ହାଇଦ୍ରାବାଦ: ଅଳ୍ପକେ ବର୍ତ୍ତିଲେ ସନରାଇଜର୍ସ ହାଇଦ୍ରାବାଦ ଟିମ୍ ଖେଳାଳି । ହାଇଦ୍ରାବାଦ ବଞ୍ଜାରା ହିଲ୍ସ ପାର୍କ ହାୟତ ହୋଟେଲରେ ଅଗ୍ନିକାଣ୍ଡ । ଏସଆରଏଚ ଟିମ୍ ଖେଳାଳିଙ୍କୁ କରାଗଲା ସ୍ଥାନାନ୍ତର । ଆଇପିଏଲ୍ 2025 ଚାଲିଥିବାରୁ ପାର୍କ ହାୟତ ହୋଟେଲରେ ରହୁଥିଲେ ଏସଆରଏଚ ଖେଳାଳି । ସେମବାର (ଏପ୍ରିଲ 14) ତାରିଖରେ ହାଇଦ୍ରାବାଦର ବଞ୍ଜାରା ହିଲ୍ସରେ ଥିବା ପାର୍କ ହାୟତ ହୋଟେଲରେ ଅଗ୍ନିକାଣ୍ଡ ଘଟିଥିଲା । ଯେଉଁଠାରେ ସନରାଇଜର୍ସ ହାଇଦ୍ରାବାଦ ଦଳ ଖେଳାଳି ରହୁଥିଲେ । ଚଳିତ IPL 2025 ଫିକ୍ସଚରରେ ଆସନ୍ତା ମ୍ୟାଚ ଏସଆରଏଚ ଦଳର ହାଇଦ୍ରାବାଦରେ ମୁମ୍ବାଇ ବିପକ୍ଷରେ ରହିଛି । ଏଥିପାଇଁ ଏସଆରଏଚ ଦଳର ଖେଳାଳିମାନେ ସେଠାରେ ରହୁଥିଲେ ।
A fire broke out at the Park Hayatt hotel in Hyderabad's Banjara Hills on Monday, April 14. The Sunrisers Hyderabad team is currently staying at the hotel
— SunrisersHyd - OrangeArmy Forever (@Orangearmyforvr) April 14, 2025
*ALL PLAYERS ARE SAFE*#parkhayatt pic.twitter.com/hT0tI6npyA
ଅଗ୍ନିକାଣ୍ଡ ଘଟିବା ପରେ...
ଗଣମାଧ୍ୟମ ରିପୋର୍ଟ ଅନୁସାରେ ହୋଟେଲର ପ୍ରଥମ ମହଲାରେ ଅଗ୍ନିକାଣ୍ଡ ଘଟିଥିଲା । ପରେ ସମଗ୍ର ଅଞ୍ଚଳରେ ଘନ ଧୂଆଁର ଆସ୍ତରଣ ଖେଳିଯାଇଥିଲା । ଘଟଣା ପରେ ଅଗ୍ନିଶମ କର୍ମଚାରୀମାନେ ନିଆଁକୁ ନିୟନ୍ତ୍ରଣ କରିବା ପାଇଁ ଘଟଣାସ୍ଥଳକୁ ଯାଇଥିଲେ । ସେମାନେ ତୁରନ୍ତ ନିଆଁକୁ ଆୟତ୍ତ କରିଥିଲେ । ଯାହା ନିକଟବର୍ତ୍ତୀ ଅଞ୍ଚଳରେ ଘନ ଧୂଆଁ ସୃଷ୍ଟି କରିଥିଲା ।
ସମସ୍ତ ଖେଳାଳି ସୁରକ୍ଷିତ ଉଦ୍ଧାର-
ହାଇଦ୍ରାବାଦ ଜିଲ୍ଲା ଅଗ୍ନିଶମ ଅଧିକାରୀ (DFO)ଙ୍କ ଅନୁଯାୟୀ, "SRH ଦଳ ସେମାନଙ୍କ କାର୍ଯ୍ୟସୂଚୀ ଅନୁଯାୟୀ ସୁରକ୍ଷିତ ଭାବରେ ହୋଟେଲରୁ ବାହାରକୁ ବାହାରି ଆସିଥିଲେ । ଅନ୍ୟ କୌଣସି କ୍ଷତି ହୋଇନାହିଁ । ଖେଳାଳିମାନେ ସେମାନଙ୍କ ଟିମ୍ ବସ୍ରେ ହୋଟେଲରୁ ବାହାରକୁ ବାହାରିଥିବା ଦେଖାଯାଇଥିଲା । ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।"
ସନରାଇଜର୍ସ ହାଇଦ୍ରାବାଦ ତା’ର ଶେଷ ମ୍ୟାଚ୍ରେ ପଞ୍ଜାବ କିଙ୍ଗସ୍କୁ 8 ୱିକେଟ୍ରେ ପରାସ୍ତ କରିଥିଲା । ଅଭିଷେକ ଶର୍ମା ୫୫ ବଲ୍ରୁ ୧୦ ଛକା ସହିତ ୧୪୧ ରନ୍ କରିଥିଲେ । ଟ୍ରାଭିସ୍ ହେଡ୍ ୩୭ ବଲ୍ରୁ ୩ଟି ଛକା ସହିତ ୬୬ ରନ୍ କରିଥିଲେ । ଦଳ ପକ୍ଷରୁ ହର୍ଷଲ ପଟେଲ ୪ଟି ୱିକେଟ୍ ନେଇଥିଲେ, ଯେତେବେଳେ ଇଶାନ ମାଲିଙ୍ଗା ଦୁଇଟି ୱିକେଟ୍ ନେଇଥିଲେ ।
