ନୂଆଦିଲ୍ଲୀ: ଆଜି ଦିଲ୍ଲୀ କ୍ୟାପିଟାଲ୍ସ (DC) ଏବଂ ରାଜସ୍ଥାନ ରୟାଲ୍ସ (RR) ମଧ୍ୟରେ ଫାଇଟ୍ । ଇଣ୍ଡିଆନ ପ୍ରିମିୟର ଲିଗ୍ (IPL) 2025ର 32ତମ ମ୍ୟାଚରେ ଦୁଇ ଦଳ ସନ୍ଧ୍ୟା ୭:୩୦ରୁ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଆମ୍ନାସାମ୍ନି ହେବେ । ଦିଲ୍ଲୀ କ୍ୟାପିଟାଲ୍ସ ଚଳିତ ଆଇପିଏଲ ସିଜିନରେ ଚମତ୍କାର ପ୍ରଦର୍ଶନ କରି 5ଟି ମ୍ୟାଚରୁ 4ଟିରେ ବିଜୟୀ ହୋଇଛି । ଏପଟେ ରାଜସ୍ଥାନ ରୟାଲ୍ସ 6ମ୍ୟାଚରୁ କେବଳ 2ଟିରେ ବିଜୟୀ ଏବଂ 4ଟିରେ ପରାଜିତ ହୋଇଛି । ଡିସି ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ଥିବା ବେଳେ ରାଜସ୍ଥାନ 8ମ ସ୍ଥାନରେ ଅଛି ।
ଆଜି ଆଇପିଏଲରେ ଦିଲ୍ଲୀ ବନାମ ରାଜସ୍ଥାନ ମ୍ୟାଚ୍-
ଅକ୍ଷର ପଟେଲଙ୍କ ନେତୃତ୍ୱରେ ଭଲ ଫର୍ମରେ ଥିବା ଦିଲ୍ଲୀ କ୍ୟାପିଟାଲ୍ସ ଦଳ ଘରୋଇ ଗ୍ରାଉଣ୍ଡରେ ରାଜସ୍ଥାନ ରୟାଲ୍ସକୁ ଭେଟିବ । ଦିଲ୍ଲୀ IPL 2025ର ପ୍ରଥମ 4ଟି ମ୍ୟାଚ୍ ଜିତି ନିଜର ଉପସ୍ଥିତି ଜାହିର କରିଥିଲା । ପ୍ରଥମ 4ଟି ମ୍ୟାଚ୍ରେ, ଡିସି ଲକ୍ଷ୍ନୌ ସୁପର ଜାଏଣ୍ଟ୍ସ, ସନରାଇଜର୍ସ ହାଇଦ୍ରାବାଦ, ଚେନ୍ନାଇ ସୁପର କିଙ୍ଗସ୍ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଭଳି ଶକ୍ତିଶାଳୀ ଦଳଗୁଡ଼ିକୁ ପରାସ୍ତ କରିଥିଲା । 5ମ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସଠାରୁ ଏକ ରୋମାଞ୍ଚକର ମ୍ୟାଚ୍ରେ ପରାସ୍ତ ହୋଇଥିଲା ଦିଲ୍ଲୀ । ଏହା ପରେ ଦିଲ୍ଲୀରେ ଅଟକିଥିଲା ରାଜଧାନୀ ଏକ୍ସପ୍ରେସ୍ । ଆଜି ଦିଲ୍ଲୀ ଦଳ ମ୍ୟାଚ୍ ଜିତି ପୁଣି ଥରେ ବିଜୟ ରଥରେ ଚଢ଼ିବାକୁ ଲକ୍ଷ୍ୟ ରଖିଛି ।
Two GEN BOLD captains ✖Two GEN BOLD power hitters 🟰 One fierce clash 🔥#DC's unbeaten run was halted by #MI in their last match, while #RR will be hungry to return to winning ways! 💪🏻
— Star Sports (@StarSportsIndia) April 16, 2025
Who will come out on top? 👀#IPLonJioStar 👉 #DCvRR| WED, 16th APR, 6:30 PM LIVE on Star… pic.twitter.com/9nUn6GXSay
ରାଜସ୍ଥାନ ରୟାଲ୍ସ ଚଳିତ ସିଜିନରେ ଏପର୍ଯ୍ୟନ୍ତ ଖରାପ ପ୍ରଦର୍ଶନ କରି ସେମାନଙ୍କ ପ୍ରଶଂସକଙ୍କୁ ନିରାଶ କରିଛି । ସଞ୍ଜୁ ସାମସନଙ୍କ ଅଧିନାୟକତ୍ୱରେ, ରାଜସ୍ଥାନ ଦଳ ଏପର୍ଯ୍ୟନ୍ତ 6 ମ୍ୟାଚ୍ ରୁ 4ଟିରେ ପରାସ୍ତ ହୋଇଛି । ସନରାଇଜର୍ସ ହାଇଦ୍ରାବାଦ, କୋଲକାତା ନାଇଟ୍ ରାଇଡର୍ସ, ଗୁଜରାଟ ଟାଇଟାନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ପରାଜୟର ସମ୍ମୁଖୀନ ହୋଇଛି ରାଜସ୍ଥାନ । ଏକ ରୋମାଞ୍ଚକର ମ୍ୟାଚ୍ରେ ଚେନ୍ନାଇ ସୁପର କିଙ୍ଗସ୍ ଏବଂ ପଞ୍ଜାବ କିଙ୍ଗସ୍କୁ ପରାସ୍ତ କରିଛି ।
ଡିସି ବନାମ ଆରଆର ହେଡ୍ ଟୁ ହେଡ୍ ରେକର୍ଡ-
ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ହେଡ୍ ଟୁ ହେଡ୍ ରେକର୍ଡ ଦେଖିଲେ, ଉଭୟ ଦଳର ପରିସଂଖ୍ୟାନ ପ୍ରାୟ ସମାନ । ଏପର୍ଯ୍ୟନ୍ତ ଦୁଇ ଦଳ ମଧ୍ୟରେ ମୋଟ ୨୯ଟି ଆଇପିଏଲ ମ୍ୟାଚ୍ ଖେଳାଯାଇଛି । ଏହି ସମୟ ମଧ୍ୟରେ, ରାଜସ୍ଥାନ ଦଳ ୧୫ଟି ମ୍ୟାଚ୍ ଜିତିଛି । ଯେତେବେଳେ, ଦିଲ୍ଲୀ ୧୪ଟି ମ୍ୟାଚ୍ ଜିତିଛି । ଦୁଇ ଦଳ ମଧ୍ୟରେ ଖେଳାଯାଇଥିବା ଶେଷ 5ଟି ମ୍ୟାଚ୍ ମଧ୍ୟରୁ ରାଜସ୍ଥାନ 3ଟି ଜିତିଥିବା ବେଳେ ଦିଲ୍ଲୀ 2ଟି ମ୍ୟାଚ୍ ଜିତିଛି।
Only a single win stands between these two gun sides! 😯👊🏻
— Star Sports (@StarSportsIndia) April 16, 2025
While #RR have had a stop-start beginning to their season, #DC will be eager to notch up their first home win! 💙🩷
On a high-scoring Delhi track, who will prevail? 👀#IPLonJioStar 👉 #DCvRR | WED, 16 APR | 6:30 PM… pic.twitter.com/kjtpprdwa6
ଅରୁଣ ଜେଟଲି ଷ୍ଟାଡିୟମ ପିଚ୍ ରିପୋର୍ଟ
ଦିଲ୍ଲୀର ଅରୁଣ ଜେଟଲି ଷ୍ଟାଡିୟମର ପିଚ୍ ବିଷୟରେ କହିବାକୁ ଗଲେ, ଏଠାରେ ବ୍ୟାଟସମ୍ୟାନଙ୍କ ପ୍ରାଧାନ୍ୟ ଦେଖିବାକୁ ମିଳିବ । ଥରେ ବ୍ୟାଟସମ୍ୟାନ୍ ଏହି ପିଚ୍ରେ ସେଟ୍ ହୋଇଗଲେ, ସେ ସହଜରେ ବଡ଼ ସଟ୍ ମାରିପାରିବେ । ଏହି ଗ୍ରାଉଣ୍ଡର ସୀମା ଛୋଟ ଏବଂ ଆଉଟଫିଲ୍ଡ ବହୁତ ଦ୍ରୁତ । ଏହି ପିଚ୍ରେ, ଦ୍ରୁତ ବୋଲରମାନେ ନୂତନ ବଲ୍ ସହିତ କିଛି ସାହାଯ୍ୟ ମଧ୍ୟ ପାଆନ୍ତି । ସେହି ସମୟରେ, ସ୍ପିନ୍ ବୋଲରମାନେ ପୁରୁଣା ବଲ୍ ସାହାଯ୍ୟରେ ବ୍ୟାଟସମ୍ୟାନଙ୍କୁ ଶିକାର କରୁଥିବା ମଧ୍ୟ ଦେଖାଯାଉଛି । ଅଧିକାଂଶ ସମୟରେ ଏହି ପିଚ୍ରେ 200 ରୁ ଅଧିକ ସ୍କୋର ସହଜରେ ଦେଖାଯାଏ, ତେଣୁ ଆଜି ମଧ୍ୟ ଦୁଇ ଦଳ ମଧ୍ୟରେ ହାଇ ସ୍କୋରିଂ ମ୍ୟାଚ ଆଶା କରାଯାଉଛି ।
We begin again in Dilli tonight! ❤️🔥🔥 pic.twitter.com/ZUBXTEU0W7
— Delhi Capitals (@DelhiCapitals) April 16, 2025
ଡିସି ବନାମ ଆରଆର ଉଭୟ ଦଳର ସମ୍ଭାବ୍ୟ ପ୍ଲେଇଂ-୧୧
ଦିଲ୍ଲୀ କ୍ୟାପିଟାଲ୍ସ ସମ୍ଭାବ୍ୟ ପ୍ଲେଇଂ-୧୧
ଜେକେ ଫ୍ରେଜର-ମ୍ୟାକଗର୍କ, ଫାଫ୍ ଡୁ ପ୍ଲେସିସ୍ / କରୁଣ ନାୟାର, ଅଭିଷେକ ପୋରେଲ, କେ.ଏଲ୍ ରାହୁଲ (ଓ୍ବିକେଟ ରକ୍ଷକ), ତ୍ରିଷ୍ଟାନ୍ ଷ୍ଟବ୍ସ୍, ଅକ୍ଷର ପଟେଲ, ଆଶୁତୋଷ ଶର୍ମା, ବିପରାଜ ନିଗମ, ମିଚେଲ ଷ୍ଟାର୍କ, କୁଲଦୀପ ଯାଦବ, ମୋହିତ ଶର୍ମା
ପ୍ରଭାବଶାଳୀ ଖେଳାଳି: ମୁକେଶ କୁମାର
ରାଜସ୍ଥାନ ରୟାଲ୍ସ ସମ୍ଭାବ୍ୟ ପ୍ଲେଇଂ-୧୧
ଯଶସ୍ୱୀ ଜୟସ୍ୱାଲ, ସଞ୍ଜୁ ସାମସନ (ଅଧିନାୟକ/ ଓ୍ବିକେଟ ରକ୍ଷକ), ନୀତୀଶ ରାଣା, ରିୟାନ ପରାଗ, ଧ୍ରୁବ ଜୁରେଲ, ଶିମରନ୍ ହେଟମେୟର, ୱାନିନ୍ଦୁ ହାସାରଙ୍ଗା, ଜୋଫ୍ରା ଆର୍ଚ୍ଚର, ମହେଶ ଥିଶାନା, ତୁଶର ଦେଶପାଣ୍ଡେ, ସନ୍ଦୀପ ଶର୍ମା
ଇମ୍ପାକ୍ଟ ପ୍ଲେୟାର: କୁମାର କାର୍ତ୍ତିକେୟ ସିଂ / ଶୁଭମ୍ ଦୁବେ
