ହାଇଦ୍ରାବାଦ: ଚୈତ୍ର ଶୁକ୍ଳ ପ୍ରତିପଦାରୁ ହିନ୍ଦୁ ନବବର୍ଷ ବିକ୍ରମ ସମ୍ୱତ ୨୦୮୨ ଆରମ୍ଭ ହେଉଛି । ଯାହା ଏକ ନୂତନ ଆରମ୍ଭ ଏବଂ ଆଶାର ପ୍ରତୀକ । ହିନ୍ଦୁ ଧର୍ମରେ ଏହି ଦିନର ଏକ ବିଶେଷ ମହତ୍ତ୍ୱ ରହିଛି । କାରଣ ଏହି ଦିନ ଭଗବାନ ବ୍ରହ୍ମା ବ୍ରହ୍ମାଣ୍ଡର ସୃଷ୍ଟି ଆରମ୍ଭ କରିଥିଲେ ବୋଲି ବିଶ୍ୱାସ କରାଯାଏ । ଏହି ଦିନ ବ୍ରହ୍ମାଣ୍ଡରେ ଏକ ନୂତନ ଆରମ୍ଭ ହୁଏ । ଯାହା ସମଗ୍ର ବର୍ଷର ଘଟଣାକ୍ରମକୁ ପ୍ରଭାବିତ କରେ ।
୧୦୦ ବର୍ଷ ପରେ ହିନ୍ଦୁ ନବବର୍ଷରେ ଦୁର୍ଲ୍ଲଭ ଯୋଗ:
ଚଳିତ ବର୍ଷ, ବିକ୍ରମ ସମ୍ୱତ ୨୦୮୨ ଅର୍ଥାତ ହିନ୍ଦୁ ନବବର୍ଷ ମାର୍ଚ୍ଚ ୩୦ ତାରିଖରୁ ଆରମ୍ଭ ହେଉଛି । ଏହି ଦିନ ସୂର୍ଯ୍ୟ ଓ ଚନ୍ଦ୍ରମା ମୀନ ରାଶିରେ ବିରାଜମାନ ହେବେ । ଜ୍ୟୋତିଷ ପଣ୍ଡିତ ଅଜୟ ଉପାଧ୍ୟାୟଙ୍କ କହିବା ଅନୁସାରେ, ଏହି ନୂତନ ବର୍ଷ କିଛି ବିଶେଷ ରାଶି ପାଇଁ ବହୁତ ଶୁଭ ସାବ୍ୟସ୍ତ ହେବ । କାରଣ ୧୦୦ ବର୍ଷ ପରେ, ଏହି ଦିନ ୫ଟି ଗ୍ରହର ବିରଳ ସଂଯୋଗ ହେବାକୁ ଯାଉଛି । ଏହି ଦିନ ମୀନ ରାଶିରେ ଚନ୍ଦ୍ର, ଶନି, ବୁଧ, ରାହୁ ଏବଂ ସୂର୍ଯ୍ୟଙ୍କ ସଂଯୋଗ ହେତୁ, ବୁଦ୍ଧାଦିତ୍ୟ ଯୋଗ ଏବଂ ମାଲବ୍ୟ ରାଜଯୋଗ ସୃଷ୍ଟି ହେବାକୁ ଯାଉଛି । ଏହି ଶୁଭ ସଂଯୋଗ ଯୋଗୁଁ, କିଛି ରାଶି ପାଇଁ ବିକ୍ରମ ସମ୍ୱତକୁ ବହୁତ ଶୁଭ ବୋଲି ବିବେଚନା କରାଯାଉଛି । ତେବେ ଆସନ୍ତୁ ଜାଣିବା, କେଉଁଗୁଡ଼ିକ ସେହି ଭାଗ୍ୟବାନ ରାଶି ।
ମିଥୁନ: ମିଥୁନ ରାଶିର ଲୋକଙ୍କ ପାଇଁ ହିନ୍ଦୁ ନବବର୍ଷ ଏକ ଖୁସି ଖବର ଆଣି ଆସୁଛି । ଏହି ବର୍ଷ, ଆପଣଙ୍କୁ ଇଚ୍ଛିତ ଚାକିରି ମିଳିବାର ଯଥେଷ୍ଟ ସମ୍ଭାବନା ଅଛି । ଆପଣ ଯେଉଁ କାମ କରିବେ, ସେଥିରେ ନିଶ୍ଚିତ ଭାବରେ ସଫଳତା ପାଇବେ । ଦୀର୍ଘ ଦିନ ଧରି ପଡ଼ି ରହିଥିବା ଯେକୌଣସି କୋର୍ଟ ମାମଲା ମଧ୍ୟ ସମାଧାନ ହୋଇପାରେ । ଯାହା ଆପଣଙ୍କୁ ପ୍ରଚୁର ଆର୍ଥିକ ଲାଭ ଦେବାର ସମ୍ଭାବନା ଅଛି । ସାମଗ୍ରିକ ଭାବରେ, ଏହି ବର୍ଷ ମିଥୁନ ରାଶିର ଲୋକଙ୍କ ପାଇଁ ସକାରାତ୍ମକ ଶକ୍ତି ଏବଂ ସୁଯୋଗରେ ପରିପୂର୍ଣ୍ଣ ରହିବ ।
କନ୍ୟା: ହିନ୍ଦୁ ନୂତନ ବର୍ଷ କନ୍ୟା ରାଶିର ଲୋକଙ୍କ ପାଇଁ ଖୁସିର ନୂତନ ଉପହାର ଆଣିବ । ଏହି ବର୍ଷ ଆପଣ ଆପଣଙ୍କର ପୁରୁଣା ଏବଂ ଅଟକି ରହିଥିବା ଯୋଜନା ଗୁଡ଼ିକୁ ସଫଳତାର ସହ କାର୍ଯ୍ୟ କରିପାରିବେ ଏବଂ ସେଗୁଡ଼ିକୁ ସମାପ୍ତ କରିପାରିବେ । ଜୀବନରେ ଗୋଟିଏ ପରେ ଗୋଟିଏ ସଫଳତା ମିଳିବ । ଦେବୀ ଲକ୍ଷ୍ମୀଙ୍କ ବିଶେଷ ଆଶୀର୍ବାଦ ସହିତ, ଆପଣଙ୍କ ଜୀବନରେ ଟଙ୍କାର ଅଭାବ ରହିବ ନାହିଁ । ଏହି ବର୍ଷ ଆପଣଙ୍କ ଆର୍ଥିକ ଜୀବନକୁ ସୁଦୃଢ଼ କରିବ ।
ମୀନ: ହିନ୍ଦୁ ନୂତନ ବର୍ଷ ଆରମ୍ଭରେ, ସୂର୍ଯ୍ୟ ଏବଂ ଚନ୍ଦ୍ର ଉଭୟ ମୀନ ରାଶିରେ ରହିବେ । ଯାହା ଏହି ରାଶିର ଲୋକଙ୍କ ପାଇଁ ଏକ ଅତ୍ୟନ୍ତ ଅନୁକୂଳ ପରିସ୍ଥିତି ରହିବ । ଏହି ବର୍ଷ ମୀନ ରାଶିର ଲୋକଙ୍କ ପାଇଁ ବହୁତ ଶୁଭ ପ୍ରମାଣିତ ହେବ । ଆପଣ ଜୀବନରେ ପ୍ରଗତିର ନୂତନ ପଥ ପାଇବେ ଏବଂ ସମାଜରେ ଆପଣଙ୍କର ପ୍ରତିଷ୍ଠା ବୃଦ୍ଧି ପାଇବ । ଏହା ବ୍ୟତୀତ, ଆପଣଙ୍କର ବୈବାହିକ ଜୀବନ ମଧ୍ୟ ଖୁସି ରହିବ । ଏହି ବର୍ଷ ମୀନ ରାଶିର ଲୋକଙ୍କ ପାଇଁ ବ୍ୟକ୍ତିଗତ ଏବଂ ବୃତ୍ତିଗତ ଉଭୟ କ୍ଷେତ୍ରରେ ସଫଳତା ଆଣିବ ।
ବୃଷ: ଆର୍ଥିକ ଦୃଷ୍ଟିକୋଣରୁ, ଏହି ବର୍ଷ ବୃଷ ରାଶିର ଲୋକଙ୍କ ପାଇଁ ବହୁତ ଭଲ ରହିବ । କ୍ୟାରିୟରରେ ନୂତନ ଶିଖର ଛୁଇଁବାର ସୁଯୋଗ ମିଳିବ ଏବଂ ବ୍ୟବସାୟୀମାନଙ୍କୁ ଲାଭ ମିଳିବାର ସମ୍ଭାବନା ଅଛି । ଟଙ୍କା ମାମଲାରେ ମଧ୍ୟ କିଛି ବଡ଼ ନିଷ୍ପତ୍ତି ନେଇପାରନ୍ତି, ଯାହା ସଫଳତାର ପଥ ଖୋଲିବ । ହଠାତ୍ ଧନ ଲାଭ ହେବ ।
ଧନୁ: ହିନ୍ଦୁ ନୂତନ ବର୍ଷ ଧନୁ ରାଶିର ଲୋକଙ୍କ ପାଇଁ କ୍ୟାରିୟରରେ ଏକ ବଡ଼ ସଫଳତା ଆଣିବାକୁ ଯାଉଛି । ଆପଣଙ୍କୁ ନୂତନ ଦାୟିତ୍ୱ ମିଳିବ । ଯାହା ଉଚ୍ଚ ପଦବୀରେ ପହଞ୍ଚିବାରେ ସାହାଯ୍ୟ କରିବ । ଏହା ସହିତ, ସେମାନଙ୍କର ଆର୍ଥିକ ଅବସ୍ଥା ମଜବୁତ ହେବ, ଯାହା ଦ୍ଵାରା ଧନୀ ହୋଇପାରିବେ । ସହକର୍ମୀଙ୍କ ସହଯୋଗ ମିଳିବ । ଆର୍ଥିକ ସ୍ଥିତି ମଜଭୁତ ହେବ ।
ମକର: ଏହି ବର୍ଷ ମକର ରାଶିର ଜାତବ୍ୟକ୍ତିଙ୍କ ପାଇଁ ବହୁତ ଫଳପ୍ରଦ ପ୍ରମାଣିତ ହେବ । ସେମାନଙ୍କ କ୍ୟାରିୟରରେ ଉନ୍ନତି ହୋଇପାରେ । ଆର୍ଥିକ ସ୍ଥିତି ମଧ୍ୟ ସୁଦୃଢ଼ ହେବ । ଏହି ବର୍ଷ ନୂତନ ସୁଯୋଗ ମିଳିବ, ଯାହା ଅଧିକ ଧନ ଏବଂ ଖ୍ୟାତି ଆଣିପାରିବ । ଟଙ୍କା ସଞ୍ଚୟ କରିବେ । ଆତ୍ମବିଶ୍ୱାସ ଏବଂ ସାହସ ବୃଦ୍ଧି ପାଇବ ।
କୁମ୍ଭ: କୁମ୍ଭ ରାଶିର ଲୋକଙ୍କ ପାଇଁ, ହିନ୍ଦୁ ନବବର୍ଷ କ୍ୟାରିୟରରେ ଏକ ନୂତନ ଦିଗ ସ୍ଥିର କରିବାର ସମୟ । ଆପଣଙ୍କୁ ଏକ ବଡ଼ ପ୍ରକଳ୍ପରେ ଯୋଗଦେବାର ସୁଯୋଗ ମିଳିବ । ଯାହା ଆପଣଙ୍କ ପାଇଁ ଏକ ଲାଭଦାୟକ ଚୁକ୍ତି ପ୍ରମାଣିତ ହେବ । ଆର୍ଥିକ ସ୍ଥିତିରେ ମଧ୍ୟ ଉନ୍ନତି ହେବ ଏବଂ ଏହି ବର୍ଷ ଆପଣଙ୍କର କଠିନ ପରିଶ୍ରମର ଭଲ ଫଳାଫଳ ପାଇପାରନ୍ତି ।
ଏହା ମଧ୍ୟ ପଢ଼ନ୍ତୁ... ଶନିଙ୍କ ରାଶି ପରିବର୍ତ୍ତନ, କେଉଁ ରାଶି ଉପରେ କିପରି ରହିବ ପ୍ରଭାବ ? ବଦଳିବ ଗ୍ରହଙ୍କ ଗତି: ଏହି ରାଶିର ଲୋକଙ୍କ ପାଇଁ ଖୋଲିବ ପ୍ରଗତିର ଦ୍ୱାର, ସମସ୍ତ ଇଚ୍ଛା ପୂରଣ ହେବ |
Disclaimer: (ଏହା ଜ୍ୟୋତିଷ ଗଣନା ଉପରେ ଆଧାରିତ । ଏହା କେବଳ ସୂଚନାମୂଳକ ଉଦ୍ଦେଶ୍ୟ ପାଇଁ । ଆପଣଙ୍କ ଜୀବନ ସହିତ ଜଡିତ କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ପୂର୍ବରୁ, ଜଣେ ଯୋଗ୍ୟ ଜ୍ୟୋତିଷଙ୍କ ସହିତ ପରାମର୍ଶ କରନ୍ତୁ । ଉଲ୍ଲେଖ କରାଯାଇଥିବା ତଥ୍ୟ ETV BHARATର ନିଜସ୍ବ ମତ ନୁହେଁ ।)
