ଆନ୍ତର୍ଜାତୀୟ ଯୋଗ ଦିବସର 75 ଦିନିଆ କାଉଣ୍ଟଡାଉନ, କଳିଙ୍ଗ ଷ୍ଟାଡିୟମରେ ବିଶାଳ 'ଯୋଗ ମହୋତ୍ସବ' ଆୟୋଜନ

ଅନ୍ତର୍ଜାତୀୟ ଯୋଗ ଦିବସ ସମାରୋହ ପୂର୍ବରୁ ୭୫ ଦିନିଆ ଅବଗଣନା କାର୍ଯ୍ୟକ୍ରମ । କଳିଙ୍ଗ ଷ୍ଟାଡିୟମରେ ଆୟୋଜିତ ହେବ ବିଶାଳ ଯୋଗ ମହୋତ୍ସବ ।

ଭୁବନେଶ୍ବର: ଆସନ୍ତାକାଲି ଅର୍ଥାତ ୭ ଏପ୍ରିଲ, ବିଶ୍ୱ ସ୍ୱାସ୍ଥ୍ୟ ଦିବସ । ଏହି ଉପଲକ୍ଷେ ଭୁବନେଶ୍ୱରସ୍ଥିତ କଳିଙ୍ଗ ଷ୍ଟାଡିୟମରେ ଏକ ବିଶାଳ ‘ଯୋଗ ମହୋତ୍ସବ’ ଆୟୋଜନ କରାଯିବ । ଏହି ସମାରୋହ ସହିତ ଦଶମ ଅନ୍ତର୍ଜାତୀୟ ଯୋଗ ଦିବସର ୭୫ ଦିନିଆ ଅବଗଣନା (75 day countdown) ଆରମ୍ଭ ହେବାକୁ ଯାଉଛି । କେନ୍ଦ୍ର ଆୟୁଷ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ପ୍ରତାପ ରାଓ ଯାଦବ ଏହି ଯୋଗ ମହୋତ୍ସବକୁ ଉଦଘାଟନ କରିବେ ।

ହରିତ ଯୋଗ ଉଦ୍‌ଘାଟନ:

ଏନେଇ ଭାରତ ସରକାରଙ୍କ ଆୟୁଷ ଯୁଗ୍ମ ସଚିବ ମୋନାଲିସା ଦାଶ କହିଛନ୍ତି, "ଅନ୍ତର୍ଜାତୀୟ ଯୋଗ ଦିବସ 2025ର ୭୫ ଦିନିଆ ଅବଗଣନା ଉପଲକ୍ଷେ ଆସନ୍ତାକାଲି କଳିଙ୍ଗ ଷ୍ଟାଡିୟମରେ ସକାଳ 6ଟାରୁ 8 ଟା ପର୍ଯ୍ୟନ୍ତ ଯୋଗ ଅଭ୍ୟାସ କାର୍ଯ୍ୟକ୍ରମ ହେବ । ଏହାସହ ଏକ ନୂଆ ଥିମ୍‌ ହରିତ ଯୋଗ (Harit Yoga) ଉଦ୍‌ଘାଟନ ହେବ । ଏହା ଯୋଗ ଦିବସ ପାଳନର ଆଧାର ଏବଂ ୨୨ଟି ଭିନ୍ନ ଭିନ୍ନ ଭାଷାରେ ଉପଲବ୍ଧ । ଗତବର୍ଷ ବ୍ରେଲି ସଂସ୍କରଣରେ ସାଧାରଣ ଯୋଗ ଅଭ୍ୟାସର ଶୁଭାରମ୍ଭ କରାଯାଇ ସମାବେଶୀତାକୁ ପ୍ରୋତ୍ସାହିତ କରାଯାଇଥିଲା । ଏବେ ସୁଦ୍ଧା ଯୋଗ ଦିବସ ପାଳନରେ ୨୪ କୋଟି ଲୋକ ଅଂଶଗ୍ରହଣ କରିସାରିଛନ୍ତି । ଏହି ସଂଖ୍ୟା ବଢ଼ୁଛି ଏବଂ ନୂଆ ରେକର୍ଡ ପ୍ରତିଷ୍ଠା ହେଉଛି ।"

Ministry of Ayush (ETV Bharat Odisha)

ଆସନ୍ତାକାଲି ସକାଳ ସାଢ଼େ ୬ଟାରୁ ୮ଟା ପର୍ଯ୍ୟନ୍ତ ଭୁବନେଶ୍ବର କଳିଙ୍ଗ ଷ୍ଟାଡିୟମରେ ବିଶାଳ ସାଧାରଣ ଯୋଗ ଅଭ୍ୟାସ କାର୍ଯ୍ୟକ୍ରମ ଆୟୋଜନ କରାଯିବ । ଏହି କାର୍ଯ୍ୟକ୍ରମରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, ପୁରୀ ସାଂସଦ ସମ୍ବିତ ପାତ୍ର, ବିଧାୟକ ଅନନ୍ତ ନାରାୟଣ ଜେନା, ଆୟୁଷ ମନ୍ତ୍ରଣାଳୟ ସଚିବ ବୈଦ୍ୟ ରାଜେଶ କୋଟେଚା, ଯୁଗ୍ମ ସଚିବ ମୋନାଲିସା ଦାଶ ପ୍ରମୁଖ ଯୋଗ ଦେବେ ।

ଗଣ ଯୋଗ ପ୍ରଦର୍ଶନ:

ଏନେଇ ଆୟୁଷ ମନ୍ତ୍ରଣାଳୟର ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ବିଜ୍ଞପ୍ତି ଜାରି କରି କହିଛନ୍ତି, "ପ୍ରଧାନମନ୍ତ୍ରୀ ଶ୍ନରେନ୍ଦ୍ର ମୋଦୀଙ୍କ ପଦକ୍ଷେପ ପରେ, ମିଳିତ ଜାତିସଂଘ ସାଧାରଣ ସଭା 2014ରେ 21 ଜୁନକୁ ଅନ୍ତର୍ଜାତୀୟ ଯୋଗ ଦିବସ (IDY) ଭାବରେ ଘୋଷଣା କରିବା ପାଇଁ ଏକ ଐତିହାସିକ ନିଷ୍ପତ୍ତି ନେଇଥିଲା । ଯୋଗର ଏହି ବିଶ୍ୱସ୍ତରୀୟ ସ୍ୱୀକୃତି ଆମ ଜାତି ପାଇଁ ଅତ୍ୟନ୍ତ ଗର୍ବର ବିଷୟ, କାରଣ ଯୋଗ ଆମର ଐତିହ୍ୟର ଏକ ଅବିଚ୍ଛେଦ୍ୟ ଅଂଶ । ପ୍ରତିବର୍ଷ ଅନ୍ତର୍ଜାତୀୟ ଯୋଗ ଦିବସର ମୁଖ୍ୟ ଆକର୍ଷଣ ହେଉଛି ଗଣ ଯୋଗ ପ୍ରଦର୍ଶନ (Mass Yoga Demonstration), ଯାହାର ନେତୃତ୍ୱ ପ୍ରଧାନମନ୍ତ୍ରୀ ନିଜେ କରନ୍ତି । 2025 ମସିହାର IDY ପାଇଁ ପ୍ରସ୍ତୁତି ପୂର୍ବରୁ ଚାଲିଛି ।"

ଦଶଟି ସ୍ୱତନ୍ତ୍ର କାର୍ଯ୍ୟକ୍ରମ:

ଆୟୁଷ ମନ୍ତ୍ରଣାଳୟ ପକ୍ଷରୁ ଏହାମଧ୍ୟ କୁହାଯାଇଛି ଯେ, ପ୍ରତିବର୍ଷ ଅନ୍ତର୍ଜାତୀୟ ଯୋଗ ଦିବସ ପାଳନରେ 75 ଦିନର କାଉଣ୍ଟଡାଉନ୍ ଏକ ଗୁରୁତ୍ୱପୂର୍ଣ୍ଣ ଘଟଣା । 2025 ମସିହାର 75 ଦିନିଆ ପୂର୍ବରୁ ଯୋଗ ମାଧ୍ୟମରେ "ସ୍ୱାସ୍ଥ୍ୟ ଏବଂ ସୁସ୍ଥତା ପାଇଁ ଏକ ଗଣ ଆନ୍ଦୋଳନ" ଜାଗ୍ରତ କରିବାକୁ ମନ୍ତ୍ରଣାଳୟ ଆଶା କରୁଛି । ଅନ୍ତର୍ଜାତୀୟ ଯୋଗ ଦିବସ ଏହାର ଯାତ୍ରାର ଏକ ଦଶନ୍ଧି ପୂରଣ କରୁଥିବାରୁ, ଆମେ ଏବେ ଏହାର 11ତମ ସଂସ୍କରଣ ପାଳନ କରୁଛୁ । ଏହି ମାଇଲଖୁଣ୍ଟକୁ ସ୍ୱୀକୃତି ଦେବା ପାଇଁ, ଆମେ ଏହି ମହାନ ଯୋଗ ମହୋତ୍ସବର ଅଂଶ ଭାବରେ ଦଶଟି ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜନ କରୁଛୁ । ଯେପରିକି ଯୋଗ ସଙ୍ଗମ, ଯୋଗ ବନ୍ଧନ, ଯୋଗ ପାର୍କ, ଯୋଗ ସମବେଶ, ଯୋଗ ପ୍ରଭାବ, ଯୋଗ ସଂଯୋଗ, ହରିତ୍ ଯୋଗ, ଯୋଗ ଅନପ୍ଲଗ୍ଡ, ଯୋଗ ମହା କୁମ୍ଭ ଏବଂ ସମଯୋଗ । ଏଗୁଡ଼ିକ IDY 2025 ପୂର୍ବରୁ ଦେଶବ୍ୟାପୀ ପ୍ରଭାବଶାଳୀ ପଦକ୍ଷେପ ଏବଂ କାର୍ଯ୍ୟକଳାପର ଏକ ଶୃଙ୍ଖଳା ଦ୍ୱାରା ପରିପୂରକ ହେବ ।

सोमवार, 7 अप्रैल को कलिंग स्टेडियम, भुवनेश्वर (ओडिशा) में योग महोत्सव का भव्य उद्घाटन माननीय श्री @mpprataprao, राज्य मंत्री (स्वतंत्र प्रभार), आयुष मंत्रालय द्वारा किया जाएगा। (1/2)#IDY2025 #YogaForOneEarthOneHealth pic.twitter.com/ukjf7Pm9LX

— Ministry of Ayush (@moayush) April 6, 2025

ଏହା ମଧ୍ୟ ପଢ଼ନ୍ତୁ..

ଆନ୍ତର୍ଜାତୀୟ ଯୋଗ ଦିବସର କାଉଣ୍ଟଡାଉନ୍ ଆଗକୁ ବଢ଼ିବା ସହିତ, IDY ପାଳନର 75 ଦିନ ଏକ ଗୁରୁତ୍ୱପୂର୍ଣ୍ଣ ଆରମ୍ଭ । ସମାନ ଉତ୍ସାହ ସହିତ, 50 ତମ ଏବଂ 25 ତମ ଦିନର ମାଇଲଖୁଣ୍ଟଗୁଡ଼ିକୁ ସ୍ମରଣ କରାଯିବ, ଯାହା ମୁଖ୍ୟ କାର୍ଯ୍ୟକ୍ରମ ପର୍ଯ୍ୟନ୍ତ ନେଇଯିବ ଯାହା ଏକ ବିଶ୍ୱ ଯୋଗ ଆନ୍ଦୋଳନକୁ ଆରମ୍ଭ କରିବାର ପ୍ରତିଶ୍ରୁତି ଦିଏ । ଏହି ଉତ୍ସବଗୁଡ଼ିକର ଲକ୍ଷ୍ୟ ଯୋଗର ପରିବର୍ତ୍ତନକାରୀ ଶକ୍ତିକୁ ବିସ୍ତାର କରିବା, ସୁସ୍ଥତା ଏବଂ ସମନ୍ୱୟ ପାଇଁ ଏକ ସାମୂହିକ ଯାତ୍ରାରେ ଦେଶ ଏବଂ ହୃଦୟକୁ ଏକତ୍ର କରିବା ।

ଇଟିଭି ଭାରତ, ଭୁବନେଶ୍ବର