ହାଇଦ୍ରାବାଦ: ଜ୍ୟୋତିଷ ଶାସ୍ତ୍ରରେ ଗ୍ରହ ଚଳନ ଓ ସେମାନଙ୍କ ନକ୍ଷତ୍ର ପରିବର୍ତ୍ତନର ବିଶେଷ ମହତ୍ତ୍ବ ରହିଛି । ଯେତେବେଳେ ମଙ୍ଗଳ ଗ୍ରହ ନିଜର ଗତି ବଦଳାନ୍ତି ସେତେବେଳେ ପ୍ରତ୍ୟେକ ବ୍ୟକ୍ତିଙ୍କ ଜୀବନରେ କିଛି ନା କିଛି ପ୍ରଭାବ ପଡ଼ିଥାଏ ବୋଲି ବିଶ୍ବାସ ରହିଛି । ମଙ୍ଗଳ ଗ୍ରହଙ୍କୁ ଗ୍ରହମାନଙ୍କ ସେନାପତି ଭାବରେ ବିବେଚନା କରାଯାଏ । ମଙ୍ଗଳ ହେଉଛନ୍ତି ଶକ୍ତି, ସାହସ, ଯୁଦ୍ଧ, ଭୂମି, ଭାଇ, ଉର୍ଜା ଓ ପ୍ରତିଯୋଗିତାର କାରକ ।
ଜ୍ୟୋତିଷ ଡ଼ ଉମାଶଙ୍କର ମିଶ୍ରଙ୍କ କହିବା ଅନୁସାରେ, ଗତକାଲି ଅର୍ଥାତ ୩ ଏପ୍ରିଲ ୨୦୨୫ ଗୁରୁବାର ଦିନ ୧ଟା ୫୬ ମିନିଟ ସମୟରେ ମଙ୍ଗଳ, କର୍କଟ ରାଶିରେ ପ୍ରବେଶ କରିଛନ୍ତି । କର୍କଟ ରାଶିରେ ମଙ୍ଗଳଙ୍କୁ ନୀଚ ଗ୍ରହ ବୋଲି ବିବେଚନା କରାଯାଏ । ଏହାପରେ ୧୨ ଏପ୍ରିଲ ସକାଳ ୬ଟା ୩୨ ମିନିଟ ସମୟରେ ମଙ୍ଗଳ, କର୍କଟ ରାଶିରେ ରହି ପୁଷ୍ୟ ନକ୍ଷତ୍ରରେ ପ୍ରବେଶ କରିବେ ।
ଜ୍ୟୋତିଷ ଶାସ୍ତ୍ର ଅନୁସାରେ, ପୁଷ୍ୟ ନକ୍ଷତ୍ରକୁ ନକ୍ଷତ୍ରମାନଙ୍କର ରାଜା କୁହାଯାଏ । ଏହାର ସ୍ବାମୀ ଶନିଦେବ ଏବଂ ଆଧିପତି ଦେବତା ବୃହସ୍ପତି । ମଙ୍ଗଳ ଏବଂ ଶନି ପରସ୍ପରଙ୍କ ଶତ୍ରୁ । ମାତ୍ର ବୃହସ୍ପତି, ମଙ୍ଗଳଙ୍କ ପାଇଁ ଏକ ଶୁଭ ଗ୍ରହ । ଏହି ବିଶେଷ ସ୍ଥିତି ଯୋଗୁଁ, ପୁଷ୍ୟ ନକ୍ଷତ୍ରରେ ମଙ୍ଗଳଙ୍କ ଗୋଚର କିଛି ରାଶିର ଲୋକଙ୍କ ପାଇଁ ବହୁତ ଶୁଭ ପ୍ରମାଣିତ ହେବ ଏବଂ ସେମାନଙ୍କର ସୌଭାଗ୍ୟର ଦ୍ୱାର ଖୋଲିଦେବ । ୨୦୨୫ ମସିହାରେ ମଙ୍ଗଳ ଗ୍ରହଙ୍କ ଏହି ଗୋଚର କେଉଁ ରାଶି ପାଇଁ ବିଶେଷ ଲାଭଦାୟକ ହେବ ଆସନ୍ତୁ ଜାଣିବା...
ସିଂହ:
- ସିଂହ ରାଶିର ସ୍ବାମୀ ହେଉଛନ୍ତି ସୂର୍ଯ୍ୟଦେବ । ମଙ୍ଗଳଙ୍କ ଗୋଚର ସିଂହ ରାଶିର ଦ୍ବାଦଶ ଘରକୁ ପ୍ରଭାବିତ କରିବ ।
- ବିଦେଶ ଯାତ୍ରା କରିବାକୁ ଇଚ୍ଛା ରଖିଥିବା ବ୍ୟକ୍ତିଙ୍କ ଇଚ୍ଛା ପୂରଣ ହେବ ।
- ଆଧ୍ୟାତ୍ମିକ ସାଧନା ଓ କିଛି ଗୁପ୍ତ ବିଦ୍ୟା ପ୍ରତି ରୂଚି ବଢ଼ିବାର ସମ୍ଭାବନା ରହିଛି ।
- ଗବେଷଣା (Research) କ୍ଷେତ୍ରରେ କାମ କରୁଥିବା ଲୋକଙ୍କୁ ଲାଭ ମିଳିବ ।
- ଆପଣଙ୍କୁ ଭାଗ୍ୟରୁ ପୂର୍ଣ୍ଣ ସମର୍ଥନ ମିଳିବ । ଫଳରେ ଆପଣଙ୍କ ପ୍ରତ୍ୟେକ କାର୍ଯ୍ୟରେ ସଫଳତା ମିଳିବ ।
- ଆକଷ୍ମିକ ଧନ ଆଗମନ ହେବାର ସମ୍ଭାବନେ ରହିଛି ।
ବିଛା:
- ବିଛା ରାଶିର କର୍ତ୍ତା ହେଉଛନ୍ତି ସ୍ୱୟଂ ମଙ୍ଗଳ । ପୁଷ୍ୟ ନକ୍ଷତ୍ରରେ ମଙ୍ଗଳଙ୍କ ଗୋଚର ବିଛା ରାଶି ଲୋକଙ୍କ ନବମ ଘରକୁ ପ୍ରଭାବିତ କରିବ ।
- ଭାଗ୍ୟ ଆପଣଙ୍କ ସପକ୍ଷରେ ରହିବା ଫଳରେ, ଜୀବନରେ ନୂତନ ସୁଯୋଗ ଏବଂ ସଫଳତା ପାଇବାର ସମ୍ଭାବନା ରହିବ ।
- ଶିକ୍ଷା, ଆଧ୍ୟାତ୍ମିକତା ଏବଂ ଭ୍ରମଣ ସମ୍ବନ୍ଧୀୟ କାର୍ଯ୍ୟରେ ବିଶେଷ ଲାଭ ମିଳିବ ।
- ବିଛା ରାଶିର ଲୋକଙ୍କ ପାଇଁ ପ୍ରଗତି ଏବଂ ସମୃଦ୍ଧି ଆଣିବ ।
- ପ୍ରତିଷ୍ଠା ବଢ଼ିବା ସହ ସମ୍ମାନିତ ହେବ ।
ଧନୁ:
- ଧନୁ ରାଶିର ଅଧିପତି ହେଉଛନ୍ତି ବୃହସ୍ପତି । ମଙ୍ଗଳଙ୍କ ନକ୍ଷତ୍ର ପରିବର୍ତ୍ତନର ପ୍ରଭାବ ଏହି ରାଶିର ଅଷ୍ଟମ ଘରେ ପଡିବ ।
- ଜ୍ୟୋତିଷ ଶାସ୍ତ୍ର ପ୍ରତି ହଠାତ୍ ଆଗ୍ରହ ସୃଷ୍ଟି ହୋଇପାରେ ।
- ତନ୍ତ୍ର-ମନ୍ତ୍ର କିମ୍ବା ଗୁପ୍ତ ବିଜ୍ଞାନ ସହିତ ଜଡିତ ଲୋକଙ୍କୁ ଲାଭ ମିଳିବାର ସମ୍ଭାବନା ଅଛି ।
- ହଠାତ୍ ଟଙ୍କା ଲାଭ ହେବାର ସମ୍ଭାବନା ରହିଛି ।
- ବୀମା ଏବଂ ପୈତୃକ ସମ୍ପତ୍ତି ସମ୍ବନ୍ଧୀୟ କିଛି ବଡ଼ ଲାଭ ହୋଇପାରେ ।
- ଅନ୍ୟ ପାଖରେ ଅଟକି ରହିଥିବା ଟଙ୍କା ପାଖକୁ ଫେରିପାରେ ।
ମୀନ:
- ବୃହସ୍ପତି ମଧ୍ୟ ମୀନ ରାଶିର କର୍ତ୍ତା ଅଟନ୍ତି । ଏହି ରାଶିର ପଞ୍ଚମ ଘରେ ମଙ୍ଗଳ ଗ୍ରହଙ୍କ ଗୋଚରର ପ୍ରଭାବ ଦେଖିବାକୁ ମିଳିବ ।
- ସୃଜନଶୀଳତା ବୃଦ୍ଧି ପାଇବ ।
- କ୍ୟାରିୟରରେ ଭଲ ଅଭିବୃଦ୍ଧିର ସମ୍ଭାବନା ଅଛି ।
- ଆପଣଙ୍କ ସନ୍ତାନମାନଙ୍କ ସହ ଜଡିତ କିଛି ଭଲ ଖବର ପାଇପାରନ୍ତି, ଯାହା ଆପଣଙ୍କ ପାଇଁ ଖୁସି ଆଣିବ ।
- ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଛାତ୍ରଛାତ୍ରୀମାନଙ୍କର ସଫଳତା ପାଇବାର ଯଥେଷ୍ଟ ସମ୍ଭାବନା ରହିଛି ।
- ଚାକିରି କରୁଥିବା ଲୋକମାନେ ପଦୋନ୍ନତିର ଲାଭ ପାଇପାରନ୍ତି ।
ଏହା ମଧ୍ୟ ପଢ଼ନ୍ତୁ... ରାଶି ପରିବର୍ତ୍ତନ କରିବେ ବୃହସ୍ପତି, ୧୨ ବର୍ଷ ପରେ ୫ ରାଶିଙ୍କ ଚମକିବ ଭାଗ୍ୟ ଶନିଙ୍କ ରାଶି ପରିବର୍ତ୍ତନ: ଏହି ରାଶିଙ୍କ ସାଢେସାତି ଓ ଧୈର୍ଯ୍ୟ ଆରମ୍ଭ, କିପରି ପଡ଼ିବ ପ୍ରଭାବ ? |
Disclaimer: (ଏହା ଜ୍ୟୋତିଷ ଗଣନା ଉପରେ ଆଧାରିତ । ଏହା କେବଳ ସୂଚନାମୂଳକ ଉଦ୍ଦେଶ୍ୟ ପାଇଁ । ଆପଣଙ୍କ ଜୀବନ ସହିତ ଜଡିତ କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ପୂର୍ବରୁ, ଜଣେ ଯୋଗ୍ୟ ଜ୍ୟୋତିଷଙ୍କ ସହିତ ପରାମର୍ଶ କରନ୍ତୁ । ଉଲ୍ଲେଖ କରାଯାଇଥିବା ତଥ୍ୟ ETV BHARATର ନିଜସ୍ବ ମତ ନୁହେଁ ।)
