ଦେବ ଦମ୍ପତିଙ୍କ ଯୁଗଳ ଦର୍ଶନ ଶୋଭାଯାତ୍ରା, ଆଜି ମନ୍ଦିର ଫେରିବେ ହର ପାର୍ବତୀ

ଶୀତଳଷଷ୍ଠୀର ଯୁଗଳ ଦର୍ଶନ ଶୋଭାଯାତ୍ରାରେ ନଗର ପରିକ୍ରମା କରି ଭକ୍ତଙ୍କୁ ଦର୍ଶନ ଦେଲେ ଦେବ ଦମ୍ପତି ।

ସମ୍ବଲପୁର: ବାଜା,ବାଣ ଓ ଲୋକନୃତ୍ୟରେ ଦୁଲୁକୁଛି ସମ୍ବଲପୁର । ଶୀତଳଷଷ୍ଠୀର ଯୁଗଳ ଦର୍ଶନ ଶୋଭାଯାତ୍ରାରେ ସାମିଲ ହେଲେ ହଜାର ହଜାର ଭକ୍ତ । ବିବାହ ବନ୍ଧନରେ ବାନ୍ଧି ହେବା ପରେ ନଗର ପରିକ୍ରମା କରୁଛନ୍ତି ଦେବ ଦେବ ମହାଦେବ ଓ ମାତା ପାର୍ବତୀ । ମନ ମୋହୁଛି ଲୋକନୃତ୍ୟ, ରାତିସାରା ଚାଲିଲା ଯୁଗଳ ମୂର୍ତ୍ତି ଦର୍ଶନ ଶୋଭାଯାତ୍ରା । ଘଣ୍ଟ, ଘଣ୍ଟା, ମର୍ଦଲ ଆଦି ପାରମ୍ପରିକ ବାଦ୍ୟର ଧ୍ୱନି ଆଧ୍ୟାତ୍ମିକ ପରିବେଶ ସୃଷ୍ଟି କରିଥିଲା । 6ଦିନ ଧରି ଶିବ-ପାର୍ବତୀଙ୍କ ବିବାହ ରିତିନୀତି ଚାଲିବା ପରେ ଆଜି ମନ୍ଦିର ପ୍ରବେଶ ପରେ ଶେଷ ହେବ ଯାତ୍ରା ।

ସନ୍ଧ୍ୟାରେ ମନ୍ଦିର ପ୍ରବେଶ କରବେ ଦେବ ଦମ୍ପତି:

ରବିବାର ସକାଳେ ସମ୍ବଲପୁର ଶୀତଳଷଷ୍ଠୀ ଯାତ୍ରାର ଦେବ ଦମ୍ପତିଙ୍କ ବିବାହ ସମ୍ପନ୍ନ ହୋଇଥିବା ବେଳେ, ରାତି 12 ଟା ପରେ ନବ ବିବାହିତ ଦମ୍ପତିଙ୍କ ଯୁଗଳ ମୂର୍ତ୍ତିଙ୍କ ମହାଆଳତି ପରେ ବାହାରି ଥିଲା ଯୁଗଳ ଦର୍ଶନ ଶୋଭାଯାତ୍ରା । ଆଜି ସକାଳ 5ଟାରେ ଶୋଭାଯାତ୍ରା ଶେଷ ହୋଇଥିଲା । ପୁଣି ଦିବା 10 ଟା ପରଠୁ ଯୁଗଳ ଦର୍ଶନ ଶୋଭାଯାତ୍ରା ଆରମ୍ଭ ହୋଇ ସନ୍ଧ୍ୟାରେ ମନ୍ଦିର ପ୍ରବେଶ କରିବେ ଦେବ ଦମ୍ପତି । ଏହାପରେ ଶୀତଳ ଷଷ୍ଠୀ ସମାପନ ହେବ ।

Jugal Darshan (ETV BHARAT ODISHA)

ରାତିସାରା ଯୁବଳ ମୂର୍ତ୍ତି ଦର୍ଶନ ଶୋଭାଯାତ୍ରା:

ଦେବ ଦମ୍ପତିଙ୍କ ଯୁଗଳ ଦର୍ଶନ ଶୋଭାଯାତ୍ରା (ETV BHARAT ODISHA)

ସମ୍ବଲପୁରର ପ୍ରମୁଖ ଶୀତଳଷଷ୍ଠୀ ଯାତ୍ରା ନନ୍ଦପଡାର ବମ ବରାଡ଼ ବାଲୁଙ୍କେଶ୍ୱର ବାବା, ଝାଡୁଆପଡାର ଲୋକନାଥ ବାବା, ମୁଦିପଡାର ଜାଗେଶ୍ୱର, ବଡ଼ବାଜାର ଶୀତଳେଶ୍ୱର ବାବା, ଠାକୁରପଡାର ଗୁପ୍ତେଶ୍ୱର ବାବା, ଦୁର୍ଗାପାଲିର ଗୁଡ଼େଶ୍ୱର ବାବା, ଶଙ୍କର ମଠର ସ୍ଵପ୍ନେଶ୍ଵର ବାବା ଶୀତଳଷଷ୍ଠୀ ଯାତ୍ରାର ଯୁଗଲ ଦର୍ଶନ ଶୋଭାଯାତ୍ରା ବାହାରି ଥିଲା l ଶୋଭଯାତ୍ରାରେ ସାମିଲ ହୋଇଥିଲେ ହଜାର ହଜାର ଲୋକ କଳାକାର ଓ ଆଧୁନିକ କଳାକାର l ଏହାକୁ ମନଭରି ଉପଭୋଗ କରିଥିଲେ ସ୍ଥାନୀୟ ଲୋକେ l ଅପର ପକ୍ଷରେ ଘଣ୍ଟ, ଘଣ୍ଟା, ମର୍ଦଲ ଆଦି ପାରମ୍ପରିକ ବାଦ୍ୟ ର ଧ୍ୱନି ଆଧ୍ୟାତ୍ମିକ ପରିବେଶ ସୃଷ୍ଟି କରିଥିଲା l ଏହି ଯୁଗଲ ଦର୍ଶନ ଶୋଭାଯାତ୍ରା ରବିବାର ରାତି 12ଟାରୁ ବାହାରି ସକାଳ 5 ଟା ଯାଏଁ ଚାଲିଥିଲା l

Sambalpur Sitala Sasthi 2025 Shiv Parvati Jugal Darshan Shobha Yatra (ETV BHARAT ODISHA)

ଏହା ମଧ୍ୟ ପଢନ୍ତୁ-ଅର୍ଦ୍ଧନାରୀଶ୍ୱର ଏବଂ କିନ୍ନର, ସମ୍ବଲପୁର ଶୀତଳଷଷ୍ଠୀର ଅନନ୍ୟ ପରମ୍ପରା - TRANSGENDERS SAMBALPUR SITAL SASTHI
ଇଟିଭି ଭାରତ, ସମ୍ବଲପୁର