ହାଇଦ୍ରାବାଦ: ରୋଗପ୍ରତିରୋଧକ ଶକ୍ତି ବୃଦ୍ଧି କରେ ଭିଟାମିନ 'ସି'ସ୍କିନ୍ କେୟାର୍ ଜଗତରେ ଭିଟାମିନ ସି ଏକ ଅମୋଘ ଅସ୍ତ୍ର । ଏହାର ସଠିକ୍ ଉପଯୋଗ ଦ୍ୱାରା ଚେହେରାରେ ନୂତନ ଉଜ୍ଜଳତା ଆସିବା ସହ ଚେହେରା ଥିବା ଦାଗକୁ ଦୂର କରିଥାଏ । ମାତ୍ର ଭିଟାମିନ ସି'ର ବ୍ୟବହାରକୁ ନେଇ ଅନେକ ଭୁଲ ଧାରଣା ରହିଛି । ତେବେ ଚାଲନ୍ତୁ ଜାଣିବା ଭିଟାମିନ ସି'ର ସଠିକ୍ ବ୍ୟବହାର ବିଷୟରେ । କିପରି ବ୍ୟବହାର କଲେ ଏହାର ସମ୍ପୂର୍ଣ୍ଣ ଲାଭ ଉଠାଇପାରିବେ ...
କାହିଁକି ଭିଟାମିନ ସି'ର ବ୍ୟବହାର କରାଯାଏ:
- ଏହା ତ୍ୱଚାରେ ଉଜ୍ଜ୍ୱଳତା ଆଣିଥାଏ
- ତ୍ୱଚାରେ ବିଭିନ୍ନ ଦାଗ ତଥା ଦାନାର ସମସ୍ୟା ଥିଲେ, ତାକୁ ଦୂର କରେ
- ମୁହଁରୁ ଟ୍ୟାନକୁ ହଟାଇଥାଏ
- କୋଲାଜେନର ମାତ୍ରା ବୃଦ୍ଧି କରାଇଥାଏ, ଯାହା ତ୍ୱଚାକୁ ସତେଜ ରଖିବାରେ ସାହାଯ୍ୟ କରିଥାଏ
- ଫ୍ରୀ ରାଡିକାଲ୍ସ ସହିତ ଲଢେଇ କରିଥାଏ, ଯାହାଦ୍ୱାରା ବୟସର ଛାପ ଜଲଦି ପଡିନଥାଏ
- ଭିଟାମିନ ସି'ରେ ପ୍ରଚୁର ଆଣ୍ଟି ଅକ୍ସିଡେଣ୍ଟ ଥିବାରୁ ଏହା ତ୍ୱଚାକୁ ପୋଷଣ ଦେଇଥାଏ
ଯଦି ଆପଣ ସୁସ୍ଥ, ଉଜ୍ଜ୍ୱଳ ଓ ଆକର୍ଷଣୀୟ ତ୍ୱଚା ଚାହାଁନ୍ତି, ତେବେ ଭିଟାମିନ ସି'କୁ ଆପଣ ନିଜର ବେଷ୍ଟ ଫ୍ରେଣ୍ଡ ବନାଇ ପାରିବେ । 3 ରୁ 4 ସପ୍ତାହ ପର୍ଯ୍ୟନ୍ତ ଏହାକୁ ଲଗାତାର ବ୍ୟବହାର କରିଲେ,ଏହାର ସୁଫଳ ଆପଣ ନିଜ ଚେହେରାରେ ଲକ୍ଷ୍ୟ କରିପାରିବେ । ଏବଂ ଫଟୋ ଉଠାଇବା ବେଳେ ଆପଣଙ୍କୁ କୌଣସି ଫିଲ୍ଟରର ଆବଶ୍ୟକତା ପଡିବନି ।
କେତେବେଳେ ଏହାର ବ୍ୟବହାର କରିବେ:
ଏଠାରେ ବହୁ ଲୋକ ଭୁଲ୍ କରନ୍ତି, ଯାହାଦ୍ୱାରା ଏହାର ସଠିକ୍ ଫଳ ପାଇପାରନ୍ତି ନାହିଁ । ଭିଟାମିନ ସି'କୁ ଆପଣ ଉଭୟ ଦିନ ଓ ରାତିରେ ଲଗାଇପାରିବେ । କିନ୍ତୁ ଭିଟାମିନ ସି'କୁ ଲଗାଇବା ପାଇଁ ପ୍ରକୃଷ୍ଟ ସମୟ ହେଉଛି ରାତ୍ରି ସମୟ । କାରଣ ଏହାକୁ ଲଗାଇବା ପରେ ତ୍ୱଚା ସମ୍ବେଦନଶୀଳ ହୋଇଉଠେ । ଏହାକୁ ଲଗାଇ ସୂର୍ଯ୍ୟକିରଣକୁ ବାହାରିବା ଅନୁଚିତ । ଯଦି ଯିବାକୁ ପଡେ ତେବେ ଅଧିକ SPF ଥିବା ସନସ୍କ୍ରିନର ବ୍ୟବହାର କରନ୍ତୁ ।
ଏହା ମଧ୍ୟ ପଢନ୍ତୁ: |
କିପରି ବ୍ୟବହାର କରିବେ:
- ପ୍ରଥମେ ମୁହଁକୁ ଭଲଭାବେ ଧୋଇନିଅନ୍ତୁ ଓ ଟୋନର୍ ଲଗାନ୍ତୁ
- 3-4 ବୁନ୍ଦା ଭିଟାମିନ୍ ସି ସିରମ୍ ନେଇ କୌଣସି କ୍ରିମ୍ ଜେଲରେ ମିଶାଇ ମୁହଁରେ ଲଗାନ୍ତୁ
- ମୁହଁ ଓ ବେକରେ ଭଲଭାବରେ ପ୍ରୟୋଗ କରନ୍ତୁ
- ଯଦି ଭିଟାମିନ୍ ସି ସିରମକୁ ସିଧାସଳଖ ତ୍ୱଚାରେ ପ୍ରୟୋଗ କରୁଥାନ୍ତି, ତେବେ ମଶ୍ଚରାଇଜର ଲଗାଇବା ଆଗରୁ କିଛି ସମୟ ଅପେକ୍ଷା କରନ୍ତୁ
- ଯଦି ଆପଣ ନୂଆ ଭାବେ ଭିଟାମିନ୍ ସି'ର ବ୍ୟବହାର କରୁଥାନ୍ତି, ତେବେ 5-10% ସାନ୍ଧ୍ରତା ବିଶିଷ୍ଟ ସିରମ ବ୍ୟବହାର କରନ୍ତୁ । କିଛିଦିନ ଏହାକୁ ବ୍ୟବହାର କରିବା ପରେ ଅଧିକ ଭିଟାମିନ୍ ସି ମାତ୍ରା ବିଶିଷ୍ଟ ସିରମ ବ୍ୟବହାର କରିପାରିବେ
ଏହା କରନ୍ତୁ:
- ଭିଟାମିନ୍ ସି' ସିରମକୁ ଥଣ୍ଡା ଓ ଅନ୍ଧାର ସ୍ଥାନରେ ରଖନ୍ତୁ । ଆଲୋକ ସଂସ୍ପର୍ଶରେ ଆସିଲେ ଏହା ଖରାପ ହୋଇଯାଏ
- ଭିଟାମିନ୍ ସି'ର ସୁଫଳ ପାଇବା ପାଇଁ ପ୍ରତିଦିନ ଏହାର ବ୍ୟବହାର କରନ୍ତୁ
ଏହା କରନ୍ତୁ ନାହିଁ:
- ଏହାକୁ ସିଧାସଳଖ ରେଟିନୋଲ୍, AHA କିମ୍ବା BHA ସହ ମିଶାଇ ଲଗାନ୍ତୁ ନାହିଁ, ଏହା ତ୍ୱଚା ଉପରେ କୁପ୍ରଭାବ ପକାଇଥାଏ
- ଦୈନିକ ଥରେ ବ୍ୟବହାର କରନ୍ତୁ, ଜଲଦି ଏହାର ସୁଫଳ ପାଇବା ପାଇଁ ଅଧିକ ଲଗାନ୍ତୁ ନାହିଁ
ଭିଟାମିନ୍ ସି' ଚେହେରା ପାଇଁ ଏକ ଜରୁରୀ ଉପାଦାନ । ଯାହାକୁ ସଠିକ୍ ଭାବେ ବ୍ୟବହାର କରିଲେ ଏହାର ଭଲ ପ୍ରଭାବ ତ୍ୱଚାରେ ପରିଲକ୍ଷିତ ହୁଏ । ସଠିକ୍ ପରିମାଣର ଭିଟାମିନ୍ ସି', ସବୁଦିନ ବ୍ୟବହାର ଓ ସାମାନ୍ୟ ଧୈର୍ଯ୍ୟ ଧରିଲେ ଆପଣ ଏହାର ସମ୍ପୂର୍ଣ୍ଣ ଲାଭ ଉଠାଇପାରିବେ ।
Disclaimer: (ଏହି ରିପୋର୍ଟରେ ଦିଆଯାଇଥିବା ସମସ୍ତ ସ୍ୱାସ୍ଥ୍ୟ ସମ୍ବନ୍ଧୀୟ ସୂଚନା ଏବଂ ପରାମର୍ଶ କେବଳ ଆପଣଙ୍କ ସୂଚନା ପାଇଁ । ବୈଜ୍ଞାନିକ ଗବେଷଣା, ଅଧ୍ୟୟନ, ଡାକ୍ତରୀ ଏବଂ ସ୍ୱାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ଉପରେ ଆଧାର କରି ଏହି ସୂଚନା ପ୍ରଦାନ କରାଯାଇଛି । ଏହି ପଦ୍ଧତି କିମ୍ବା ପ୍ରକ୍ରିୟା ଅନୁସରଣ କରିବା ପୂର୍ବରୁ ଏହା ବିଷୟରେ ବିସ୍ତୃତ ଭାବରେ ଜାଣିବା ଉଚିତ ଏବଂ ଆପଣଙ୍କ ବ୍ୟକ୍ତିଗତ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ । ଏହା ETV Bharatର ନିଜସ୍ବ ମତ ନୁହେଁ ।)
