ହାଇଦ୍ରାବାଦ: ରଣବୀର କପୁର ଏବଂ ଆଲିଆ ଭଟ୍ଟ 14 ଏପ୍ରିଲରେ ସେମାନଙ୍କର ତୃତୀୟ ବିବାହ ବାର୍ଷିକୀ ପାଳନ କରିଥିଲେ । ଏହି ଅବସରରେ ଆଲିଆ ସୋସିଆଲ ମିଡିଆରେ ତାରକା ସ୍ୱାମୀ ରଣବୀରଙ୍କ ସହ ନିଜର ଏକ ସୁନ୍ଦର ଫଟୋ ସେୟାର କରିଛନ୍ତି । ଆଲିଆ ଏହି ଫଟୋ ସେୟାର କରିବା ପରେ ତାଙ୍କ ପ୍ରଶଂସକ ଏବଂ ସେଲିବ୍ରିଟିମାନେ ଏହି ଦମ୍ପତିଙ୍କୁ ବିବାହ ବାର୍ଷିକୀରେ ଅଭିନନ୍ଦନ ଜଣାଇଛନ୍ତି । 19 ଲକ୍ଷରୁ ଅଧିକ ପ୍ରଶଂସକ ଆଲିଆ ଏବଂ ରଣବୀରଙ୍କ ଏହି ଫଟୋକୁ ପସନ୍ଦ କରିଛନ୍ତି ।
14 ଏପ୍ରିଲ୍ ରାତିରେ ଆଲିଆ ଭଟ୍ଟ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରି ଏହାର କ୍ୟାପସନ୍ ଦେଇଛନ୍ତି, 'ଘର, ସର୍ବଦା, ଖୁସି 3' । ଅର୍ଥାତ୍ ଏହି ଦମ୍ପତିଙ୍କ ବିବାହକୁ 3 ବର୍ଷ ପୂରିଛି । ଆଲିଆଙ୍କ ଏହି ପୋଷ୍ଟରେ ତାଙ୍କ ପ୍ରଶଂସକଙ୍କ ସହ ତାଙ୍କ ସମ୍ପର୍କୀୟ ତଥା ସେଲିବ୍ରିଟିମାନେ ମଧ୍ୟ ତାଙ୍କୁ ଅଭିନନ୍ଦନ ଜଣାଇଛନ୍ତି । ଆଲିଆଙ୍କ ଷ୍ଟାର୍ ବୋହୂ କରୀନା କପୁର ଖାନ୍ ଲେଖିଛନ୍ତି, 'ଦ ବିଷ୍ଠ ପିପ୍ସ' । ଏହି ପୋଷ୍ଟରେ ଆଲିଆଙ୍କ ଶାଶୁ ନୀତୁ କପୁର ଲାଲ ହାର୍ଟ ଇମୋଜି ସେୟାର କରିଛନ୍ତି । ଆଲିଆଙ୍କ ମାତା ସୋନି ରଜଦାନ ଏକ ଲାଲ୍ ହାର୍ଟ ଇମୋଜି ସହ 'ଓଃ... ସୁନ୍ଦର ହାପି ବାର୍ଷିକୀ' ।
ସୂଚନା ଥାଉ କି, ଏପ୍ରିଲ୍ 14, 2022ରେ ଆଲିଆ ଏବଂ ରଣବୀର କପୁର ବିବାହ କରିଥିଲେ । ଏହି ଦମ୍ପତିଙ୍କ ବିବାହ କାର୍ଯ୍ୟ ତିନି ଦିନ ଧରି ଚାଲିଥିଲା । ପରିବାର, ସାଙ୍ଗସାଥୀ ଏବଂ ସମ୍ପର୍କୀୟଙ୍କ ଉପସ୍ଥିତିରେ ଏହି ଦମ୍ପତି ବିବାହ କରିଥିଲେ । ବିବାହର ଅଢେଇ ମାସ ପରେ ଜୁନ୍ ମାସରେ ସୋସିଆଲ ମିଡିଆରେ ସେମାନଙ୍କ ପ୍ରଶଂସକଙ୍କ ସହ ପିତାମାତା ହେବାର ଖୁସି ଖବର ସେୟାର କରିଥିଲେ । ପରେ ବିବାହର ୭ ମାସ ପରେ, ଆଲିଆ ନଭେମ୍ବର ୬ରେ ଝିଅ ରାହା କପୁରଙ୍କୁ ଜନ୍ମ ଦେଇଥିଲେ । ରାହାଙ୍କ ପ୍ରଥମ ଜନ୍ମଦିନ ପରେ ତାଙ୍କ ଚେହେରା ସମସ୍ତଙ୍କୁ ଦେଖାଇଥିଲେ ଦମ୍ପତି ।
ଏହା ମଧ୍ୟ ପଢନ୍ତୁ: ପାପାରାଜିଙ୍କ ସହ ଜନ୍ମଦିନ ପାଳିଲେ ଆଲିଆ, ପ୍ରେମବ୍ୟକ୍ତ କଲେ ରଣବୀର
ରଣବୀରଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ଗତବର୍ଷ ରଣବୀର ସନ୍ଦୀପ ରେଡ୍ଡୀ ଭଙ୍ଗାଙ୍କ ନିର୍ଦ୍ଦେଶିତ ଚଳଚ୍ଚିତ୍ର 'ଆନିମଲ'ରେ ତାଙ୍କର ଚମତ୍କାର ଅଭିନୟ ସହିତ ପ୍ରଶଂସକ ଏବଂ ଦର୍ଶକଙ୍କ ହୃଦୟ ଜିତିଥିଲେ । ସେ ବର୍ତ୍ତମାନ ନିତୀଶ ତିୱାରୀଙ୍କ 'ରାମାୟଣ'ରେ ରାମ ଭୂମିକା ପାଇଁ ପ୍ରସ୍ତୁତ ହେଉଛନ୍ତି, ଯାହାର ସୁଟିଂ ଖୁବଶୀଘ୍ର ଆରମ୍ଭ ହେବ । ସେହିପରି ଆଲିଆ ଭଟ୍ଟଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ଆଲିଆଙ୍କୁ 'ଲଭ ଆଣ୍ଡ ୱାର'ରେ ଦେଖିବାକୁ ମିଳିବ । ଏହି ଫିଲ୍ମରେ ସ୍ୱାମୀ ରଣବୀର କପୁର ଏବଂ ବିକି କୌଶଲ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
