ଶ୍ରୀନଗର: ପୁଣି ସୀମାରେ ହରକତ ଆରମ୍ଭ କରିଛି ପାକିସ୍ତାନ । ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧବିରାମ ପରେ ମଧ୍ୟ ଜମ୍ମୁ ଓ କାଶ୍ମୀରର ଆନ୍ତର୍ଜାତୀୟ ସୀମା ଓ ଏଲଓସି (LoC)ରେ ଲଗାତାର ଭାବରେ ଡ୍ରୋନ ଗତିବିଧି ଦେଖିବାକୁ ମିଳୁଛି । ଆଜି (ସୋମବାର) ରାତିରେ ସାମ୍ବାରେ ବ୍ଲାକ ଆଉଟ ସମୟରେ ଏକ ପାକିସ୍ତାନୀ ଡ୍ରୋନ ଦେଖିବାକୁ ମିଳିଛି । ଭାରତୀୟ ଏୟାର ଡିଫେନ୍ସ ସିଷ୍ଟମ (Indian air defense system) ଡ୍ରୋନକୁ ମାରି ଖସାଇ ଦେଇଛି । ଫଳରେ ଏକ ବିସ୍ଫୋରଣ ହେବାର ଶବ୍ଦ ଶୁଣିବାକୁ ମିଳିଥିଲା ।
ପୁଣି ସୀମାରେ ପାକିସ୍ତାନର ହରକତ:
'ଅପରେସନ୍ ସିନ୍ଦୂର', ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବର୍ତ୍ତମାନ ଦେଶବାସୀଙ୍କୁ ସମ୍ବୋଧିତ କରିବା ପରେ ପରେ ଜମ୍ମୁ-କାଶ୍ମୀରର ସାମ୍ବା ସେକ୍ଟରରେ ପୁଣି ଏକ ଡ୍ରୋନ ଦେଖିବାକୁ ମିଳିଥିଲା । ତୁରନ୍ତ ଭାରତୀୟ ବାୟୁସେନା ଏହି ପାକିସ୍ତାନୀ ଡ୍ରୋନକୁ ରୋକିଛନ୍ତି । ସାମ୍ବାରେ ବ୍ଲାକଆଉଟ୍ ମଧ୍ୟରେ, ଭାରତୀୟ ବାୟୁ ପ୍ରତିରକ୍ଷା ବାହିନୀ ଏକ ପାକିସ୍ତାନୀ ଡ୍ରୋନକୁ ଅଟକାଇଛନ୍ତି । ସେନା ଏକ ବିବୃତ୍ତିରେ କହିଛି ଯେ, ସାମ୍ବା ସେକ୍ଟରରେ ଗତ ଅପେକ୍ଷା ତୁଳନାତ୍ମକ ଭାବରେ ବହୁତ କମ୍ ଡ୍ରୋନ୍ ଦେଖାଯାଉଛି । ସେଗୁଡ଼ିକର ମୁକାବିଲା କରାଯାଉଛି । ସେନାର ସୂଚନା ଅନୁଯାୟୀ, ଡ୍ରୋନ୍ ଦେଖାଯିବା ପରେ ବାୟୁ ପ୍ରତିରକ୍ଷା ପକ୍ଷରୁ ଗୁଳିଚାଳନା କରାଯାଇଥିଲା । ପରେ, ଗତ 15 ମିନିଟ୍ ହେଲା କୌଣସି ଡ୍ରୋନ୍ କାର୍ଯ୍ୟକଳାପ ପରିଲକ୍ଷିତ ହୋଇନାହିଁ ।
#WATCH | J&K: Red streaks seen and explosions heard as India's air defence intercepts Pakistani drones amid blackout in Samba.
— ANI (@ANI) May 12, 2025
(Visuals deferred by unspecified time) pic.twitter.com/EyiBfKg6hs
ସେପଟେ ଯୁଦ୍ଧବିରତି ଲାଗୁ ହେବାର ଦୁଇ ଦିନ ପରେ ମଧ୍ୟ ପୁଣି ସୀମାବର୍ତ୍ତି ଅଞ୍ଚଳ ଆକାଶରେ ଡ୍ରୋନ ଦେଖାଯିବା ସ୍ଥାନୀୟ ଲୋକଙ୍କୁ ଆତଙ୍କିତ କରିଛି । ଭାରତୀୟ ସେନା ପକ୍ଷରୁ ସେଗୁଡିକର ମୁକାବିଲା କରାଯାଉଛି ଓ ଚିନ୍ତାର କୌଣସି କାରଣ ନାହିଁ ବୋଲି ସେନା ପକ୍ଷରୁ କୁହାଯାଇଛି ।
ଏହା ମଧ୍ୟ ପଢ଼ନ୍ତୁ.. 'ଅପରେସନ ସିନ୍ଦୂର ହେଉଛି ଭାରତର ନୀତି' ଦେଶବାସୀଙ୍କୁ ସମ୍ବୋଧନ କରି ବିଶ୍ବକୁ ବାର୍ତ୍ତା ଦେଲେ ମୋଦି |
ଅମୃତସରରେ ବ୍ଲାକଆଉଟ୍:
ସେପଟେ ଆଜି ରାତିରେ ପଞ୍ଜାବର ଅମୃତସରରେ ମଧ୍ୟ ବ୍ଲାକଆଉଟ୍ ଜାରି କରାଯାଇଛି । ପୂର୍ବରୁ, ଅମୃତସର ଡିସି ଲୋକମାନଙ୍କୁ ନିବେଦନ କରିଥିଲେ ଯେ, ଦୟାକରି ଘରର ଲାଇଟ୍ ବନ୍ଦ ରଖନ୍ତୁ ଏବଂ କବାଟ ଓ ଝରକାଠାରୁ ଦୂରରେ ରୁହନ୍ତୁ । ଶାନ୍ତ ରୁହନ୍ତୁ, ବିଦ୍ୟୁତ୍ ଯୋଗାଣ ପୁନଃସ୍ଥାପିତ ହେବା ପାଇଁ ପ୍ରସ୍ତୁତ ହେଲେ ଆମେ ଆପଣଙ୍କୁ ସୂଚିତ କରିବୁ । ଆଦୌ ଭୟଭୀତ ହୁଅ ନାହିଁ ।
