ହାଇଦ୍ରାବାଦ: ଆସନ୍ତା ଜୁନ 20 ତାରିଖରୁ ଇଂଲଣ୍ଡ ବପକ୍ଷରେ ଟେଷ୍ଟ ସିରିଜ ଖେଳିବ ଭାରତ । କିନ୍ତୁ ଏହି ସିରିଜରେ ବିରାଟ କୋହଲି ରୋହିତ ଶର୍ମାଙ୍କୁ ଦେଖିବାକୁ ମିଳିବନି । ସିରିଜ ଆରମ୍ଭ ହେବା ପୂର୍ବରୁ ଟେଷ୍ଟରୁ ଉଭୟ ଖେଳାଳି ଅବସର ନେଇସାରିଛନ୍ତି । ଟି 20 ବିଶ୍ବକପ ପରେ ରୋ-ରାଟ ଅନ୍ତର୍ଜାତୀୟ ଟି-20ରୁ ଅବସର ନେଇଥିଲେ । ଏହାପରେ ଗତମାସରେ ଟେଷ୍ଟ କ୍ରିକେଟରୁ ଅବସର ନେଇ ସାରିଛନ୍ତି । ବର୍ତ୍ତମାନ ଏକମାତ୍ର ଫର୍ମାଟ୍ ଯେଉଁଠାରୁ ସେ ଏପର୍ଯ୍ୟନ୍ତ ଅବସର ନେଇନାହାଁନ୍ତି ତାହା ହେଉଛି ODI ଆନ୍ତର୍ଜାତିକ।
ଆସନ୍ତା ଅକ୍ଟୋବରରେ ତିନିଟି ମ୍ୟାଚ୍ ବିଶିଷ୍ଟ ODI ସିରିଜ୍ ପାଇଁ ଅଷ୍ଟ୍ରେଲିଆ ଗସ୍ତ କରିବ ଟିମ ଇଣ୍ଡିଆ । ବିରାଟ କୋହଲି ଓ ରୋହିତ ମଧ୍ୟ ଏହି ସିରିଜ ଖେଳିବେ । ଅନେକ ଅନୁମାନ କରିଛନ୍ତି ଯେ, ଦକ୍ଷିଣ ଆଫ୍ରିକା, ଜିମ୍ବାୱେ ଏବଂ ନାମ୍ବିଆରେ ଅନୁଷ୍ଠିତ ହେବାକୁ ଥିବା ବିଶ୍ୱକପ୍ 2027 ପରେ ଏହି ଯୋଡ଼ି ODI ରୁ ଅବସର ନେଇପାରନ୍ତି।
🚨 Cricket Australia plans a grand farewell for Virat Kohli & Rohit Sharma during India’s ODI series in Oct 2025—potentially their last tour Down Under! 🏏 A tribute to two legends’ epic legacy! 🇮🇳 #ViratKohli #RohitSharma #INDvAUS pic.twitter.com/kjy7ipBSnq
— Sunay Gourkhede (@sunaygourkhede) June 8, 2025
ରୋହିତ ଏବଂ ବିରାଟ ଅଷ୍ଟ୍ରେଲିଆରେ ଦିନିକିଆରୁ ବିଦାୟ ନେଇପାରନ୍ତି:
ହିନ୍ଦୁସ୍ତାନ ଟାଇମ୍ସର ଏକ ରିପୋର୍ଟ ଅନୁଯାୟୀ, କ୍ରିକେଟ ଅଷ୍ଟ୍ରେଲିଆର ସିଇଓ ଟଡ୍ ଗ୍ରୀନବର୍ଗ କହିଛନ୍ତି ଯେ, ବିରାଟ ଓ ରୋହିତ ଦିନିକଆରୁ ଅବସର ପାଇଁ ସ୍ବତନ୍ତ୍ର ଯୋଜନା କରୁଛନ୍ତି । ସେ ବିଶ୍ୱାସ କରନ୍ତି ଯେ ଏହା ଶେଷ ଥର ହୋଇପାରେ ଯେତେବେଳେ ସେମାନେ ଉଭୟ ଅଷ୍ଟ୍ରେଲିଆ ମାଟିରେ ଖେଳିବେ ।
ଟଡ୍ ଗ୍ରୀନବର୍ଗ କହିଛନ୍ତି, 'ଏହା ହୁଏତ ଶେଷ ଥର ଆମେ ବିରାଟ କୋହଲି କିମ୍ବା ରୋହିତ ଶର୍ମାଙ୍କୁ ଆମେ ଆମ ଦେଶରେ ଖେଳିବାର ଦେଖିବୁ । ଯଦି ଏପରି ହୁଏ ତେବେ କାହାକୁ ଜଣା । କିନ୍ତୁ ଆମେ ଚାହୁଁଛୁ ଏପରି ନହେଉ । ଯଦି ହୁଏ ଆମେ ଆମେ ନିଶ୍ଚିତ କରିବାକୁ ଚାହୁଁଛୁ ଯେ ଆମେ ସେମାନଙ୍କୁ ଏକ ମହାନ ବିଦାୟ ଦେବୁ ଏବଂ ଅନ୍ତର୍ଜାତୀୟ କ୍ରିକେଟରେ ସେମାନଙ୍କର ଅବିଶ୍ୱସନୀୟ ଅବଦାନକୁ ପ୍ରତିଫଳିତ କରିବୁ ।'
2027 ବିଶ୍ୱକପ୍ ସୁଦ୍ଧା, ରୋହିତଙ୍କ ବୟସ 40 ବର୍ଷରୁ ଅଧିକ ହେବ ଏବଂ କୋହଲିଙ୍କ ବୟସ 38 ବର୍ଷରୁ ଅଧିକ ହେବ, ଯାହା ଫଳରେ ଉଭୟଙ୍କ ପାଇଁ ଫିଟ୍ ଏବଂ ଭଲ ଫର୍ମରେ ରହିବା ଏକ ଚ୍ୟାଲେଞ୍ଜ ହେବ। ଏହି ଉଭୟ ଖେଳାଳି ଏପର୍ଯ୍ୟନ୍ତ ଅନ୍ତର୍ଜାତୀୟ ଦିନିକିଆରୁ ଆନୁଷ୍ଠାନିକ ଭାବରେ ସେମାନଙ୍କର ଅବସର ଘୋଷଣା କରିନାହାଁନ୍ତି ଏବଂ ତେଣୁ ଏହି ଫର୍ମାଟରୁ ସେମାନଙ୍କର ଅବସର ବିଷୟରେ ଆଲୋଚନା ଏକ ପ୍ରସଙ୍ଗ ହୋଇନାହିଁ।
ଏହା ମଧ୍ୟ ପଢନ୍ତୁ-ବେଙ୍ଗାଲୁରୁ ଦଳାଚକଟା: ବିରାଟ କୋହଲିଙ୍କ ବିରୋଧରେ ଥାନାରେ ମାମଲା - BENGALURU STAMPEDE
