ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ବାସଭବନରେ ଆମେରିକାର ଉପରାଷ୍ଟ୍ରପତି ଜେଡି ଭାନ୍ସ ଏବଂ ତାଙ୍କ ପରିବାରକୁ ଆତିଥ୍ୟ ଦେଇଥିଲେ। ଏହି ଅବସରରେ ପ୍ରଧାନମନ୍ତ୍ରୀ ଜାନୁଆରୀରେ ତାଙ୍କର ସଫଳ ୱାଶିଂଟନ ଡିସି ଗସ୍ତ ଏବଂ ରାଷ୍ଟ୍ରପତି ଟ୍ରମ୍ପଙ୍କ ସହ ତାଙ୍କର ଆଲୋଚନାକୁ ମନେ ପକାଇଥିଲେ।
ଚଳିତ ବର୍ଷ ଫେବୃଆରୀରେ ପ୍ୟାରିସରେ ହୋଇଥିବା ସାକ୍ଷାତ ପରେ, ପ୍ରଧାନମନ୍ତ୍ରୀ ଏବଂ ଉପରାଷ୍ଟ୍ରପତି ଭାନ୍ସ ଦ୍ୱିପାକ୍ଷିକ ସମ୍ପର୍କରେ ପ୍ରଗତିର ସମୀକ୍ଷା କରିଥିଲେ। ସେମାନେ ଭାରତ-ଆମେରିକା ଦ୍ୱିପାକ୍ଷିକ ବାଣିଜ୍ୟ ଚୁକ୍ତିନାମାରେ ପ୍ରଗତି ଏବଂ ଶକ୍ତି, ପ୍ରତିରକ୍ଷା ଏବଂ ରଣନୈତିକ ପ୍ରଯୁକ୍ତିବିଦ୍ୟାରେ ସହଯୋଗ ବୃଦ୍ଧି ପାଇଁ ପ୍ରୟାସକୁ ସ୍ୱାଗତ କରିଥିଲେ। ଦୁଇ ନେତା ପାରସ୍ପରିକ ସ୍ୱାର୍ଥର ବିଭିନ୍ନ ଆଞ୍ଚଳିକ ଏବଂ ବିଶ୍ୱସ୍ତରୀୟ ପ୍ରସଙ୍ଗ ଉପରେ ମତ ବିନିମୟ କରିଥିଲେ। ଏହି ଅବସରରେ ପ୍ରଧାନମନ୍ତ୍ରୀ ମୋଦି, ରାଷ୍ଟ୍ରପତି ଟ୍ରମ୍ପଙ୍କୁ ତାଙ୍କର ଶୁଭେଚ୍ଛା ଜଣାଇଥିଲେ ଏବଂ ଏହି ବର୍ଷ ଶେଷ ଆଡ଼କୁ ତାଙ୍କର ଭାରତ ଗସ୍ତ ପାଇଁ ଅପେକ୍ଷା କରିଥିବା କହିଥିଲେ।
Prime Minister Narendra Modi hosted US Vice President JD Vance and his family at his residence. PM recalled his successful visit to Washington D.C. in January and his discussions with President Trump.
— ANI (@ANI) April 21, 2025
Following up on their meeting in February this year in Paris, PM and Vice… pic.twitter.com/XdnVo0QWei
ଆଲୋଚନା ପରେ ପ୍ରଧାନମନ୍ତ୍ରୀ ମୋଦି, ଭାନ୍ସ, ତାଙ୍କ ଭାରତୀୟ ବଂଶୋଦ୍ଭବ ପତ୍ନୀ ଉଷା ଚିଲୁକୁରୀ ଏବଂ ଉପରାଷ୍ଟ୍ରପତିଙ୍କ ସହିତ ଥିବା ବରିଷ୍ଠ ଆମେରିକୀୟ ସରକାରୀ ଅଧିକାରୀଙ୍କ ପ୍ରତିନିଧିମଣ୍ଡଳ ପାଇଁ ଏକ ରାତ୍ରୀଭୋଜର ଆୟୋଜନ କରିବେ।
ସପ୍ତାହାନ୍ତରେ ଇଟାଲୀ ଯାତ୍ରା ପରେ ଭାନ୍ସ ଏବଂ ତାଙ୍କ ପରିବାର ଆଜି ସକାଳେ ଚାରି ଦିନିଆ ଭାରତ ଗସ୍ତରେ ଆସି ଦିଲ୍ଲୀରେ ଅବତରଣ କରିଥିଲେ। ୨୦୧୩ରେ ଜୋ ବାଇଡେନ ନୂଆଦିଲ୍ଲୀ ଗସ୍ତ କରିବା ପରେ ୧୨ ବର୍ଷ ମଧ୍ୟରେ ଭାରତ ଗସ୍ତରେ ଆସିଥିବା ସେ ପ୍ରଥମ ଆମେରିକୀୟ ଉପରାଷ୍ଟ୍ରପତି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ସମେତ ପ୍ରାୟ 60ଟି ଦେଶ ବିରୁଦ୍ଧରେ ଏକ ବ୍ୟାପକ ଶୁଳ୍କ ବ୍ୟବସ୍ଥା ଲାଗୁ କରିବା ଏବଂ ତା’ପରେ ବିରତି ଦେବାର ସପ୍ତାହ ପରେ ଭାନ୍ସ ଭାରତ ଗସ୍ତ ଆସିଛନ୍ତି।
PM Modi, US Vice President Vance welcome " significant progress" in negotiations for india-us bilateral trade agreement
— ANI Digital (@ani_digital) April 21, 2025
read @ANI Story |https://t.co/nLrVpudW29#PMModi #JDVance #IndiaUSRelations pic.twitter.com/E5QIqO2I3w
ନୂଆଦିଲ୍ଲୀ ଏବଂ ୱାଶିଂଟନ ଏବେ ଏକ ଦ୍ୱିପାକ୍ଷିକ ବାଣିଜ୍ୟ ଚୁକ୍ତିନାମାକୁ ମୋହର କରିବା ପାଇଁ ଆଲୋଚନା କରୁଛନ୍ତି ଯାହା ଶୁଳ୍କ ଏବଂ ବଜାର ପ୍ରବେଶ ସମେତ ବିଭିନ୍ନ ପ୍ରସଙ୍ଗକୁ ସମାଧାନ କରିବ ବୋଲି ଆଶା କରାଯାଉଛି। ଏହାପରେ ଭାନ୍ସ ଏବଂ ତାଙ୍କ ପରିବାର ଜୟପୁର ଏବଂ ଆଗ୍ରା ଗସ୍ତ କରିବା କାର୍ଯ୍ୟକ୍ରମ ରହିଛି।
ଏହା ପୂର୍ବରୁ ଆମେରିକାର ଉପରାଷ୍ଟ୍ରପତି ଜେଡି ଭାନ୍ସ ଏବଂ ଦ୍ୱିତୀୟ ମହିଳା ଉଷା ଭାନ୍ସ ସେମାନଙ୍କ ପିଲାମାନଙ୍କ ସହିତ ନୂଆଦିଲ୍ଲୀର ୭ ଲୋକ କଲ୍ୟାଣ ମାର୍ଗରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାସଭବନରେ ପହଞ୍ଚିଥିଲେ। ଏହି ସମୟରେ ପ୍ରଧାନମନ୍ତ୍ରୀ ମୋଦି ତାଙ୍କୁ ଭବ୍ୟ ସ୍ୱାଗତ କରିଥିଲେ। ଏହି ଅବସରରେ ପ୍ରଧାନମନ୍ତ୍ରୀ ମୋଦି, ଭାନ୍ସଙ୍କ ପିଲାମାନଙ୍କୁ ବେଶ ଆଦର କରିଥିଲେ। ପିଲାମାନଙ୍କ ସହ ବିଶେଷ ମୁହୂର୍ତ୍ତ ବିତାଇବା ସହ ସେମାନଙ୍କୁ ମୟୂର ପୁଛ ପ୍ରଦାନ କରିଥିଲେ।
#WATCH | PM Modi welcomes US Vice President JD Vance and Second Lady Usha Vance and their children to his official residence at Lok Kalyan Marg in Delhi pic.twitter.com/cbKUrPsjkv
— ANI (@ANI) April 21, 2025
କେନ୍ଦ୍ରୀୟ କୁଟୀର ଶିଳ୍ପ ଏମ୍ପୋରିୟମରେ ଭାନ୍ସ
ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବା ପୂର୍ବରୁ, ଭାନ୍ସ, ତାଙ୍କ ଭାରତୀୟ ବଂଶୋଦ୍ଭବ ପତ୍ନୀ ଉଷା ଏବଂ ସେମାନଙ୍କର ତିନି ପିଲାଙ୍କ ସହିତ ସୋମବାର ନୂଆଦିଲ୍ଲୀର ଜନପଥରେ ଥିବା କେନ୍ଦ୍ରୀୟ କୁଟୀର ଶିଳ୍ପ ଏମ୍ପୋରିୟମ୍ (CCIE) ପରିଦର୍ଶନ କରିଥିଲେ ଯେଉଁଠାରେ ସେମାନେ ପାରମ୍ପରିକ ଭାରତୀୟ ହସ୍ତଶିଳ୍ପ କିଣିଥିଲେ। ଭାନ୍ସ ସ୍ବାମିନାରାୟଣ ଅକ୍ଷରଧାମ୍ ମନ୍ଦିର ପରିଦର୍ଶନ କରିଥିଲେ।
ଏହା ମଧ୍ୟ ପଢ଼ନ୍ତୁ- ଭାରତରେ ଆମେରିକା ଉପରାଷ୍ଟ୍ରପତି ଜେଡି ଭାନ୍ସ, ସପରିବାର କଲେ ଅକ୍ଷରଧାମ ଦର୍ଶନ
