ସମ୍ବଲପୁର: Age is just a number ଅର୍ଥାତ ବୟସ ମାତ୍ର ଏକ ସଂଖ୍ୟା ଅଟେ । କିଛି କରିବାର ଇଚ୍ଛା ଥିଲା କୌଣସି ଘାତ ପ୍ରତିଘାତ ରୋକିପାରେ ନାହିଁ । ଏହି ଉକ୍ତିକୁ ସତରେ ପ୍ରମାଣିତ କରି ଦେଖାଇଛନ୍ତି ଦିଲ୍ଲୀର ଜଣେ ପରମାଣୁ ବୈଜ୍ଞାନିକ । 84 ବର୍ଷ ବୟସରେ ସେ ହାସଲ କରିଛନ୍ତି ଏମବିଏ ଡିଗ୍ରୀ । ସେ ହେଉଛନ୍ତି ଦିଲ୍ଲୀର ବୈଜ୍ଞାନିକ ଡ଼ ଗିରିଶ ମୋହନ ଗୁପ୍ତା l ଏଥର ସମ୍ବଲପୁର ଆଇଆଇଏମର ଏମବିଏ ଫର ୱାର୍କିଙ୍ଗ ପ୍ରଫେସନାଲର କୋର୍ସ ସଫଳତାର ସହ ସମ୍ପୂର୍ଣ୍ଣ କରି ପାସ ଆଉଟ ହୋଇଛନ୍ତି l
ଆଇଆଇଏମ ସମାବର୍ତ୍ତନ ଉତ୍ସବରେ ମିଳିଲା ଡିଗ୍ରୀ:
ଆଜି ସମ୍ବଲପୁର ଗୋଶାଳା ଠାରେ ସ୍ଥିତ ସମ୍ବଲପୁର ଆଇଆଇଏମର ସ୍ଥାୟୀ କ୍ୟାମ୍ପସରେ ଅନୁଷ୍ଠିତ ନବମ ସମବର୍ତ୍ତନ ଉତ୍ସବରେ ତାଙ୍କୁ ଡିଗ୍ରୀ ପ୍ରଦାନ କରାଯାଇଛି l ସେ ସମ୍ବଲପୁର ଆଇଆଇଏମର ଦିଲ୍ଲୀ ସ୍ଥିତ କ୍ୟାମ୍ପସରୁ ଏହି କୋର୍ସ କରି ପାସ ଆଉଟ ହୋଇଛନ୍ତି l
ଡିଗ୍ରୀ ପାଇବା ପରେ କଣ କହିଲେ ବୈଜ୍ଞାନିକ ?
ଏହି ବୟସରେ ସେ ଏହି କୋର୍ସ ସମ୍ପୂର୍ଣ୍ଣ କରି ମୋହନ ଗୁପ୍ତା କହିଛନ୍ତି, ‘ ମୁଁ ଜଣେ ନ୍ୟୁକ୍ଲିୟର ସାଇଣ୍ଟିଷ୍ଟ ଅଟେ,ମୋର ଗୋଟିଏ କମ୍ପାନୀ ଅଛି ଯାହାର ଫାଉଣ୍ଡର ବି ମୁଁ ଅଟେ l ମୋର ଏହି କମ୍ପାନୀ ଏଟୋମିକ ଏନଏର୍ଜି, ନ୍ୟୁକ୍ଲିୟର ପାୱାର, ଦେଶର ପ୍ରତିରକ୍ଷା ମନ୍ତ୍ରଣାଳୟ ପାଇଁ କାମ କରେ l ମୋର ବୟସ 84 ବର୍ଷ ଅଟେ ତେବେ ଏହି ବୟସରେ ମଧ୍ୟ 8 ଘଣ୍ଟା କାମ କରେ l’
ପରିଣତ ବୟସରେ ଏମବିଏ ଡିଗ୍ରୀକୁ ନେଇ କଣ କହିଲେ ?
ତେବେ ଏହି ବୟସରେ ଏମବିଏ ପାଠ ପଡିବା ନେଇ ସେ କହିଛନ୍ତି, ‘learning never ends, ଆମକୁ ଜୀବନର ଶେଷ ନିଶ୍ୱାସ ପର୍ଯ୍ୟନ୍ତ ଶିଖିବାର ଅଛି l ସମ୍ବଲପୁର ଆଇଆଇଏମ ଦିଲ୍ଲୀରେ ଏକ କ୍ୟାମ୍ପସ ଖୋଲିଲା, ଏହା ମୁଁ ଜାଣିବା ପରେ ମୁଁ ସେଠାରେ ପଢିବାକୁ ଇଚ୍ଛା ପ୍ରକାଶ କଲି କାରଣ ସେ କ୍ୟାମ୍ପସ ମୋ ଘରରୁ ବହୁତ ଦୂର ନୁହେଁ l ମୁଁ ଦିଲ୍ଲୀରେ ମୋର ଫାର୍ମ ହାଉସରେ ରୁହେ ଯାହା ଏୟାରପୋର୍ଟ ପାଖରେ ଅଛି ଆଉ ଆଇଆଇଏମ କ୍ୟାମ୍ପସ ମୋ ଫାର୍ମ ହାଉସ ଠାରୁ ମାତ୍ର 10 କିମି ଦୂରତା l ତେଣୁ ମୁଁ ଏହି କୋର୍ସ ୃରେ ନାମ ଲେଖେଇଲି ତାହା ମୋ ପାଇଁ ସୁବିଧା ମଧ୍ୟ ହେଲା l ’
ସମ୍ବଲପୁର ଆଇଆଇଏମକୁ ନେଇ କଣ କହିଲେ ?
ସେ ଆହୁରି କହିଛନ୍ତି, ‘ମୋର କହିବାର ହେଉଛି ମୁଁ ସମ୍ବଲପୁର ଆଇଆଇଏମ ଦ୍ୱାରା ବହୁତ ପ୍ରଭାବିତ, ମୁଁ ବହୁତ ଆଇଆଇଏମ ଦେଖିଛି ଏହା ସବୁଠାରୁ ଭଲ ଅଟେ l ମୋର ସାର୍ଟିଫିକେଟର କୌଣସି ଗୁରୁତ୍ବ ନାହିଁ ତେବେ ମୁଁ ବିଗତ 2 ବର୍ଷ ମଧ୍ୟରେ ଏଠାରୁ ଯାହା ଶିଖିଛି ସେଇଟା ମୋ ପାଇଁ ବହୁତ ଗୁରୁତ୍ବପୂର୍ଣ୍ଣ ଅଟେ l ମୁଁ ଏଠାରୁ New Art of Management ଶିଖିଛି l ଆମେ ପୁରୁଣା ଢାଞ୍ଚାରେ ମ୍ୟାନେଜମେଣ୍ଟ କରୁଥିଲୁ ତେବେ ଏଠାରୁ ଆମେ ଲେଟେଷ୍ଟ ଟେକନୋଲୋଜି ବାବଦରେ ଶିଖିଲୁ ଯାହା ମୁଁ ମୋର କମ୍ପାନୀରେ ବ୍ୟବହାର କରୁଛି l’
ପାଠ ପଢେଇବାର କୌଶଳ ଉତ୍କୃଷ୍ଟ ମାନର ଅଟେ:
ଅନ୍ୟପଟେ ସମ୍ବଲପୁର ଆଇଆଇଏମରୁ ଆଜି ଆସୋସିଏସନ ଅଫ ଇଣ୍ଡିଆନ ୟୁନିର୍ଭରସିଟିର ଯୁଗ୍ମ ସମ୍ପାଦକ ଡା.ଆଲୋକ କୁମାର ମିଶ୍ର ମଧ୍ୟ ଏମବିଏ ଡିଗ୍ରୀ ହାସଲ କରିଛନ୍ତି l ଆଜି ଡିଗ୍ରୀ ପାଇବା ଅବସରରେ ସେ କହିଥିଲେ, ‘ସମ୍ବଲପୁର ଆଇଆଇଏମ ନିଜର ଏକ କ୍ୟାମ୍ପସ ଦିଲ୍ଲୀରେ ଖୋଲିଛି, ସେଠିକାର ଏମବିଏ ଫର ୱାର୍କିଙ୍ଗ ପ୍ରଫେସନଲ କୋର୍ସର ପ୍ରଥମ ବ୍ୟାଚର ବିଦ୍ୟାର୍ଥୀ ଅଟେ l ଏହି କୋର୍ସଟି ୱାର୍କିଙ୍ଗ ପଫେସନାଲ ପାଇଁ ବହୁତ ଲାଭଦାୟକ କୋର୍ସ ଅଟେ l ଏହି କୋର୍ସ ପାଇଁ ଆମକୁ 18 ଘଣ୍ଟା କ୍ୟାମ୍ପସରେ ରହିବାକୁ ପଡୁଥିଲା l ପ୍ରତ୍ୟେକ ରବିବାରକୁ ରବିବାର କ୍ଲାସ ହେଉଥିଲା l ଏଠାରେ ପାଠ ପଢେଇବାର କୌଶଳ ଉତ୍କୃଷ୍ଟ ମାନର ଅଟେ l ଅତ୍ୟାଧୁନିକ ଜ୍ଞାନ କୌଶଳରେ ପାଠ ପଢା ହେଉଛି l ଏଠାରେ ଅତ୍ୟାଧୁନିକ କୌଶଳରେ ପାଠ ପଢ଼ାଯାଏ l ’
ଏହା ମଧ୍ୟ ପଢନ୍ତୁ: ବଡ଼ ଚିନ୍ତା କର, ଆହ୍ୱାନର ସାମ୍ନା କରିବା ପାଇଁ ଉତ୍ସାହିତ ହୁଅ: ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ ପ୍ରମୋଦ ମିଶ୍ର ଗାୟିକା ଅସୀମା ପଣ୍ଡାଙ୍କୁ ମିଳିଲା ଡକ୍ଟରେଟ୍ ଡିଗ୍ରୀ, ଫଟୋ ସେୟାର କରି ଜଣାଇଲେ କୃତଜ୍ଞତା |
ସେ ଆହୁରି କହିଛନ୍ତି,‘ ଏଠାରେ ପାରମ୍ପରିକ ଢାଞ୍ଚାରେ ବହିରେ ପାଠ ପଢାଯାଏ ନାହିଁ, ତେଣୁ ଆମକୁ ବୁଝିବାରେ ସହଜ ହେଉଥିଲା l ମୋତେ ଏବେ 50 ବର୍ଷ ହେଉଛି, ମୁଁ AIIMS ଦିଲ୍ଲୀରୁ ସାଇକୋଲୋଜି କୋର୍ସ ଅଟେ ମୁଁ ଜଣେ ଡାକ୍ତର ମଧ୍ୟ, ମୁଁ ଲଣ୍ଡନରୁ ଏଲଏଲଏମ ମଧ୍ୟ କରିଛି l ତେବେ ଏହି ମ୍ୟାନେଜମେଣ୍ଟ କୋର୍ସ ଆମକୁ ଦୈନନ୍ଦିନ ଜୀବନରେ ବହୁତ ଆବଶ୍ୟକତା ପଡିଥାଏ l ତେଣୁ ଆମକୁ ଯଦି ଆଗକୁ ବଢିବାର ଅଛି ଓ ଦେଶକୁ ଆଗକୁ ବଢେଇବାର ଅଛି ତାହେଲେ ମ୍ୟାନେଜମେଣ୍ଟ ଜାଣିବା ବହୁତ ଆବଶ୍ୟକ l
ଇଟିଭି ଭାରତ, ସମ୍ବଲପୁର
