ମୁମ୍ବାଇ: ବିଶ୍ବ ଷ୍ଟକ ବଜାରକୁ କଳା ସୋମାବାର ଭୟ । ଟ୍ରମ୍ପଙ୍କ ଟାରିଫ ମାଡରେ ଷ୍ଟକ୍ ବଜାର କ୍ରାସ୍ । ବିଶ୍ବବ୍ୟାପୀ ସେୟାର ବଜାରରେ ଭୂକମ୍ପ । ଏସୀୟ ବଜାରରେ ଓପେନିଂ କ୍ରାସ୍ । ଆଇଟି କମ୍ପାନୀଙ୍କ ସମେତ ବଡ ବଡ କମ୍ପାନୀଙ୍କ ସେୟାର ଧରାଶାୟୀ । ସେୟାର ବଜାରରେ ସୁନାମୀ । ବିଶ୍ବ ବଜାର ପରେ ଭାରତୀୟ ସେୟାର ବଜାରରେ ଭୂକମ୍ପ । ଆମେରିକାର ପାଲଟା ଆମଦାନୀ ଶୁଳ୍କ ବୃଦ୍ଧି ପରେ ସେୟାର ବଜାରରେ ନିଆଁ । 4000 ପଏଣ୍ଟରୁ ଅଧିକ ଖସିଲା ସେନସେକ୍ସ । ୧ ହଜାରରୁ ଅଧିକ ଖସିଲା ନିଫ୍ଟି ।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପାଲଟା ଆମଦାନୀ ଶୁଳ୍କ ବିଭିନ୍ନ ଦେଶ ଉପରେ ଲଗାଇବା ପରେ ଚୀନ ଓ ଅନ୍ୟ କେତେକ ଦେଶ ମଧ୍ୟ ଆମେରିକା ଉପରେ ଶୁଳ୍କ ବଢ଼ାଇଛନ୍ତି । ଟ୍ରମ୍ପଙ୍କ ପାଇଁ ବିଶ୍ବରେ ବାଣିଜ୍ୟ ଯୁଦ୍ଧ ଆରମ୍ଭ ହୋଇଛି। ଶୁଳ୍କ ବୃଦ୍ଧି ଫଳରେ ବିଶ୍ବ ବାଣିଜ୍ୟ ସଂକୁଚିତ ହେବା ଆଶଙ୍କା ବୃଦ୍ଧି ପାଇଛି । ଆମେରିକା ସହିତ ବିଶ୍ବ ଅର୍ଥନୀତି ମାନ୍ଦାବସ୍ଥା ମଧ୍ୟକୁ ଚଳିତବର୍ଷ ଶେଷ ସୁଦ୍ଧା ଚାଲିଯାଇପାରେ ବୋଲି ଆଶଙ୍କା ସୃଷ୍ଟି ହୋଇଛି ।
ବିଶ୍ବ ଷ୍ଟକ୍ ବଜାରକୁ ଲାଗିଲା ଟ୍ରମ୍ପଙ୍କ ଟାରିଫ୍ ଝଟକା
ସୋମବାର ଘରୋଇ ମାର୍କେଟ୍ ନିଫ୍ଟି ଏବଂ ସେନ୍ସେକ୍ସ ରେଡ୍ ଜୋନରେ ଖୋଲିଛି । ଏସୀୟ ବଜାର ଏବଂ ୱାଲ୍ ଷ୍ଟ୍ରିଟରେ ଅଧିକ ସେଲ୍-ଅଫ୍ ହେତୁ ବୈଶ୍ୱିକ ସ୍ତରରେ ବ୍ୟାପକ କ୍ଷତି ହୋଇଛି । BSE ସେନ୍ସେକ୍ସ 4000 ପଏଣ୍ଟ ହ୍ରାସ ସହିତ 72,004.23ରେ ଖୋଲିଥିଲା । ଏହି ସମୟରେ, NSE ନିଫ୍ଟି 5 ପ୍ରତିଶତ ହ୍ରାସ ସହିତ 21,758.40ରେ ଖୋଲିଥିଲା ।
ଏପଟେ ଏସିଆ ସେୟାର ମାର୍କେଟରେ ମଧ୍ୟ ଭୟଙ୍କର ହ୍ରାସ ଦେଖିବାକୁ ମିଳିଛି । ହଂକଂର ସେୟାର ମାର୍କେଟ୍ ହାଙ୍ଗ୍ ସେଙ୍ଗ୍ ଇଣ୍ଡେକ୍ସ ୧୦ ପ୍ରତିଶତରୁ ଅଧିକ ହ୍ରାସ ଘଟିଛି । ଜାପାନର ନିକ୍କେଇ ଇଣ୍ଡେକ୍ସ 7%ରୁ ଅଧିକ, ଦକ୍ଷିଣ କୋରିଆର କୋସ୍ପି ଇଣ୍ଡେକ୍ସ 5%ରୁ ଅଧିକ ଖସିଛି । ସେହିପରି ଅଷ୍ଟ୍ରେଲିଆର S&P/ASX ଇଣ୍ଡେକ୍ସ 6%ରୁ ଅଧିକ ହ୍ରାସ ପାଇଛି ।
ଟୋକିଓର ନିକ୍କେଇ 225 ସୂଚକାଙ୍କ ପ୍ରାୟ 8 ପ୍ରତିଶତ ହ୍ରାସ ପାଇଛି ଏବଂ ବଜାର ଖୋଲିବା ପରେ ଅଷ୍ଟ୍ରେଲିଆର S & P / ASX ଇଣ୍ଡେକ୍ସ 6 ପ୍ରତିଶତରୁ ଅଧିକ ହ୍ରାସ ପାଇଛି । ଦକ୍ଷିଣ କୋରିଆର କୋସ୍ପି 4.4 ପ୍ରତିଶତ ହ୍ରାସ ପାଇଛି ।
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପାରସ୍ପାରିକ ଶୁଳ୍କ ବିଶ୍ୱ ବାଣିଜ୍ୟ ଯୁଦ୍ଧର ଭୟ ସୃଷ୍ଟି କରି ଭୌଗୋଳିକ ରାଜନୈତିକ ତିକ୍ତତା ଏବଂ ଅର୍ଥନୈତିକ ଅନିଶ୍ଚିତତା ସୃଷ୍ଟି କରିଥିବାରୁ ନିବେଶକମାନେ ସୁରକ୍ଷିତ ସ୍ଥାନ ସପକ୍ଷରେ ନିଜର ଇକ୍ୱିଟି ହୋଲ୍ଡିଂରୁ ଦୂରେଇ ଯାଉଛନ୍ତି ।
- ବିଶ୍ବ ବଜାର ପରେ ଭାରତୀୟ ସେୟାର ବଜାରରେ ସୁନାମୀ
- ଆମେରିକାରେ ଟାରିଫ ବୃଦ୍ଧି ନେଇ ସେୟାର ବଜାରରେ ନିଆଁ
- ହଂକଂ, ସିଙ୍ଗାପୁର, ଚୀନ, ଜାପାନ ସେୟାର ବଜାରରେ ମଧ୍ୟ ପ୍ରଭାବ
STOCK MARKET CRASH TODAY; 10 ମିନିଟରେ ସ୍ୱାହା ହୋଇଗଲା 19 ଲକ୍ଷ କୋଟି
ବିଶ୍ୱ ବାଣିଜ୍ୟ ଯୁଦ୍ଧର ଚିନ୍ତା ଏବଂ ଆମେରିକାରେ ବୃଦ୍ଧି ପାଉଥିବା ଆଶଙ୍କା ମଧ୍ୟରେ ସୋମବାର ଭାରତୀୟ ଷ୍ଟକ ମାର୍କେଟର ମାନଦଣ୍ଡ ସୂଚକାଙ୍କ ହ୍ରାସ ପାଇଛି । ବଜାର ଖୋଲିବା ମାତ୍ରେ ସେନସେକ୍ସ 3,939.68 ପଏଣ୍ଟ ହ୍ରାସ ପାଇ 71,425.01 ଥିବାବେଳେ ନିଫ୍ଟି 1,160.8 ପଏଣ୍ଟ ହ୍ରାସ ପାଇ 21,743.65 ରେ ପହଞ୍ଚିଛି । ସମସ୍ତ 13 ଟି ପ୍ରମୁଖ କ୍ଷେତ୍ରରେ ଏକ ହ୍ରାସ ରେକର୍ଡ କରାଯାଇଥିଲା । BSE ର ସର୍ବଶେଷ ତଥ୍ୟ ଦର୍ଶାଉଛି ଯେ BSE ରେ ତାଲିକାଭୁକ୍ତ ସମସ୍ତ କମ୍ପାନୀର ବଜାର ପୁଞ୍ଜିକରଣ 19 ଲକ୍ଷ କୋଟି ଟଙ୍କା ହ୍ରାସ ପାଇଛି ।
ଆଇଟି କମ୍ପାନୀଗୁଡିକ, ଯେଉଁମାନେ ଆମେରିକାରୁ ସେମାନଙ୍କ ରାଜସ୍ୱର ଏକ ପ୍ରମୁଖ ଅଂଶ ଅର୍ଜନ କରନ୍ତି । ଏଥିରେ 7 ପ୍ରତିଶତ କ୍ଷତି ହୋଇଛି । ବିସ୍ତୃତ ଛୋଟ କ୍ୟାପ୍ ଏବଂ ମିଡ୍ କ୍ୟାପ୍ 6.2 ପ୍ରତିଶତ ଏବଂ 4.6 ପ୍ରତିଶତ ହ୍ରାସ ପାଇଛି ।
2020 ରେ କୋଭିଡ ମହାମାରୀ ପରେ ସୋମବାରର ପତନ ହେଉଛି ଭାରତୀୟ ବଜାରରେ ସବୁଠାରୁ ବଡ ପ୍ରାରମ୍ଭିକ ପତନ
ସେୟାର ବଜାରରେ କିଛି ବଡ ପତନ/କ୍ରାସ୍ ରେକର୍ଡ
କୋଭିଡ୍ କ୍ରାସ୍ (ମାର୍ଚ୍ଚ 2020) -
ମାର୍ଚ୍ଚ 2020ରେ କୋଭିଡ୍ -19 ବ୍ୟାପିବା ଏବଂ ପରବର୍ତ୍ତୀ ବିଶ୍ୱବ୍ୟାପୀ ଲକ୍ ଡାଉନ୍ ପାଇଁ ମାର୍କେଟରେ ବ୍ୟାପକ ହ୍ରାସ ଘଟିଥିଲା
ବିଶ୍ୱ ଆର୍ଥିକ ସଙ୍କଟ (2008) -
2008 ରେ ବଜାର ହ୍ରାସର କାରଣ ହେଉଛି ଲେହମାନ ବ୍ରଦର୍ସଙ୍କ ପତନ ଏବଂ ଆମେରିକାରେ ସବପ୍ରିମ ବନ୍ଧକ ସଙ୍କଟ । ସେନସେକ୍ସ 60 ପ୍ରତିଶତରୁ ଅଧିକ ହ୍ରାସ ପାଇ ଜାନୁଆରୀରେ 21,206 ପଏଣ୍ଟରୁ ଅକ୍ଟୋବର ସୁଦ୍ଧା 8,160 ପଏଣ୍ଟକୁ ଖସି ଆସିଥିଲା
ଡଟ୍-କମ ବବୁଲ୍ ବିସ୍ଫୋରଣ Dot-com bubble burst (2000) -
2000 ଦଶକ ପ୍ରାରମ୍ଭରେ ଏକ ଗୁରୁତ୍ୱପୂର୍ଣ୍ଣ ବଜାର ହ୍ରାସ ଘଟିଥଲା କାରଣ ଟେକ୍ ଷ୍ଟକ୍ଗୁଡ଼ିକ ସେମାନଙ୍କର ଉଜ୍ଜ୍ୱଳତା ହରାଇଲା । ଫେବୃଆରୀ 2000 ରେ ସେନସେକ୍ସ 5,937 ପଏଣ୍ଟରୁ ଅକ୍ଟୋବର 2001 ସୁଦ୍ଧା 3,404 ପଏଣ୍ଟକୁ ଖସି ଆସିଥିଲା - 43 ପ୍ରତିଶତ ହ୍ରାସ ଘଟିଥିଲା
ଏସୀୟ ଆର୍ଥିକ ସଙ୍କଟ (1997) -
1997 ରେ, ପୂର୍ବ ଏବଂ ଦକ୍ଷିଣ-ପୂର୍ବ ଏସିଆରେ ମୁଦ୍ରାର ପତନର ପ୍ରଭାବ ଭାରତୀୟ ଷ୍ଟକ୍ ବଜାରରେ ବ୍ୟାପକ ହ୍ରାସ ଘଟାଇଲା । ସେହିବର୍ଷ ଡିସେମ୍ବର ସୁଦ୍ଧା ସେନସେକ୍ସ 28 ପ୍ରତିଶତରୁ ଅଧିକ ହ୍ରାସ ପାଇ 4,600 ପଏଣ୍ଟରୁ 3,300 ପଏଣ୍ଟକୁ ଖସି ଆସିଥିଲା
ହର୍ଷଦ ମେହେଟ୍ଟା ସ୍କାମ (1992) -
ହର୍ଷଦ ମେହେଟ୍ଟା ସିକ୍ୟୁରିଟି ଜାଲିଆତି ପରେ ଷ୍ଟକ୍ ମାର୍କେଟ୍ କ୍ରାସ ହୋଇଥିଲା । ଯେଉଁଠାରେ ଦଲାଲମାନେ ଜାଲ୍ ପାଣ୍ଠି ବ୍ୟବହାର କରି କୃତ୍ରିମ ଭାବରେ ଷ୍ଟକ୍ ମୂଲ୍ୟ ବୃଦ୍ଧି କରିଥିଲେ। ଏପ୍ରିଲ୍ 1992 ରୁ ଏପ୍ରିଲ୍ 1993 ମଧ୍ୟରେ, ସେନ୍ସେକ୍ସ 56 ପ୍ରତିଶତ ହ୍ରାସ ପାଇ 4,467 ରୁ 1,980 ପଏଣ୍ଟରେ ପହଞ୍ଚିଥିଲା ।
ଶୁକ୍ରବାର ବଜାର-
ବାଣିଜ୍ୟ ସପ୍ତାହର ଶେଷ ଦିନରେ, ରେଡ୍ ଜୋନରେ ଷ୍ଟକ୍ ମାର୍କେଟ୍ ବହୁତ ହ୍ରାସ ସହିତ ବନ୍ଦ ହୋଇଥିଲା । BSE ସେନସେକ୍ସ 930 ପଏଣ୍ଟ ହ୍ରାସ ସହିତ 75,364.69 ରେ ବନ୍ଦ ହୋଇଥିଲା । ଏଥି ସହିତ, NSE ନିଫ୍ଟି 1.49 ପ୍ରତିଶତ ହ୍ରାସ ସହିତ 22,904.45 ରେ ବନ୍ଦ ହୋଇଥିଲା ।
ଧୋଇଗଲା ନିବେଶକଙ୍କ ଅର୍ଥ-
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିମୁଦ୍ରାକରଣ ଭୟ ଏବଂ ଶୁଳ୍କ ଘୋଷଣା ହେତୁ ବୈଶ୍ୱିକ୍ ସେଲ୍-ଅଫ୍ ହେତୁ ଶୁକ୍ରବାର ଦିନ ଭାରତୀୟ ଷ୍ଟକ ବଜାରରେ ଏକ ବଡ଼ ଧରଣର ହ୍ରାସ ଘଟିଥିଲା । ବ୍ୟାପକ ବିକ୍ରୟ ହେତୁ ଧାତୁ, ଫାର୍ମା ଏବଂ ଆଇଟି ଷ୍ଟକରେ ବ୍ୟାପକ କ୍ଷତି ହେବା ସହିତ ସମସ୍ତ ଆଞ୍ଚଳିକ ସୂଚକାଙ୍କ ଲାଲ ହୋଇଥିଲା । ବିଏସଇରେ ତାଲିକାଭୁକ୍ତ ସମସ୍ତ କମ୍ପାନୀର ବଜାର ପୁଞ୍ଜିକରଣ 9.47 ଲକ୍ଷ କୋଟି ଟଙ୍କା ହ୍ରାସ ପାଇ 403.86 ଲକ୍ଷ କୋଟିରେ ପହଞ୍ଚିଥିଲେ ।
Stock Market Crash: ୧୦ ସେକେଣ୍ଡରେ ଉଡ଼ିଗଲା ୧୯ ଲକ୍ଷ କୋଟି
ଟ୍ରମ୍ପଙ୍କ ଟାରିଫ୍ ୱାର୍ ପରେ ବିଶ୍ବ ବଜାରରେ ହାହାକାର । ଭାରତ-ଜାପାନ୍-ଚୀନ୍-କୋରିଆ ସେୟାର ବଜାରରେ ସୁନାମୀ । ଭାରତୀୟ ମାର୍କେଟ ଖୋଲୁଖୋଲୁ ସେନସେକ୍ସରେ 4 ହଜାରରୁ ଅଧିକ ପଏଣ୍ଟ ହ୍ରାସ ପାଇଛି । ଏହାର ଅର୍ଥ ଏହା ପ୍ରାୟ ୪.୭୦ ପ୍ରତିଶତ ହ୍ରାସ ପାଇଛି । ସେହିଭଳି ନିଫ୍ଟି-୫୦ ଇଣ୍ଡେକ୍ସ ମଧ୍ୟ ୧୧ ଶହ ପଏଣ୍ଟ ହ୍ରାସ ପାଇଛି । ବଜାର ଖୋଲିବା ମାତ୍ରେ ଅର୍ଥାତ ୧୦ ସେକେଣ୍ଡ ମଧ୍ୟରେ ନିବେଶକଙ୍କ ସମ୍ପତ୍ତି ୧୯ ଲକ୍ଷ କୋଟିରୁ ଅଧିକ ଟଙ୍କା ହ୍ରାସ ପାଇଛି ।
