ବେଙ୍ଗାଲୁରୁ: ଏମ୍ ଚିନ୍ନାସ୍ବାମୀ ଷ୍ଡାଟଡିୟମ ବାହାରେ ଦଳାଚକଟା ଘଟଣାରେ ଆରସିବିର ବ୍ୟାଟ୍ସମ୍ୟାନ ବିରାଟ କୋହଲିଙ୍କ ନାମରେ ଏକ ମାମଲା ଦାୟର ହୋଇଛି । କ୍ୟୁବନ୍ ପାର୍କ ପୋଲିସ ଷ୍ଟେସନରେ ସାମାଜିକ କର୍ମୀ ଏଚ୍.ଏମ୍. ଭେଙ୍କଟେଶ ବିରାଟଙ୍କ ନାମରେ ଅଭିଯୋଗ କରି ମାମଲା ରୁଜୁ କରିବାକୁ ଦାବି କରିଛନ୍ତି ।
ଅଭିଯୋଗକାରୀ, ପ୍ରବଳ ଭିଡ ପାଇଁ ବିରାଟ କୋହଲିଙ୍କୁ ଦାୟୀ କରିଛନ୍ତି । ଭେଙ୍କଟେଶ ଏହା ମଧ୍ୟ ଅଭିଯୋଗ କରିଥିଲେ ଯେ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) "ଏକ ଖେଳ ନୁହେଁ ବରଂ ଏକ ଜୁଆ ଯାହା କ୍ରିକେଟ୍ ଖେଳକୁ କଳୁଷିତ କରିଛି।"
ଏନେଇ ପୋଲିସ ନିଶ୍ଚିତ କରିଛି ଯେ ଅଭିଯୋଗକୁ ପୂର୍ବରୁ ପଞ୍ଜିକୃତ ମାମଲା ଅନୁଯାୟୀ ବିଚାର କରାଯିବ ଏବଂ ଘଟଣାର ତଦନ୍ତର ଅଂଶ ଭାବରେ ଯାଞ୍ଚ କରାଯିବ। ଭେଙ୍କଟେଶ ତାଙ୍କ ଅଭିଯୋଗରେ ଉଲ୍ଲେଖ କରିଛନ୍ତି " RCB ଦଳର ବିରାଟ କୋହଲି ସେହି ଲୋକମାନଙ୍କୁ ପ୍ରମୁଖ ଯିଏକି ଏପରି ଜୁଆ ଖେଳରେ ସାମିଲ ହୋଇ ଏକ ନିର୍ଦ୍ଦିଷ୍ଟ ସ୍ଥାନରେ ଏକାଠି ହେବାକୁ ଲୋକଙ୍କୁ ଉସୁକାଇ ଥିଲେ । ଯାହା ଫଳେ ଏହି ଦୁଃଖଦ ଘଟଣା ଘଟିଥିଲା। ତେଣୁ, ଆମେ ଆପଣଙ୍କୁ ଅନୁରୋଧ କରୁଛୁ ଯେ ଦୟାକରି ବିରାଟ କୋହଲି ଏବଂ ତାଙ୍କ ଦଳର ସଦସ୍ୟଙ୍କ ବିରୋଧରେ ଏହି ଦୁଃଖଦ ଘଟଣାର FIRରେ ଅଭିଯୁକ୍ତ ଦର୍ଶାନ୍ତୁ ଏବଂ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ,।"
ଏହା ମଧ୍ୟ ପଢନ୍ତୁ-ବେଙ୍ଗାଲୁରୁ ଦଳାଚକଟା, RCB ସମେତ ତିନି ସଂସ୍ଥା ବିରୋଧରେ ମାମଲା - KARNATAKA POLICE FIR RCB
RCB ବିଜୟ ଉତ୍ସବ ସେଲିବ୍ରେସନ; ଚିନ୍ନାସ୍ବାମୀ ଷ୍ଟାଡିୟମ ବାହାରେ ଦଳାଚକଟାରେ 11 ମୃତ, 15 ଆହତ
ଆପଣଙ୍କୁ କହି ରଖୁଛୁ ଯେ ବୁଧବାର ଦିନ, RCB ର ବିଜୟ ଉତ୍ସବ ପାଳନ ସମୟରେ ବେଙ୍ଗାଲୁରୁର ଏମ ଚିନ୍ନାସ୍ବାମୀ ଗ୍ରାଉଣ୍ଡ ନିକଟରେ ଦଳାଚକଟା ହୋଇଥିଲା। ଏହି ଘଟଣାରେ 11 ଜଣ ପ୍ରଶଂସକଙ୍କ ମୃତ୍ୟୁ ହୋଇଥିଲା ଏବଂ 40 ରୁ ଅଧିକ ଲୋକ ଆହତ ହୋଇଥିଲେ। ଏହି ମାମଲାରେ RCB, KSCA ଏବଂ ଆୟୋଜକ ସଂସ୍ଥା DNA ର ଅଧିକାରୀଙ୍କ ବିରୁଦ୍ଧରେ ମାମଲା ରୁଜୁ ହୋଇସାରିଛି। ଏହା ସହିତ, ପୋଲିସ 4 ଜଣଙ୍କୁ ଗିରଫ କରିଛି।
ଏହା ବ୍ୟତୀତ, ହାଇକୋର୍ଟ ମଧ୍ୟ ଏକ ମାମଲା ପଞ୍ଜିକରଣ କରି ତଦନ୍ତ କରୁଛନ୍ତି। ରାଜ୍ୟ ସରକାର ଜଣେ ମାଜିଷ୍ଟ୍ରେଟ ଏବଂ ଜଣେ ଅବସରପ୍ରାପ୍ତ ହାଇକୋର୍ଟ ବିଚାରପତିଙ୍କ ଅଧ୍ୟକ୍ଷତାରେ ଏକ ସଦସ୍ୟ ବିଶିଷ୍ଟ କମିଶନ ଗଠନ କରି ତଦନ୍ତ ପାଇଁ ନିର୍ଦ୍ଦେଶ ଜାରି କରିଛନ୍ତି। ମାମଲା ପରେ, କର୍ତ୍ତବ୍ୟରେ ଅବହେଳା ଅଭିଯୋଗରେ ସହରର ପୋଲିସ କମିଶନରଙ୍କ ସମେତ 5 ଜଣ ପୋଲିସ ଅଧିକାରୀଙ୍କୁ ନିଲମ୍ବିତ କରାଯାଇଛି।
