ଜୟପୁର: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) 2025, 28ତମ ମ୍ୟାଚରେ, ରାଜସ୍ଥାନ ରୟାଲ୍ସ (ଆରଆର) ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଦଳ ପରସ୍ପର ସହିତ ଆଜି ମୁହାଁମୁହିଁ ହେବେ । ଦୁଇ ଦଳ ମଧ୍ୟରେ ଏହି ମ୍ୟାଚ୍ ଅପରାହ୍ନ 3:30ରୁ ଜୟପୁର ସୱାଇ ମାନସିଂହ ଷ୍ଟାଡିୟମରେ ଖେଳାଯିବ । IPL 2025ରେ ରାଜସ୍ଥାନ ଏବଂ RCB ଉଭୟ ଦଳର ପ୍ରଦର୍ଶନ ଏପର୍ଯ୍ୟନ୍ତ ମିଶ୍ରିତ ରହିଛି । ତେଣୁ ଉଭୟ ଦଳ ପଏଣ୍ଟ ଟେବୁଲରେ ନିଜ ସ୍ଥିତିକୁ ଉନ୍ନତ କରିବା ପାଇଁ ଆଜି ଜିତିବାକୁ ଲକ୍ଷ୍ୟ ରଖିଛନ୍ତି । ବର୍ତ୍ତମାନ, RCB ଏବଂ ରାଜସ୍ଥାନ ପଏଣ୍ଟ ଟେବୁଲରେ ଯଥାକ୍ରମେ ଚତୁର୍ଥ ଏବଂ ସପ୍ତମ ସ୍ଥାନରେ ଅଛନ୍ତି ।
Chandigarh ➡️ Ahmedabad ➡️ Ghar 💗 pic.twitter.com/f5FyeHyLMZ
— Rajasthan Royals (@rajasthanroyals) April 11, 2025
ଆଇପିଏଲରେ ରାଜସ୍ଥାନ ବନାମ ବାଙ୍ଗାଲୋର ମ୍ୟାଚ୍-
ସଞ୍ଜୁ ସାମସନଙ୍କ ନେତୃତ୍ୱାଧୀନ ରାଜସ୍ଥାନ ରୟାଲ୍ସର ଦଳ ଆଜି ଘରୋଇ ଗ୍ରାଉଣ୍ଡରେ ବେଙ୍ଗାଲୁରୁକୁ ଭେଟିବ । ରୟାଲ୍ସ ଏପର୍ଯ୍ୟନ୍ତ 5 ମ୍ୟାଚ୍ ରୁ 2ଟିରେ ବିଜୟୀ ହୋଇଛି ଏବଂ 3ଟିରେ ପରାସ୍ତ ହୋଇଛି । ରାଜସ୍ଥାନ ଏହି ସିଜିନରେ ସନରାଇଜର୍ସ ହାଇଦ୍ରାବାଦ, କୋଲକାତା ନାଇଟ୍ ରାଇଡର୍ସ ଏବଂ ଗୁଜରାଟ ଟାଇଟାନ୍ସ ବିପକ୍ଷରେ ପରାଜୟର ସମ୍ମୁଖୀନ ହୋଇଛି । ଚେନ୍ନାଇ ସୁପର କିଙ୍ଗସ ଏବଂ ପଞ୍ଜାବ କିଙ୍ଗସ ବିପକ୍ଷ ମ୍ୟାଚ୍ରେ ବିଜୟର ସ୍ୱାଦ ଚାଖିଛି। ଆଜି RCB ବିପକ୍ଷ ମ୍ୟାଚ୍ରେ ରାଜସ୍ଥାନ ବିଜୟୀ ହୋଇ ମୂଲ୍ୟବାନ 2 ପଏଣ୍ଟ ହାସଲ କରିବାକୁ ଚାହିଁବ ।
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏହି ସିଜନରେ ରଜତ ପାଟିଦାରଙ୍କ ଅଧିନାୟକତ୍ୱରେ ଏହି ଦଳ ଅନେକ ରୋମାଞ୍ଚକର ମ୍ୟାଚ୍ ଜିତିଛି। ଆରସିବି ଏପର୍ଯ୍ୟନ୍ତ ୫ଟି ମ୍ୟାଚ୍ ରୁ ୩ଟିରେ ଜିତିଛି ଏବଂ ୨ଟି ମ୍ୟାଚ୍ ହାରିଛି । ବିରାଟ କୋହଲିଙ୍କ ଭଳି ଷ୍ଟାର ଖେଳାଳି ଥିବା ଏହି ଦଳ ଏପର୍ଯ୍ୟନ୍ତ କୋଲକାତା ନାଇଟ୍ ରାଇଡର୍ସ, ଚେନ୍ନାଇ ସୁପର କିଙ୍ଗସ୍ ଏବଂ ମୁମ୍ବାଇ ଇଣ୍ଡିଆନ୍ସ ଭଳି ଶକ୍ତିଶାଳୀ ଦଳକୁ ପରାସ୍ତ କରିସାରିଛି । ଏପଟେ ଗୁଜରାଟ ଟାଇଟାନ୍ସ ଏବଂ ଦିଲ୍ଲୀ କ୍ୟାପିଟାଲ୍ସଠାରୁ ପରାଜୟର ସାମ୍ନା କରିବାକୁ ପଡିଥିଲା । ଆଜି RCB ରାଜସ୍ଥାନକୁ ତା'ର ଘରୋଇ ଗ୍ରାଉଣ୍ଡରେ ପରାସ୍ତ କରିବାର ଚ୍ୟାଲେଞ୍ଜର ସମ୍ମୁଖୀନ ହେବ । ଗ୍ରୀନ ଜର୍ସିରେ ଆଜି ଖେଳିବ ଆରସିବି ।
The Clash of the Royals is incoming! ⚔
— Star Sports (@StarSportsIndia) April 13, 2025
Both teams are eyeing a comeback after their losses.
Who will come out on top?#IPLonJioStar 👉 #RRvRCB | SUN, 13th APR, 2:30 PM on Star Sports 2, Star Sports 2 Hindi & JioHotstar! pic.twitter.com/UcBhKE8PNY
RR vs RCB ମୁହାଁମୁହିଁ ରେକର୍ଡ-
ଯଦି ଆମେ ରାଜସ୍ଥାନ ରୟାଲ୍ସ ଏବଂ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ହେଡ୍ ଟୁ ହେଡ୍ ରେକର୍ଡ ଦେଖିଲେ ଉଭୟଙ୍କ ମଧ୍ୟରେ କାଣ୍ଟେ କା ଟକ୍କର ହୋଇଛି । ଉଭୟ ଦଳ ମଧ୍ୟରେ ଏପର୍ଯ୍ୟନ୍ତ ମୋଟ 32ଟି IPL ମ୍ୟାଚ୍ ଖେଳାଯାଇଛି । ଏହି ସମୟ ମଧ୍ୟରେ, RCB 15ଟି ମ୍ୟାଚ୍ ଜିତିଛି। ଯେତେବେଳେ, ରାଜସ୍ଥାନ ୧୪ଟି ମ୍ୟାଚ୍ ଜିତିଛି । ଯଦି ଆମେ ଦୁଇ ଦଳ ମଧ୍ୟରେ ଖେଳାଯାଇଥିବା ଶେଷ 5ଟି ମ୍ୟାଚ୍ ଉପରେ ନଜର ପକାଇବା, ତେବେ ରାଜସ୍ଥାନ 3 ଥର ଜିତିଥିବା ବେଳେ RCB 2ଟି ମ୍ୟାଚ୍ ଜିତିଛି।
ସାୱାଇ ମାନସିଂହ ଷ୍ଟାଡିୟମ୍ ପିଚ୍ ରିପୋର୍ଟ-
ଜୟପୁରର ସୱାଇ ମାନସିଂହ ଷ୍ଟାଡିୟମ ଆଇପିଏଲର କିଛି ଷ୍ଟାଡିୟମ ମଧ୍ୟରୁ ଗୋଟିଏ ଯେଉଁଠାରେ ବ୍ୟାଟସମ୍ୟାନମାନେ ସାଧାରଣତଃ ବଡ଼ ସଟ୍ ଖେଳିବାକୁ କଷ୍ଟକର ପାଆନ୍ତି । ଏହି ଷ୍ଟାଡିୟମଟି ୨୦୦୮ ମସିହାରୁ IPL ଆୟୋଜନ କରିଆସୁଛି ଏବଂ ଏଠାରେ ସ୍କୋର ମାତ୍ର ତିନିଥର ୨୦୦ ରୁ ଅଧିକ ହୋଇଛି । ଏହି ପିଚ୍ ବୋଲରମାନଙ୍କ ପାଇଁ ବହୁତ ସହାୟକ । ତେଣୁ, ରନ ସ୍କୋର କରିବା ପାଇଁ ବ୍ୟାଟସମ୍ୟାନମାନଙ୍କୁ ଏଠାରେ କଠିନ ପରିଶ୍ରମ କରିବାକୁ ପଡିବ ।
𝐆𝐚𝐦𝐞 𝐟𝐨𝐫 𝐆𝐫𝐞𝐞𝐧! 🌏
— Royal Challengers Bengaluru (@RCBTweets) April 11, 2025
How’s the #RCBxPuma Green Travel drip looking, fam? 😎 pic.twitter.com/JYsuOXavkr
ରାଜସ୍ଥାନ ରୟାଲ୍ସ ବନାମ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଉଭୟ ଦଳର ସମ୍ଭାବ୍ୟ ପ୍ଲେଇଂ-୧୧
ରାଜସ୍ଥାନ ରୟାଲ୍ସର ସମ୍ଭାବ୍ୟ ପ୍ଲେଇଂ-୧୧
ସଞ୍ଜୁ ସାମସନ (ଅଧିନାୟକ ତଥା ୱିକେଟ୍ କିପର), ଯଶସ୍ୱୀ ଜୟସ୍ୱାଲ, ନୀତୀଶ ରାଣା, ରିୟାନ ପରାଗ, ଧ୍ରୁବ ଜୁରେଲ, ଶିମରନ୍ ହେଟମିୟର, ୱାନିନ୍ଦୁ ହାସରାଙ୍ଗା, ଜୋଫ୍ରା ଆର୍ଚ୍ଚର, ମହେଶ ଥକସେନା, କୁମାର କାର୍ତ୍ତିକେୟ, ତୁଶର ଦେଶପାଣ୍ଡେ
ଇମ୍ପାକ୍ଟ ପ୍ଲେୟାର: ଆକାଶ ମାଧୱାଲ
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ସମ୍ଭାବ୍ୟ ପ୍ଲେଇଂ-୧୧
ବିରାଟ କୋହଲି, ଫିଲ୍ ସଲ୍ଟ, ଦେବଦତ୍ତ ପାଡିକ୍କାଲ, ରଜତ ପାଟିଦାର, ଲିଆମ୍ ଲିଭିଙ୍ଗଷ୍ଟୋନ୍, ଜିତେଶ ଶର୍ମା, ଟିମ୍ ଡେଭିଡ, କ୍ରୁନାଲ ପାଣ୍ଡ୍ୟା, ଭୁବନେଶ୍ୱର କୁମାର, ଜୋଶ ହାଜଲେଉଡ, ୟଶ ଦୟାଲ
ଇମ୍ପାକ୍ଟ ପ୍ଲେୟାର: ରସିଖ ସଲାମ / ସୁୟଶ ଶର୍ମା
