କିଭ୍: ୟୁକ୍ରେନ ଉପରେ ଋଷର ଆକ୍ରମଣ। ଯେଉଁଥିରେ ମୃତ୍ୟୁସଂଖ୍ୟା 16ରେ ପହଞ୍ଚିଛି। ମୃତକଙ୍କ ମଧ୍ୟରେ 6 ଜଣ ଶିଶୁ ଅଛନ୍ତି। ସେହିପରି ଖାର୍କିଭରେ ଡ୍ରୋନ୍ ଆକ୍ରମଣରେ ଅନ୍ୟ 5 ଜଣଙ୍କର ମୃତ୍ୟୁ ଘଟିଛି।
ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କି ଶନିବାର ଏନେଇ ନିଶ୍ଚିତ କରିଛନ୍ତି। ଜେଲେନସ୍କି କହିଛନ୍ତି ଯେ, ଏହି ଆକ୍ରମଣରେ 34 ଜଣ ମଧ୍ୟ ଆହତ ହୋଇଛନ୍ତି। ଋଷର ଏହି ଡ୍ରୋନ୍ ଆକ୍ରମଣ ସମ୍ପର୍କରେ Xରେ ଏକ ପୋଷ୍ଟ ସେୟାର କରି ଜେଲେନସ୍କି ଲେଖିଛନ୍ତି, 'ଋଷର କ୍ଷେପଣାସ୍ତ୍ର ଆକ୍ରମଣ ପରେ କିଭ୍ ରିହରେ ଉଦ୍ଧାର କାର୍ଯ୍ୟ କରାଯାଇଥିଲା। ଏପର୍ଯ୍ୟନ୍ତ 6 ଜଣ ଶିଶୁଙ୍କ ସମେତ 16 ଜଣଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି।
ଖାର୍କିଭରେ ଋଷର ଡ୍ରୋନ୍ ଷ୍ଟ୍ରାଇକ୍ ପରେ ଉଦ୍ଧାର କାର୍ଯ୍ୟ ଦିନସାରା ଜାରି ରହିଥିଲା। ଏହା କ୍ରେମଲିନ ପକ୍ଷରୁ ଡ୍ରୋନ୍ ଦ୍ୱାରା ସୁଚିନ୍ତିତ ଆକ୍ରମଣ ବୋଲି କିଭ୍ କହିଛି। ତେବେ ଦୁଃଖର ବିଷୟ ଯେ, ଏହି ଆକ୍ରମଣରେ ପାଞ୍ଚ ଜଣଙ୍କର ମୃତ୍ୟୁ ଘଟିଛି। 34 ଜଣ ଆହତ ହୋଇଛନ୍ତି। ପୀଡିତଙ୍କ ପରିବାର ଏବଂ ପ୍ରିୟଜନଙ୍କୁ ଜେଲେନସ୍କି ସମବେଦନା ଜଣାଇଛନ୍ତି। ଋଷର FPV ଡ୍ରୋନ୍ ଦ୍ୱାରା ଖେରସନରେ ଥିବା ଏକ ଥର୍ମାଲ୍ ପାୱାର୍ ପ୍ଲାଣ୍ଟକୁ ଏଥିରେ ଟାର୍ଗେଟ୍ କରାଯାଇଥିଲା।
Tragically, three-year-old Tymofii died in the hospital today. Seven-year-old Radyslav. Arina, who will forever be seven as well. Nine-year-old Herman. Fifteen-year-old Danylo. Fifteen-year-old Mykyta. Fifteen-year-old Alina. Kostiantyn, who will forever be sixteen. Nikita –… pic.twitter.com/3jz4XS0YgI
— Volodymyr Zelenskyy / Володимир Зеленський (@ZelenskyyUa) April 5, 2025
ସେ ଆହୁରି ମଧ୍ୟ କହିଛନ୍ତି ଯେ, 'ଏହି ଆକ୍ରମଣ ଆକସ୍ମିକ ଦୁର୍ଘଟଣାଜନକ ହୋଇପାରିବ ନାହିଁ। କ୍ରେମଲିନକୁ ଏହା ଭଲ ଭାବେ ଜଣା ଯେ, ସେମାନେ କାହା ଉପରେ ଆକ୍ରମଣ କରୁଛନ୍ତି। ସେମାନେ ଜାଣନ୍ତି ଯେ ଏହା ହେଉଛି ଏକ ଶକ୍ତି ସୁବିଧା, ଯାହା ଆକ୍ରମଣରୁ ସୁରକ୍ଷିତ ରହିବା ଆବଶ୍ୟକ। ଏପରିବି ଅସ୍ତ୍ରବିରତି ନେଇ ଋଷ ନିଜେ ଆମେରିକାକୁ ପ୍ରତିଶୃତି ଦେଇଥିଲା।
ଋଷର ପ୍ରତ୍ୟେକ ପ୍ରତିଜ୍ଞା କ୍ଷେପଣାସ୍ତ୍ର କିମ୍ବା ଡ୍ରୋନ୍, ବୋମା କିମ୍ବା ଆର୍ଟିଲେରି ସହିତ ସମାପ୍ତ ହୁଏ। କୂଟନୈତିକ ଅର୍ଥ ତାଙ୍କ ପାଇଁ କିଛି ନୁହେଁ। ରାଷ୍ଟ୍ରପତି ଜେଲେନସ୍କି କହିଛନ୍ତି ଯେ, ପୂର୍ବରୁ ଅସ୍ତ୍ରବିରତି ଉଲ୍ଲଂଘନ ହୋଇଥାଇପାରେ, କିନ୍ତୁ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଏହାକୁ ବାରମ୍ବାର ପ୍ରତ୍ୟାଖ୍ୟାନ କରିଛନ୍ତି।
ଜେଲେନସ୍କି କହିଛନ୍ତି ଯେ, ମସ୍କୋ ଉପରେ ଚାପ ପ୍ରୟୋଗ କରିବାର ଆବଶ୍ୟକତା ରହିଛି। ଯାହାଫଳରେ ସେମାନେ ଅସ୍ତ୍ରବିରତି ବୁଝାମଣା ଉପରେ ସହମତ ହେବେ। ସେମାନଙ୍କୁ ପ୍ରତ୍ୟେକ ମିଛ, ପ୍ରତ୍ୟେକ ଆକ୍ରମଣ, ଯୁଦ୍ଧର ଦୀର୍ଘ ସମୟର ପରିଣାମ ଭୋଗିବାକୁ ପଡିଲା। ଏହି ଅସ୍ତ୍ରବିରତି ପୂର୍ବରୁ ହୋଇ ପାରିଥାନ୍ତା। ହେଲେ ପୁଟିନ ଏହାକୁ ପ୍ରତ୍ୟାଖ୍ୟାନ କରିଛନ୍ତି। ମାର୍ଚ୍ଚ 11ରୁ ଋଷ ଯୁଦ୍ଧ ବନ୍ଦ କରିବାକୁ ମନା କରିଦେଇଥିଲା। ଋଷରେ ସେମାନେ ହିଁ ଏହି ଯୁଦ୍ଧ ଚାହୁଁଛନ୍ତି।
ଏହି ସମୟରେ, ମାର୍ଚ୍ଚ 23ରୁ 25 ପର୍ଯ୍ୟନ୍ତ, ସାଉଦି ଆରବର ରିୟାଦରେ ଋଷ ଏବଂ ୟୁକ୍ରେନର ପ୍ରତିନିଧୀଙ୍କ ସହ ଆମେରିକା ବିଶେଷଜ୍ଞ ସ୍ତରୀୟ ଆଲୋଚନା କରିଥିଲା। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଯଥାକ୍ରମେ ଋଷର ରାଷ୍ଟ୍ରପତି ପୁଟିନ ଏବଂ ୟୁକ୍ରେନ ରାଷ୍ଟ୍ରପତି ଜେଲେନସ୍କିଙ୍କ ସହ ଉଚ୍ଚ ସ୍ତରୀୟ ଆଲୋଚନା କରିବା ପରେ ଏହି ଦ୍ୱିପାକ୍ଷିକ ବୈଠକ ହୋଇଥିଲା।
ଏହି ଆଲୋଚନାରେ ମୁଖ୍ୟତଃ ବ୍ଲାକ୍ ସି'ର ସୁରକ୍ଷା, ବାଣିଜ୍ୟିକ ସାମୁଦ୍ରିକ କାର୍ଯ୍ୟକଳାପର ସୁରକ୍ଷା, ଶକ୍ତି ଭିତ୍ତିଭୂମିର ସୁରକ୍ଷା ଏବଂ ସ୍ଥାୟୀ ଶାନ୍ତି ପ୍ରତିଷ୍ଠା ପାଇଁ ବ୍ୟାପକ କୂଟନୈତିକ ପ୍ରୟାସ ଉପରେ ଆଲୋଚନା କରାଯାଇଥିଲା।
ଏହା ମଧ୍ୟ ପଢ଼ନ୍ତୁ- ଭାରତ ଉପରେ ୨୬% ଟିକସ ଲଗାଇଲା ଟ୍ରମ୍ପ ପ୍ରଶାସନ, ତର୍ଜମା କରୁଛି ନୂଆଦିଲ୍ଲୀ
