ଅପଡେଟେଡ୍‌ Skoda Kodiaq କାର ଲଞ୍ଚ୍‌; କଣ ମିଳିଲା ନୂଆ ଫିଚର୍ସ ଜାଣନ୍ତୁ

ସ୍କୋଡା ଭାରତୀୟ ବଜାରରେ ବର୍ଷ 2025 ପାଇଁ ଅପଡେଟେଡ୍‌ Skoda Kodiaq କାରକୁ ଲଞ୍ଚ କରିଛି । ଏହାର ଦାମ କେତେ ଓ କଣ ନୂଆ ଫିଚର ମିଳିଛି ଜାଣନ୍ତୁ....

ହାଇଦ୍ରାବାଦ: ସ୍କୋଡା ଭାରତରେ ଦ୍ବିତୀୟ ପିଢିର Skoda Kodiaq ଏସୟୁଭି ଲଞ୍ଚ କରିଛି । ଏହି ଫ୍ଲାଗସିପ୍ ଏସୟୁଭି ପ୍ରଥମେ ଦିଲ୍ଲୀର ଭାରତ ମୋବିଲିଟି ଗ୍ଲୋବାଲ୍ ଏକ୍ସପୋ 2025ରେ ପ୍ରଦର୍ଶିତ ହୋଇଥିଲା । ଏହା ଦୁଇଟି ଭାରିଏଣ୍ଟ Sportline ଓ Laurin & Klementରେ ଉପଲବ୍ଧ ହୋଇଥିବାବେଳେ ଏକ ନୂଆ ଡିଜାଇନ୍, ପ୍ରିମିୟମ୍ ଫିଚର ଏବଂ କାର୍ଯ୍ୟଦକ୍ଷତା ସହ ଆସିଛି । ପ୍ରିମିୟମ୍ ଏସୟୁଭି 2017ରେ 7 ସିଟ୍ ବିଶିଷ୍ଟ 4x4 ଯାନ ଭାବରେ ଭାରତୀୟ ଡେବ୍ୟୁ କରିଥିଲା ।

2025 Skoda Kodiaq: ମୂଲ୍ୟ ଓ ଉପଲବ୍ଧତା

ନୂତନ କୋଡିଆକ୍‌ର ସ୍ପୋର୍ଟଲାଇନ୍ ଭାରିଏଣ୍ଟର ମୂଲ୍ୟ 46.89 ଲକ୍ଷ (ଏକ୍ସ-ଶୋରୁମ୍) ଥିବାବେଳେ ଲରିନ୍ ଆଣ୍ଡ କ୍ଲେମେଣ୍ଟ ଭାରିଏଣ୍ଟର ମୂଲ୍ୟ 48.69 ଲକ୍ଷ (ଏକ୍ସ-ଶୋରୁମ୍) ରହିଛି । ଏହା 7ଟି ଭିନ୍ନ ରଙ୍ଗରେ ଉପଲବ୍ଧ ହୋଇଛି ସେଗୁଡ଼ିକ ହେଉଛି: Bronx Gold, Steel Grey, Magic Black, Graphite Grey, Velvet Red, Race Blue ଓ Moon White । 2025 ସ୍କୋଡା କୋଡିଆକ୍ ପାଇଁ ବୁକିଂ ଆରମ୍ଭ ହୋଇଥିବାବେଳେ ଆଗ୍ରହୀ ଗ୍ରାହକ କମ୍ପାନୀର ଅଫିସିଆଲ୍ ୱେବସାଇଟ୍ ମାଧ୍ୟମରେ 50,000 ଟଙ୍କା ଟୋକେନ୍ ଦେଇ ଅନଲାଇନରେ ବୁକିଂ କରିପାରିବେ । ନୂତନ କୋଡିଆକ୍‌ର ବିତରଣ ଆସନ୍ତା ମେ 2 ତାରିଖରୁ ଆରମ୍ଭ ହେବ ।

2025 Skoda Kodiaq: କାହାକୁ ଦେବ ଟକ୍କର ?

ଭାରତୀୟ ବଜାରରେ ଏହି ଅପଡେଟେଡ୍‌ କାରଟି ଟୟୋଟା ଫର୍ଚୁନ୍, ଜିପ୍ ମେରିଡିଆନ୍, ଏମଜି ଗ୍ଲୋଷ୍ଟର, ହୁଣ୍ଡାଇ ଟୁକସନ, ଅଡି Q3 ଏବଂ ଭୋଲ୍ସୱେଗେନ ଟିଗୁଆନ R-ଲାଇନ ସହିତ ପ୍ରତିଦ୍ବନ୍ଦ୍ବିତା କରିବ ।

2025 Skoda Kodiaq: କଣ ନୂଆ ?

ପୂର୍ବ ମଡେଲ ଅପେକ୍ଷା ଅପଡେଟେଡ୍‌ ମଡେଲରେ ଏକ ସାର୍ପ ଡିଜାଇନ ସହ ଆସିଛି । ଏହି SUVର ଲମ୍ବ 4758ମିମି ରହିଛି ଯାହାକି ପୂର୍ବ ମଡେଲ ଅପେକ୍ଷା 61ମିମି ବଡ଼ । ଏହାର ମୋଟେଇ 1864ମିମି ସହ 18ମିମି ବଡ଼ ହୋଇଥିବାବେଳେ ଉଚ୍ଚତା 1659ମିମି ରହିଛି । ଉଚ୍ଚତାରେ 20ମିମି ବୃଦ୍ଧି କରାଯାଇଛି । ଅପଡେଟେଡ୍‌ ମଡେଲର ହ୍ବିଲବେସ୍‌କୁ ଅପରିବର୍ତ୍ତିତ ରଖାଯାଇଛି, ଯାହାକି 2791ମିମି ରହିଛି ।

ନୂତନ SUVର ଉଭୟ ଭିତର ଓ ବାହାର ପାର୍ଶ୍ବରେ ଅନେକ ପରିବର୍ତ୍ତନ କରାଯାଇଛି । 2025 ସ୍କୋଡା କୋଡିଆକ୍‌ର ଏକ୍ସଟିରିଅର ବର୍ତ୍ତମାନ ନୂତନ ବମ୍ପର ଏବଂ ହେଡଲାଇଟ୍ ଡିଜାଇନ୍ ସହିତ ଆସିଛି । ସାଇଡ୍‌ରେ ସ୍ପୋର୍ଟସ୍ 18-ଇଞ୍ଚର ଏରୋ-ଷ୍ଟାଇଲ୍ ଆଲଏ ଚକ ଏବଂ ପଛରେ ଏହାର ଏକ ନୂଆ ଯୋଡି ଟେଲଲାଇଟ୍ ଦିଆଯାଇଛି ।

The all-new #SkodaKodiaq is here! A perfect mix of 4x4 luxury, sporty elegance, off-road prowess, and seven-seat versatility. Book yours today – deliveries start on May 2, 2025.

Click here to book now - https://t.co/JaLMuhLpVS #SkodaIndiaNewEra #SkodaIndia #LetsExplore pic.twitter.com/zv1e8I16An

— Škoda India (@SkodaIndia) April 17, 2025

ଏହାରି ଭିତର ବା ଇଣ୍ଟିରିଅର ଡିଜାଇନ ସମ୍ପର୍କରେ କହିଲେ 2025 ସ୍କୋଡା କୋଡିଆକ୍, ଡ୍ୟାସବୋର୍ଡରେ 13-ଇଞ୍ଚର ଇନଫୋଟେନମେଣ୍ଟ ଡିସପ୍ଲେ, 10.25-ଇଞ୍ଚର ଡିଜିଟାଲ୍ ଇନଷ୍ଟ୍ରୁମେଣ୍ଟ୍ ଡିସପ୍ଲେ, HUD (ହେଡସ୍ ଅପ୍ ଡିସପ୍ଲେ), ଇନଫୋଟେନମେଣ୍ଟ ସ୍କ୍ରିନ ତଳେ 3ଟି ଘୂର୍ଣ୍ଣନ ନବ୍‌ ସହିତ ସ୍ମାର୍ଟ ଡାଏଲ୍ ସେଟଅପ୍ ରହିଛି ।

2025 Skoda Kodiaq: ସ୍ପେଶିଫିକେସନ

ଅପଡେଟେଡ୍‌ କୋଡିଆକ୍‌ରେ 2.0 ଲିଟର 4ଟି ସିଲିଣ୍ଡର, TSI ପେଟ୍ରୋଲ୍ ଇଞ୍ଜିନ୍ ରହିଛି ଯାହା 201 bhpର ଶକ୍ତି ଉତ୍ପାଦନ ଏବଂ ସର୍ବାଧିକ 320 ନ୍ୟୁଟନ ମିଟର ଟର୍କ ଉତ୍ପାଦନ କରେ । ଏହା ପୂର୍ବ ପିଢି ଅପେକ୍ଷା 14 bhp ଅଧିକ ଶକ୍ତି ଉତ୍ପାଦନ କରେ । ଇଞ୍ଜିନ୍ 7-ସ୍ପିଡ୍ DCT ଅଟୋମେଟିକ୍‌ ଟ୍ରାନ୍ସମିସନ୍ ସହିତ ଆସିଥିବାବେଳେ ଏଥିରେ 4x4 ପାୱାର୍ ଟ୍ରେନ୍ ସିଷ୍ଟମ୍ ଅଛି । ଏହାସହ ନୂତନ କୋଡିଆକ୍‌ର ମାଇଲେଜ ଲିଟର ପିଛା 14.86 କିଲୋମିଟର ରହିଛି ।

2025 Skoda Kodiaq: ଫିଚର

• ଆପଲ୍‌ କାରପ୍ଲେ
• ଆଣ୍ଡ୍ରଏଡ ଅଟୋ
• 14-ସ୍ପିକର କ୍ୟାଣ୍ଟନ ଅଡିଓ ସିଷ୍ଟମ
• ଆମ୍ବିଏଣ୍ଟ ଲାଇଟିଂ
• ଆଗ ସିଟ୍‌ରେ ହିଟିଂ ଓ କୁଲିଂ ସୁବିଧା
• ପେନାରୋମିକ୍‌ ସନରୁଫ୍‌
• ୱେୟାରଲେସ୍‌ ଚାର୍ଜିଂ
• ଏକାଧିକ USB ଟାଇପ-ସି ପୋର୍ଟ

ଏହା ବି ପଢନ୍ତୁ