mistakes must not do in thyroid: हार्मोनल असंतुलनामुळे थायरॉईडच्या समस्या उद्भवतात. हायपरथायरॉईडीझम किंवा हायपोथायरॉईडीझमची समस्या अंत:स्त्रावी ग्रंथीच्या विकारामुळे सुरु होते. इतर आजारांच्या तुलनेत थायरॉईड झाल्यानंतर औषधांसोबतच आहाराकडे विशेष लक्ष द्यावं लागते. थायरॉई़ड हा एक गंभीर आजार आहे. ज्यामुळे एखाद्या व्यक्तीचे वजन झपाट्यानं कमी होते किंवा वाढते. तसंच थायरॉईड असलेल्या व्यक्तींना पोटाशी संबंधित अनेक समस्यांना सामना करावा लागतो. पुरुषांच्या तुलनेत महिलांमध्ये थायरॉईटचे प्रमाण जास्त आहे. थायरॉईड असलेल्या व्यक्तींना सकाळी उपाशी पोटी न चुकता औषध घ्यावी लागते. परंतु तुम्हीऔषध घेण्यासोबतच काही चुका केल्यास थाययरॉईड बरा होण्याची शक्यता कमी होते. जर तुम्हाला थायरॉईड ग्रंथीचे नियमन करायचे असेल तर सकाळी कोणत्या चुका करू नयेत जाणून घ्या.
- औषध घेतल्यानंतर लगेच चहा घेऊ नका: सर्वांना माहिती आहे थायरॉईडची औषधं उपाशी पोटी घ्यावी लागतात. परंतु सहसा लोक औषध घेतल्यानंतर लगेचच चहा किंवा कॉफी पिण्याची चूक करतात. चहा आणि कॉफीमध्ये असलेले कॅफिन औषधांमध्ये व्यत्यय आणू शकते. यामुळे औषध घेण्यापूर्वी किंवा घेतल्यानंतर साधारणत: एक तासानंतर चहा किंवा कॉफी घ्यावी.
- इतर औषधं घेऊ नका: थायरॉईड औषधांसोबत इतर कोणतेही औषध घेऊ नका. तुम्हाल इतर सप्लिमेंट घ्यायचे असेल तर ते थायरॉईड औषध घेतल्यानंतर 4 तासांनी घ्यावे.
- दिवसाची सुरुवात निरोगी चरबीने सुरू करा: बरेच लोक त्यांच्या दिवसाची सुरुवात फळे किंवा प्रथिने खाऊन करतात. परंतु जर तुम्हाला थायरॉईडपासून आराम हवा असेल तर सकाळची सरुवाती नेहमी तूप किंवा काजू सारख्या निरोगी चरबीने करा किंवा एक किंवा दोन ब्राझील नट खाऊन करा.
- व्हिटॅमिन डी आवश्यक: थायरॉईड ग्रंथीचे कार्य सुरळीत करण्यासाठी व्हिटॅमिन डी महत्त्वाची भूमिका बजावते. हायपोथायरॉईडीझम असलेल्या रुग्णांमध्ये व्हिटॅमिन डीचे प्रमाण कमी असते. यामुळे त्यांना हाडांच्या समस्या उद्भवू शकतात. थायरॉईड ग्रंथीसह अनेक अवयवांच्या सामान्य कार्यासाठी व्हिटॅमिन डी आवश्यक आहे.
- चयावचय वाढवा: सहसा थायरॅाईड असलेल्या लोकांचे चयापचय मंद असते. मंद चयापचय वाढवण्यासाठी व्यायाम करणे फार महत्त्वाचे आहे. तसंच रात्रीचं जेवण आणि सकाळच्या नाश्त्यामध्ये 11 तासाचं अतंर ठेवणे गरजेचं आहे. हे चयापचय वाढवण्यासाठी चांगलं आहे.
हायपोथायरॉईडीझमची लक्षणे
- भूक न लागणे
- वजन वाढणे
- सहज थकणे
- बद्धकोष्ठता
- मासिक पाळी अनियमितता
- केस गळणे
- कोरडी त्वचा
- थंडी सहन न होणे
हायपरथायरॉईडीझमची लक्षणे
- वजन कमी होणे
- निद्रानाश
- हस्तांदोलन
- मानसिक ताण
- थंडी असतानाही गरमी होणे
- जास्त घाम येणे
- मासिक पाळी अनियमितता
- जास्त वेळा शौचालयात जाणे
प्रसिद्ध मधुमेहतज्ञ डॉ.पी.व्ही राव यांच्या मते, थायरॉईडच्या समस्या नियंत्रणात ठेवण्यासाठी, दर सहा महिन्यांनी किमान वैद्यकीय तपासणी करावी. तसंच डॉक्टरांनी लिहून दिल्याप्रमाणे नियमित औषधं घ्यावे. यासोबतच, निरोगी खाण्याच्या सवयींचे पालन करणे देखील महत्त्वाचे आहे. अनेक अभ्यासावरून हे सिद्ध झालं आहे की, चांगले पोषण घेण्याव्यतिरिक्त, चालणे, व्यायाम, नृत्य आणि योगासने यासारख्या गोष्टी केल्यास थायरॉईड नियंत्रणात राहू शकतो.
(डिस्क्लेमर: ही सामान्य माहिती केवळ वाचनासाठी दिलेली आहे. ईटीव्ही भारत या माहितीच्या वैज्ञानिक मान्यतेबाबत कोणतीही पुष्टी करत नाही. अधिक माहितीसाठी डॉक्टरांकडून सल्ला घ्यावा.)
संदर्भ
https://pmc.ncbi.nlm.nih.gov/articles/PMC9964959/
https://www.thyroid.org/thyroid-hormone-treatment/
