ହାଇଦ୍ରାବାଦ: ପ୍ୟାନ୍ ଇଣ୍ଡିଆ ସୁପରଷ୍ଟାର ପ୍ରଭାସଙ୍କ ସବୁଠାରୁ ପ୍ରତୀକ୍ଷିତ ହରର୍-ରୋମାଣ୍ଟିକ୍ ଫିଲ୍ମ 'ଦ ରାଜା ସାବ'ର ରିଲିଜ ପୁଣି ଥରେ ବିଳମ୍ବ ହେବାର ଖବର ଆସିଛି । ଯାହା ଯୋଗୁଁ ପ୍ରଶଂସକମାନେ ଟିକେ ନିରାଶ ହୋଇଛନ୍ତି, ଫିଲ୍ମଟି ପୂର୍ବରୁ ୧୦ ଏପ୍ରିଲ୍ ୨୦୨୫ରେ ରିଲିଜ୍ ହେବାର ଥିଲା, କିନ୍ତୁ ଏବେ ଏହାକୁ ସ୍ଥଗିତ ରଖାଯାଇଛି । ଫିଲ୍ମର ମୁକ୍ତିଲାଭ ସମ୍ପର୍କରେ ନିର୍ଦ୍ଦେଶକ ମାରୁତି ଏହାର ମୁକ୍ତି ବିଳମ୍ବର କାରଣ କହିଛନ୍ତି ।
Take Your Time and release #Rajasaab whenever You’re satisfied with the product
— Ravi @ Prabhas Army (@RaviPrabhas333) April 8, 2025
Just give official info through media that it’ll come in November or next year or whenever. Fans will not bother You
ମୁକ୍ତିଲାଭରେ ବିଳମ୍ବର କାରଣ କହିଲେ ନିର୍ଦ୍ଦେଶକ
ତିରୁପତି ଏବଂ ଶ୍ରୀକାଳହସ୍ତି ମନ୍ଦିର ପରିଦର୍ଶନ କରିବା ପରେ, ଚଳଚ୍ଚିତ୍ର ନିର୍ମାତା ମାରୁତି ଇନଷ୍ଟାଗ୍ରାମରେ ପ୍ରଶଂସକମାନଙ୍କୁ ସମ୍ବୋଧିତ କରିଥିଲେ ଏବଂ ଚଳଚ୍ଚିତ୍ରର ବିଳମ୍ବ ବିଷୟରେ କହିଥିଲେ । ନିର୍ଦ୍ଦେଶକ ବିଳମ୍ବକୁ ସ୍ୱୀକାର କରିଥିଲେ କିନ୍ତୁ ଏହା ସମ୍ପୂର୍ଣ୍ଣ ଭାବରେ ତାଙ୍କର ଦୋଷ ନୁହେଁ ବୋଲି ମଧ୍ୟ କହିଥିଲେ । ସେ ଲେଖିଛନ୍ତି, 'ଶୀଘ୍ର CG ଆଉଟପୁଟ୍ ଆଶା କରାଯାଉଛି ।' ସେଗୁଡିକ ଯାଞ୍ଚ ହେବା ପରେ, ନିର୍ମାତାମାନେ ରିଲିଜ ତାରିଖ ଘୋଷଣା କରିବେ । ସେ ଆହୁରି ମଧ୍ୟ କହିଛନ୍ତି ଯେ ରିଲିଜ ଯୋଜନା କରିବାରେ ଅନେକ ଜିନିଷ ଜଡିତ ଏବଂ ଏହା କେବଳ ଜଣେ ବ୍ୟକ୍ତିଙ୍କ କାମ ନୁହେଁ ।
We are left with a little talkie part and songs , Many CGI studios are involved in our film , so far the output received from a few studios is exciting, expecting the same from other studios, if songs shoot will complete singles also will entertain you , I am also waiting to show…
— Director Maruthi (@DirectorMaruthi) April 8, 2025
ମାରୁଥିଙ୍କ ଅନୁଯାୟୀ, ଟିମ୍ ବର୍ତ୍ତମାନ ପୋଷ୍ଟ-ପ୍ରଡକ୍ସନର ଅନ୍ତିମ ପର୍ଯ୍ୟାୟରେ ଅଛି, କେବଳ "ଟକି ପାର୍ଟ ଔର ଗୀତ" ସୁଟିଂ ବାକି ଅଛି । ସେ ପ୍ରଶଂସକମାନଙ୍କୁ କହିଥିଲେ ଯେ ଫିଲ୍ମର ବ୍ୟାପକ CGI ଏବଂ VFX ସିକ୍ୱେନ୍ସ ଉପରେ କାମ ଚାଲିଛି, ଏବଂ ସେଥିପାଇଁ ଫିଲ୍ମର ମୁକ୍ତି ବିଳମ୍ବ ହେଉଛି । ସେ ପ୍ରଶଂସକମାନଙ୍କୁ ଆହୁରି ଧୈର୍ଯ୍ୟ ରଖିବାକୁ ଅନୁରୋଧ କରି କହିଥିଲେ, 'ଆପଣଙ୍କ ଆଶା ପୂରଣ କରିବା ପାଇଁ ସମସ୍ତେ ନିଜର ସର୍ବୋତ୍ତମ ପ୍ରୟାସ କରୁଛନ୍ତି ।'
ଏହା ମଧ୍ୟ ପଢନ୍ତୁ: ମକର ସଂକ୍ରାନ୍ତିରେ ଫ୍ୟାନ୍ସଙ୍କୁ ଭେଟି, 'ଦ ରାଜା ସାବ'ରୁ ପ୍ରଭାସଙ୍କ ନୂଆ ଲୁକ୍ ଆଉଟ୍
'ଦ ରାଜା ସାବ' ବିଷୟରେ କହିବାକୁ ଗଲେ, ମାରୁତି ଏହି ଫିଲ୍ମର ନିର୍ଦ୍ଦେଶନା ଦେବା ସହ ଫିଲ୍ମର କାହାଣୀ ମଧ୍ୟ ସେ ହିଁ ଲେଖିଛନ୍ତି । ସେହିପରି ଏହି ଫିଲ୍ମର ମ୍ୟୁଜିକ ଜାତୀୟ ପୁରସ୍କାର ବିଜେତା ଥମନ ଏସ ପ୍ରସ୍ତୁତ କରିବେ ଏବଂ ଫିଲ୍ମର ନିର୍ମାତା ଅଟନ୍ତି ଟିଜି ବିଶ୍ବ ପ୍ରସାଦ । ଏଥିସହ ଏହି ଫିଲ୍ମ ହିନ୍ଦୀ, ତେଲୁଗୁ, ତାମିଲ, କନ୍ନଡ଼ ଏବଂ ମାଲାୟାଲମ ଭାଷାରେ ରିଲିଜ ହେବ । ଏହି ମଜାଳିଆ ଚଳଚ୍ଚିତ୍ରରେ ପ୍ରଭାସ ଏକ ଭିନ୍ନ ଅନ୍ଦାଜରେ ନଜର ଆସିବେ । ପ୍ରଭାସଙ୍କ ବ୍ୟତୀତ ମାଲଭିକା ମୋହନାନ ଏବଂ ନିଧି ଅଗ୍ରୱାଲ ଏଥିରେ ମୁଖ୍ୟ ଭୂମିକାରେ ଅଭିନୟ କରିବେ ବୋଲି କୁହାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
