ହାଇଦ୍ରାବାଦ ବିପକ୍ଷରେ ମୁମ୍ବାଇର ସହଜ ବିଜୟ, ବୋଲିଂ ପରେ ବ୍ୟାଟିଂରେ ବି କମାଲ କଲେ ରୋହିତ ବାହିନୀ

ୱାଙ୍ଖଡେ ଷ୍ଟାଡିୟମରେ ଚମକିଲା ମୁମ୍ବାଇ । ମୁମ୍ବାଇର ତୃତୀୟ ବିଜୟ ଥିବାବେଳେ ହାଇଦ୍ରାବାଦର ପଞ୍ଚମ ପରାଜୟ ।

ମୁମ୍ବାଇ: ଘରୋଇ ଗ୍ରାଉଣ୍ଡରେ ମୁମ୍ବାଇର ତୃତୀୟ ବିଜୟ । ୱାଙ୍ଖଡେ ଷ୍ଟାଡିୟମରେ ଚାଲିଥିବା ଆଇପିଏଲର 33 ନମ୍ବର ମ୍ୟାଚରେ 4 ୱିକେଟରେ ବିଜୟ ହାସଲ କରିଛି ମୁମ୍ବାଇ ଇଣ୍ଡିଆନ୍ସ । ମୁମ୍ବାଇର ଅଲରାଉଣ୍ଡର ବିଲ ଜେକ୍ସ ଉଭୟ ବୋଲିଂ ଆଉ ବ୍ୟାଟିଂରେ ଚତ୍ମକାର ପ୍ରଦର୍ଶନ କରିଥିଲେ । ଜେକ୍ସ 2 ୱିକେଟ ନେବା ସହ 36 ରନ କରିଥିଲେ ।

Match 33. Mumbai Indians Won by 4 Wicket(s) https://t.co/8baZ67XxKu #MIvSRH #TATAIPL #IPL2025

— IndianPremierLeague (@IPL) April 17, 2025

ଆଜିର ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଆଗରେ ଥିଲା 163 ରନର ଟାର୍ଗେଟ । 18.1 ଓଭରରେ ରନ କରିନେଇଥିଲା ଟିମ୍‌ । ଏହା ମୁମ୍ବାଇ ଇଣ୍ଡିଆନ୍ସର 3 ବିଜୟ । ତେବେ ଟାର୍ଗେଟକୁ ପିଛା କରି ମୁମ୍ବାଇ ଇଣ୍ଡିଆନ୍ସ ଆରମ୍ଭରୁ ଭଲ ପ୍ରଦର୍ଶନ କରିଥିଲା । ରୋହିତ ଶର୍ମା ଓ ରିକ୍ଲେନ ଉଭୟେ ମିଳିତ ଭାବେ 3.5 ଓଭରରେ 32 ରନ କରିଥିଲେ । ରୋହିତ 16 ବଲରେ 3 ଛକା ମାରିବା ସହ 26 ରନ କରିଥିଲେ । ପ୍ୟାଟ କମିନ୍ସଙ୍କୁ ତାଙ୍କୁ ପାଭିଲିୟନ ରାସ୍ତା ଦେଖାଇଥିଲେ ।

Applying the finishing touches 🤌

🎥 #MI skipper Hardik Pandya gave them the final flourish with a brilliant cameo of 21(9)

Scorecard ▶ https://t.co/8baZ67Y5A2#TATAIPL | #MIvSRH | @mipaltan | @hardikpandya7 pic.twitter.com/hPI3CxwzLF

— IndianPremierLeague (@IPL) April 17, 2025

ରିକ୍ଲେନ 31 ରନ, ସୂର୍ଯ୍ୟକୁମାର 26 ରନ, ହାର୍ଦ୍ଦିକ ପାଣ୍ଡ୍ୟା 21 ରନ କରିଥିବା ବେଳେ ତିଲକ ବର୍ମା ଚଉକା ମାରି ମ୍ୟାଚ ଜିତାଇଥିଲେ ।

ଶେଷ ଓଭରରେ ଅନିକେତ ବର୍ମାଙ୍କ ଚମତ୍କାର ବ୍ୟାଟିଂ ଯୋଗୁଁ ସନରାଇଜର୍ସ ହାଇଦ୍ରାବାଦ ମୁମ୍ବାଇ ଇଣ୍ଡିଆନ୍ସ ପାଇଁ ୧୬୩ ରନର ଟାର୍ଗେଟ ଦେଇଥିଲା । ଏହି ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା । ହାଇଦ୍ରାବାଦର ବ୍ୟାଟିଂ ଧୀର ଥିଲା, କିନ୍ତୁ ଅନିକେତ ୨୦ତମ ଓଭରରେ ହାର୍ଦ୍ଦିକ ପାଣ୍ଡ୍ୟାଙ୍କ ଓଭରରୁ ୨୨ ରନ ନେଇଥିଲେ, ଯାହା ଫଳରେ ସନରାଇଜର୍ସ ହାଇଦ୍ରାବାଦ ୨୦ ଓଭରରେ 5 ୱିକେଟରେ ୧୬୨ ରନ କରିପାରିଥିଲା । ହାଇଦ୍ରାବାଦ ପକ୍ଷରୁ ଓପନର ଅଭିଷେକ ଶର୍ମା ୨୮ ବଲ୍ ରେ ୭ଟି ଚୌକା ସହାୟତାରେ ସର୍ବାଧିକ ୪୦ ରନ୍ କରିଥିଲେ ।

ପ୍ରଥମେ ବ୍ୟାଟିଂ କରି ଅଭିଷେକ ଏବଂ ଟ୍ରାଭିସ୍ ହେଡ୍ ଦଳକୁ ଭଲ ଆରମ୍ଭ ଦେଇଥିଲେ ଏବଂ ପାୱାର ପ୍ଲେ ପର୍ଯ୍ୟନ୍ତ ମୁମ୍ବାଇକୁ କୌଣସି ସଫଳତା ପାଇବାକୁ ଦେଇ ନଥିଲେ ଏବଂ ପ୍ରଥମ ୱିକେଟ୍ ପାଇଁ 59 ରନ୍ ଯୋଡ଼ିଥିଲେ । ଅଭିଷେକଙ୍କୁ ଆଉଟ୍ କରି ହାର୍ଦ୍ଦିକ ପାଣ୍ଡ୍ୟା ହାଇଦ୍ରାବାଦକୁ ପ୍ରଥମ ଝଟକା ଦେଇଥିଲେ । ଏହାପରେ ହାଇଦ୍ରାବାଦର ଇନିଂସ ପତନ ଘଟିଥିଲା । ଏହି ମ୍ୟାଚ୍‌ରେ ମଧ୍ୟ ଇଶାନ କିଷନ ଭଲ ପ୍ରଦର୍ଶନ କରିପାରି ନଥିଲେ ଏବଂ ଦୁଇ ରନ୍ କରି ଆଉଟ୍ ହୋଇଥିଲେ । ଟ୍ରାଭିସ୍ ହେଡ୍ ଏକ ଲାଇଫ୍ ପାଇଥିଲେ କିନ୍ତୁ ଏହାର ଫାଇଦା ଉଠାଇ ପାରିନଥିଲେ ଏବଂ 29 ବଲ୍ ରୁ ତିନିଟି ଚୌକା ସହାୟତାରେ 28 ରନ୍ କରି ଆଉଟ୍ ହୋଇଥିଲେ ।

Sunrisers Hyderabad (AP)

ନୀତିଶ କୁମାର ରେଡ୍ଡୀ ମଧ୍ୟ ୧୯ ରନ କରି ପାଭିଲିୟନ ଫେରିଥିଲେ । ପରେ ହେନରିଚ୍ କ୍ଲାସେନ୍ ହାତ ଖୋଲି ଦଳୀୟ ସ୍କୋରକୁ ୧୩୦ ଅତିକ୍ରମ କରାଇଥିଲେ, କିନ୍ତୁ ତାଙ୍କୁ ବୁମରା ବୋଲ୍ଡ କରି ପ୍ୟାଭିଲିୟନ ପଠାଇ ଦେଇଥିଲେ। କ୍ଲାସେନ ୨୮ ବଲ୍‌ରେ ତିନିଟି ଚୌକା ଏବଂ ଦୁଇଟି ଛକା ସହାୟତାରେ ୩୭ ରନ୍ କରିଥିଲେ। ଏହାପରେ ଅନିକେତ ବର୍ମା ଚମତ୍କାର ପ୍ରଦର୍ଶନ କରିଥିଲେ ଯାହା ଫଳରେ ଦଳର ସ୍କୋର ୧୬୦ ପାର କରିବାରେ ସଫଳ ହୋଇଥିଲା। ଅନିକେତ ଆଠ ବଲ୍‌ରେ ଦୁଇଟି ଛକା ସହାୟତାରେ ୧୮ ରନ୍ କରି ଅପରାଜିତ ରହିଥିଲେ ଏବଂ ଅଧିନାୟକ ପ୍ୟାଟ୍ କମିନ୍ସ ଚାରି ବଲ୍‌ରେ ଗୋଟିଏ ଛକା ସହାୟତାରେ ଆଠ ରନ୍ କରି ଅପରାଜିତ ରହିଥିଲେ। ମୁମ୍ବାଇ ପକ୍ଷରୁ ୱିଲ୍ ଜ୍ୟାକ୍ସ ଦୁଇଟି ୱିକେଟ୍ ନେଇଥିବା ବେଳେ ଟ୍ରେଣ୍ଟ ବୋଲ୍ଟ, ଜସପ୍ରିତ ବୁମରା ଏବଂ ହାର୍ଦ୍ଦିକ ପାଣ୍ଡ୍ୟା ଗୋଟିଏ ଲେଖାଏଁ ୱିକେଟ୍ ନେଇଥିଲେ।

ଏହା ମଧ୍ୟ ପଢ଼ନ୍ତୁ- ୟୁରୋପୀୟ T-10 ମ୍ୟାଚ୍‌ରେ ଜୈନ ନକଭିଙ୍କ ରନ୍ ଝଡ଼, ମାତ୍ର 26 ବଲ୍‌ରେ 24ଟି ଛକା ମାରି ଶତକ ହାସଲ