हैदराबाद : दुचाकीवर लांब पल्ल्याच्या प्रवासात प्रत्येकालाच आरामाची गरज असते. प्रवास करताना कोणालाही पाठदुखी किंवा एक-दोन तासांत थकवा जाणवावा असं वाटत नाही. 2025 मध्ये भारतात लांब पल्ल्याच्या प्रवासासाठी खास दुचाकी कंपन्यानी सादर केल्या आहेत. या दुचाकीत आरामदायी सीट्स, चांगल्या सुविधा, दमदार इंजनचा वापर करण्यात आला आहे. ज्यामुळं तुम्ही विना थकवा लांब पल्याचा प्रवास सहज करू शकता. जर तुम्हाला रोड ट्रिप्स आवडत असतील, तर तुम्ही लांब पल्ल्याच्या प्रवासासाठी तुम्ही खाली दिलेल्या चार दुचाकीचा विचार करू शकता.
Honda CB350
होंडा CB350 ही रेट्रो-प्रेरित मोटरसायकल आहे. यात मऊ सीट आणि सोयीस्कर हँडल असून आकर्षक इंजिन दिलं आहे. त्यामुळं उच्च गती असतानाही तुम्हाला कंपनं कमी जाणवतात. ज्यामुळं लांब प्रवासासाठी ती रायडरसाठी खास बनते. यात ट्रॅक्शन कंट्रोल आणि ब्लूटूथ कनेक्टिव्हिटी सारख्या सुविधा तुमचा प्रवास आणखी सुलभ करतात.
Royal Enfield Himalayan 450
हिमालयन 450 दुचाकी मुळात साहसी प्रवासासाठी बनवली आहे. यात शक्तिशाली इंजिन आणि आरामदायी प्रवासी सीट आहे, ज्यामुळं लांब प्रवासातही तुम्हाला थकवा जाणवत नाहीय. या दुचाकीचं सस्पेंशन खडबडीत रस्त्यांवर देखील तुम्हाला आराम देतं. डोंगर किंवा महामार्गावर, ही बाइक स्थिरता देण्यासाठी प्रसिद्ध आहे.
KTM 390 Adventure
ऑफ-रोड रायडिंगचा तुम्हाला अनुभव घ्याचा असेल, तर KTM 390 अ‍ॅडव्हेंचर दुचाकी सर्वात उत्तम आहे. यात लांब सस्पेंशन, उंच हँडलबार आणि मोठी विंडशील्ड आहे, ज्यामुळं खराब रस्त्यांवरही आरामदायी प्रवासाचा आनंद घेता येतो. या दुचाकीचं सीट दीर्घकाळ रायडिंगसाठी अतिशय उत्तम आहे. तिचं इंजिन डोंगर, दऱ्यातील चढ-उतारासाठी पुरेशी ताकद देतं. लांब पल्ल्याच्या दुचाकी प्रवासात आराम सर्वात महत्त्वाचा आहे. वरील बाइक्स तुम्हाला खडबडीत, गावांमधील रसत्यावर आरामदायी प्रवासाचा आनंद देतं.
Bajaj Dominar 400
डोमिनार 400 दुचाकी आराम आणि कामगिरी यांचा संगम आहे. यात शक्तिशाली इंजिन आहे, जे महामार्गावर चांगला अनुभव देतं. यात मोठं सीट, उत्तम सस्पेंशन आणि मजबूत बांधणी यामुळं दुचाकी टिकाऊ बनते. डिजिटल डिस्प्ले, LED लाइट्स आणि ड्युअल-चॅनल ABS यामुळं प्रवास सुरक्षित आणि विना थकवा म्हणजे आरामदायी होतो.
हे वाचलंत का :
