Police DGP review in Sambalpur: ସମ୍ବଲପୁର: ‘ଓଡିଶାରେ କିମିଛି ମାଓ ଗିତିବିଧି । ଏବେ 7ଟି ଜିଲ୍ଲାରେ ମାଓବାଦୀ ଗତିବିଧି ସୀମିତି ରହିଛି ।’ ସମ୍ବଲପୁର ଗସ୍ତରେ ଆସି ଏହି ସୂଚନା ଦେଇଛନ୍ତି ପୋଲିସ ଡିଜିପି ଯୋଗେଶ ବାହାଦୂର ଖୁରାନିଆ । ଆଗକୁ ରାମ ନବମୀ ଓ ହନୁମାନ ଜୟନ୍ତରୀ ଥିବା ବେଳେ ଆଇନ ଶୃଙ୍ଖଳା ପରିସ୍ଥିତି ସମୀକ୍ଷା କରିଛନ୍ତି ଡିଜିପି ।
ଓଡ଼ିଶାରେ କିମିଛି ମାଓ ଗତିବିଧି:
ଓଡ଼ିଶାରେ ଏବେ ମାଓ ଗତିବିଧି ହ୍ରାସ ପାଇଛି l ଏବେ 7ଟି ଜିଲ୍ଲାରେ ମାଓବାଦୀ ଗତିବିଧି ସୀମିତି ରହିଛି l 31 ମାର୍ଚ୍ଚ 2026 ମଧ୍ୟରେ ମାଓବାଦୀ ଗତିବିଧି ସମ୍ପୂର୍ଣ୍ଣ ସମାପ୍ତ କରିବା ପାଇଁ ଗୃହମନ୍ତ୍ରୀ ଆହ୍ୱାନ ଦେଇଛନ୍ତି, ତାକୁ ଦୃଷ୍ଟିରେ ରଖି ଓଡିଶା ପୋଲିସ କାର୍ଯ୍ୟ କରୁଛି ପୋଲିସ ଡିଜି କହିଛନ୍ତି ।
ସମ୍ବଲପୁର ଗସ୍ତରେ ଡିଜିପି:
ଆଜି ସମ୍ବଲପୁରର ଦିନିକିଆ ଗସ୍ତରେ ଆସିଛନ୍ତି ପୋଲିସ ଡିଜିପି ଯୋଗେଶ ବାହାଦୁର ଖୁରାନିଆ l ଆଜି ସକାଳୁ ସେ ପ୍ରଥମେ ଅଧିଷ୍ଠାତ୍ରୀ ଦେବୀ ମା’ ସମଲେଶ୍ୱରୀ ମନ୍ଦିରକୁ ଯାଇ ମା’ଙ୍କ ଦର୍ଶନ କରି ସାରିବା ପରେ ଉତ୍ତରାଞ୍ଚଳ ଆଇଜିଙ୍କ କାର୍ଯ୍ୟାଳୟରେ ଆୟୋଜିତ ହୋଇଥିବା ଆରକ୍ଷୀ ମହାନିର୍ଦେଶକ ପଦକ (ଡିଜିପି ଡିସ୍କ ) ପ୍ରଦାନ ଉତ୍ସବ ଯୋଗଦେଇଥିଲେ l
7 ପୋଲିସ ପାଇଲେ ଡିଜିପି ଡିସ୍କ:
ଉତ୍ତରାଞ୍ଚଳ ଆଇଜିଙ୍କ କାର୍ଯ୍ୟାଳୟରେ ଆୟୋଜିତ ହୋଇଥିଲା ଆରକ୍ଷୀ ମହାନିର୍ଦେଶକ ପଦକ (ଡିଜିପି ଡିସ୍କ) ପ୍ରଦାନ ଉତ୍ସବ । ଏଥିରେ ପୋଲିସ ଡିଜିପି ଯୋଗ ଦେଇ 7 ଜଣ ପୋଲିସ କର୍ମଚାରୀଙ୍କୁ ଡିଜିପି ଡିସ୍କ ପ୍ରଦାନ କରିଥିଲେ ।
ଏହି ଅବସରରେ ଡିଜିପି ଯୋଗେଶ ବାହାଦୂର ଖୁରାନିଆ କହିଥିଲେ, ‘ଓଡ଼ିଶାରେ ଏବେ ମାଓ ଗତିବିଧି ହ୍ରାସ ପାଇଛି l ଏବେ 7ଟି ଜିଲ୍ଲାରେ ମାଓବାଦୀ ଗତିବିଧି ସୀମିତି ରହିଛି l 31 ମାର୍ଚ୍ଚ 2026 ମଧ୍ୟରେ ମାଓବାଦୀ ଗତିବିଧି ସମ୍ପୂର୍ଣ୍ଣ ସମାପ୍ତ କରିବା ପାଇଁ ଗୃହ ମନ୍ତ୍ରୀ ଆହ୍ୱାନ ଦେଇଛନ୍ତି, ତାକୁ ଦୃଷ୍ଟି ରେ ରଖି ଓଡିଶା ପୋଲିସ କାର୍ଯ୍ୟ କରୁଛି l ଏବେ ଉତ୍ତରଞ୍ଚଳ ରେଞ୍ଜର ଗୋଟିଏ ଜିଲ୍ଲାରେ ମାଓବାଦୀ ଦମନ ପାଇଁ ପ୍ରୟାସ ଜାରି ରହିଛି l’
ଜାରି ରହିଛି ମାଓ ଅପରେସନ:
ଡିଜିପି ଯୋଗେଶ ବାହାଦୂର ଖୁରାନିଆ ଆହୁରି କହିଛନ୍ତି, ‘ଛତିଶଗଡ ଓ ଆନ୍ଧ୍ର ପ୍ରଦେଶ ସଂଲଗ୍ନ ଜିଲ୍ଲାରେ ଜୋରଦାର କମ୍ବିଂ ଅପରେସନ ଚାଲିଛି l ନୂଆପଡା ଜିଲ୍ଲାର ଗରିଆଖମନ ରେ ହୋଇଥିବା ବଡ଼ କମ୍ବିଂ ଅପରେସନରେ କିଛି ମାଓବାଦୀଙ୍କୁ ନିପାତ କରାଯାଇଥିଲା l ଆଉ ଏବେ ମଧ୍ୟ ଅପରେସନ ଜାରି ରହିଛି l ଯେଉଁ ଯେଉଁ ଜିଲ୍ଲାରେ ମାଓବାଦୀ ସକ୍ରିୟ ରହିଛନ୍ତି ସବୁ ଜାଗାରେ ଆମର ଗୁଇନ୍ଦା କାମ କରୁଛି l’
ଆଇନଶୃଙ୍ଖଳା ପରିସ୍ଥିତି ନେଇ ଆଲୋଚନା (DGP REVIEW LAW AND ORDER SITUATION) :
ମାଓବାଦୀଙ୍କୁ ଡିଜିପି ଆହ୍ୱାନ କରିଛନ୍ତି ଯେ ହିଂସା ଛାଡି ସମାଜର ମୁଖ୍ୟସ୍ରୋତରେ ସାମିଲ ହୋଇ ଓଡିଶାକୁ ଆଗେଇବାକୁ ସହଯୋଗ କରନ୍ତୁ l ଆଜି ସମ୍ବଲପୁର ଉତ୍ତରାଞ୍ଚଳ ଆଇଜିଙ୍କ ରେଞ୍ଜର ସମସ୍ତ ଏସପିଙ୍କ ସହ ଆଇନ ଶୃଙ୍ଖଳା ପରିସ୍ଥିତି ନେଇ ଆଲୋଚନା କରିଥିଲେ l ଏହା ସହ ସମ୍ବଲପୁରରେ ହେବାକୁ ଥିବା ହନୁମାନ ଜୟନ୍ତୀରେ ଆଇନ ଶୃଙ୍ଖଳା ବିଷୟ ନେଇ ମଧ୍ୟ ଗୁରୁତ୍ୱପୂର୍ଣ୍ଣ ଆଲୋଚନା କରିଛନ୍ତି l
ଇଟିଭି ଭାରତ, ସମ୍ବଲପୁର
