ଲକ୍ଷ୍ନୌ: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) 2025ରେ ଆଜି ଖେଳାଯିବ ଏକ ଗୁରୁତ୍ୱପୂର୍ଣ୍ଣ ମ୍ୟାଚ । ୩୦ତମ ମ୍ୟାଚରେ ଲକ୍ଷ୍ନୌ ସୁପର ଜାଏଣ୍ଟସ୍ (ଏଲଏସଜି)କୁ ସାମ୍ନା କରିବ ଚେନ୍ନାଇ ସୁପର କିଙ୍ଗ୍ସ (ସିଏସକେ) । ଦୁଇ ଦଳ ମଧ୍ୟରେ ଏହି ମ୍ୟାଚ୍ ଲକ୍ଷ୍ନୌର ଏକନା କ୍ରିକେଟ ଷ୍ଟାଡିୟମରେ ସନ୍ଧ୍ୟା ୭:୩୦ରେ ଆରମ୍ଭ ହେବ । IPL 2025 ରେ ଲକ୍ଷ୍ନୌ ଏପର୍ଯ୍ୟନ୍ତ ଦମଦାର ପ୍ରଦର୍ଶନ କରିଛି । ଏପଟେ CSK ଖରାପ ପ୍ରଦର୍ଶନ ସହିତ ପ୍ରଶଂସକଙ୍କୁ ନିରାଶ କରିଛି । ଲକ୍ଷ୍ନୌ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ଥିବା ବେଳେ CSK ଦଶମ ସ୍ଥାନରେ ସବୁଠାରୁ ତଳେ ଅଛି ।
ଆଇପିଏଲରେ ଲକ୍ଷ୍ନୌ ବନାମ ଚେନ୍ନାଇ ମ୍ୟାଚ୍
ଋଷଭ ପନ୍ତଙ୍କ ନେତୃତ୍ୱାଧୀନ ଲକ୍ଷ୍ନୌ ସୁପରଜାଏଣ୍ଟ୍ସ ଦଳ ଆଜି ଘରୋଇ ଗ୍ରାଉଣ୍ଡରେ ଚେନ୍ନାଇ ସୁପର କିଙ୍ଗସକୁ ଭେଟିବ। ଲକ୍ଷ୍ନୌ ଏପର୍ଯ୍ୟନ୍ତ ମିଶ୍ରିତ ପ୍ରଦର୍ଶନ ଦେଖାଇଛି ଏବଂ 6ଟି ମ୍ୟାଚ୍ ରୁ 4ଟିରେ ବିଜୟୀ ହୋଇଛି । ଏହି ସିଜିନରେ ଲକ୍ଷ୍ନୌ ଦିଲ୍ଲୀ କ୍ୟାପିଟାଲ୍ସ ଏବଂ ପଞ୍ଜାବ କିଙ୍ଗ୍ସ ବିପକ୍ଷରେ ପରାଜୟର ସମ୍ମୁଖୀନ ହୋଇଛି ଲକ୍ଷ୍ନୌ ଟିମ୍ । ଆଜି CSK ବିପକ୍ଷ ମ୍ୟାଚ୍ରେ ଲକ୍ଷ୍ନୌ ବିଜୟୀ ହୋଇ ମୂଲ୍ୟବାନ 2 ପଏଣ୍ଟ ହାସଲ କରିବାକୁ ଲକ୍ଷ୍ୟ ରଖିଛି ।
A power-packed #LSG side host #CSK who are in the hunt for a much-needed victory! 🔵🟡
— Star Sports (@StarSportsIndia) April 14, 2025
Which side are you backing to bag the win? 💬#IPLonJioStar 👉 #LSGvCSK | MON, 14th APR, 6:30 PM LIVE on Star Sports 1, Star Sports 1 Hindi & JioHotstar! pic.twitter.com/pLo2NlqRW3
ଏପଟେ ଚେନ୍ନାଇ ସୁପର କିଙ୍ଗ୍ସ ଏହି ସିଜିନରେ ପ୍ରଶଂସକମାନଙ୍କୁ ନିରାଶ କରିଛି । ନିୟମିତ ଅଧିନାୟକ ଋତୁରାଜ ଗାଏକୱାଡଙ୍କ ଅଧିନାୟକତ୍ୱରେ, ଦଳ 5 ମ୍ୟାଚରୁ କେବଳ ଗୋଟିଏ ଜିତିଥିଲା ଏବଂ 4 ମ୍ୟାଚ୍ ହାରିଥିଲା । ଗାଏକୱାଡ ଆହତ ହେବା ପରେ, ଧୋନିଙ୍କ ଅଧିନାୟକତ୍ୱରେ ଖେଳାଯାଇଥିବା ଏକମାତ୍ର ମ୍ୟାଚରେ ମଧ୍ୟ ଦଳକୁ ଲଜ୍ଜାଜନକ ପରାଜୟର ସାମ୍ନା କରିବାକୁ ପଡିଥିଲା । ୫ ଥରର ଚାମ୍ପିଅନ୍ ୬ଟି ମ୍ୟାଚ୍ ରୁ ମାତ୍ର ଗୋଟିଏ ଜିତିଛି । ତେବେ ଆଜି ଧୋନୀଙ୍କ ପାଇଁ ଅଗ୍ନିପରୀକ୍ଷା । କାରଣ ଲକ୍ଷ୍ନୌ ଟିମର ନିର୍ଭରଯୋଗ୍ୟ ବ୍ୟାଟର ନିକୋଲାସ୍ ପୁରନଙ୍କୁ ଅଟକାଇବା ଚେନ୍ନାଇ ପାଇଁ କାଠିକର ପାଠ ହୋଇପାରେ ।
#LSG may have the wind behind them, but #CSK know how to rise when it matters the most! 💪🏻
— Star Sports (@StarSportsIndia) April 14, 2025
Who will take home the 2 points tonight? 💙💛
#IPLonJioStar 👉 #LSGvCSK | MON, 14th APR, 6:30 PM LIVE on Star Sports 1, Star Sports 1 Hindi & JioHotstar! pic.twitter.com/RTLkaYN70e
LSG vs CSK ହେଡ୍ ଟୁ ହେଡ୍ ରେକର୍ଡ
ଲକ୍ଷ୍ନୌ ସୁପର ଜାଏଣ୍ଟ୍ସ ଏବଂ ଚେନ୍ନାଇ ସୁପର କିଙ୍ଗସ୍ ମଧ୍ୟରେ ହେଡ୍ ଟୁ ହେଡ୍ ରେକର୍ଡ ଦେଖିଲେ ଲକ୍ଷ୍ନୌ ଆଗରେ ରହିଛି । ଉଭୟ ଦଳ ଏପର୍ଯ୍ୟନ୍ତ 5ଟି IPL ମ୍ୟାଚ୍ ଖେଳି ପରସ୍ପରର ସାମ୍ନା କରିଛନ୍ତି । ଏହି ସମୟ ମଧ୍ୟରେ, ଲକ୍ଷ୍ନୌ 3ଟି ମ୍ୟାଚ୍ରେ ଚମତ୍କାର ବିଜୟ ହାସଲ କରିଛି । ଉଭୟ ଦଳ ପାଇଁ ମ୍ୟାଚ୍ ଜିତିବା ବହୁତ ଗୁରୁତ୍ୱପୂର୍ଣ୍ଣ, ତେଣୁ ଆଜି ଉଭୟଙ୍କ ମଧ୍ୟରେ ଏକ କଠିନ ମୁକାବିଲା ଆଶା କରାଯାଉଛି ।
ଏକାନା ଷ୍ଟାଡିୟମ୍ ପିଚ୍ ରିପୋର୍ଟ
ଲକ୍ଷ୍ନୌର ଏକାନା ଷ୍ଟାଡିୟମର ପିଚ୍ ବୋଲରଙ୍କ ପାଇଁ ସହାୟକ ବୋଲି ବିବେଚନା କରାଯାଏ । ଏହି ଗ୍ରାଉଣ୍ଡରେ T20 ରେ ହାରାହାରି ସ୍କୋର 173 ରନ୍ । ଏହି ମ୍ୟାଚ୍ ଲାଲ ମାଟି ପିଚ୍ରେ ଖେଳାଯିବ ଏବଂ ସେଠାରେ ପ୍ରଚୁର ଘାସ ଥାଇପାରେ, ଯାହା ଦ୍ରୁତ ବୋଲରମାନଙ୍କ ପାଇଁ ସହାୟକ ହୋଇପାରେ ।
Two of #TATAIPL's most feared wicket-keeper batters take on each other, in a sure-shot six-fest! 🏏💥#RishabhPant 🩵 or #MSDhoni 💛 Who will have the last laugh? 🧤#IPLonJioStar 👉 #LSGvCSK | MON 14 APR, 6:30 PM on Star Sports 1, Star Sports 1 Hindi & Star Sports 3! pic.twitter.com/yf63nnvScx
— Star Sports (@StarSportsIndia) April 13, 2025
LSG vs CSK ଉଭୟ ଦଳର ସମ୍ଭାବ୍ୟ ପ୍ଲେଇଂ-୧୧
ଲକ୍ଷ୍ନୌ ସୁପର ଜାଏଣ୍ଟସ ସମ୍ଭାବ୍ୟ ପ୍ଲେଇଂ-୧୧
ମିଚେଲ ମାର୍ଶ, ଆଡେନ ମାର୍କ୍ରାମ, ନିକୋଲାସ ପୁରନ, ଋଷଭ ପନ୍ତ (ୱିକେଟ୍ ରକ୍ଷକ / ଅଧିନାୟକ), ଆୟୁଷ ବଡୋନି, ଡେଭିଡ ମିଲର, ଶାହାବାଜ ଅହମ୍ମଦ, ଶାର୍ଦ୍ଦୁଲ ଠାକୁର, ରବି ବିଷ୍ଣୋଇ, ଆଭେଶ ଖାନ, ପ୍ରିନ୍ସ ଯାଦବ
ପ୍ରଭାବଶାଳୀ ଖେଳାଳି: ଦିଗବେଶ ରାଠି
ଚେନ୍ନାଇ ସୁପର କିଙ୍ଗ୍ସର ସମ୍ଭାବ୍ୟ ପ୍ଲେଇଂ-୧୧
ରାଚିନ୍ ରବିନ୍ଦ୍ର, ଡିଭନ୍ କନୱେ, ରାହୁଲ ତ୍ରିପାଠୀ, ଶିବମ୍ ଦୁବେ, ବିଜୟ ଶଙ୍କର, ରବିନ୍ଦ୍ର ଜାଡେଜା, ଏମ୍.ଏସ୍ ଧୋନି (ଅଧିନାୟକ ତଥା ୱିକେଟ୍ କିପର), ଆର ଅଶ୍ୱିନ୍, ନୁର ଅହମ୍ମଦ, ମାଥିଶା ପାଥିରାନା, ଖାଲିଲ ଅହମ୍ମଦ
ଇମ୍ପାକ୍ଟ ପ୍ଲେୟାର: ମୁକେଶ ଚୌଧରୀ / ଅନସୁଲ କାମ୍ବୋଜ
