मुंबई IPL New Dates : भारत आणि पाकिस्तान यांच्यातील वाढत्या तणावामुळं बीसीसीआयनं 9 मे रोजी आयपीएल 1 आठवड्यासाठी स्थगित केलं होतं. याआधी 8 मे रोजी पंजाब किंग्ज आणि दिल्ली कॅपिटल्स यांच्यातील सामना मध्यंतरी थांबवण्यात आला होता. मात्र0 आता दोन्ही देशांमधील युद्धबंदीनंतर, बीसीसीआयनं उर्वरित सामन्यांसाठी नवीन वेळापत्रक जाहीर केलं आहे. नवीन वेळापत्रकानुसार, लीग 17 मे पासून पुन्हा सुरु होईल आणि एकूण 17 सामने 6 ठिकाणी खेळवले जातील. याशिवाय, अंतिम सामना 3 जून रोजी होईल.
🗓️ #TATAIPL 2025 action is all set to resume on 17th May 🙌
— IndianPremierLeague (@IPL) May 12, 2025
The remaining League-Stage matches will be played across 6⃣ venues 🏟️
The highly anticipated Final will take place on 3rd June 🏆
Details 🔽https://t.co/MEaJlP40Um pic.twitter.com/c1Fb1ZSGr2
कधी होतील सामने : बीसीसीआयनं उर्वरित सामने बेंगळुरु, दिल्ली, लखनऊ, मुंबई, अहमदाबाद आणि जयपूर या 6 ठिकाणी आयोजित करण्याचा निर्णय घेतला आहे. या कालावधीत, उर्वरित लीग सामने 17 मे ते 25 मे दरम्यान खेळवले जातील, ज्यामध्ये 2 डबल हेडरचा समावेश आहे. याशिवाय, प्लेऑफ सामने 29 मे पासून सुरु होतील आणि अंतिम सामना 3 जून रोजी होईल. परंतु बीसीसीआयनं अद्याप प्लेऑफ सामन्यांसाठी ठिकाणं निश्चित केलेली नाहीत. ती नंतर जाहीर करण्यात येतील.
आयपीएलकडून प्रेस रिलीज : आयपीएलनं एक प्रेस रिलीज जारी करताना म्हटलं आहे की, 'बीसीसीआयला टाटा आयपीएल 2025 पुन्हा सुरू झाल्याची घोषणा करताना आनंद होत आहे. एकूण 17 सामने 6 ठिकाणी खेळवले जातील, 17 मे पासून सुरु होतील आणि 3 जून रोजी अंतिम सामना होईल. नवीन वेळापत्रकात दोन डबल-हेडर सामने समाविष्ट आहेत, जे दोन रविवारी खेळवले जातील. बीसीसीआय पुन्हा एकदा भारतीय सशस्त्र दलांच्या शौर्याला सलाम करण्याची ही संधी घेते, ज्यांच्या प्रयत्नांमुळं क्रिकेटचे सुरक्षित पुनरागमन शक्य झालं आहे.
IPL 2025 to resume with RCB Vs KKR at the Chinnaswamy Stadium on 17th May. pic.twitter.com/uXfRXhdazp
— Mufaddal Vohra (@mufaddal_vohra) May 12, 2025
IPL च्या उर्वरित सामन्यांचं वेळापत्रक :
- 17 मे, शनिवार, सायंकाळी 7:30 वाजता: रॉयल चॅलेंजर्स बंगळुरू विरुद्ध कोलकाता नाईट रायडर्स, बंगळुरू
- 18 मे, रविवार, दुपारी 3:30 वाजता: राजस्थान रॉयल्स विरुद्ध पंजाब किंग्ज, जयपूर
- 18 मे, शनिवार, सायंकाळी 7:30 वाजता: दिल्ली कॅपिटल्स विरुद्ध गुजरात टायटन्स, दिल्ली
19 मे, सोमवार, सायंकाळी 7:30 वाजता: लखनौ सुपर जायंट्स विरुद्ध सनरायझर्स हैदराबाद, लखनौ - 20 मे, मंगळवार, सायंकाळी 7:30 वाजता: चेन्नई सुपर किंग्ज विरुद्ध राजस्थान रॉयल्स, दिल्ली
- 21 मे, बुधवार, सायंकाळी 7:30 वाजता: मुंबई इंडियन्स विरुद्ध दिल्ली कॅपिटल्स, मुंबई
- 22 मे, गुरुवार, संध्याकाळी 7:30 वाजता: गुजरात टायटन्स विरुद्ध लखनऊ सुपर जायंट्स, अहमदाबाद
- 23 मे, शुक्रवार, सायंकाळी 7:30 वाजता: रॉयल चॅलेंजर्स बंगळुरू विरुद्ध सनरायझर्स हैदराबाद, बंगळुरू
- 24 मे, शनिवार, सायंकाळी 7:30 वाजता: पंजाब किंग्ज विरुद्ध दिल्ली कॅपिटल्स, जयपूर
- 25 मे, रविवार, दुपारी 3:30 वाजता: गुजरात टायटन्स विरुद्ध चेन्नई सुपर किंग्ज, अहमदाबाद
- 25 मे, रविवार, सायंकाळी 7:30 वाजता: सनरायझर्स हैदराबाद विरुद्ध कोलकाता नाईट रायडर्स, दिल्ली
- 26 मे, सोमवार, सायंकाळी 7:30 वाजता: पंजाब किंग्ज विरुद्ध मुंबई इंडियन्स, जयपूर
- 27 मे, मंगळवार, सायंकाळी 7:30 वाजता: लखनौ सुपर जायंट्स विरुद्ध रॉयल चॅलेंजर्स बंगळुरू, लखनौ
- 29 मे, गुरुवार, संध्याकाळी 7:30 वाजता, क्वॉलिफायर 1
- 30 मे, शुक्रवार, संध्याकाळी 7:30 वाजता, एलिमिनेटर
- 01 जून रविवार, संध्याकाळी 7:30 वाजता, क्वॉलिफायर 2
- 03 जून, मंगळवार, संध्याकाळी 7:30 वाजता अंतिम सामना
हेही वाचा :
