ओप्पो K13x 5G स्मार्टफोन डॅमेज-प्रूफ आर्मर बॉडीसह लाँच होणार

ओप्पो K13x 5G स्मार्टफोन भारतात लवकरच लॉंच होणार आहे. या फोनची किंमत 15,999 रुपयांपेक्षा कमी असण्याची शक्यता आहे.

हैदराबाद : ओप्पोनं भारतात आपला नवीन K13x 5G स्मार्टफोन लॉंच करण्याची तयारी सुरू केली आहे. कंपनीनं या फोनच्या रंग पर्यायांसह आता त्याच्या बिल्ड आणि टिकाऊपणाबाबत माहिती जाहीर केली आहे. ओप्पो K13x 5G मध्ये स्पंज बायोमिमेटिक शॉक ॲब्सॉर्प्शन सिस्टम आहे, जी समुद्री स्पंजपासून प्रेरित आहे. हा फोन AM04 उच्च-शक्तीच्या ॲल्युमिनियम मिश्र धातुच्या फ्रेमसह येतो, जो इतर मिश्र धातुंपेक्षा 10 टक्के अधिक टिकाऊ आहे. याशिवाय, फोन IP65 रेटिंगसह धूळ आणि पाण्यापासून संरक्षित आहे. फोन SGS गोल्ड ड्रॉप-रेझिस्टन्स, SGS मिलिट्री स्टँडर्ड आणि MIL-STD 810-H शॉक रेझिस्टन्स प्रमाणपत्रांसह येतो. हा फोन मिडनाइट व्हायोलेट आणि सनसेट पीच रंगांमध्ये उपलब्ध असेल आणि फ्लिपकार्टवर विक्रीसाठी उपलब्ध होईल. किंमत 15,999 रुपयांपेक्षा कमी असण्याची शक्यता आहे.

ॲल्युमिनियम मिश्र धातुची फ्रेम
ओप्पो K13x 5G मध्ये स्पंज बायोमिमेटिक शॉक ॲब्सॉर्प्शन सिस्टम आहे, जी समुद्री स्पंजच्या रचनेपासून प्रेरित आहे. यामुळे फोनच्या अंतर्गत भागांचं नुकसान होण्यापासून संरक्षण मिळतं. फोनमध्ये AM04 उच्च-शक्तीची ॲल्युमिनियम मिश्र धातुची आतील फ्रेम आहे, जी 10 टक्के अधिक टिकाऊ आहे. यासोबतच, बॉक्समध्ये ॲन्टी-ड्रॉप शील्ड केस देखील मिळेल. फोनच्या डिस्प्लेमध्ये क्रिस्टल शील्ड ग्लास प्रोटेक्शन आहे. हा डिस्प्ले स्प्लॅश टच आणि ग्लोव्ह टच मोड्सना सपोर्ट करतो, ज्यामुळं ओल्या, तेलकट हातांनी किंवा हातमोजे घातलेल्या हातांनी फोन सहजपणे वापरता येईल.

डॅमेज-प्रूफ आर्मर बॉडी
ओप्पो K13x 5G मध्ये 360-डिग्री डॅमेज-प्रूफ आर्मर बॉडी आहे. हा फोन SGS गोल्ड ड्रॉप-रेझिस्टन्स, SGS मिलिट्री स्टँडर्ड आणि MIL-STD 810-H शॉक रेझिस्टन्स प्रमाणपत्रांसह येतो. याशिवाय, IP65 रेटिंगमुळं हा फोन धूळ आणि पाण्यापासून संरक्षित आहे. कंपनीनं यापूर्वीच मिडनाइट व्हायोलेट आणि सनसेट पीच रंग पर्याय जाहीर केले आहेत. डिझाइननुसार, फोनमध्ये ड्युअल रियर कॅमेरा युनिट असेल. फ्लिपकार्टच्या मायक्रोसाइटवरून हा फोन तिथं विक्रीसाठी उपलब्ध होईल, असं दिसतंय.

किंमत आणि वैशिष्ट्ये
अलीकडील अहवालांनुसार, ओप्पो K13x 5G जूनच्या शेवटच्या आठवड्यात भारतात लॉंच होऊ शकतो, ज्याची किंमत 15,999 रुपयांपेक्षा कमी असेल. या फोनमध्ये मीडियाटेक डायमेन्सिटी 6300 प्रोसेसर, 6,000mAh बॅटरीसह 45W वायर्ड फास्ट चार्जिंग, 50MP मुख्य रियर कॅमेरा आणि 8MP सेल्फी कॅमेरा असण्याची शक्यता आहे.

हे वाचलंत का :