diabetes: मधुमेह रूग्णांसाठी खुशखबर! अशाप्रकारे नियमित चालल्याणे मधुमेह राहू शकतो नियंत्रणात

diabetes: तज्ञांच्या मते, जीवनशैलीत आणि आहारात काही बदल केल्याने मधुमेह होण्याचा धोका कमी होऊ शकतो. तसंच नियमितपणे चालल्याणे मधुमेहाचा धोका कमी होतो.

diabetes control tips: आजकाल मधुमेहाच्या रूग्णांमध्ये झपाट्यानं वाढ होत आहे. तरुण आणि वृद्धांसह अनेक लोक या आजाराने ग्रस्त होत चालले आहेत. मधुमेह असलेल्या लोकांच्या रक्तातील साखरेच्या पातळीत चढ-उतार जाणवतात. यामुळे मधुमेहाचा धोका टाळण्यासाठी जीवशैली आणि आहारामध्ये सुधारणा करणं फार गरजेचं आहे.

चालल्याने मधुमेहाचा धोका कमी होतो (Getty Images)

धुमेह हा एक जुनाट आजार आहे. एकदा निदान झाल्यानंतर, रक्तातील साखरेची पातळी नियंत्रणात ठेवण्यासाठी आयुष्यभर प्रयत्न करावी लागतात. डॉक्टरांच्या मते, जीवनशैली आणि आहारात काही बदल केल्याने मधुमेहाचा धोका कमी होऊ शकतो. मात्र, तुम्हाला माहिती आहे काय? नियमित चालल्याणे मधुमेहाचा धोका कमी होतो. नुकत्याच प्रकाशित झालेल्या एका अभ्यासात हे सिद्ध झालं आहे. चालताना काही टिप्स फॉलो केल्या तर रक्तातील साखरेची पातळी नियंत्रणात राहण्यास मदत होऊ शकते. रक्तातील साखरेची पातळी नियंत्रित करण्यासाठी कसे चालावे ते पाहूया.

चालल्याने मधुमेहाचा धोका कमी होतो (Getty Images)

• साखर नियंत्रित करण्यासाठी चालणे: शरीराची पुरेशी शारीरिक हालचाल न झाल्यास स्नायू ग्लुकोजचा प्रभावीपणे वापर करू शकत नाहीत. यामुळे शरीरातील चरबीचे प्रमाण वाढते. परिणामी मधुमेहाचा धोका वाढतो आणि एकदा मधुमेह झाला तर तो आयुष्यभर साथ सोडत नाही. यामुळे वैद्यकीय तज्ञांचा सल्ला आणि फिटनेसवर लक्ष केंद्रित करावे लागते. व्यायाम केल्याने चांगले परिणाम देखील मिळतात. परंतु जे व्यायाम करू शकत नाहीत, त्यांनी किमान चालायला हवं. वजन कमी करण्यासोबतच, मधुमेह आणि हृदयरोगासाठी चालणे हा देखील एक चांगला पर्याय आहे.

चालल्याने मधुमेहाचा धोका कमी होतो (Getty Images)

• वेगाने चालणे: अलीकडील एका अभ्यासानुसार, 4 किमी/तास किंवा त्याहून अधिक वेगाने चालल्याने मधुमेह नियंत्रित होऊ शकतो असे समोर आले आहे. ताशी 1 किमी वेगाने चालल्याणे टाइप 2 मधुमेह होण्याचा धोका 9% कमी होतो. संशोधनातून असं दिसून आलं आहे की, 3 ते 5किमी/तास वेगाने चालल्याणे टाइप 2 मधुमेहाचा धोका 15 टक्क्यांनी कमी होतो. चालण्याचा वेग 1 किमी/ताशी वाढवल्याने स्ट्रोकचा धोका 13 टक्क्यांनी कमी होतो. याचा अर्थ असा की तुम्ही जितक्या वेगाने चालाल तितके आरोग्यासाठी फायदेशीर आहे. वेगाने चालण्यामुळे मानसिक आणि हृदयरोगांचा धोका कमी होतो. तसंच मृत्युदर देखील कमी होण्याची शक्यता आहे.

चालल्याने मधुमेहाचा धोका कमी होतो (Getty Images)

दररोज वेगाने चालत राहिल्यास मधुमेह होण्याची शक्यता 9% कमी होते. मधुमेह असलेल्या लोकांसाठी जलद चालणे चांगले आहे. यामुळे हृदयाची गती आणि ऑक्सिजनचा वापर वाढतो. परिणामी, इन्सुलिन संवेदनशीलता आणि ग्लुकोज चयापचय सुधारते. यामुळे रक्तातील साखरेची पातळी नियंत्रणात येते.

चालल्याने मधुमेहाचा धोका कमी होतो (Getty Images)

• आठवड्यातून पाच दिवस चालणे: दररोज अर्धा तास नियमितपणे चालल्याणे चांगले परिणाम मिळतात. आठवड्यातून किमान पाच दिवस चालणे आणि बाहेरच्या कामांमध्ये सहभागी होणे मधुमेहाचा धोका कमी करू शकते. तुम्ही कुठेही आणि कधीही चालू शकता. मधुमेहाचा जास्त धोका असलेल्या लोकांनी दिवसातून किमान 30 मिनिटे चालल्यास मधुमेह होण्याचा धोका कमी होऊ शकतो. आरोग्य तज्ञांचे म्हणणे आहे की हृदयरोग, सांध्याचे विकार किंवा चालण्यास त्रास असलेल्या लोकांनी चालणे सुरू करण्यापूर्वी तज्ञांचा सल्ला घ्यावा.

(अस्वीकरण: सामान्य माहिती केवळ वाचनासाठी दिली आहे. ईटीव्ही भारताबद्दल किंवा माहितीच्या वैज्ञानिक वैधतेबद्दल कोणतीही पुष्टी करत नाही. अधिक माहितीसाठी, डॉक्टरांचा सल्ला घ्या.)

संदर्भ

https://pmc.ncbi.nlm.nih.gov/articles/PMC5774965/

https://diabetes.org/health-wellness/fitness/diabetes-walking-plan

https://bjsm.bmj.com/content/58/6/334

हेही वाचा