मुंबई Cricketer Died in Plane Crash : इतिहासातील सर्वात भीषण विमान अपघातांपैकी एक अहमदाबादमध्ये घडला. अहमदाबादच्या सरदार वल्लभभाई पटेल विमानतळावरुन लंडनच्या गॅटविक विमानतळावर उड्डाण करणारं एअर इंडियाचं विमान AI 171 गुरुवारी उड्डाणानंतर काही वेळातच गर्दीच्या ठिकाणी कोसळलं. बोईंग 787-8 ड्रीमलायनर विमान विमानतळाच्या हद्दीतून बाहेर पडलं आणि जवळच्या मेघानीनगर परिसरातील एका वैद्यकीय महाविद्यालयाच्या वसतिगृहावर कोसळलं. या भयानक अपघातातून चमत्कारिकरित्या एक प्रवासी वाचला, परंतु विमानातील केबिन क्रूसह सर्व 241 जणांचा मृत्यू झाल्याचं विमान कंपनीनं सांगितलं.
क्रिकेटपटूचा विमान अपघातात मृत्यू : जगभरात अनेक विमान अपघात झाले असले तरी, दक्षिण आफ्रिकेच्या पश्चिम केपमधील जॉर्ज शहरात 1 जून 2002 रोजी क्रिकेट जगतात अशीच एक घटना घडली, ज्यानं क्रिकेट नव्हे तर सबंध क्रीडा जगत हादरुन गेलं. कारण दक्षिण आफ्रिकेचा माजी कर्णधार हॅन्सी क्रोनिएचा विमान अपघातात मृत्यू झाला होता. दक्षिण आफ्रिकेला पहिली आयसीसी ट्रॉफी (1998) मिळवून देणारा कर्णधार, क्रिकेटवरील बंदीनंतर जोहान्सबर्गमधील एका कंपनीत काम करत होता. 1 जून 2002 रोजी, क्रोनिए जोहान्सबर्गहून चार्टर्ड विमानानं परतत होता. पण तो त्याच्या गंतव्यस्थानावर पोहोचण्यापूर्वीच, क्रोनिएचं चार्टर्ड विमान ओटेनिका पर्वतांमध्ये कोसळले. या घटनेत क्रोनिए आणि दोन वैमानिकांचा मृत्यू झाला.
At the age of 32, and just 26 months after his dramatic fall from grace, Hansie Cronje died in a plane crash near George, a town in South Africa's Western Cape.
— Emon Mukherjee (@EmonMukherjee21) June 7, 2025
23rd death anniversary of South Africa's fallen Captain...#CricketSouthAfrica pic.twitter.com/cFmn8LN7ML
नेमकं काय घडलं : ढगांमुळं जॉर्ज विमानतळाजवळ दृश्यमानता पूर्णपणे नाहीशी झाली होती. नेव्हिगेशन सिस्टीम देखील काम करत नव्हती, त्यामुळं पायलट विमान उतरवू शकला नाही. त्याचं विमान बराच वेळ विमानतळाजवळ फिरत राहिलं आणि शेवटी ते डोंगरांवर आदळलं. या अपघातात हॅन्सी क्रोनिएचं वयाच्या 32व्या वर्षी निधन झालं.
मॅच फिक्सिंगची दिली होती कबुली : हॅन्सी क्रोनिए क्रिकेट जगतात एका हिरोपासून खलनायकात बदलला. कारण त्याचं नाव मॅच फिक्सिंगच्या कलंकानं कलंकित झालं होतं. एप्रिल 2000 मध्ये, दिल्ली पोलिसांनी क्रोनिएवर 1996 चा भारताविरुद्धच्या वनडे सामन्यात फिक्सिंग केल्याचा आरोप केला. क्रोनिए आणि त्याचा साथीदार हर्शेल गिब्स यांच्यावर एका भारतीय उद्योगपतीकडून पैसे घेतल्याचा आरोप करण्यात आला होता.
ON THIS DAY (11th Oct) some 23yrs ago #HansieCronje was banned from ‘playing or coaching’ #cricket for life… To this day #matchfixing in my humble opinion is not under control and many players still get caught up in ‘honey pots’ or in ‘chasing the 💵’s…’ One wonders in fact if… pic.twitter.com/YxXJdonrbQ
— Dave Nosworthy (@DONCRICKET) October 11, 2023
आजीवन बंदी : सुरुवातीला, क्रोनिएनं सामना निश्चित करण्यासाठी भारतीय बुकमेकरकडून पैसे घेतल्याचा इन्कार केला. पण अखेर 11 एप्रिल रोजी दक्षिण आफ्रिकेच्या क्रिकेट बोर्डासमोर त्यानं आरोप स्वीकारले. दोन्ही पक्षांमधील संभाषणांचं रेकॉर्डिंग देखील समोर आलं. नंतर, किंग कमिशनच्या चौकशीदरम्यान, क्रोनिएला अश्रू अनावर झाले आणि त्यानं आपला गुन्हा कबूल केला. साहजिकच, तो गुन्ह्यातून सुटला नाही, परंतु माजी प्रोटीज कर्णधाराची कारकीर्द कठोर शिक्षेनं संपली. दक्षिण आफ्रिकेच्या क्रिकेट बोर्ड आणि आयसीसीनं त्याला क्रिकेटशी संबंधित सर्व क्रियाकलापांपासून आजीवन बंदी घातली. क्रिकेटमधून निवृत्ती घेतल्यानंतर, हॅन्सी क्रोनिएनं जोहान्सबर्गमधील एका कंपनीत आर्थिक व्यवस्थापक म्हणून नवीन नोकरी सुरु केली. परंतु वयाच्या 32 वर्षे आणि 249 दिवसांनी विमान अपघातात त्याचं निधन झालं.
हेही वाचा :
