ICC महिला T20 विश्वचषक 2026 : चं वेळापत्रक जाहीर, 'या' दिवशी होणार भारत पाकिस्तान सामना

मुंबई : मुंबई :आज आंतरराष्ट्रीय क्रिकेट परिषदेनं (आयसीसी) महिलांच्या टी-20 विश्वचषक 2026 चं संपूर्ण वेळापत्रक जाहीर केलं आहे. ही स्पर्धा इंग्लंडमध्ये 12 जून ते 5 जुलै 2026 या कालावधीत होणार आहे. हा स्पर्धेचा 10 वा सीझन असून, यात 12 संघ सहभागी होणार आहेत. भारताचा पहिलाच सामना कट्टर प्रतिस्पर्धी पाकिस्तानविरुद्ध होणार असून, भारतीय महिला संघाला वनडे विश्वचषकानंतर टी-20 ट्रॉफी जिंकण्याची संधी आहे. स्पर्धेत दोन गटांत विभागणी झाली असून, प्रत्येक गटातून दोन अव्वल संघ सेमीफायनलसाठी पात्र ठरतील. अंतिम सामना 5 जुलैला लॉर्ड्सवर होईल.

गट आणि संघ :

गट 1 (ग्रुप A):ऑस्ट्रेलिया, दक्षिण आफ्रिका, भारत, पाकिस्तान, बांगलादेश, नेदरलँड्स

गट 2 (ग्रुप B): वेस्ट इंडिज, इंग्लंड, न्यूझीलंड, श्रीलंका, आयर्लंड, स्कॉटलंड

बांगलादेश, आयर्लंड, स्कॉटलंड आणि नेदरलँड्स हे संघ गेल्या महिन्यात नेपाळमध्ये झालेल्या पात्रता फेरीतून क्वालिफाय झाले आहेत. ही स्पर्धा 33 सामन्यांची असून, एका दिवशी तीन सामने खेळवले जातील. भारतीय वेळेनुसार पहिला सामना दुपारी 3 वाजता, दुसरा संध्याकाळी 7 वाजता आणि तिसरा रात्री 11 वाजता होणार आहे.

भारतीय महिला क्रिकेट संघाचं टी-20 विश्वचषक 2026 वेळापत्रक (Women T20 World Cup 2026 Schedule)
भारतीय महिला संघ गट A मध्ये आहे. सर्व सामने संध्याकाळी 7 वाजता (स्थानिक वेळेनुसार) सुरू होणार आहेत.

भारताचा पहिला सामना पाकिस्तानविरुद्ध एजबेस्टनवर होणार असून, हा सामना चाहत्यांसाठी विशेष असेल. त्यानंतर नेदरलँड्स, दक्षिण आफ्रिका, बांगलादेश आणि शेवटी ऑस्ट्रेलियाविरुद्ध लॉर्ड्सवर सामना असं आव्हानात्मक वेळापत्रक आहे.

स्पर्धेची सुरुवात आणि महत्त्वाचे सामने: स्पर्धेचा पहिला सामना 12 जूनला यजमान इंग्लंड आणि श्रीलंका यांच्यात एजबेस्टनवर होईल. 13 जूनला स्कॉटलंड वि. आयर्लंड, ऑस्ट्रेलिया वि. दक्षिण आफ्रिका आणि वेस्ट इंडिज वि. न्यूझीलंड असे सामने आहेत. 14 जूनला बांगलादेश वि. नेदरलँड्स आणि भारत वि. पाकिस्तान हा दिवस भारतीय क्रिकेटप्रेमींसाठी रोमांचक असेल. सेमीफायनल 30 जून आणि 2 जुलैला द ओव्हलवर तर अंतिम सामना 5 जुलैला लॉर्ड्सवर होईल.

आयसीसी महिला टी-20 विश्वचषक 2026 चं संपूर्ण वेळापत्रक : ही स्पर्धा इंग्लंडमध्ये 12 जून ते 5 जुलै 2526 दरम्यान खेळवली जाईल. एकूण 33 सामने, 7 मैदाने आणि 12 संघ सहभागी होती. वेळ BST (British Summer Time) नुसार आहे.

महिला क्रिकेटसाठी मैलाचा दगड : ही स्पर्धा महिला क्रिकेटसाठी महत्त्वाची ठरेल. 12 संघांची ही सर्वात मोठी स्पर्धा असून, भारतानं गेल्या काही वर्षांत महिला क्रिकेटमध्ये प्रगती केली आहे. हरमनप्रीत कौरच्या नेतृत्वाखालील संघ टी-20 विश्वचषक जिंकण्याच्या इराद्यानं मैदानात उतरेल. ऑस्ट्रेलिया, इंग्लंड आणि दक्षिण आफ्रिका यांसारखे मजबूत संघ असल्यानं स्पर्धा रंगतदार होईल.

हे वाचलंत का :

1. 0,0,0,0,0,0,0,0,0,0,0… टी-20 विश्वचषकात टीम इंडियाचा लाजिरवाणा विक्रम
2. अक्षर पटेलला प्लेइंग 11 मधून वगळल्यावरुन संघ व्यवस्थापनावर टीका; रविचंद्रन अश्विननं चांगलंच सुनावलं
3. दक्षिण आफ्रिकेविरुद्धच्या दारुण पराभवानंतर टीम इंडियात बदल होणार? प्रशिक्षकांनी दिली मोठी हिंट