ଏହି ରୋଗର ଚିକିତ୍ସା ଆୟୁଷ୍ମାନ କାର୍ଡରେ ହୋଇପାରିବ ନାହିଁ, ହସ୍ପିଟାଲ ଯିବା ପୂର୍ବରୁ ପଢି ନିଅନ୍ତୁ ଖବର

ଆୟୁଷ୍ମାନ ଭାରତ ଯୋଜନାରେ ପ୍ରତି ପରିବାରକୁ 5 ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ଯୋଗାଇ ଦେଉଛନ୍ତି କେନ୍ଦ୍ର ସରକାର ।

ହାଇଦ୍ରାବାଦ: ଏପ୍ରିଲ 11 ତାରଖରୁ ଓଡ଼ିଶାରେ ଲାଗୁ ହୋଇଛି ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (PM JAY)। ଓଡ଼ିଶାର ସାଢେ 3 କୋଟି ଲୋକ ଏହି ଯୋଜନାରେ ଉପକୃତ ହେବେ । କେବଳ ରାଜ୍ୟରେ ନୁହଁ ବରଂ ରାଜ୍ୟ ବାହାରେ ମଧ୍ୟ 29 ହଜାର ହସ୍ପିଟାଲରେ 5 ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା କରିପାରିବେ ରାଜ୍ୟବାସୀ । ରାଜ୍ୟର ଲକ୍ଷ ଲକ୍ଷ ଲୋକ ମେଡିକାଲ ଚିକିତ୍ସା ପାଇଁ ସରକାରୀ ସ୍ବାସ୍ଥ୍ୟବୀମା ଯୋଜନା ଉପରେ ନିର୍ଭର କରନ୍ତି । ତେବେ ଆପଣ ଜାଣିଛନ୍ତି କି କେଉଁ ରୋଗର ଚିକିତ୍ସା ଏହି ଯୋଜନାରେ ସାମିଲ କରାଯାଇଛି ? ଓ କେଉଁ ରୋଗର ଚିକିତ୍ସା ଏହି ଯୋଜନାରୁ ବାଦ ପଡିଛି । ଆୟୁଷ୍ମାନ କାର୍ଡ ଧରି ଡାକ୍ତରଖାନା ଯିବା ପୂର୍ବରୁ ଏହି ଖବରକୁ ପଢି ନିଅନ୍ତୁ ।

କେଉଁ ରୋଗର ଚିକିତ୍ସା ଆୟୁଷ୍ମାନ ଭାରତ ଯୋଜନାରେ ହୋଇ ପାରିବ ନାହିଁ ?

ଜାତୀୟ ସ୍ୱାସ୍ଥ୍ୟ ପ୍ରାଧିକରଣ (NHA) ଦ୍ୱାରା ଜାରି ହୋଇଥିବା ନ୍ୟାସନାଲ ହେଲଥ ବେନିଫିଟପ୍ୟାକେଜ ଗାଇଡଲାଇନ ଅନୁଯାୟୀ, ଆୟୁଷ୍ମାନ ଭାରତ OPD, ଦନ୍ତ ଚିକିତ୍ସା ଏବଂ କସମେଟିକ୍ ସର୍ଜରୀ ସମ୍ବନ୍ଧୀୟ ରୋଗ ଗୁଡ଼ିକୁ ଅନ୍ତର୍ଭୁକ୍ତ କରେ ନାହିଁ ।

ବାହ୍ୟ ରୋଗୀ ଚିକିତ୍ସା(OPD):

ନିୟମିତ ଡାକ୍ତର ପରାମର୍ଶ, ରୋଗ ଚିହ୍ନଟ ଏବଂ ନିୟମିତ ଔଷଧ ପାଇଁ ଡାକ୍ତରଖାନାରେ ଭର୍ତ୍ତି ହେବାର ଆବଶ୍ୟକତା ନଥିବା ଅବସ୍ଥା ଗୁଡ଼ିକ ଆୟୁଷ୍ମାନ ଭାରତ ଯୋଜନାରେ ସାମିଲ କରାଯାଇନାହିଁ ।

ଦନ୍ତ ଚିକିତ୍ସା:

ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାରେ କରେକ୍ଟିଭ ସମେଟିକ୍ କିମ୍ବା କୃତ୍ରିମ ଦନ୍ତ ପ୍ରକ୍ରିୟା, ରୁଟକେନାଲ, କ୍ୟାଭିଟି ଫିଲିଂ, ଦନ୍ତ ପ୍ରତିରୋପଣ ଏବଂ ପିରିଓଡୋଣ୍ଟାଲ୍ ରୋଗର ଚିକିତ୍ସା ଅନ୍ତର୍ଭୁକ୍ତ କରାଯାଇନାହିଁ ।

ଇଭାଲ୍ୟୁସନ ପାଇଁ ଡାକ୍ତରଖାନାରେ ଭର୍ତ୍ତି:

ହସ୍ପିଟାଲରେ ଭର୍ତ୍ତି ହେବା ସମୟରେ କେବଳ ଇଭାଲ୍ୟୁସନ କିମ୍ବା ରୋଗ ଚିହ୍ନଟ ପାଇଁ ହୋଇଥିବା ଖର୍ଚ୍ଚ ଏବଂ ଭିଟାମିନ,ଟନିକ କିମ୍ବା ସପ୍ଲିମେଣ୍ଟ ଉପରେ ହେଉଥିବା ଖର୍ଚ୍ଚ ଉପରେ ସେତେ ପର୍ଯ୍ୟନ୍ତ ଆୟୁଷ୍ମାନ ଭାରତ ଯୋଜନା ଲାଗୁ ହେବ ନାହିଁ ଯେପର୍ଯ୍ୟନ୍ତ ଏକ ପ୍ରମାଣିତ ଚିକିତ୍ସା ଯୋଜନାର ଅଂଶ ଭାବରେ ନିର୍ଦ୍ଧାରିତ ନୁହେଁ ।

ବାଞ୍ଝପଣ ଚିକିତ୍ସା:

ଆୟୁଷ୍ମାନ ଭାରତ ଯୋଜନାରେ IVF ଏବଂ ଅନ୍ୟାନ୍ୟ ସହାୟକ ପ୍ରଜନନ କୌଶଳ ସେତେ ପର୍ଯ୍ୟନ୍ତ ଅନ୍ତର୍ଭୁକ୍ତ ହେବ ନାହିଁ, ଯଦି ସେଗୁଡ଼ିକ ନ୍ୟାସନାଲ ହେଲଥ ବେନିଫିଟ ପ୍ୟାକେଜରେ ନିର୍ଦ୍ଦିଷ୍ଟ ଭାବରେ ତାଲିକାଭୁକ୍ତ ନହୁଏ।

ଅଣ ଆବଶ୍ୟକ ଟୀକାକରଣ ଏବଂ ଇମ୍ୟୁନିଞ୍ଜିସନ:

ଆୟୁଷ୍ମାନ ଭାରତ ଜନ ପ୍ରଧାନମନ୍ତ୍ରୀ ଜନଆରୋଗ୍ୟ ଯୋଜନାରେ କୌଣସିବି ଟୀକାକରଣ ଯାହା ରାଷ୍ଟ୍ରୀୟ କାର୍ଯ୍ୟକ୍ରମର ଅଂଶ ନୁହେଁ ତାହା ଏଥିରେ ଅନ୍ତର୍ଭୁକ୍ତ ନୁହେଁ ।

କସମେଟିକ୍ ସର୍ଜରୀ:

ସୁନ୍ଦରତା ବୃଦ୍ଧି ପାଇଁ ବହୁ ଲୋକ ସର୍ଜରୀ କରୁଛନ୍ତି । ଆଣ୍ଟି ଅଜିଂ ପ୍ରୋସିଜିଓର, ଲେଜର ଟାଟପ ରିମୁଭାଲ ଏବଂ ରାଇନୋପ୍ଲାଷ୍ଟି, ଫ୍ୟାଟ୍ ଗ୍ରାଫ୍ଟିଂ, ନେକ ଲିଫ୍ଟ ଏବଂ ସମାନ ଅସ୍ତ୍ରୋପଚାର ଆୟୁଷ୍ମାନ ଯୋଜନାରେ ଅନ୍ତର୍ଭୁକ୍ତ ନୁହେଁ ।

ପରସେଷ୍ଟେଣ୍ଟ ଭେଜିଟେଟିଭି ଷ୍ଟେଟ କେସ (PVS):

ଯେଉଁଠାରେ କୌଣସି ରୋଗୀଙ୍କୁ ମେସିନ୍ ଦ୍ୱାରା ଜୀବିତ ରଖାଯାଏ ଏବଂ ସେ କୌଣସି ଶାରୀରିକ ପ୍ରତିକ୍ରିୟା ଦେଖାନ୍ତି ନାହିଁ, ସେଠାରେ ଆୟୁଷ୍ମାନ ଭାରତ ଯୋଜନା ଲାଗୁ ହେବ ନାହିଁ ।

ଏହି ଚିକିତ୍ସା ଗୁଡିକ କାହିଁକି ଯୋଜନାରୁ ବାଦ୍‌?

ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ (MoHFW) କହିଛି ଯେ, ଆୟୁଷ୍ମାନ ଭାରତ ବଡ ରୋଗର ଚିକିତ୍ସା ଖର୍ଚ୍ଚ ପାଇଁ ପରିକଳ୍ପନା କରାଯାଇଛି । ଗୁରୁତର ସ୍ବାସ୍ଥ୍ୟାବସ୍ଥା,ଯେଉଁଥି ପାଇଁ ହସ୍ପିଟାଲରେ ଭର୍ତ୍ତି ହେବା ସହ ଚିକିତ୍ସାର ଜରୁରୀ ଆବଶ୍ୟକତା ରହିଛି । ନିୟମିତ, କସମେଟିକ୍ସ କିମ୍ବା ବୈକଳ୍ପିକ ପ୍ରକ୍ରିୟାଗୁଡ଼ିକୁ ବାଦ ଦେବା ଦ୍ଵାରା ଏହି ଯୋଜନା ଜନସଂଖ୍ୟାର ବୃହତ୍ତମ ଅଂଶ ପାଇଁ କେନ୍ଦ୍ରିତ ସ୍ଥାୟୀ ଏବଂ ପ୍ରଭାବଶାଳୀ ରହିବା ନିଶ୍ଚିତ କରିବାରେ ସାହାଯ୍ୟ କରେ ।

ଏହି ଯୋଜନାରେ କୋଉଁ ରୋଗର ଚିକିତ୍ସା ହୋଇପାରିବ ?

ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଅନୁଯାୟୀ, ଆୟୁଷ୍ମାନ ଭାରତ ଯୋଜନାରେ ବର୍ନ ମ୍ୟାନେଜମେଣ୍ଟ, ହୃଦରୋଗ ଏବଂ ହୃଦରୋଗ ଅସ୍ତ୍ରୋପଚାର(cardiothoracic surgery), ଜରୁରୀକାଳୀନ ରୁମ୍ ପ୍ୟାକେଜ୍ (emergency room package ), ସାମାନ୍ୟ ଚିକିତ୍ସା ଏବଂ ସର୍ଜରୀ, ଇଣ୍ଟରଭେନସନାଲ୍ ନ୍ୟୁରୋରାଡିଓଲୋଜି, ମେଡିକାଲ୍ ଏବଂ ସର୍ଜିକାଲ ଅଙ୍କୋଲୋଜି, ମାନସିକ ସ୍ୱାସ୍ଥ୍ୟ ଚିକିତ୍ସା, ନବଜାତ ଯତ୍ନ, ନ୍ୟୁରୋସର୍ଜରୀ, ପ୍ରସୂତି ଏବଂ ସ୍ତ୍ରୀ ରୋଗ, ଚକ୍ଷୁ ରୋଗ, ମୁଖ ଏବଂ ମ୍ୟାକ୍ସିଲୋଫେସିଆଲ୍ ଅସ୍ତ୍ରୋପଚାର, ଅର୍ଥୋପେଡିକ୍ସ, ଓଟୋରହିନୋଲାରିଙ୍ଗୋଲୋଜି (ENT), ଶିଶୁ ରୋଗ ଏବଂ ଅସ୍ତ୍ରୋପଚାର, ପ୍ଲାଷ୍ଟିକ୍ ଏବଂ ରିକନଷ୍ଟ୍ରକ୍ଟିଭ ସର୍ଜରୀ, ପଲିଟ୍ରାମା କେୟାର, ରେଡିଏସନ୍ ଅଙ୍କୋଲୋଜି, ୟୁରୋଲୋଜି ଏବଂ ଶିଶୁ କର୍କଟ ଚିକିତ୍ସା ଅନ୍ତର୍ଭୁକ୍ତ ।

କିପରି ଏହି ଯୋଜନାର ଲାଭ ଉଠାଇବେ ?

ଯୋଗ୍ୟ ହିତାଧିକାରୀ ମାନେ ସରକାରୀ ୱେବସାଇଟ୍ https://pmjay.gov.in ରୁ ଇ-କାର୍ଡ ଡାଉନଲୋଡ୍ କରି ଏହି ସୁବିଧା ପାଇପାରିବେ । ଏଥିପାଇଁ ଆପଣଙ୍କୁ ଆଧାର କାର୍ଡ ଆବଶ୍ୟକ। ପରିଚୟ ପ୍ରମାଣ (ଡ୍ରାଇଭିଂ ଲାଇସେନ୍ସ, ପାସପୋର୍ଟ କିମ୍ବା ଭୋଟର ପରିଚୟପତ୍ର), ଆବାସିକ ପ୍ରମାଣପତ୍ର (ଉପଯୋଗୀତା ବିଲ୍, ପାସପୋର୍ଟ କିମ୍ବା ଭୋଟର ପରିଚୟପତ୍ର), ପରିବାର ବିବରଣୀ (ନାମ ଏବଂ ଆଧାର ନମ୍ବର), ଜାତି ପ୍ରମାଣପତ୍ର (, ଆୟ ପ୍ରମାଣପତ୍ର ଏବଂ ବ୍ୟାଙ୍କ ଆକାଉଣ୍ଟ ବିବରଣୀ ଆବଶ୍ୟକ ।