସିଦ୍ଧ ପପ୍ ସିଙ୍ଗର କେଟି ପେରି, ପୂର୍ବତନ ନାସା ରକେଟ୍ ବୈଜ୍ଞାନିକ ଆଇଶା ବୋୱେ, ବାୟୋଷ୍ଟ୍ରୋନାଟିକ୍ସ ଅନସୁନ୍ଧାନ ବୈଜ୍ଞାନିକ ଆମଣ୍ଡା ନୱେନ୍, ସିବିସି ସାମ୍ବାଦିକା ଗେଲ୍ କିଙ୍ଗ, ଚଳଚ୍ଚିତ୍ର ପ୍ରଯୋଜକ କେରିଆନ୍ ଫ୍ଲିନ୍ ଓ Emmy ପୁରସ୍କାର ବିଜେତା ସାମ୍ବାଦିକା ଲରେନ୍ ସାଞ୍ଚେସ୍ ସାମିଲ ।
✨ Weightless and limitless. pic.twitter.com/GQgHd0aw7i
— Blue Origin (@blueorigin) April 14, 2025
ମହାକାଶରେ ଗୀତ ଗାଇଲେ କେଟି ପେରି
ମିଶନ ସମୟରେ ପପ୍ ଗାୟିକା କେଟି ପେରି ଲୁଇ ଆର୍ମଷ୍ଟ୍ରଙ୍ଗଙ୍କ 'What a Wonderful World' ଗାଇଥିବା ନେଇ ଟିଭି ଉପସ୍ଥାପିକା ଗେଲ୍ କିଙ୍ଗ ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ ପୃଥିବୀ ଉପରୁ ବହୁତ ସୁନ୍ଦର ନଜର ଆସୁଥିଲା । ମହାକାଶରୁ ପୃଥିବୀକୁ ଫେରିବା ପରେ କେଟି ପେରି ଭାବପ୍ରବଣ ଦେଖାଯାଉଥିଲେ । ମାତୃତ୍ବ ଲାଭ କରିବା ପରେ ଏହା ତାଙ୍କ ଜୀବନର ସବୁଠାରୁ ବିଶେଷ ଅନୁଭୂତି ଥିଲା ବୋଲି ସେ କହିଛନ୍ତି ।
A smooth landing in West Texas.
— Blue Origin (@blueorigin) April 14, 2025
Book your flight on New Shepard: https://t.co/RP3Lixyr4Y pic.twitter.com/xPiu9LMtlH
ବିନା ପାଇଲଟ୍ରେ ମହାକାଶ ଯାତ୍ରା
ଏହି ମିଶନ ବିନା ପାଇଲଟ୍ରେ ମହାକାଶକୁ ଯାତ୍ରା କରିଥିଲା । ଏହା କମ୍ପ୍ୟୁଟର ମାଧ୍ୟମରେ ଚାଲିଥିବାବେଳେ ରକେଟ୍ ବିନା ପାଇଲଟରେ 6 ଜଣ କ୍ରୁ ମେମ୍ବରଙ୍କୁ ନେଇ ମହାକାଶକୁ ଯାଇଥିଲା । କମ୍ପାନୀ ଏକ ବିବୃତ୍ତି ଜାରି କରି କହିଛି ଯେ ଏହି ମିଶନ ମାଧ୍ୟମରେ ବିଭିନ୍ନ କ୍ଷେତ୍ରରେ କାମ କରୁଥିବା ମହିଳାଙ୍କୁ ମହାକାଶ ଅନୁସନ୍ଧାନ କ୍ଷେତ୍ର ପ୍ରତି ଆକୃଷ୍ଟ କରିବା ଓ କ୍ୟାରିଅର ଗଢିବାକୁ ପ୍ରୋତ୍ସାହିତ କରାଯାଉଛି ।
ବ୍ଲୁ ଅରିଜିନ ସମ୍ପର୍କରେ...
ମିଶନ NS-31 ବ୍ଲୁ ଅରିଜିନ୍ର ଏକାଦଶ ମାନବ ସ୍ପେସ୍ ଫ୍ଲାଇଟ୍ ଥିଲା । କହି ରଖୁଛୁ କି କମ୍ପାନୀର ମାଲିକ ତଥା ଆମେରିକୀୟ କୋଟିପତି ଜେଫ୍ ବେଜୋସ୍ ଆମାଜନରୁ ରୋଜଗାର କରିବା ପରେ 2000 ମସିହାରେ ଏହି କମ୍ପାନୀ ଆରମ୍ଭ କରିଥିଲେ । ସେ ନିଜେ 2021 ମସିହାରେ ବ୍ଲୁ ଅରିଜିନ୍ର ପ୍ରଥମ ସ୍ପେଶ୍ ଟୁରିଷ୍ଟ ଫ୍ଲାଇଟ୍ରେ ଅଂଶଗ୍ରହଣ କରିଥିଲେ । ଏଥର ସେ ନିଜର ଭାବିପତ୍ନୀ ତଥା Emmy ପୁରସ୍କାର ବିଜେତା ସାମ୍ବାଦିକା ଲରେନ୍ ସାଞ୍ଚେସ୍ଙ୍କୁ ମହାକାଶ ଯାତ୍ରା କରାଇଛନ୍ତି ।
