ଭୁବନେଶ୍ବର: କେନ୍ଦ୍ରୀୟ ଓଡ଼ିଶାରେ ରେଳ ଭିତ୍ତିଭୂମିକୁ ଆଧୁନିକରଣ କରିବା ପାଇଁ ଭାରତୀୟ ରେଳବାଇ 'ଅମୃତ ଭାରତ ଷ୍ଟେସନ' ଯୋଜନା ଅଧୀନରେ ପ୍ରମୁଖ ଷ୍ଟେସନଗୁଡ଼ିକର ପୁନଃବିକାଶ ଆରମ୍ଭ କରିଛି । ଯାହା ଲକ୍ଷ ଲକ୍ଷ ଯାତ୍ରୀଙ୍କ ଯାତ୍ରା ଅଭିଜ୍ଞତାକୁ ଉନ୍ନତ କରିବ ଏବଂ ଆର୍ଥିକ ବିକାଶ ଓ ଆଞ୍ଚଳିକ ସଂଯୋଗକୁ ବୃଦ୍ଧି କରାଇବ । ଏହି କେନ୍ଦ୍ରୀୟ ଅଞ୍ଚଳରେ ପ୍ରମୁଖ ଷ୍ଟେସନର ନବୀକରଣ ପ୍ରକଳ୍ପରେ 6ଟି ଗୁରୁତ୍ୱପୂର୍ଣ୍ଣ ଷ୍ଟେସନ ରହିଛି। ସେଗୁଡିକ ହେଉଛି ଅନୁଗୋଳ, ତାଳଚେର, ତାଳଚେର ରୋଡ୍, ମେରାମଣ୍ଡଳୀ, ଢେଙ୍କାନାଳ ଏବଂ ରେଢ଼ାଖୋଲ।
ଷ୍ଟେସନ ଗୁଡିକରେ ନୂଆ କଣ ?
ନୂତନ ଷ୍ଟେସନ ଭବନରେ ଉନ୍ନତ ସ୍ଥାପତ୍ୟ, ଆଧୁନିକ ସୁବିଧା ଏବଂ ଉନ୍ନତ ଯାତ୍ରୀ ସେବା ରହିଛି।
ସମସ୍ତ ଯାତ୍ରୀମାନଙ୍କ ସୁଗମତାକୁ ଉନ୍ନତ କରିବା ପାଇଁ ପ୍ରଶସ୍ତ ଫୁଟ ଓଭର ବ୍ରିଜ (୧୨ ମିଟର) ଏବଂ ଯାତ୍ରୀ ଲିଫ୍ଟ।-
ଉନ୍ନତ ପୃଷ୍ଠ ଗୁଣବତ୍ତା, ବର୍ଦ୍ଧିତ ଆଶ୍ରୟସ୍ଥଳୀ, ଏବଂ ସୁରକ୍ଷା ବ୍ୟବସ୍ଥା ସହିତ ଉନ୍ନତ ପ୍ଲାଟଫର୍ମ।
ସବୁଜ ଏବଂ ସ୍ଥାୟୀ ଡିଜାଇନ୍, ଯେଉଁଥିରେ ଶକ୍ତି-ଦକ୍ଷ ଆଲୋକୀକରଣ, ଜଳ ସଂରକ୍ଷଣ ଏବଂ ଅପଚୟ ପରିଚାଳନା ଅନ୍ତର୍ଭୁକ୍ତ।
ଡ୍ରପ୍ -ଅଫ୍ /ପିକ୍- ଅପ୍ ଲେନ୍ ଏବଂ ପାର୍କିଂ ସୁବିଧା ସହିତ ସମନ୍ୱିତ ପରିବହନ ଭିତ୍ତିଭୂମି।
ୱାଇ-ଫାଇ, LED କୋଚ୍ ସଙ୍କେତ ବୋର୍ଡ, ଟ୍ରେନ୍ ସୂଚନା ପ୍ରଦର୍ଶନ ଏବଂ ଉନ୍ନତ ଲାଉଞ୍ଜ କ୍ଷେତ୍ର ଭଳି ଡିଜିଟାଲ୍ ସୁବିଧା କରାଯାଇଛି। ରେଳ ଷ୍ଟେସନ ଗୁଡିକ ଏୟାରପୋର୍ମଟ ପରି ଦେଖାଯିବାର ବ୍ୟବସ୍ଥା କରାଯାଇଛି।
ରେଢ଼ାଖୋଲ ରେଳ ଷ୍ଟେସନ :-
(୧) ଏହି ଷ୍ଟେସନର ନବୀକରଣ ପାଇଁ ମଞ୍ଜୁର ହୋଇଥିବା ମୂଲ୍ୟ ୨୬ .୯୩ କୋଟି ।
(୨) ବିଦ୍ୟମାନ ଷ୍ଟେସନର ସମ୍ପୂର୍ଣ୍ଣ ପୁନଃବିକାଶ ଏବଂ ଦ୍ୱିତୀୟ ପ୍ରବେଶ ପଥର ବିକାଶ ହେବ।
(୩) ୧୨ ମିଟର ଚଉଡା ଫୁଟ ଓଭର ବ୍ରିଜ୍ (FOB), ୨ ଟି ଲିଫ୍ଟ ବ୍ୟବସ୍ଥା ରହିବ ।
(୪) ପ୍ଲାଟଫର୍ମ ୧, ୨ ଏବଂ ୩ ରେ ୭ ଆଶ୍ରୟସ୍ଥଳ।
(୫) ସାଇନେଜ୍ ଉନ୍ନତିକରଣ, ଉନ୍ନତ ଶୌଚାଳୟ ଏବଂ ଦିବ୍ୟାଙ୍ଗଜନ-ଅନୁକୂଳ ବୈଶିଷ୍ଟ୍ୟ ବିକାଶମୂଳକ କାର୍ଯ୍ୟ ଗୁଡ଼ିକ ଉପରେ ମଧ୍ୟ ନଜର ରଖାଯାଇଛି।
ନିଯୁକ୍ତି ସୁଯୋଗ ସୃଷ୍ଟି କରିବ:-
ଏହି ଉନ୍ନୟନ ଗୁଡ଼ିକ କେବଳ ଯାତ୍ରୀଙ୍କ ଯାତାୟାତକୁ ସହଜ କରିବ ନାହିଁ ବରଂ ନିଯୁକ୍ତି ସୁଯୋଗ ସୃଷ୍ଟି କରିବ। ଏହା ସହିତ କେନ୍ଦ୍ରୀୟ ଓଡ଼ିଶାରେ ପର୍ଯ୍ୟଟନକୁ ମଧ୍ୟ ପ୍ରୋତ୍ସାହିତ କରିବ। ଉନ୍ନତ ସଂଯୋଗୀକରଣ ଏବଂ ବ୍ୟବହାରକାରୀ -କୈନ୍ଦ୍ରିକ ଡିଜାଇନ୍ ସହିତ ଏହି ଷ୍ଟେସନଗୁଡ଼ିକ ଆଧୁନିକ ପରିବହନ ହବ୍ ହେବାକୁ ଯାଉଛି।
ଇଟିଭି ଭାରତ, ଭୁବନେଶ୍ବର
