କୋଲକାତା: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ୨୦୨୫ ୧୫ତମ ମ୍ୟାଚରେ କୋଲକାତା ନାଇଟ୍ ରାଇଡର୍ସ (କେକେଆର୍) ଏବଂ ସନରାଇଜର୍ସ ହାଇଦ୍ରାବାଦ (ଏସ୍ଆରଏଚ) ଆଜି ମୁହାଁମୁହିଁ ହେବେ । ଦୁଇ ଦଳ ମଧ୍ୟରେ ସନ୍ଧ୍ୟା ୭ଟା ୩୦ମିନିଟରୁ କୋଲକାତାର ଇଡେନ ଗାର୍ଡେନରେ ଏହି ମ୍ୟାଚ ଖେଳାଯିବ । କେକେଆର ଏପର୍ଯ୍ୟନ୍ତ 3ଟି ମ୍ୟାଚ୍ ଖେଳି ଗୋଟିଏରେ ବିଜୟୀ ହୋଇଥିବା ବେଳେ 2ଟିରେ ପରାସ୍ତ ହୋଇଛି । ସନରାଇଜର୍ସ ହାଇଦ୍ରାବାଦ ମଧ୍ୟ 3ଟି ମ୍ୟାଚରୁ 1ଟି ଜିତିଛି । ପଏଣ୍ଟ ଟେବୁଲରେ କୋଲକାତା ଏବଂ ହାଇଦ୍ରାବାଦ ଯଥାକ୍ରମେ ଦଶମ ଏବଂ ୮ମ ସ୍ଥାନରେ ଅଛନ୍ତି ।
ଆଇପିଏଲରେ କୋଲକାତା ବନାମ ହାଇଦ୍ରାବାଦ ମ୍ୟାଚ୍
ଅଜିଙ୍କ୍ୟ ରାହାଣେଙ୍କ ନେତୃତ୍ୱାଧୀନ ଡିଫେଣ୍ଡିଂ ଚାମ୍ପିଅନ୍ କେକେଆର ଆରସିବି ଠାରୁ ୭ ୱିକେଟରେ ଏବଂ ମୁମ୍ବାଇ ଇଣ୍ଡିଆନ୍ସ ଠାରୁ ୮ ୱିକେଟରେ ପରାସ୍ତ ହୋଇଥିଲା । ମୁମ୍ବାଇ ବିପକ୍ଷ ମ୍ୟାଚ୍ରେ କେକେଆର ବ୍ୟାଟର ନିରାଶ କରିଥିଲେ । ଦଳ ୧୧୬ ରନ୍ରେ ଅଲଆଉଟ୍ ହୋଇଯାଇଥିଲା । ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ରେ KKR 8 ୱିକେଟ୍ରେ ଏକ ଚମତ୍କାର ବିଜୟ ହାସଲ କରିଥିଲା । ବର୍ତ୍ତମାନ ପଏଣ୍ଟ ଟେବୁଲର କେକେଆର ସବୁଠାରୁ ତଳେ ରହିଛି ।
#SRH fell short in all 3 battles against #KKR last season, including Qualifier 1 & the #TATAIPL 2024 Final, where the Knights ruled supreme! 🏆🔥
— Star Sports (@StarSportsIndia) April 3, 2025
Cut to 2025, will Hyderabad flip the script and end Kolkata's streak? 👀#IPLonJioStar 👉 #KKRvSRH | THU, 3rd APR, 6:30 PM on Star… pic.twitter.com/ifyjXUfeuL
ଏହା ବି ପଢନ୍ତୁ- ବଟଲରଙ୍କ ଧୂଆଁଧାର ଇନିଂସ, ଘରୋଇ ମାଟିରେ ବାଙ୍ଗାଲୋରକୁ ମାଟି ଚଟାଇଲା ଗୁଜରାଟ - RCB VS GT MATCH
ଏପଟେ ଷ୍ଟାର ବ୍ୟାଟର ଖଚାଖଚ ସନରାଇଜର୍ସ ହାଇଦ୍ରାବାଦ ଏକ ବଡ଼ ବିଜୟ ସହିତ ସିଜିନ ଆରମ୍ଭ କରିଥିଲା । ପ୍ରଥମ ମ୍ୟାଚ୍ରେ ହାଇଦ୍ରାବାଦ ରାଜସ୍ଥାନ ବିପକ୍ଷରେ ୨୮୬ ରନ୍ କରିଥିଲା ଏବଂ ୪୪ ରନ୍ରେ ବିଜୟୀ ହୋଇଥିଲା । କିନ୍ତୁ ଏହା ପରେ ଦଳ ବିଜୟ ପଥରେ ବ୍ରେକ ଲାଗିଗଲା । କ୍ରମାଗତ ଦୁଇଟି ମ୍ୟାଚ୍ ହାରିଛି ଏସଆରଏଚ । ହାଇଦ୍ରାବାଦକୁ ତା'ର ଘରୋଇ ପଡ଼ିଆରେ ଲକ୍ଷ୍ନୌ ୫ ୱିକେଟରେ ପରାସ୍ତ କରିଥିଲା । ତା’ପରେ ଦିଲ୍ଲୀ କ୍ୟାପିଟାଲ୍ସ ମଧ୍ୟ 7 ୱିକେଟରେ ପରାସ୍ତ କରିଥିଲା ।
History Repeats or a New Chapter? 📖🏏#KKR had the upper hand in the 2024 Final, but will #SRH rise stronger and change the narrative in 2025? 🔥#IPLonJioStar 👉 #KKRvSRH | THU, 3rd APR, 6:30 PM on Star Sports 1, Star Sports 1 Hindi & JioHotstar! pic.twitter.com/SrBDu7PAu3
— Star Sports (@StarSportsIndia) April 3, 2025
KKR vs SRH ହେଡ୍ ଟୁ ହେଡ୍ ରେକର୍ଡ
କୋଲକାତା ନାଇଟ୍ ରାଇଡର୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ହେଡ୍ ଟୁ ହେଡ୍ ରେକର୍ଡ ଦେଖିଲେ, ଉଭୟ ଦଳ ଏପର୍ଯ୍ୟନ୍ତ ଆଇପିଏଲରେ 28 ଥର ପରସ୍ପରକୁ ଭେଟିଛନ୍ତି । ଏହି ସମୟରେ KKR 19ଟି ମ୍ୟାଚ୍ ଜିତିଛି । ହାଇଦ୍ରାବାଦ ଦଳ KKR ବିପକ୍ଷରେ କେବଳ 9ଟି ମ୍ୟାଚ୍ ଜିତିଛି। KKR ଗତ 10ଟି ମ୍ୟାଚ୍ ମଧ୍ୟରୁ 7 ଥର ଜିତିଛି ।
ଇଡେନ୍ ଗାର୍ଡେନ୍ସ ପିଚ୍ ରିପୋର୍ଟ
କୋଲକାତାର ଇଡେନ୍ ଗାର୍ଡେନ୍ସର ପିଚ୍ ବ୍ୟାଟସମ୍ୟାନଙ୍କ ପାଇଁ ସହାୟକ ବୋଲି ବିବେଚନା କରାଯାଏ । ଏହି ପିଚ୍ରେ, ବ୍ୟାଟ୍ସମ୍ୟାନ୍ ସହଜରେ ସେଟେଲ ହୋଇପାରିବେ ଏବଂ ବଡ଼ ସଟ୍ ମାରିପାରିବେ । ଏହି ପିଚ୍ରେ ଅନେକ ମ୍ୟାଚ୍ରେ 200ରୁ ଅଧିକ ସ୍କୋର ହୋଇଛି । ଏଠାରେ ସ୍ପିନରମାନଙ୍କ ପାଇଁ ବହୁତ ସାହାଯ୍ୟ ନାହିଁ ଏବଂ ବ୍ୟାଟସମ୍ୟାନମାନେ ସେମାନଙ୍କୁ କଡ଼ା ପ୍ରହାର କରୁଥିବା ଦେଖାଯାଉଛି । ଏଠାରେ ଦ୍ରୁତ ବୋଲରମାନେ ନୂତନ ବଲ୍ ସହିତ ୱିକେଟ୍ ନେବାରେ ସଫଳ ହୁଅନ୍ତି । କେକେଆର ଅଧିନାୟକ ରାହାଣେ ଏକ ସ୍ପିନ୍ ପିଚ୍ ଦାବି କରିଛନ୍ତି । ଯାହା ବହୁତ ବିବାଦ ସୃଷ୍ଟି କରିଛି। ଏବେ ଆଜିର ମ୍ୟାଚ୍ରେ ପିଚ୍ କିପରି ଖେଳୁଛି ତା ଉପରେ ସମସ୍ତଙ୍କ ନଜର ।
KKR vs SRH ଉଭୟ ଦଳର ସମ୍ଭାବ୍ୟ ପ୍ଲେଇଂ-୧୧
କୋଲକାତା ନାଇଟ୍ ରାଇଡର୍ସର ସମ୍ଭାବ୍ୟ ପ୍ଲେଇଂ-୧୧
କ୍ୱିଣ୍ଟନ୍ ଡି କକ୍ (ୱିକେଟ୍ ରକ୍ଷକ), ସୁନୀଲ ନାରିନ, ଅଜିଙ୍କ୍ୟ ରାହାଣେ (ଅଧିନାୟକ), ଭେଙ୍କଟେଶ ଆୟର୍, ରଘୁବଂଶୀ, ରିଙ୍କୁ ସିଂ, ଆନ୍ଦ୍ରେ ରସେଲ, ରାମଣଦୀପ ସିଂ, ହର୍ଷିତ ରାଣା, ସ୍ପେନ୍ସର ଜନସନ, ବରୁଣ ଚକ୍ରବର୍ତ୍ତୀ
ଇମ୍ପାକ୍ଟ ପ୍ଲେୟାର: ବୈଭବ ଆରୋରା / ମନୀଷ ପାଣ୍ଡେ
ସନରାଇଜର୍ସ ହାଇଦ୍ରାବାଦର ସମ୍ଭାବ୍ୟ ପ୍ଲେଇଂ-୧୧
ଅଭିଷେକ ଶର୍ମା, ଟ୍ରାଭିସ୍ ହେଡ୍, ଇଶାନ୍ କିଶାନ୍, ନୀତୀଶ ରେଡ୍ଡୀ, ହେନରିଚ୍ କ୍ଲାସେନ୍ (ୱିକେଟ୍ କିପର), ଅନିକେଟ୍ ଭର୍ମା, ଅଭିନବ ମନୋହର, ପ୍ୟାଟ୍ କମିନ୍ସ, ହର୍ଷଲ ପଟେଲ, ମହମ୍ମଦ ଶାମି, ଜିଶାନ ଅନସାରୀ
ଇମ୍ପାକ୍ଟ ପ୍ଲେୟାର: ୱିଆନ୍ ମଲଡର୍ / ଆଡାମ ଜାମ୍ପା
