କଟକ: ରାଜ୍ୟରେ ସଡକ ଦୃର୍ଘଟଣା ଦିନକୁ ଦିନ ବଢ଼ିବାରେ ଲାଗିଛି । ଗତ ୬ ବର୍ଷ ମଧ୍ୟରେ ସଡକ ଦୁର୍ଘଟଣାରେ ୩୨ ହଜାର ୫୦୦ ଲୋକଙ୍କର ମୃତୁ ଘଟିଥିବା ବେଳେ ,୬୧ ହଜାର ୨୧୮ ଜଣେ ଦୁର୍ଘଟଣାରେ ଆହତ ହୋଇଛନ୍ତି । ସେହିପରି ୬୭ ହଜାର ୮୯୫ ଜଣ ଲୋକ ସଡକ ଦୁର୍ଘଟଣାରେ ଶିକାର ହୋଇଛନ୍ତି। ବଡ଼ କଥା ହେଉଛି ସନ୍ଧ୍ୟା ସମୟରେ ଦୁର୍ଘଟଣା ହାର ଅଧିକ ରହୁଛି । ବାଇକ ବାଇକ ମଧ୍ୟରେ ଅଧିକ ଦୁର୍ଘଟଣା ଓ ନିଶା ସେବନ ଯୋଗୁଁ ଅଧିକ ଦୁର୍ଘଟଣା ଘଟୁଥିବା ପରିବହନ ବିଭାଗ ପକ୍ଷରୁ ସୂଚନା ଦିଆଯାଇଛି।
- ଗତ ୨୦୧୯ ମସିହାରେ ୧୧ ହଜାର ୬୪ ଟି ଦୁର୍ଘଟଣା ଘଟିଥିବା ବେଳେ, ୫ ହଜାର ୩୩୩ ଜଣଙ୍କର ମୃତୁ ଘଟିଛି। ୧୧ ହଜାର ୧୧୭ ଜଣ ଆହତ ହୋଇଛନ୍ତି।
- ୨୦୨୦ ମସିହାରେ ୯ ହଜାର ୮୧୭ ଦୁର୍ଘଟଣା ଘଟିଥିବା ବେଳେ ୪ ହଜାର ୭୩୮ ଜଣ ପ୍ରାଣ ହରାଇଛନ୍ତି ଏବଂ ୮ ହଜାର ୮୧୮ ଜଣ ଆହତ ହୋଇଛନ୍ତି।
- ୨୦୨୧ ମସିହାରେ ୧୦ ହଜାର ୯୮୪ ଟି ଦୁର୍ଘଟଣା ଘଟିଥିବା ବେଳେ ୫ ହଜାର ୮୧ ଜଣଙ୍କର ମୃତୁ ଘଟିଛି ଏବଂ ୯ ହଜାର ୭୮୨ ଜଣ ଆହତ ହୋଇଛନ୍ତି।
- ୨୦୨୨ ମସିହାରେ ୧୧ ହଜାର ୬୬୩ ଦୁର୍ଘଟଣା ଘଟିଥିବା ବେଳେ ୫ ହଜାର ୪୬୭ ଜଣଙ୍କର ମୃତୁ ଘଟିଛି ଏବଂ ୧୦ ହଜାର ୩୦୨ ଜଣ ଆହତ ହୋଇଛନ୍ତି।
- ୨୦୨୩ ରେ ୧୧ ହଜାର ୯୯୨ ଟି ଦୁର୍ଘଟଣା ଘଟିଥିବା ବେଳେ ୫ ହଜାର ୭୩୯ ଜଣଙ୍କର ମୃତୁ ଘଟିଛି ଏବଂ ୧୦ ହଜାର ୩୬୯ ଜଣ ଆହତ ହୋଇଛନ୍ତି।
- ସେହିପରି ୨୦୨୪ (ଗତ ବର୍ଷ) ୧୨ ହଜାର ୩୭୫ଟି ଦୁର୍ଘଟଣା ଘଟିଥିବା ବେଳେ ୬ ହଜାର ୧୪୨ ଜଣଙ୍କର ମୃତୁ ଘଟିଛି ଏବଂ ୧୦ ହଜାର ୭୭୦ ଜଣ ଆହତ ହୋଇଛନ୍ତି।
- ପ୍ରତ୍ୟେକ ଦିନ ସଡକ ଦୁର୍ଘଟଣା ରେ ୧୭ ଜଣଙ୍କର ମୃତୁ ଘଟୁଥିବା ପରିବହନ ବିଭାଗ ସହକାରୀ କମିଶନର ସୂଚନା ଦେଇଛନ୍ତି।
ରବିବାର, ବୁଧବାର ଓ ଶୁକ୍ରବାର ଅଧିକ ଦୁର୍ଘଟଣା:
ବିଶେଷ କରି ରବିବାର, ବୁଧବାର ଓ ଶୁକ୍ରବାର ଦିନ ସଡ଼କ ଦୁର୍ଘଟଣାରେ ମୃତ୍ୟୁ ଓ ଆହତଙ୍କ ସଂଖ୍ୟା ବୃଦ୍ଧି ପାଉଛି। ଓଡ଼ିଶା ପରିବହନ କର୍ତ୍ତୃପକ୍ଷଙ୍କ ପରିସଂଖ୍ୟାନ ଅନୁଯାୟୀ ଗୋଟିଏ ସପ୍ତାହରେ ରାଜ୍ୟରେ ଯେତିକି ସଡକ ଦୁର୍ଘଟଣା ଘଟୁଛି ତାର ଅଧା ଏହି ଦିନ ଗୁଡ଼ିକରେ ହିଁ ଘଟୁଛି। ଆମିଷ ଓ ନିଶା ସେବନ କରି ଗାଡ଼ି ଚଳାଇବା ହେଉଛି ମୁଖ୍ୟ କାରଣ ବୋଲି କହିବା ସହ ବାଇକ୍ ଆରୋହୀମାନେ ଅଧିକ ଶିକାର ହେଉଛନ୍ତି କହିଛି ଏସଟିଏ । ଫଳସ୍ବରୂପ ଏହି ବାର ଗୁଡ଼ିକରେ ମୁଖ ଛକ ଗୁଡ଼ିକରେ ଜାଞ୍ଚ କରିବା ପାଇଁ ରାଜ୍ୟର ସମସ୍ତ ଆରଟିଓ ମାନଙ୍କୁ ନିର୍ଦ୍ଦେଶ ଦେଇଛନ୍ତି ଏସଟିଏ ।
ଆମାନିଆଙ୍କ ପାଇଁ କଠୋର ହେବ ନିୟମ:
ଏହାକୁ ରୋକିବା ପାଇଁ ସମସ୍ତ ଆରଟିଓଙ୍କୁ ବିଶେଷକରି ନିଶା ସେବନ କରି ଗାଡ଼ି ଚଳାଉଥିବା ଚାଳକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି। ତେବେ ପୂର୍ବରୁ ରବିବାର ଓ ବୁଧବାର ଦିନ ଯାଞ୍ଚ କରାଯାଉଥିବା ବେଳେ ଆଗକୁ ଶୁକ୍ରବାର ଦିନ ମଧ୍ୟ ଏଭଳି ଯାଞ୍ଚ କରାଯିବ ବୋଲି କର୍ତ୍ତୃପକ୍ଷ ଘୋଷଣା କରିଛନ୍ତି । କେବଳ ସେତିକି ନୁହେଁ ଫାଇନକୁ ଲୋକେ ଭୟ କରୁନଥିବାରୁ, ସେମାନଙ୍କ ବିରୋଧରେ କଠୋର ହେବାକୁ ଯାଉଛି ପରିବହନ ବିଭାଗ। ଯେଉଁମାନେ ଅଧିକ ସ୍ପିଡ଼ରେ ବାରମ୍ବାର ଗାଡି ଚଳାଉଛନ୍ତି ସେମାନଙ୍କୁ ଡିଟେକ୍ଟ କରି ଚାଲାଣ ପଠା ଯାଉଛି । ମାତ୍ର ସେମାନେ ଏହାକୁ ଖାତିର କରୁ ନଥିବାରୁ ଗୋଟିଏ ସୁଯୋଗ ଦିଆଯିବ। ନଚେତ ଗାଡି କାଗଜପତ୍ରକୁ ବ୍ଲକ କରାଯିବା ସହ ଡ୍ରାଇଭିଂ ଲାଇସେନ୍ସ କୁ ରଦ୍ଦ କରାଯିବ ବୋଲି ସହକାରୀ କମିଶନର ସୂଚନା ଦେଇଛନ୍ତି।
ଏହା ମଧ୍ୟ ପଢନ୍ତୁ-PCR ଭ୍ୟାନ-ହାଇୱା ଧକ୍କାରେ ୨ ପୋଲିସ ମୃତ, ୧୦ ଲକ୍ଷ ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ - CUTTACK POLICE ACCIDENT
ଇଟିଭି ଭାରତ, କଟକ
