IND vs ZIM: टीम इंडियासमोर झिम्बाब्वेची शरणागती; दणदणीत विजयासह स्पर्धेतील आव्हान कायम

सामन्यात प्रथम फलंदाजी करताना सर्वच फलंदाजांनी केलेल्या आक्रमक खेळीमुळं टीम इंडियानं 20 षटकांत 4 बाद 260 धावा केल्या. ही यंदाच्या विश्वचषकातील सर्वाधिक धावसंख्या ठरली. प्रत्युत्तरात झिम्बाब्वेचा डाव 20 षटकांत 6 बाद 184 धावांवर मर्यादित राहिला. भारतानं 72 धावांनी विजय मिळवत स्पर्धेतील आपलं आव्हान कायम ठेवलं आहे तर झिम्बाब्वेचं आव्हान संपुष्टात आलंय.

सामन्यात प्रथम फलंदाजी करताना निर्धारित 20 षटकांत 4 बाद 260 धावा केल्या. टी-20 विश्वचषकाच्या इतिहासात टीम इंडियाची ही सर्वाधिक धावासंख्या ठरली आहे. हा सामना जिंकण्यासाठी झिम्बाब्वेला चमत्कार करावा लागणार आहे.

या सामन्यात झिम्बाब्वेविरुद्ध प्रथम फलंदाजी करणाऱ्या भारतीय संघानं 17 षटकांत 4 गडी गमावून 201 धावा केल्या.

अभिषेक शर्मा बाद झाल्यानंतर कर्णधार सूर्यकुमार यादव 13 चेंडूत 33 धावांची खेळी करुन बाद झाला. त्याच्या रुपात भारताची चौथी विकेट पडली. टिनोटेंडा मापोसानं त्याचा झेल घेतला.

या सामन्यात प्रथम फलंदाजी करणाऱ्या टीम इंडियानं 13व्या षटकाच्या पाचव्या चेंडूवर 150 धावांवर आपली तिसरी विकेट गमावली. 55 धावांवर अभिषेक शर्मानं टिनोटेंडा मापोसाच्या चेंडूवर मोठा शॉट मारण्याच्या नादात आपली विकेट गमावली. यानंतर हार्दिक पांड्या आता फलंदाजीसाठी आला आहे.

भारताची दुसरी विकेट इशान किशनच्या रुपात पडली. त्यानं 24 चेंडूत 38 धावांची छोटी पण आक्रमक खेळी केली. किशननं चार चौकार आणि एक षटकार मारला.

या विश्वचषकात आतापर्यंत फ्लॉप राहिलेल्या अभिषेक शर्मानं या सामन्यात दमदार फलंदाजी करत 26 चेंडूत अर्धशतक झळकावलं.

या सामन्यात टीम इंडियानं दमदार सुरुवात केली असून, पावरल्पेमध्ये संघाच्या 1 विकेटच्या बदल्यात 80 धावा झाल्या आहेत. अभिषेक शर्मा आणि ईशान किशन दोघंही आक्रमक फलंदाजी करत आहेत.

अभिषेक शर्मा आणि संजू सॅमसन या नव्या जोडीनं आज भारतीय संघासाठी डावाची सुरुवात केली. दोन्ही फलंदाज चांगली फलंदाजी करत असताना संजू सॅमसनच्या रुपात टीम इंडियाला पहिला धक्का बसला. सॅमसन 24 धावा काढुन बाद झाला. ब्लेसिंग मुजराबानीनं त्याची विकेट घेतली.

भारताचा डाव सुरू झाला आहे. अभिषेक शर्मा आणि संजू सॅमसन क्रीजवर आहेत. संजूनं पहिल्या चेंडूचा सामना केला. दुसऱ्या चेंडूवर षटकार मारुन त्यानं आपलं आणि भारतीय संघाचं खातं उघडलं.

तदिवानाशे मारुमानी (विकेटकीपर), ब्रायन बेनेट, डियोन मायर्स, रियान बर्ल, सिकंदर रझा (कर्णधार), टोनी मुनयोंगा, ताशिंगा मुसेकीवा, ब्रँड इवांस, टिनोटेंडा मापोसा, ब्लेसिंग मुजराबानी, रिचर्ड नगारवा

अभिषेक शर्मा, ईशान किशन (विकेटकीपर), संजू सॅमसन, तिलक वर्मा, सूर्यकुमार यादव (कर्णधार), हार्दिक पांड्या, शिवम दुबे, अक्षर पटेल, वरुण चक्रवर्ती, जसप्रीत बुमराह, अर्शदीप सिंग.

या महत्त्वाच्या सामन्यासाठी टीम इंडियाच्या प्लेइंग ११ मध्ये दोन मोठे बदल दिसून आले आहेत, ज्यामध्ये रिंकू सिंग आणि वॉशिंग्टन सुंदर यांच्या जागी संजू सॅमसन आणि अक्षर पटेलचे पुनरागमन झाले आहे.

या सामन्यात झिम्बाब्वे संघाचा कर्णधार सिकंदर रझा यानं नाणेफेक जिंकून प्रथम गोलंदाजी करण्याचा निर्णय घेतला आहे. सामन्यात टीम इंडिया प्रथम फंलदाजी करणार आहे.

2010 ते 2024 पर्यंत भारत आणि झिम्बाब्वे यांच्यात खेळल्या गेलेल्या 13 टी-20 आंतरराष्ट्रीय सामन्यांमध्ये भारताचं वर्चस्व स्पष्टपणे दिसून येते. भारतानं 10 सामने जिंकले आणि फक्त 3 गमावले, ज्यामुळं त्यांचा विजयाचा टक्का 76.92 इतका राहिला. दुसरीकडे, झिम्बाब्वेनं फक्त 3 जिंकले आणि 10 गमावले, ज्यामुळं त्यांचा विजयाचा टक्का 23.07 इतका राहिला. दोन्ही संघांमधील एकही सामना बरोबरीत सुटलेला नाही किंवा अनिर्णीत राहिला नाही. आयसीसी पुरुष टी-20 विश्वचषकात भारत आणि झिम्बाब्वेनं फक्त एकच सामना खेळला आहे, जो भारतानं जिंकला. हा सामना 6 नोव्हेंबर 2022 रोजी मेलबर्नमध्ये खेळला गेला होता.

चेन्नईच्या एमए चिदंबरम स्टेडियममध्ये, जे पारंपारिकपणे फिरकीपटूंना अनुकूल पृष्ठभागासाठी ओळखलं जातं, अलिकडच्या वर्षांत लक्षणीय बदल झाले आहेत. खेळपट्टी आता फलंदाजांना पूर्वीपेक्षा जास्त पसंती देते. 180-200 च्या श्रेणीतील उच्च-स्कोअरिंग सामने या ठिकाणी सामान्य झाले आहेत. अशा खेळपट्ट्यांवर त्यांचे स्ट्रोक खेळण्यास सोयीस्कर असलेल्या भारतीय फलंदाजांसाठी सातत्यपूर्ण उसळी फायदेशीर ठरु शकते. सामना पुढं सरकत असताना फिरकीपटूंना अजूनही काही पकड मिळू शकते, परंतु खेळपट्टी सामान्यतः स्ट्रोक-अनुकूल राहण्याची अपेक्षा आहे.

गुरुवार, 26 फेब्रुवारी रोजी चेन्नईमध्ये हवामान उष्ण आणि किंचित धुकं असण्याची अपेक्षा आहे. सकाळचं तापमान सुमारे 31°C च्या आसपास होतं, जे दुपारी सुमारे 32°C आणि संध्याकाळी सुमारे 27°C पर्यंत होण्याची शक्यता आहे. दिवसभर आकाश बहुतेक ढगाळ राहण्याची अपेक्षा आहे, परंतु सामन्याच्या वेळेपर्यंत ते निरभ्र होईल. उल्लेखनीय म्हणजे, पावसाचा अंदाज नाही, ज्यामुळं भारत आणि झिम्बाब्वे यांच्यातील सामना पूर्ण आणि अखंड होईल.

जेव्हा झिम्बाब्वे या सामन्यात मैदानात उतरेल तेव्हा 24 वर्षांत ते पहिल्यांदाच भारतात भारताविरुद्ध खेळतील. भारतात हे दोन्ही संघ शेवटच्या वेळी 2002 मध्ये एकमेकांसमोर आले होते. तेव्हा दोन्ही संघांमध्ये कसोटी सामना दिल्लीच्या मैदानावर खेळला गेला होता आणि त्यावेळी टीम इंडियाचे नेतृत्व सौरव गांगुलीनं केलं होतं. तेव्हापासून, भारतीय आणि झिम्बाब्वे संघ भारतीय भूमीवर कधीही भिडलेले नाहीत. गांगुलीनं त्या सामन्यात शतकही ठोकलं होतं.