ହାଇଦ୍ରାବାଦ: ଆଜି ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଜନ୍ମଦିନ । ଏହି ଖାସ୍ ଅବସରରେ ଅଲ୍ଲୁ ଅର୍ଜୁନଙ୍କ ଫ୍ୟାନ୍ସଙ୍କୁ ଭେଟି । ଅଲ୍ଲୁ ଅର୍ଜୁନଙ୍କ ଜନ୍ମଦିନରେ, ତାଙ୍କର ନୂତନ ଫିଲ୍ମ ଘୋଷଣା କରାଯାଇଛି, ଯାହାର ନିର୍ଦ୍ଦେଶନା ଅଟଲି ଦେବେ । ଯଦିଓ, ଏହି ଫିଲ୍ମଟି ବହୁତ ଦିନ ଧରି ଚର୍ଚ୍ଚାରେ ଥିଲା, କିନ୍ତୁ ଆଜି ଏହି ବିଶେଷ ଅବସରରେ, ନିର୍ମାତାମାନେ ଏହାକୁ ଆନୁଷ୍ଠାନିକ ଭାବରେ ଘୋଷଣା କରିଛନ୍ତି । ଏହି ଖବର ଶୁଣି ଫ୍ୟାନ୍ସଙ୍କ ମଧ୍ୟରେ ଉତ୍ସାହ ବଢିଯାଇଛି ।
ଅଲ୍ଲୁ ଅର୍ଜୁନଙ୍କ ନୂଆ ଫିଲ୍ମ ଘୋଷଣା
ଆଜି ପ୍ରଡକ୍ସନ ହାଉସ୍ ସନ୍ ପିକଚର୍ସ ଆଜି, ୮ ଏପ୍ରିଲ୍, ୨୦୨୫ରେ ସୋସିଆଲ ମିଡିଆରେ ଭିଡିଓ ସେୟାର କରି ଏହି ବିଷୟରେ ସୂଚନା ଦେଇଛନ୍ତି । ଅଲ୍ଲୁ ଅର୍ଜୁନ ସାଉଥ ନିର୍ଦ୍ଦେଶକ ଅଟଲିଙ୍କ ସହ ଏକ 'ଚମତ୍କାର' ପ୍ରୋଜେକ୍ଟ ପାଇଁ ଏକାଠି କାମ କରିଛନ୍ତି, ଯାହାକୁ ପୂର୍ବରୁ କେବେ ଦେଖାଯାଇନଥିବା ସାଇନ୍ସ ଫିକ୍ସନ୍ ଆକ୍ସନର୍ ବୋଲି କୁହାଯାଉଛି । ମଙ୍ଗଳବାର ଦିନ ଅର୍ଜୁନଙ୍କ ୪୩ତମ ଜନ୍ମଦିନରେ 'AA22xA6' ନାମକ ଆଗାମୀ ଫିଲ୍ମଟି ସ୍ୱତନ୍ତ୍ର ଭାବରେ ଘୋଷଣା କରାଯାଇଛି ।
ଅଟଲି ଦେବେ ନିର୍ଦ୍ଦେଶନା
ଏହା ଅଲ୍ଲୁ ଅର୍ଜୁନଙ୍କ 22ତମ ଏବଂ ଅଟଲିଙ୍କ ଷଷ୍ଠ ଫିଲ୍ମ, ତେଣୁ ନିର୍ମାତାମାନେ 'AA22-A6' ହ୍ୟାସଟ୍ୟାଗ୍ ମଧ୍ୟ ସେୟାର କରିଛନ୍ତି । କ୍ୟାପସନରେ ଲେଖାଥିଲା, 'ଏକ ଐତିହାସିକ ସିନେମାଟିକ୍ ଇଭେଣ୍ଟ ପାଇଁ ପ୍ରସ୍ତୁତ ହୁଅ ।' AA22xA6 - ସନ୍ ପିକଚର୍ସର ଏକ ଚମତ୍କାର ମାଷ୍ଟରପିସ୍ । ଭିଡିଓରେ, 'ଷ୍ଟାଇଲିସ୍ ଷ୍ଟାର' ଅଲ୍ଲୁ ଅର୍ଜୁନ ଚେନ୍ନାଇରେ ପ୍ରଡକ୍ସନ୍ ହାଉସ୍ ଅଫିସ୍ ଆଡକୁ ଯାଉଥିବାର ଦେଖାଯାଉଛି ଯେଉଁଠାରେ ସେ ନିର୍ଦ୍ଦେଶକ ଅଟଲି ଏବଂ ପ୍ରଯୋଜକ କଳାନିଥି ମାରନଙ୍କୁ ଭେଟୁଛନ୍ତି । ଏହି ତିନିଜଣ ପ୍ରକଳ୍ପ ବିଷୟରେ ଆଲୋଚନା ଏବଂ ଆନୁଷ୍ଠାନିକ ଭାବରେ ହାତ ମିଳାଉଥିବାର ନଜର ଆସିଛନ୍ତି ।
Magic with mass & a world beyond imagination! #AA22
— Allu Arjun (@alluarjun) April 8, 2025
Teaming up with @Atlee_dir garu for something truly spectacular with the unparalleled support of @sunpictures pic.twitter.com/mTK01BVpfE
ଏହା ମଧ୍ୟ ପଢନ୍ତୁ: 43ବର୍ଷରେ ଅଲ୍ଲୁ ଅର୍ଜୁନ, ପରିବାର ସହ ପାଳିଲେ ଜନ୍ମଦିନ
ଏହା ଏକ ସାଇନ୍ସ ଫିକ୍ସନ୍ ଆକ୍ସନର୍ ଫିଲ୍ମ
ଏହା ପରେ ଭିଡିଓରେ ଲସ୍ ଆଞ୍ଜେଲସର VFX ଷ୍ଟୁଡିଓକୁ ତାଙ୍କର ପରିଦର୍ଶନ ମଧ୍ୟ ଦେଖିବାକୁ ମିଳିଛି, ଯେଉଁଠାରେ ସେ ହଲିଉଡର ଅନେକ ପ୍ରସିଦ୍ଧ ବୈଷୟିକ ବିଶେଷଜ୍ଞଙ୍କ ସହାୟତାରେ ସ୍କ୍ରିପ୍ଟରେ କାମ କରୁଛନ୍ତି । ଏଥିରେ ସ୍ପାଇଡର-ମ୍ୟାନ୍: ହୋମକମିଂ, କ୍ୟାପ୍ଟେନ୍ ଆମେରିକା: ସିଭିଲ୍ ୱାର୍, ଏବଂ ଆଭେଞ୍ଜର୍ସ: ଏଜ୍ ଅଫ୍ ଅଲଟ୍ରନ୍ ପାଇଁ ଜଣାଶୁଣା ଆଇରନହେଡ୍ ଷ୍ଟୁଡିଓର ସିଇଓ ଏବଂ କଳା ନିର୍ଦ୍ଦେଶକ ଜୋସ୍ ଫର୍ଣ୍ଣାଣ୍ଡିଜ୍ ଏବଂ ଜିଆଇ ଜୋ: ରିଟାଲିଏସନ୍ ଏବଂ ଆଇରନ୍ ମ୍ୟାନ୍ 2 ଭଳି ଫିଲ୍ମରେ କାମ କରିଥିବା ଭିଏଫଏକ୍ସ ପର୍ଯ୍ୟବେକ୍ଷକ ଜେମ୍ସ ମାଡିଗାନ୍ ଅନ୍ତର୍ଭୁକ୍ତ । ଆହୁରି ଅନେକ ଶ୍ରେଷ୍ଠ ହଲିଉଡ୍ ଟେକ୍ନିସିଆନ୍ ମଧ୍ୟ ଏହି ପ୍ରୋଜେକ୍ଟରେ ସହଯୋଗ କରୁଥିବା ଜଣାପଡ଼ିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
