Mohan Majhi Keonjhar visit କେନ୍ଦୁଝର: ଆଜି ମୁଖ୍ୟମନ୍ତ୍ରୀ ମୋହନ ମାଝୀଙ୍କ କେନ୍ଦୁଝର ଗ୍ରସ୍ତ । ରାଜ୍ୟର ଲୋକପ୍ରିୟ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କେନ୍ଦୁଝର ଜିଲ୍ଲାକୁ ୨ ଦିନିଆ ଗସ୍ତରେ ଆସୁଛନ୍ତି । ଆଜି (ଗୁରୁବାର) ସକାଳେ ଭୁବନେଶ୍ୱରରୁ ହେଲିକେପ୍ଟର ଯୋଗେ ଆସି କେନ୍ଦୁଝର ପୁଲିସ ପଡିଆରେ ୯ଟା ୩୦ ମିନିଟ୍ ସମୟରେ ଅବତରଣ କରିଛନ୍ତି ।
କେନ୍ଦୁଝରରେ ପହଞ୍ଚିଲେ ମୁଖ୍ୟମନ୍ତ୍ରୀ-
କେନ୍ଦୁଝରରେ ପହଞ୍ଚିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ପ୍ରଥମେ 39ତମ ଜାତୀୟ ବାଳକ ସବ୍-ଜୁନିୟର୍ ହାଣ୍ଡବଲ୍ ଚାମ୍ପିଅନସିପ୍ରେ ଯୋଗଦେବେ । ପରେ କାଳୀ ପଡ଼ିଆରେ ରାଜ୍ୟସ୍ତରୀୟ 114କୁଣ୍ଡିୟ ବିଶ୍ଵଶାନ୍ତି ମହାଯଜ୍ଞରେ ଯୋଗଦେବେ । ପରେ ବିଭିନ୍ନ କାର୍ଯ୍ୟକ୍ରମରେ ହେବେ ସାମିଲ ।
କେନ୍ଦୁଝରଠାରେ ଆୟୋଜିତ ୩୯ତମ ଜାତୀୟ ସବ୍ ଜୁନିୟର ହ୍ୟାଣ୍ଡବଲ୍ ପ୍ରତିଯୋଗିତାର ତୃତୀୟ ଦିବସରେ ଯୋଗ ଦେଇ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ @MohanMOdisha ସମସ୍ତଙ୍କୁ ଉତ୍ସାହିତ କରିଛନ୍ତି। ୨୪ଟି ରାଜ୍ୟର ୪୩୨ ଜଣ ଖେଳାଳିଙ୍କ ସହ ୧୫୦ ଜଣ ଅଧିକାରୀଙ୍କୁ ନେଇ ଏହି ପ୍ରତିଯୋଗିତା ଅନୁଷ୍ଠିତ ହେଉଛି। pic.twitter.com/c07OT9AJ95
— CMO Odisha (@CMO_Odisha) April 10, 2025
ସବ୍ ଜୁନିୟର ବାଳକ ଜାତୀୟ ହ୍ୟାଣ୍ଡବଲ ଚାମ୍ପିଅନସିପ୍ କାର୍ଯ୍ୟକ୍ରମରେ ସାମିଲ:
୩୯ ତମ ସବ୍ ଜୁନିୟର ବାଳକ ଜାତୀୟ ହ୍ୟାଣ୍ଡବଲ ଚାମ୍ପିଅନସିପ୍ କାର୍ଯ୍ୟକ୍ରମରେ ସାମିଲ ହୋଇଥିଲେ । ଏହାପରେ କାଳୀତୀର୍ଥ ପଡିଆରେ ଆୟୋଜିତ ସନାତନ ଧର୍ମ ସମ୍ମିଳନୀ ୧୧୪ କୁଣ୍ଡିଅ ମହାଯଜ୍ଞରେ ଉପସ୍ଥିତ ରହିବେ । ପରେ ସଦର ବ୍ଳକର ବୀରକିଶୋରପୁର ନୋଡାଲ ହାଇସ୍କୁଲର ସୁବର୍ଣ୍ଣ ଜୟନ୍ତୀ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଯୋଗ ଦେବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।
Odisha CM Public Events:
କେନ୍ଦୁଝର ଗସ୍ତରେ ମୁଖ୍ୟମନ୍ତ୍ରୀ-
- ଜାତୀୟ ବାଳକ ସବ୍-ଜୁନିୟର୍ ହାଣ୍ଡବଲ୍ ଚାମ୍ପିଅନସିପ୍ ଯୋଗ ଦେବେ
- ରାଜ୍ୟସ୍ତରୀୟ ବିଶ୍ଵଶାନ୍ତି ମହାଯଜ୍ଞରେ ଯୋଗ ଦେବେ
- ଅନ୍ୟ କାର୍ଯ୍ୟକ୍ରମରେ ଯୋଗ ଦେବେ
ହାଣ୍ଡବଲ୍ ଖେଳକୁ ଅଧିକ ପ୍ରୋତ୍ସାହନ ପ୍ରଦାନ କରାଯିବ- ମୁଖ୍ୟମନ୍ତ୍ରୀ
ଆଜି କେନ୍ଦୁଝର ଜିଲ୍ଲା ଗସ୍ତରେ ଆସୁଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝି । ମୁଖ୍ୟମନ୍ତ୍ରୀ ଭୁବନେଶ୍ୱର ଠାରୁ ହେଲିକ୍ୟାପଟର ଯୋଗେ ଆସି ଦିନ ୧୦.୪୦ ଟା ମିନିଟ ସମୟରେ ରିଜର୍ଭ ପୋଲିସ ଗ୍ରାଉଣ୍ଡ ଠାରେ ପହଞ୍ଚି ସେଠାରୁ ସିଧା ସର୍କିଟ ହାଉସ ଯାଇ ବିଶ୍ରାମ ନେଇଥିଲେ । ଏହା ପରେ ଦିନ ୧୧ ଟା ସମୟରେ ହ୍ୟାଣ୍ଡବଲ ଷ୍ଟାଡିୟମ ଯାଇ ସେଠାରେ ଚାଲିଥିବା ୩୯ ତମ ସବ ଜୁନିୟର ବଏଜ ହ୍ୟାଣ୍ଡବଲ ଚମ୍ପିୟାନସିପରେ ଯୋଗ ଦେଇଥିଲେ । ତାଙ୍କ ସହ ପାଟଣା ବିଧାୟକ ଡାକ୍ତର ଫକିର ମୋହନ ନାଏକ ଉପସ୍ଥିତ ଥିଲେ ।
ମୁଖ୍ୟମନ୍ତ୍ରୀଙ୍କୁ ଏଠାରେ ଭବ୍ୟ ସ୍ଵାଗତ ସମ୍ବର୍ଦ୍ଧନା ଦିଆଯାଇଥିଲା । 'ଜୟ ଜଗନ୍ନାଥ' 'ଜୟ ମା' ତାରିଣୀ' କହି ଖେଳାଳିଙ୍କୁ ସମ୍ବୋଧନ କରିଥିଲେ ମୁଖ୍ୟମନ୍ତ୍ରୀ । ପରେ ପରେ ହିନ୍ଦିରେ ମଧ୍ୟ ଖେଳାଳୀ ମାନଙ୍କୁ ଅଭିଭାଷଣ ଓ ଶୁଭେଛା ଜଣାଇଥିଲେ ।
"ହ୍ୟାଣ୍ଡବଲ ଖେଳ ପାଇଁ କେନ୍ଦୁଝର ପ୍ରସିଦ୍ଧ ଓ ୧୯୮୦ ରେ ପ୍ରଥମେ ଏଠାରେ ନ୍ୟାସନାଲ ଜୁନିୟର ହ୍ୟାଣ୍ଡବଲ ପ୍ରତିଯୋଗୀତା ହେଇଥିଲା । ଦୀର୍ଘ ୪୫ ବର୍ଷ ପରେ ପୁଣି ଆଜି ଏଠାରେ ଜାତୀୟ ପ୍ରତିଯୋଗିତାର ସୌଭାଗ୍ୟ ମିଳିଛି । ହ୍ୟାଣ୍ଡବଲ ଖେଳ ଆଜି ସମସ୍ତଙ୍କୁ ଏକାଠି କରି ପାରିଛି । ଏହି ଖେଳର ମୂଲ୍ୟବୋଧକୁ ବୁଝି ଆଗକୁ ବଢ଼ାବାକୁ ପଡିବ । ଏ ସରକାର କ୍ରୀଡାକୁ ପ୍ରାଧାନ୍ୟ ଦେଉଛି । କ୍ରୀଡାକୁ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ଭାବରେ ଗଢ଼ି ତୋଳିବାକୁ ପ୍ରତି ବ୍ଳକରେ ଖେଳକୁ ଗୁରୁତ୍ଵ ଦିଆଯାଉଛି," ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଥିଲେ।
"ପ୍ରତି ବ୍ଲକରେ ଖେଳ ପଡିଆ ଓ ପଞ୍ଚାୟତରେ ମିନି ଷ୍ଟାଡିୟମରେ ହେବ ଓ ଗୋଟିଏ ଗୋଟିଏ ଇନଡୋର ଷ୍ଟାଡିୟମ ମଧ୍ୟ ହେବ । ୧୪ ଟି ଇନଡୋର ସୁଇମିଂ ପୁଲ, ତୀରନ୍ଦାଜ ଉନ୍ନତି ପାଇଁ ମଧ୍ୟ ବ୍ୟବସ୍ଥା କରାଯାଉଛି ବୋଲି ମୁଖ୍ୟମନ୍ତ୍ରୀ ଘୋଷଣା କରିଥିଲେ । ଏ କେନ୍ଦୁଝରର ହାଣ୍ଡବଲ ପଡିଆ ଏସିଆ ମହାଦେଶର ପ୍ରଥମ ସିସ୍ଥେଟିକ ପଡ଼ିଆ । ଆମ ସରକାର ଖେଳ ସହ ରାଜ୍ୟର ବିକାଶ ପାଇଁ ଗୁରୁତ୍ଵ ଦେଉଛନ୍ତି," ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି ।
"ହ୍ୟାଣ୍ଡବଲର ଆହୁରୀ ଉନ୍ନତି ସହ ଅନ୍ତର୍ଜାତୀୟ ସ୍ଥରର ଖେଳାଳୀ ପ୍ରସ୍ତୁତ ପାଇଁ ଯାହା ଦରକାର ସରକାର ପ୍ରଦାନ କରିବେ ଏବଂ ସହ ଆଲୋଚନା ପାଇଁ ପ୍ରସ୍ତୁତ," ବୋଲି ଆହ୍ୱାନ ଦେଇଥିଲେ ମୁଖ୍ୟମନ୍ତ୍ରୀ । ପରେ ମୁଖ୍ୟମନ୍ତ୍ରୀ ଖେଳାଳୀଙ୍କ ସହ ଫଟୋ ଉଠାଇ କାଳୀ ପଡ଼ିଆରେ ଆୟୋଜିତ ୧୧୪ କୁଣ୍ଡିୟ ମହାଯଜ୍ଞରେ ସାମିଲ ହେବାକୁ ଯାଇଥିଲେ ।
୧୧୪ କୁଣ୍ଡୀୟ ବିଶ୍ଵଶାନ୍ତି ମହାଯଜ୍ଞରେ ଯୋଗଦେଲେ ମୁଖ୍ୟମନ୍ତ୍ରୀ ମୋହନ ମାଝୀ-
ଆଜି ଦୁଇ ଦିନିଆ କେନ୍ଦୁଝର ଜିଲ୍ଲା ଗସ୍ତରେ ଆସି ସକାଳୁ ପ୍ରଥମେ ଜାତୀୟ ଜୁନିୟର ହ୍ୟାଣ୍ଡବଲ ପ୍ରତିଯୋଗିତାରେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ପରେ ମୁଖ୍ୟମନ୍ତ୍ରୀ ସ୍ଥାନୀୟ କାଳୀ ପଡ଼ିଆରେ ଆୟୋଜିତ ତ୍ରିଦିନାତ୍ମକ ୧୧୪ କୁଣ୍ଡିୟ ବିଶ୍ଵଶାନ୍ତି ମହାଯଜ୍ଞରେ ଯୋଗଦେଇଥିଲେ । ସେଠାରେ ପ୍ରଥମେ ମୁଖ୍ୟମନ୍ତ୍ରୀ ମୋହନ ମାଝୀ ଗୋସେବା କରିବା ସହ ଘାସ ଖୁଆଇ ଆଶୀର୍ବାଦ ଭିକ୍ଷା କରିଥିଲେ ।
ପରେ ବିଶ୍ଵ ଶାନ୍ତି ପାଇଁ ଯଜ୍ଞ କୁଣ୍ଡରେ ଘୃତ ଦେଇ ଯଜ୍ଞ ଆରମ୍ଭ କରିଥିଲେ। ଏହାପରେ ମୁଖ୍ୟମନ୍ତ୍ରୀ ମୋହନ ମାଝୀ ଯଜ୍ଞ ବେଦୀରେ ସାମିଲ ହୋଇଥିବା ସାଧୁସନ୍ଥଙ୍କୁ ବସ୍ତ୍ର ପ୍ରଦାନ କରି ଆଶ୍ରିବାଦ ଗ୍ରହଣ କରିଥିଲେ । ମୁଖ୍ୟମନ୍ତ୍ରୀଙ୍କୁ ଯଜ୍ଞ ବେଦୀରେ ପାଇ ସାଧୁସନ୍ଥ ମାନେ ତାଙ୍କୁ ଆଶୀର୍ବାଦ ଦେବା ସହ ରାଜ୍ୟର ମଙ୍ଗଳ ପାଇଁ ତାଙ୍କ ପ୍ରଚେଷ୍ଟାକୁ ସାଧୁବାଦ ଜଣାଇଥିଲେ। ପରେ ମୁଖ୍ୟମନ୍ତ୍ରୀ ନିଜ ନିର୍ବାଚନ ମଣ୍ଡଳୀ ଅନ୍ତର୍ଗତ ବିରକିଶୋରପୁର ହାଇସ୍କୁଲ ସୁବର୍ଣ୍ଣ ଜୟନ୍ତୀ ଓ ନିଜେ ପଢ଼ାଇଥିବା ଝୁମ୍ପୁରା ସରସ୍ଵତୀ ଶିଶୁ ମନ୍ଦିର ୩୭ ତମ ବାର୍ଷିକ ଉତ୍ସବରେ ଯୋଗ ଦେବାର କାର୍ଯ୍ୟକ୍ରମ ରହିଛି।
ଆଜି ଅପରାହ୍ନରେ ଝୁମ୍ପୁରା ସରସ୍ବତୀ ବିଦ୍ୟାମନ୍ଦିର ୩୭ ତମ ବାର୍ଷିକ ଉତ୍ସବରେ ଯୋଗଦେବେ ମୁଖ୍ୟମନ୍ତ୍ରୀ । ଏହାପରେ ମୁରୁସୁଆଁ ପଡିଆରେ ଆୟୋଜିତ କ୍ରିକେଟ୍ ଟୁର୍ଣ୍ଣାମେଣ୍ଟ କାର୍ଯ୍ୟକ୍ରମରେ ଯୋଗଦେଇ ସର୍କିଟ୍ ହାଉସ ଠାରେ ରାତ୍ରୀଯାପନ କରିବେ । ମୁଖ୍ୟମନ୍ତ୍ରୀ ଆସନ୍ତାକାଲି ଶୁକ୍ରବାର ସକାଳୁ ଭୁବନେଶ୍ୱର ଅଭିମୁଖେ ବାହାରି ଯିବାର କାର୍ଯ୍ୟକ୍ରମ ରହିଛି।
ଇଟିଭି ଭାରତ, କେନ୍ଦୁଝର
