ହାଇଦ୍ରାବାଦ: ଇନଫିନିକ୍ସ ଭାରତରେ ଏକ ନୂତନ ସ୍ମାର୍ଟଫୋନ୍ ଲଞ୍ଚ କରିବାକୁ ଯାଉଛି ଯାହାର ନାମ ଇନଫିନିକ୍ସ ନୋଟ୍ 50s 5G ପ୍ଲସ । ଏହି ଫୋନକୁ କମ୍ପାନୀ 18 ଏପ୍ରିଲରେ ଲଞ୍ଚ କରିବାକୁ ଯାଉଛି । ଲଞ୍ଚ ପୂର୍ବରୁ ଏହି ଫୋନର ଅନେକ ସ୍ପେଶିଫିକେସନ ଓ ଫିଚର ସମ୍ପର୍କରେ କମ୍ପାନୀ ଖୁଲାସା କରିଛି । ଏହା 144Hzର ରିଫ୍ରେସ୍ ରେଟ୍ ସହିକତ 6.78 ଇଞ୍ଚର ଡିସପ୍ଲେ ସହ ଆସିବ । ସବୁଠୁ ଖାସ କଥା ହେଉଛି ଏହି ଫୋନର ବ୍ୟାକ୍ ପ୍ୟାନେଲରୁ ସୁଗନ୍ଧ ବାହାରିବ ।
କହି ରଖୁଛୁ କି ଇନଫିନିକ୍ସ ଏହି ସ୍ମାର୍ଟଫୋନ ଲାଇନଅପ୍ରେ ଇନଫିନିକ୍ସ ନୋଟ୍ 50x 5G ନାମକ ଏକ ସ୍ମାର୍ଟଫୋନ ଲଞ୍ଚ କରିସାରିଛି । ବର୍ତ୍ତମାନ କମ୍ପାନୀ ଏହି ଲାଇନଅପ୍ର ଦ୍ବିତୀୟ ଫୋନ 'ଇନଫିନିକ୍ସ ନୋଟ୍ 50s 5G +' ଲଞ୍ଚ କରିବାକୁ ପ୍ରସ୍ତୁତ ହେଉଛି । କମ୍ପାନୀ ଏହି ଫୋନକୁ ଫ୍ଲିପକାର୍ଟରେ ବିକ୍ରୟ ପାଇଁ ଉପଲବ୍ଧ କରାଇବ ।
ପେନସିଲରୁ ପତଳା ହେବ ଫୋନ
ଇନଫିନିକ୍ସ ନୋଟ୍ 50s 5G ପ୍ଲସରେ କମ୍ପାନୀ 6.78 ଇଞ୍ଚ 3D କର୍ଭଡ୍ AMOLED ସ୍କ୍ରିନ୍ ପ୍ରଦାନ କରିବାକୁ ନିଶ୍ଚିତ କରିଛି । ଏହା ବ୍ୟତୀତ ସେଗମେଣ୍ଟରେ ଏହା ପ୍ରଥମ ସ୍ମାର୍ଟଫୋନ ହେବ ଯାହାକି 144Hz ରିଫ୍ରେସ୍ ରେଟ ଡିସପ୍ଲେ ସହିତ ଆସିବ । କମ୍ପାନୀ ଏହି ଫୋନର ଏକ ଫଟୋ ସେୟାର କରିଛି, ଯେଉଁଥିରେ ଫୋନର ମୋଟେଇକୁ ଏକ ପେନସିଲ ସହିତ ତୁଳନା କରାଯାଇଛି । ଏହି ଫଟୋରେ ଦେଖାଯାଇଛି ଯେ ଇନଫିନିକ୍ସ ନୋଟ୍ 50s 5G + ଫୋନ ଏକ ସାଧାରଣ ପେନସିଲଠାରୁ ବି ପତଳା ହେବ ।
ଏହି ଫୋନର ଡିସପ୍ଲେରେ ଏକ 10-ବିଟ୍ ପ୍ୟାନେଲ୍ ବ୍ୟବହୃତ ହୋଇଛି, ଯାହାକି 2340Hz PWM ଡିମିଂ ରେଟ୍ ଏବଂ 100% DCI-P3 ଗଲର ଗେମଟକୁ ସମର୍ଥନ କରେ । ଏହା ବ୍ୟତୀତ ୟୁଜରମାନେ ଏହି ଫୋନର ଡିସପ୍ଲେରେ ଇନ-ଡିସପ୍ଲେ ଫିଙ୍ଗର ପ୍ରିଣ୍ଟ ସେନ୍ସର ଏବଂ ଗରିଲା ଗ୍ଲାସ ସୁରକ୍ଷା ଫିଚର ପାଇବେ । ଏହି ଫୋନର ଡିସପ୍ଲେ ବିଷୟରେ କମ୍ପାନୀ ଦ୍ବାରା ନିଶ୍ଚିତ ହୋଇଥିବା ଫିଚରରୁ ଲାଗୁଛି ଯେ ଫୋନର ଡିସପ୍ଲେ ବହୁତ ଭଲ ହେବ ।
ବ୍ୟାକ୍ ପ୍ୟାନେଲରୁ ବାହାରିବ ସୁଗନ୍ଧ
ଏହି ଫୋନର ପଛ ଭାଗରେ ଭେଗାନ ଲେଦର ବ୍ୟାକ୍ ପ୍ୟାନେଲର ବ୍ୟବହୃତ ହୋଇଛି, ଯାହା ସୁଗନ୍ଧିତ ବୈଷୟିକ ଜ୍ଞାନକୌଶଳ (Energising scent tech) ସହିତ ଆସିଥାଏ । ଏହି ଟେକ୍ନୋଲୋଜି ଯୋଗୁଁ ଫୋନରେ ମାଇକ୍ରୋ କ୍ୟାପସୁଲେସନ୍ ଟେକ୍ନୋଲୋଜି ବ୍ୟବହାର ହେବ, ଯାହା ଦୀର୍ଘସ୍ଥାୟୀ ସୁଗନ୍ଧ ଆଣିବ । ଏହା କେବଳ Marine Drift ସେଡ୍ ପର୍ଯ୍ୟନ୍ତ ସୀମିତ ରହିବ ।
