ହାଇଦ୍ରାବାଦ: ବଲିଉଡର ବାଦଶାହ ବର୍ତ୍ତମାନ ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'କିଙ୍ଗ' ସହ ଚର୍ଚ୍ଚାରେ ରହିଛନ୍ତି । ଏହି ଫିଲ୍ମ ପାଇଁ କିଙ୍ଗ ଖାନ ଆରମ୍ଭ କରିଥିବା ବେଳେ ନିକଟରେ ଶାହାରୁଖ ତାଙ୍କର 59 ତମ ଜନ୍ମଦିନରେ ପ୍ରକାଶ କରିଥିଲେ ଯେ ସେ ଏହି ଫିଲ୍ମ ପାଇଁ ଲମ୍ବା କେଶ କାଟିଛନ୍ତି । ଏପରି ସମୟରେ ଶାହାରୁଖ ଖାନଙ୍କ ଫ୍ୟାନ୍ସଙ୍କ ପାଇଁ ଏକ ଖୁସି ଖବର ଅଛି । 2023 ମସିହାରେ ଶାହାରୁଖ ଖାନ ବକ୍ସ ଅଫିସରେ ଧମାକା ସୃଷ୍ଟି କରିଥିଲେ, କିନ୍ତୁ 2024 ମସିହାରେ ତାଙ୍କର ଗୋଟିଏ ବି ଫିଲ୍ମ ରିଲିଜ ହୋଇନାହିଁ। କିନ୍ତୁ ଶାହାରୁଖ ଖାନଙ୍କ ସୁପରହିଟ୍ ଚଳଚ୍ଚିତ୍ର ପୁଣି ମୁକ୍ତିଲାଭ କରିବାକୁ ଯାଉଛି, ଯେଉଁଥିରେ 'କରଣ ଅର୍ଜୁନ' ଠାରୁ ଆରମ୍ଭ କରି 'କଲ ହୋ ନା ହୋ' ଅନ୍ତର୍ଭୁକ୍ତ କରାଯାଇଛି । ତେବେ ଏହି ଫିଲ୍ମ ଗୁଡିକ କେବେ ପୁଣି ରିଲିଜ ହେବ ଜାଣନ୍ତୁ,
କରଣ-ଅର୍ଜୁନ
ପ୍ରେକ୍ଷାଳୟରେ ଶାହାରୁଖ ଖାନ ଏବଂ ସଲମାନ ଖାନଙ୍କ ଅଭିନୀତ ଚଳଚ୍ଚିତ୍ର 'କରଣ-ଅର୍ଜୁନ' ପୁଣି ମୁକ୍ତିଲାଭ କରୁଛି । କରଣ-ଅର୍ଜୁନଙ୍କ ଟ୍ରେଲର ଆଜି 14 ନଭେମ୍ବରରେ ମୁକ୍ତିଲାଭ କରିଛି । ଟ୍ରେଲରରେ ହ୍ରିତିକ ରୋଶନଙ୍କ ସ୍ୱର ଶୁଣାଯାଏ । ତେବେ କରଣ-ଅର୍ଜୁନ 22 ନଭେମ୍ବରରେ ପୁଣି ମୁକ୍ତିଲାଭ କରିବାକୁ ଯାଉଛି । ଏହି ଫିଲ୍ମ ଜାନୁଆରୀ 13, 1995ରେ ରିଲିଜ ହୋଇଥିବା ବେଳେ ସେହି ସମୟରେ ବେଶ ଲୋକପ୍ରିୟତା ହାସଲ କରିଥିଲା । ଯାହା ଆଜି ମଧ୍ୟ ଚିର ସବୁଜ ହୋଇ ରହିଛି । ଲୋକେ ଏହାକୁ ଦେଖିବାକୁ ଏବେ ବି ପସନ୍ଦ କରନ୍ତି । ତେବେ 29 ବର୍ଷ ପରେ ପୁଣି ଫିଲ୍ମ ରିଲିଜ ହେଉଛି ।
ଏହା ମଧ୍ୟ ପଢନ୍ତୁ: ପୁଣି ପରଦାକୁ ଫେରୁଛନ୍ତି କରଣ-ଅର୍ଜୁନ, ଏହି ଦିନ ଫିଲ୍ମ ହେବ ରି-ରିଲିଜ
'କଲ ହୋ ନା ହୋ'
କେବଳ କରଣ-ଅର୍ଜୁନ ନୁହେଁ ଶାହରୁଖ ଖାନ, ସୈଫ ଅଲି ଖାନ ଏବଂ ପ୍ରୀତି ଜିଣ୍ଟା ଷ୍ଟାରର ରୋମାଣ୍ଟିକ ଫିଲ୍ମ 'କଲ ହୋ ନା ହୋ' ମଧ୍ୟ ପୁଣି ମୁକ୍ତିଲାଭ କରିବାକୁ ଯାଉଛି । କରଣ ଜୋହର କଲ ହୋ ନା ହୋ ପ୍ରଡ୍ୟୁସ କରିଥିବା ବେଳେ ନିଖିଲ ଆଡଭାନୀ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ । ବର୍ତ୍ତମାନ 21 ବର୍ଷ ପରେ, ଶାହାରୁଖ ଖାନଙ୍କ ଏହି ଉଜ୍ଜ୍ୱଳ ଚଳଚ୍ଚିତ୍ର ଆସନ୍ତାକାଲି ଅର୍ଥାତ୍ 15 ନଭେମ୍ବରରେ ପୁଣି ମୁକ୍ତିଲାଭ କରୁଛି ।
A story that speaks straight to your heart! ❤️ The iconic masterpiece #Pardes is returning to the big screen at PVR INOX on November 15.
— P V R C i n e m a s (@_PVRCinemas) November 12, 2024
.
.
.#Rereleasing #SubhashGhai #ShahRukhKhan #MahimaChaudhry pic.twitter.com/Rp8UHxxDeT
ପରଦେଶ
ଶାହରୁଖ ଖାନଙ୍କ ସୁପରହିଟ୍ ଚଳଚ୍ଚିତ୍ରରେ ଅନ୍ତର୍ଭୁକ୍ତ ପ୍ରେମ କାହାଣୀ ଡ୍ରାମା ଫିଲ୍ମ 'ପରଦେଶ' ମଧ୍ୟ ରହିଛି । ଯେଉଁଥିରେ ଶାହାରୁଖ ଏବଂ ମହିମା ଚୌଧୁରୀ ଅଭିନୟ କରିଥିଲେ । ଏହି ଚଳଚ୍ଚିତ୍ରଟି ସୁଭାଷ ଘାଇଙ୍କ ଦ୍ୱାରା ନିର୍ମିତ, ଯାହା ବକ୍ସ ଅଫିସରେ ହିଟ୍ ହୋଇଥିବା ପ୍ରମାଣିତ ହୋଇଥିଲା । ଏପରି ସମୟରେ ଏହି ଫିଲ୍ମ ପୁଣି ରିଲିଜ କରିବାକୁ ପ୍ରସ୍ତୁତ ନିର୍ମାତା । ଆସନ୍ତାକାଲି ଅର୍ଥାତ୍ 15 ନଭେମ୍ବରରେ ରିରିଲିଜ କରୁଛି । PVR INOX ରେ ରିଲିଜ ହେବ ।
ଏହା ମଧ୍ୟ ପଢନ୍ତୁ: ପୁଣି ରିଲିଜ ହେଲା ଶାହାରୁଖଙ୍କ ଫିଲ୍ମ 'ଭୀର ଜାରା', 100 କୋଟି ଆୟ କରି ରଚିଲା ଇତିହାସ
'ଭୀର ଜାରା'
ଶାହାରୁଖ ଖାନ ଏବଂ ପ୍ରୀତି ଜିଣ୍ଟା ଷ୍ଟାରର ବର୍ଡର ପ୍ରେମ କାହାଣୀ ଚଳଚ୍ଚିତ୍ର 'ଭୀର-ଜାରା' ନିକଟରେ ପୁନଃ ମୁକ୍ତିଲାଭ କରିଛି । ଏହାର ଥିଏଟରକୁ ଯାଇ ଆପଣ ଏହାକୁ ଦେଖିପାରିବେ । 'ଭୀର ଜାରା' 12 ନଭେମ୍ବରରେ 20 ବର୍ଷ ପୂରଣ କରି୍ଥିଲା । ଏଭଳି ପରିସ୍ଥିତିରେ ଫିଲ୍ମ ପୁଣି ମୁକ୍ତିଲାଭ କରିଛି। ୟଶ ରାଜଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ଅମିତାଭ ବଚ୍ଚନ ଏବଂ ହେମା ମାଲିନି ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଚଳଚ୍ଚିତ୍ରର ଗୀତ ଏବଂ ଏହାର କାହାଣୀ ଦର୍ଶକମାନେ ଏବେ ମଧ୍ୟ ପସନ୍ଦ କରନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
