ହାଇଦ୍ରାବାଦ: ଯାହା ଆଶଙ୍କା କରାଯାଉଥିଲା, ତାହା ହିଁ ହେଲା । ଇସ୍ରାଏଲ ଉପରେ ବଡଧରଣର ଆକ୍ରମଣ କରିଛି ଇରାନ । ଗତକାଲି ରାତିରେ ଏକକାଳୀନ ପ୍ରାୟ 2ଶହରୁ ଅଧିକ କ୍ଷେପଣାସ୍ତ୍ର ମାଡ କରି ଇସ୍ରାଏଲର ଏକାଧିକ ଅଞ୍ଚଳକୁ ଟାର୍ଗେଟ କରିଛି ଇରାନ ସେନା । ଇସ୍ରାଏଲର ବାୟୁ ପ୍ରତିରକ୍ଷା ପ୍ରଣାଳୀ ‘ଆଇରନ୍ ଡୋମ୍’ କିଛି ଇରାନୀ କ୍ଷେପଣାସ୍ତ୍ରକୁ ମଝି ଆକାଶରେ ଇଣ୍ଟରସେପ୍ଟ କରିଥିଲେ ସୁଦ୍ଧା କିଛି କ୍ଷେପଣାସ୍ତ୍ର ଟାର୍ଗେଟ ହିଟ୍ କରିବାରେ ସଫଳ ହୋଇଛି । ଭାରତୀୟ ସମୟ ରାତି ପ୍ରାୟ ସାଢେ 10 ଟାରେ ଏହି ଆକ୍ରମଣ ହୋଇଛି ।
- ଏକକାଳୀନ 2ଶହ ରକେଟ୍ ମାଡ:
ଇସ୍ରାଏଲର ସାମରିକ ପ୍ରତିଷ୍ଠାନ ଓ ସାଧାରଣ ଜନବସତିକୁ ଏଥିରେ ଟାର୍ଗେଟ କରାଯାଇଛି । କେତେକ ସ୍ଥାନରୁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ବମ୍ ସେଲଟର ବା ବୋମା ନିରୋଧୀ ଆଶ୍ରୟସ୍ଥଳୀରେ ଇସ୍ରାଏଲୀ ନାଗରିକଙ୍କୁ ରଖାଯାଇଥିବାର ସୂଚନା ମିଳିଛି । ମୃତାହତ ଓ ଅନ୍ୟ କ୍ଷୟକ୍ଷତି ସମ୍ପର୍କରେ ଏପର୍ଯ୍ୟନ୍ତ କିଛି ସ୍ପଷ୍ଟ ହୋଇନି । ସମଗ୍ର ଇସ୍ରାଏଲରେ ହାଇଆଲର୍ଟ ଜାରି ହୋଇଛି । ପାଲଟା ଜବାବ ଦେବାକୁ ଇସ୍ରାଏଲ ସେନା ପ୍ରସ୍ତୁତ ହେଉଛି । ଇସ୍ରାଏଲ ବିରୋଧରେ ଆତଙ୍କବାଦୀ ସଂଗଠନକୁ ପ୍ରଚ୍ଛଦ ପୃଷ୍ଠପୋଷକତା କରିଆସୁଥିବା ଇରାନ ପ୍ରଥମ ଥର ନିଜ ଦେଶରୁ ସିଧାସଳଖ ଇସ୍ରାଏଲ ଉପରେ ଆକ୍ରମଣ କରିଛି ।
#WATCH | Hebron, West Bank: A wave of missiles seen over West Bank as Iran strikes at Israel.
— ANI (@ANI) October 1, 2024
(Source: Reuters) pic.twitter.com/yJbTBSB335
- ପ୍ରଚଣ୍ଡ ଆକ୍ରମଣ କରିପାରେ ଇସ୍ରାଏଲ
ଏହି ଆକ୍ରମଣ ପରେ ମଧ୍ୟପ୍ରାଚ୍ୟରେ ଜାରି ରହିଥିବା ଖଣ୍ଡଯୁଦ୍ଧ ଏବେ ପୂର୍ଣ୍ଣଯୁଦ୍ଧରେ ପରିଣତ ହେବାକୁ ଯାଉଥିବା ଏକପ୍ରକାର ସ୍ପଷ୍ଟ ହେଉଛି । ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ କହିଛନ୍ତି, ଇରାନ ବଡ ଭୁଲ କରିଛି । ଏହାର ପରିଣାମ ଭୋଗିବାକୁ ପଡିବ । ଇସ୍ରାଏଲ ଡିଫେନ୍ସ ଫୋର୍ସ (ଆଇଡିଏଫ) କହିଛି, ଇରାନର ଏକାଧିକ କ୍ଷେପଣାସ୍ତ୍ରକୁ ମଝି ଆକାଶରେ ନଷ୍ଟ କରାଯାଇଛି । ଦକ୍ଷିଣ-ଇସ୍ରାଏଲରେ କିଛି ରକେଟ ମାଡ ହୋଇଛି । ଆମେ ସମ୍ପୂର୍ଣ୍ଣ ପ୍ରସ୍ତୁତ ଅଛୁ । କୌଣସି ସମୟରେ, କୌଣସିଠାରେ ଓ କୌଣସି ପ୍ରକାରେ ଆମେ ଏହାର ପ୍ରତିଜବାବ ଦେବୁ । ଅନ୍ୟପଟେ ଆକ୍ରମଣର ପ୍ରତିଜବବାବ ଦେବାକୁ ଇସ୍ରାଏଲ ପ୍ରୟାସ କଲେ ସ୍ଥିତି ଭୟାବହ ହେବ ବୋଲି ଇରାନ ମଧ୍ୟ ଚେତାଇ ଦେଇଛି ।
#WATCH | US President Joe Biden says, " today, at my direction, the united states military actively supported the defense of israel, and we're still assessing the impact... the attack appears to have been defeated and ineffective. this is a testament to the israeli military… pic.twitter.com/FFGrLtyDgh
— ANI (@ANI) October 1, 2024
- ଯୁଦ୍ଧରେ ଏଣ୍ଟ୍ରି ମାରିଲା ଆମେରିକା
ଏହି ଆକ୍ରମଣରୁ ଆମେରିକା ଓ ବ୍ରିଟେନ ସମେତ ତମାମ ପଶ୍ଚିମ-ରାଷ୍ଟ୍ର ନିନ୍ଦା କରିଛନ୍ତି । ଆମେରିକା ସିଧା ଯୁଦ୍ଧରେ ପ୍ରବେଶ ମଧ୍ୟ କରିଛି । ଇସ୍ରାଏଲ ଅଭିମୁଖେ କ୍ଷେପଣ କରାଯାଇଥିବା ଇରାନର ଯେକୌଣସି କ୍ଷେପଣାସ୍ତ୍ରକୁ ଟାର୍ଗେଟ କରି ଖସାଇ ଦେବାପାଇଁ ଆମେରିକା ସେନାକୁ ରାଷ୍ଟ୍ରପତି ବାଇଡେନ ନିର୍ଦ୍ଦେଶ ଦେଇଛନ୍ତି । ମଧ୍ୟପ୍ରାଚ୍ୟର ଏକାଧିକ ଦେଶରେ ଥିବା ଆମେରିକାର ସାମରିକ ଆଡ୍ଡାକୁ ହାଇଆଲର୍ଟରେ ରଖାଯିବା ସହ କୌଣସି ମିଶନ ପାଇଁ ପ୍ରସ୍ତୁତ ରହିବାକୁ ପେଣ୍ଟାଗନ ପକ୍ଷରୁ ନିର୍ଦ୍ଦେଶ ମିଳିଛି ।
📢*IMPORTANT ADVISORY FOR INDIAN NATIONALS IN ISRAEL*
— India in Israel (@indemtel) October 1, 2024
Link : https://t.co/OEsz3oUtBJ pic.twitter.com/llt83IwIZ0
#WATCH | IDF Spokesperson RAdm. Daniel Hagari says, " iran launched a large-scale attack of over 180 ballistic missiles directly from iranian soil at the state of israel. there were a small number of hits in the centre of israel and some other hits in southern israel. the majority… pic.twitter.com/rAKGmVLjwV
— ANI (@ANI) October 1, 2024
- ଗାଇଡଲାଇନ ଜାରି କଲା ଭାରତ
ସେପଟେ ସ୍ଥିତିକୁ ଦେଖି ଟେଲଆଭିବରେ ଥିବା ଭାରତୀୟ ଦୂତାବାସ ପ୍ରବାସୀ ଭାରତୀୟଙ୍କ ପାଇଁ 24 ଘଣ୍ଟିଆ ହେଲ୍ପଲାଇନ ନମ୍ବର ଗାଇଡଲାଇନ ଜାରି କରିଛି । ସୁରକ୍ଷିତ ସ୍ଥାନରେ ରହିବା ସହ ଅନାବଶ୍ୟକ ଭାବେ ବାହରକୁ ନବାହାରିବା ଓ ଯାତ୍ରା ନକରିବାକୁ ଏଥିରେ ନିର୍ଦ୍ଦେଶ ଦିଆଯାଇଛି । ସେହିପରି କୌଣସି ସହାୟତା ପାଇଁ ଭାରତୀୟ ଦୂତାବାସକୁ ଯୋଗାଯୋଗ କରିବା ପାଇଁ କୁହାଯାଇଛି । ସେଠାରେ ଥିବା ଭାରତୀୟ ନିଜ ଠିକଣା ଓ ଅନ୍ୟ ସୂଚନା ସହ ଦୂତାବାସ ସାଇଟରେ ପଞ୍ଜୀକରଣ କରିବାକୁ କୁହାଯାଇଛି । ସେଥିପାଇଁ ଏକ ଲିଙ୍କ୍ ‘https://forms.gle/ftp3DEXgJwH8XVRdA’ ପ୍ରଦାନ କରାଯାଇଛି । ଯୋଗାଯୋଗ କରିବା ପାଇଁ ଦୁଇଟି ଟେଲିଫୋନ ନମ୍ବର +972-547520711 ଓ +972-543278392 ଏବଂ ମେଲ୍-ଆଇଡି- Email: consi.telaviv@mea.gov.in ମଧ୍ୟ ପ୍ରଦାନ କରିଛି ଭାରତୀୟ ଦୂତାବାସ । ଆମେରିକା ଇସ୍ରାଏଲକୁ ଯୁଦ୍ଧରେ ସହଯୋଗ କରିବା ସହ ସ୍ଥିତି ଅଧିକ ଜଟିଳ ହେଲେ ଇରାନକୁ ସିଧା ଆକ୍ରମଣ ମଧ୍ୟ କରିପାରେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
