मुंबई : एका शोरूमला मंगळवारी पहाटे भीषण आग लागली आहे. अग्निशमन दलाच्या गाड्या घटनास्थळी हजर असून आग विझवण्याचं काम सुरू आहे. या घटनेत कोणतीही जीवितहानी झाली नसल्याची माहिती समोर येत आहे. वांद्रे भागातील लिंकिंग परिसरात ही आग लागली आहे
शोरूमला लागली भीषण आग : मुंबईत आगीच्या घटना सातत्यानं घडत आहेत. रविवारी मुंबईतील ईडी कार्यालयाला आग लागली होती. या आगीत अनेक महत्त्वाचे कागदपत्र जळाल्याची प्राथमिक माहिती समोर आली आहे. ही आगीची घटना ताजी असतानाच आता पुन्हा एकदा मुंबईतील एका क्रोमा शोरूमला मंगळवारी पहाटे भीषण आग लागली आहे.
लेव्हल चारची आग : मुंबई महापालिकेनं दिलेल्या माहितीनुसार, वांद्र्याच्या लिंकिंग रोडवरील तीन मजली बिझनेस पार्क असलेल्या लिंक स्क्वेअर मॉलच्या तळमजल्यावर असलेल्या क्रोमा शोरूममध्ये ही आग लागली. पहाटे ४.१० वाजता ही आग लागली. अग्निशमन दलाला ४.११ वाजता पहिला कॉल आला. आगीची माहिती मिळताच ४.१७ वाजता अग्निशमन दलाचे कर्मचारी घटनास्थळी दाखल झाले. या आगीमध्ये अद्याप कोणतीही जीवितहानी अथवा कोणी जखमी झालेले नसल्याची माहिती समोर आली आहे. ही लेव्हल चारची आग आहे.
#WATCH | Maharashtra | Firefighting teams bring in a 'fire-robot' at the site where a fire broke out in a showroom in Mumbai's Bandra, which later engulfed the entire mall.
— ANI (@ANI) April 29, 2025
No casualties have been reported. https://t.co/eekRFukyXo pic.twitter.com/7CS5ieONqL
सिलेंडरचा स्फोट झाला असता तर...: वांद्रे भागातील लिंकिंग परिसरात ही आग लागली आहे. मंगळवारी सकाळी ही आग लागली आहे. मिळालेल्या माहितीनुसार, सकाळी सहा वाजता आग विझवण्याचं काम सुरु झालं. या ठिकाणी मोठ्या प्रमाणावर सिलेंडर होते. त्या सिलेंडरला काही झालं असतं तर संपूर्ण लिकिंग रोड परिसरात आग पसरली असती, असं स्थानिकांनी सांगितलं.
रोबोटच्या मदतीनं आग विझवतात : उन्हाळा सुरू झाला की मुंबईत आगीच्या अनेक घटना घडत असल्याचं दिसून येत आहे. मुंबईत टोलेजंग इमारती असल्यानं व त्यात आग लागली तर ती विझवणं अग्निशमन दलाला थोडं अवघड जातं. मात्र, आता आधुनिक युगात अग्निशमन दलाचं देखील मॉडिफिकेशन झालंय. अग्निशमन दलाच्या ताफ्यात रोबोट असून, कठीण ठिकाणी आग लागली तर रोबोटच्या मदतीनं ही आग आटोक्यात आणली जाते.
हेही वाचा -
