Orissa High Court Void Marriage Judgment କଟକ: ଅସିଦ୍ଧ ବିବାହରୁ ଜନ୍ମିତ ସନ୍ତାନ ନିଜ ପିତାଙ୍କ ସମ୍ପତ୍ତି ଅଧିକାରକୁ ନେଇ ଗୁରୁତ୍ବପୂର୍ଣ୍ଣ ରାୟ ଦେଇଛନ୍ତି ଓଡ଼ିଶା ହାଇକୋର୍ଟ । ଅସିଦ୍ଧ ବିବାହରୁ ଜନ୍ମିତ ସନ୍ତାନଙ୍କ ନିଜ ପିତାଙ୍କ ସମ୍ପତ୍ତିରେ ଅଧିକାର ରହିଛି ବୋଲି ଓଡ଼ିଶା ହାଇକୋର୍ଟ କହିଛନ୍ତି । ପ୍ରଥମ ପତ୍ନୀ ଜୀବିତ ଥିବା ବେଳେ ଦ୍ବିତୀୟ ବିବାହ ଆଇନ ସମ୍ମତ ନୁହେଁ । ତେଣୁ ଏହି ଅସିଦ୍ଧ ବିବାହରୁ ଜନ୍ମିତ ସନ୍ତାନଙ୍କ ନିଜ ପିତାଙ୍କ ସଂପତ୍ତିରେ ଅଧିକାର ରହିଛି ବୋଲି ଓଡିଶା ହାଇକୋର୍ଟ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି ।
Orissa High Court on void marriage property case:
ହାଇକୋର୍ଟଙ୍କ ଗୁରୁତ୍ବପୂର୍ଣ୍ଣ ରାୟ: କୋର୍ଟ କହିଛନ୍ତି ଅସିଦ୍ଧ ବିବାହରୁ ଜନ୍ମିତ ସନ୍ତାନର ନିଜ ପିତାଙ୍କ ସ୍ବ-ଅର୍ଜିତ ସମ୍ପତ୍ତି ସହିତ ପୈତୃକ ସମ୍ପତ୍ତି ଉପରେ ଅଧିକାର ରହିଛି । ହିନ୍ଦୁ ବିବାହ ଅଧିନିୟମ-୧୯୫୬ର ଧାରା ୧୬ ଅନୁସାରେ ଅମାନ୍ୟ ଘୋଷିତ ବା ଅସିଦ୍ଧ ବିବାହ ଫଳ ସ୍ବରୂପ ଜନ୍ମିତ ସନ୍ତାନକୁ ବୈଧତା ପ୍ରଦାନ କରାଯାଇଛି । ସେହିଭଳି ହିନ୍ଦୁ ଉତ୍ତରାଧିକାର ଅଧିନିୟମ, ୧୯୫୬ ଅନୁସାରେ ଏଭଳି ବୈଧ ସନ୍ତାନଙ୍କ ନିଜ ପିତାମାତାଙ୍କ ସମ୍ପତ୍ତି ଉପରେ ଉତ୍ତରାଧିକାରୀ ଭାବେ ଅଧିକାର ରହିଛି ବୋଲି ହାଇକୋର୍ଟଙ୍କ ରାୟରେ ଉଲ୍ଲେଖ କରାଯାଇଛି । ଜଷ୍ଟିସ ବି.ପି.ରାଉତରାୟ ଓ ଜଷ୍ଟିସ ଚିତ୍ତରଂଜନ ଦାଶଙ୍କୁ ନେଇ ଗଠିତ ଖଣ୍ଡପୀଠ ଏପରି ରାୟ ପ୍ରଦାନ କରିଛନ୍ତି ।
what is void marriage ?
କଣ ଥିଲା ମାମଲା ? ମାମଲାର ବିବରଣୀରୁ ଜଣା ପଡ଼ିଛି ଯେ ଏହି ମାମଲାରେ ପ୍ରତିପକ୍ଷ ଜନୈକ ମୃତକ ବ୍ୟକ୍ତିଙ୍କ ଉତ୍ତରାଧିକାରୀ ଓ ଆଇନଗତ ଭାବେ ବିବାହିତ ପତ୍ନୀ ଭାବେ ମାନ୍ୟତା ଦାବି କରି ଭୁବନେଶ୍ୱର ପରିବାର ଅଦାଲତଙ୍କ ଦ୍ୱାରସ୍ଥ ହୋଇଥିଲେ । ମୃତକଙ୍କ ସହ ତାଙ୍କର ବିବାହ ୧୯୬୬ରେ ହିନ୍ଦୁ ରୀତିନୀତି ଅନୁସାରେ ସମ୍ପନ୍ନ ହେବା ସହ ଉଭୟ ଏକତ୍ର ରହୁଥିଲେ ବୋଲି ଦର୍ଶାଯାଇଥିଲା ।
Property Rights for Children of Void Marriages:
ହାଇକୋର୍ଟର ଦ୍ବାରସ୍ଥ ହୋଇଥିଲେ ମହିଳା: ଏପରି ନିର୍ଦ୍ଦେଶକୁ ଚ୍ୟାଲେଞ୍ଜ କରି ଆବେଦନକାରୀ ମହିଳା ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ପ୍ରତିପକ୍ଷ ମହିଳା ମୃତ ବ୍ୟକ୍ତିଙ୍କ ଆଇନ ଅନୁସାରେ ବିବାହିତ ପତ୍ନୀ ଓ ଉତ୍ତରାଧିକାରୀ ବୋଲି ପରିବାର ଅଦାଲତ ଉଚିତ୍ ଭାବେ ଘୋଷଣା କରିଥିଲେ ବୋଲି ହାଇକୋର୍ଟ କହିଛନ୍ତି । ଏଥି ସହିତ ପରିବାର ଅଦାଲତଙ୍କ ଆଦେଶରେ ହାଇକୋର୍ଟ ପରିବର୍ତ୍ତନ କରି ଆବେଦନକାରୀଙ୍କ ସହ ମୃତକ ବ୍ୟକ୍ତିଙ୍କ ସମ୍ପର୍କରୁ ଜନ୍ମିତ ସନ୍ତାନଙ୍କ ମଧ୍ୟ ନିଜ ପିତାଙ୍କ ସ୍ବ-ଅର୍ଜିତ ଓ ପୈତୃକ ସମ୍ପତ୍ତି ଉପରେ ଅଧିକାର ରହିଛି ବୋଲି ହାଇକୋର୍ଟ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ପ୍ରଦାନ କରିଛନ୍ତି ।
ଇଟିଭି ଭାରତ, କଟକ
