ମୁମ୍ବାଇ: ବିବାଦରେ ହାସ୍ୟ କଳାକାର ବା ଷ୍ଟାଣ୍ଡ ଅପ କମେଡିଆନ କୁନାଲ କାମ୍ରା । ମୁମ୍ବାଇରେ ଏକ ଷ୍ଟାଣ୍ଡଅପ ସୋରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ସଂପର୍କରେ ବିବାଦୀୟ ମନ୍ତବ୍ୟ ଦେଇ ସେ ଚର୍ଚ୍ଚାକୁ ଆସିଛନ୍ତି । ଯାହାକୁ ବିରୋଧ କରିଛି ଶିବସେନା । ସିନ୍ଦେଙ୍କ ବିରୋଧରେ ଅପମାନଜନକ ମନ୍ତବ୍ୟ ଦେଇଥିବା ଅଭିଯୋଗରେ ପୋଲିସ କାମ୍ରାଙ୍କ ବିରୋଧରେ ମାମଲା ରୁଜୁ କରିଛି । ଖାରରେ ଥିବା ଷ୍ଟୁଡିଓ ଭଙ୍ଗାରୁଜା କରିବାରୁ 40 ଶିବସେନା କର୍ମୀଙ୍କ ବିରୋଧରେ ମଧ୍ୟ ମାମଲା ରୁଜୁ ହୋଇଛି ।
कुनाल की कमाल!
— Sanjay Raut (@rautsanjay61) March 23, 2025
जय महाराष्ट्र! https://t.co/U4Jxdo4dCm
ଷ୍ଟୁଡିଓ ଭଙ୍ଗାରୁଜା କଲେ ଶିବସେନା କର୍ମୀ:
ରବିବାର ରାତିରେ ଶିବସେନା କର୍ମୀମାନେ ହୋଟେଲ ୟୁନିକଣ୍ଟିନେଣ୍ଟାଲ ବାହାରେ ଏକତ୍ରିତ ହୋଇଥିଲେ । ଯେଉଁଠାରେ କୁନାଲ କାମ୍ରା ସୋ କରୁଥିବା ଷ୍ଟୁଡିଓ ରହିଥିଲା । ଏହାପରେ ହୋଟେଲ ଭିତରେ ଓ ବାହାରେ ଶିବସେନା କର୍ମୀ ଭଙ୍ଗାରୁଜା କରିଥିବା ପୋଲିସ କହିଛି । କାମ୍ରା ଷ୍ଟାଣ୍ଡଅପ ସୋରେ 'ଦିଲ୍ ତୋ ପାଗଲ ହେ' ହିନ୍ଦିଗୀତ ଗାଇ ସିନ୍ଦେଙ୍କୁ କଟାକ୍ଷ କରିଥିଲେ । ଏହାପରେ ଦର୍ଶକ ମାନେ ଏହି ଗୀତରେ ହସିବାକୁ ଲାଗିଥିଲେ । ଏହାର ଭିଡିଓକୁ ଶିବସେନା (UBT)ନେତା ସଞ୍ଜୟ ରାଉତ ଏକ୍ସରେ ରିଟ୍ବିଟ କରି ଲେଖିଛନ୍ତି , ''କୁନାଲଙ୍କ କମାଲ, ଜୟ ମହାରାଷ୍ଟ୍ର'' ।
कुनाल की कमाल!
— Sanjay Raut (@rautsanjay61) March 23, 2025
जय महाराष्ट्र! https://t.co/U4Jxdo4dCm
ସାଂସଦ ନରେଶ ମାହାସକେ କାମ୍ରାଙ୍କୁ ଚେତବାନୀ ଦେଇ କହିଛନ୍ତି, ଦେଶର ସମସ୍ତ ଶିବସେନା କର୍ମୀ ତାଙ୍କୁ ଛାଡିବେ ନାହିଁ । ଯାହା ଫଳରେ ସେ ଭାରତ ଛାଡି ପଳାଇବାକୁ ବାଧ୍ୟ ହେବ ବୋଲି ଭିଡିଓ ବାର୍ତ୍ତାରେ କହିଛନ୍ତି ସାଂସଦ ।
#WATCH | FIR registered against comedian Kunal Kamra at MIDC Police station in Mumbai. This comes after his remarks on Maharashtra Deputy CM Eknath Shinde.
— ANI (@ANI) March 24, 2025
Visuals of Shiv Sena (Eknath Shinde faction) MLA Murji Patel showing a copy of the FIR. pic.twitter.com/sGl0DyBnGo
'ସମାଜରେ ଯାହା ଘଟେ ସେ ସମ୍ପର୍କରେ ମନ୍ତବ୍ୟ ଦିଅନ୍ତି କାମ୍ରା'
ସିନ୍ଦେଙ୍କ ଉପରେ କାମ୍ରାଙ୍କ ମନ୍ତବ୍ୟ ଉପରେ ପ୍ରତିକ୍ରିୟା ରଖି କଂଗ୍ରେସ ନେତା ଅତୁଲ ଲୋଣ୍ଡେ ସୋମବାର କହିଛନ୍ତି ଯେ,ସମାଜରେ ଯାହା ସବୁ ଘଟେ ସେହି ଅନୁଯାୟୀ କାମ୍ରା ମତ ଦିଅନ୍ତି । ଶିବସେନା ତାଙ୍କ ମନ୍ତବ୍ୟକୁ କାହିଁକି ଭୟ କରୁଛି ବୋଲି ସେ ପ୍ରଶ୍ନ କରିଛନ୍ତି । "କୁନାଲ କାମ୍ରା ଜଣେ ହାସ୍ୟ ଅଭିନେତା ତଥା ଲେଖକ । ସମାଜରେ ଯାହା ଘଟେ ସେ ସମ୍ପର୍କରେ ସେ ମନ୍ତବ୍ୟ ଦିଅନ୍ତି । ଯଦି ଆପଣଙ୍କୁ ଷ୍ଟାଣ୍ଡ-ଅପ୍ କମେଡିରେ ବ୍ୟବହୃତ ଭାଷା ଦ୍ବାରା ଆପଣ ଏତେ ବ୍ୟସ୍ତ ହୁଅନ୍ତି, ତେବେ ଏହାକୁ ସମ୍ପୂର୍ଣ୍ଣ ବନ୍ଦ କରନ୍ତୁ । ଆପଣ କାହିଁକି ମନ୍ତବ୍ୟକୁ ଡରୁଛନ୍ତି ? ଏହା ବାକ୍ ସ୍ୱାଧୀନତା ଓ ସମ୍ବିଧାନ ବିରୁଦ୍ଧରେ । ଶିବସେନା (ଏକନାଥ ସିନ୍ଦେ ଦଳ) କର୍ମୀଙ୍କ ଦ୍ବାରା କରାଯାଇଥିବା ଭଙ୍ଗାରୁଜା ଘଟଣାକୁ ମୁଁ ନିନ୍ଦା କରୁଛି । ଆପଣ ଏକ ସାମ୍ବିଧାନୀକ ପଦରେ ରହିଛନ୍ତି, ଆପଣଙ୍କ ଭାବନାକୁ ସହଜରେ ଆଘାତ ଲାଗୁଛି । ଆପଣଙ୍କୁ ପୋଲିସରେ ଅଭିଯୋଗ କରିବାର ଥିଲା । ଆଇନ ଅନୁଯାୟୀ କାହାକୁ ଭଙ୍ଗାରୁଜା କରିବାର ଅଧିକାର ଦିଆଯାଇନାହିଁ । ''
ଏମଆଇଡିସି ଥାନାରେ ମାମଲା ରୁଜୁ:
ଶିବସେନା ବିଧାୟକ ମୁର୍ଜି ପଟେଲ, କାମ୍ରାଙ୍କ ବିରୋଧରେ ଏମଆଇଡିସି ଥାନାରେ ଅଭିଯୋଗ କରି ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି । ଦୁଇ ଦିନ ମଧ୍ୟରେ କାମ୍ରା କ୍ଷମା ମାଗନ୍ତୁ ବୋଲି ସେ କହିଛନ୍ତି । ପଟେଲ ଆହୁରି ମଧ୍ୟ କହିଛନ୍ତି ଯେ, ସେ ବିଧାନସଭାରେ ଏହି ପ୍ରସଙ୍ଗ ଉଠାଇବେ ଏବଂ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ରାଜ୍ୟ ଗୃହମନ୍ତ୍ରୀଙ୍କୁ ଅନୁରୋଧ କରିଛନ୍ତି । ତାଙ୍କ ଅଭିଯୋଗକୁ ଭିତ୍ତି କରି ଏମଆଇଡିସି ପୋଲିସ ସୋମବାର କାମ୍ରାଙ୍କ ବିରୋଧରେ ବିଏନଏସର ବିଭିନ୍ନ ଧାରା ଅନୁୟାୟୀ ମାମଲା ରୁଜୁ କରିଛି । ଯେଉଁଥିରେ ଧାରା 53 (1) (b) ଏବଂ 356 (2) ସାମିଲ ରହିଛି ।
