ଶ୍ରୀମନ୍ଦିରରେ ଆଇପିଏଲ୍ ଟ୍ରଫି; ମହାପ୍ରଭୁଙ୍କ ନିକଟରେ ହେଲା ପୂଜାର୍ଚ୍ଚନା, ଆଶୀର୍ବାଦ ନେଲେ କେକେଆର ଅଫିସିଆଲ୍

ଆସନ୍ତା ମାର୍ଚ୍ଚ 22ରୁ 2025 ଆଇପିଏଲ ଆରମ୍ଭ । ଆଇପିଏଲ୍ ଉଦ୍ଘାଟନ ପୂର୍ବରୁ ମହାପ୍ରଭୁଙ୍କ ନିକଟରେ ଆଇପିଏଲ ଟ୍ରଫିକୁ କରାଗଲା ପୂଜାର୍ଚ୍ଚନା ।

ପୁରୀ: ଶ୍ରୀକ୍ଷେତ୍ରରେ ଆଇପିଏଲ୍ (Indian Premier League) ଟ୍ରଫି । ଆଇପିଏଲ୍ 2025 ଆରମ୍ଭ ପୂର୍ବରୁ ଜଗା ଦୂଆରେ ପହଞ୍ଚିଲା ଟ୍ରଫି । ଆଇପିଏଲ୍ ଉଦ୍ଘାଟନ ପୂର୍ବରୁ ମହାପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ଆଇପିଏଲ ଟ୍ରଫିକୁ କରାଗଲା ପୂଜାର୍ଚ୍ଚନା । ଟ୍ରଫି ଟୁର୍ ପ୍ରୋଗ୍ରାମରେ ଦେଶର ବିଭିନ୍ନ ସ୍ଥାନରେ ପହଞ୍ଚିଥାଏ ଆଇପିଏଲ ଟ୍ରଫି ।

ପୁରୀରେ ଆଇପିଏଲ ଟ୍ରଫି । ଆସନ୍ତା ମାର୍ଚ୍ଚ 22ରେ ଆଇପିଏଲ୍ ଉଦ୍ଘାଟନ । ବିଶ୍ୱ କ୍ରିକେଟର ସବୁଠୁ ବିତ୍ତଶାଳୀ ଲିଗ୍ ମ୍ୟାଚ୍ ଅନୁଷ୍ଠିତ ହେବାକୁ ଥିବାବେଳେ ଏହା ପୂର୍ବରୁ ଆଇପିଏଲ ଟ୍ରଫିକୁ ଶ୍ରୀମନ୍ଦିର ଅଣାଯାଇ ମହାପ୍ରଭୁଙ୍କ ନିକଟରେ ପୂଜାର୍ଚ୍ଚନା କରାଯାଇଛି । କୋଲକତା ନାଇଟ ରାଇଡର୍ସ ଟିମର ସଦସ୍ୟମାନେ ଏହି ଟ୍ରଫି ଆଜି ଶ୍ରୀମନ୍ଦିରକୁ ଆଣି ପୂଜାର୍ଚ୍ଚନା କରିଛନ୍ତି।

pic.twitter.com/jVS5XVtIFr

— KolkataKnightRiders (@KKRiders) February 16, 2025

ଏହି ଟ୍ରଫିକୁ ଦେଖିବା ପାଇଁ ପ୍ରବଳ ଲୋକଙ୍କ ସମାଗମ ହୋଇଥିଲା । ତେବେ ଗତବର୍ଷ କୋଲକାତା ନାଇଟ ରାଇଡର୍ସ ଆଇପିଏଲ୍ ଟ୍ରଫି ହାତେଇଥିବା ବେଳେ ଚଳିତ ଆଇପିଏଲ ଟ୍ରଫି ପୁନର୍ବାର କିଭଳି ନିଜ କବଜାରେ ରଖିବ ସେନେଇ ସଦସ୍ୟ ମାନେ ଆଶାବାଦୀ ଅଛନ୍ତି । ଏଥିପାଇଁ ମହାପ୍ରଭୂଙ୍କ ଆଶୀର୍ବାଦ ପାଇଁ କେକେଆର ଟିମ୍ ଅଫିସିଆଲ୍ ସଦସ୍ୟ ମହାପ୍ରଭୁଙ୍କ ନିକଟ କୁ ଟ୍ରଫିକୁ ଆଣି ପୂଜା କରିଛନ୍ତି । ଆଇପିଏଲ୍ ଟ୍ରଫିକୁ ସିଂହ ଦ୍ଵାର ସମ୍ମୁଖରେ ରଖାଯାଇ ସେବାୟତଙ୍କ ଦ୍ଵାରା ପୂଜା କରାଯାଇଥିଲା । ଅନ୍ୟପଟେ ଆଇପିଏଲ୍ ଟ୍ରଫି ଦେଖି ସେବାୟତ ଓ ଶ୍ରୀ ମନ୍ଦିରକୁ ଆସିଥିବା ଶ୍ରଦ୍ଧାଳୁ ମାନେ ବେଶ୍ ଉତ୍ସାହିତ ହୋଇ ପଡିଥିଲେ । କେକେଆର ଟିମ୍ ଆଇପିଏଲରେ 2012, 2014 ଓ 2024 ରେ ତିନି ଥର ଚମ୍ପିଆନ ହୋଇଥିଲା ।

ଜୟ ଜଗନ୍ନାଥ 🙏 জয় জগন্নাথ

In Odisha, to seek the divine blessings 🛕🏆 pic.twitter.com/vgM0wsZ2Rc

— KolkataKnightRiders (@KKRiders) February 16, 2025

ତେବେ ଆଇପିଏଲ୍ ଟ୍ରଫି କୁ ପୂଜା କରିଥିବା ଶ୍ରୀମନ୍ଦିର ସେବାୟତ ଚନ୍ଦ୍ରଶେଖର ଖୁଣ୍ଟିଆ କହିଛନ୍ତି, "ଗତ 2024 ରେ କେକେଆର ଟିମ୍ ଆଇପିଏଲ ରେ ଟ୍ରଫି ଜିତିଥିଲା । ତେବେ ଚଳିତ ବର୍ଷ 2025 ଆଇପିଏଲ୍ ଟ୍ରଫି ପୁଣି କେକେଆର ଟିମ୍ ଜିତିବା ପାଇଁ ଆଶା ରଖିଛି । ଏଣୁ କେକେଆର ଟିମ୍ କିଛି ଅଫିସିଆଲ୍ ସଦସ୍ୟ ଭାରତ ବିଭିନ୍ନ ରାଜ୍ୟରେ ପ୍ରସିଦ୍ଧ ମନ୍ଦିରକୁ ଯାଇ ଠାକୁର ଆଶୀର୍ବାଦ ପାଇଁ ଟ୍ରଫିକୁ ପୂଜା କରୁଛନ୍ତି । ଏହି କ୍ରମରେ ଆଜି ପୁରୀକୁ ଟ୍ରଫିକୁ ଅଣାଯାଇ ମହାପ୍ରଭୁଙ୍କ ନିକଟରେ ପୂଜା କରାଯାଇଛି ।"

IPL trophy arrived at puri temple (ETV Bharat Odisha)

IPL trophy arrived at puri temple (ETV Bharat Odisha)

ମା' କାମାକ୍ଷାଙ୍କ ପାଖେ ପୂଜାଚ୍ଚନା-

ଶ୍ରୀମନ୍ଦିର ଆସିବା ପୂର୍ବରୁ କେକେଆର ଟିମ୍ ଅଫିସିଆଲ୍ ସଦସ୍ୟ ଆସାମ ସ୍ଥିତ ମା କାମାକ୍ଷା ଦେବୀଙ୍କ ପୀଠରେ ଆଇପିଏଲ୍ ଟ୍ରଫିକୁ ପୂଜାର୍ଚ୍ଚନା କରିସାରିଛନ୍ତି । ଏହାସହିତ ବିଭିନ୍ନ ପ୍ରସିଦ୍ଧ ମନ୍ଦିରରେ ଏହି ଟ୍ରଫିକୁ ପୂଜାର୍ଚ୍ଚନା କରାଯାଉଛି । କେକେଆର ଟିମ୍ ଅଫିସିଆଲ ଏକ୍ସ ସାଇଟରେ ଲେଖାଯାଇଛି କି, ଆମ୍ଭେ ଗତ ବର୍ଷ ମାଙ୍କ ପାଖରେ ପହଞ୍ଚି ଆଶୀର୍ବାଦ ନେଇଥିଲେ । ହେଲେ ଏଥର ଚାମ୍ପିଆନ ହେଲା ପରେ ଟ୍ରଫି ଧରି ମାଙ୍କ ପାଖକୁ ଆସିଛୁ ଆଶୀର୍ବାଦ ପାଇଁ ।

May 2024: We sought Maa's blessings here
Feb 2025: We returned with the trophy for her blessings 🏆🙏

জয় মা কামাখ্যা 🙏🏆 जय माँ कामाख्या pic.twitter.com/uZDmSpDcxt

— KolkataKnightRiders (@KKRiders) February 15, 2025

ଗତ ଥର ଚାମ୍ପିଆନ୍ କେକେଆର-

ଗତ 2024ରେ ଆପିଏଲ୍ ଚାମ୍ପିଆନ ହୋଇଥିଲା ଟିମ୍ କେକେଆର । ଫାଇନାଲ ମ୍ୟାଚରେ କେକେଆର ଟିମ୍ ହାଇଦ୍ରାବାଦ ଟିମକୁ 8 ଓ୍ବିକେଟରେ ହରାଇଥିଲା । ଲୋ ସ୍କୋରିଂ ମ୍ୟାଚରେ ହାଇଦ୍ରାବାଦ ଆଗ ବ୍ୟାଟିଂ କରି ମାତ୍ର 113 ରନ ସ୍କୋର କରିଥିଲା । କେକେଆର 2ଟି ଓ୍ବିକେଟ ହରାଇ ବିଜୟ ରନ ସ୍କୋର କରିଥିଲା । ଦଳ ଅଧିନାୟକ ଥିଲେ ଶ୍ରେୟସ ଆୟର ଏବଂ କୋଚ ଥିଲେ ଗୌତମ ଗମ୍ଭୀର ।

IPL trophy arrived at puri temple (ETV Bharat Odisha)