Fiber Rich Fruits: सुदृढ आरोग्यासाठी फायबरयुक्त पदार्थ खाणं आवश्यक आहे. पचनक्रिया सुरळीत ठेवण्यासाठी फायबर युक्त पदार्थ महत्त्वाची भूमिका बजावतात. तसंच शरीराचे आरोग्य राखण्यासाठी पोषक तत्वांपैकी फायबरने समृद्ध असलेले घटक अधिक महत्त्वाचे मानले जातात. डॉक्टरांच्या मते, जास्त फायबयुक्त अन्न खाल्ल्यास वजन नियंत्रित राहण्यास मदत होते. तसंच हे रक्तदाब आणि हृदयरोगाचा धोका कमी करण्यासाठी फायदेशीर आहे. यासोबतच फायबरयुक्त फळं खाल्ल्यास अनेक प्रकारच्या आजारांचा धोका कमी होऊ शकतो. चला तर जाणून घेऊया कोणत्या फळांमध्ये फायबरचे प्रमाण अधिक आहे.
पेरू: तज्ज्ञांच्या मते, पेरू हा फायबरच्या सर्वोच्च स्रोतांपैकी एक आहे. असं म्हटलं जातं की, एका मध्यम आकाराच्या पेरूमध्ये 5 ग्रॅम फायबर असते. तसंच पेरूमध्ये व्हिटॅमिन सी देखील भरपूर प्रमाणात आढळते. जे रोगप्रतिकारक शक्ती मजबूत करण्यासाठी फायदेशीर आहे. पेरूमध्ये व्हिटॅमिन अची मात्रा पुरेशा प्रमाणात असते. दृष्टी सुधारण्यासाठी आणि डोळ्यांशी संबंधित इतर समस्यांपासून आराम मिळण्यासाठी ते फायदेशीर आहे. पेरूमधील अँटीऑक्सिडंट्स मुळे त्वचा निरोगी आणि चमकदार होते. तसंच शरीराची हायड्रेशनची पातळी नियंत्रित ठेवण्यासाठी देखील पेरू उत्तम आहे. पेरू तुम्ही थेट खाऊ शकता किंवा स्मूदी बणवून देखील घेऊ शकता.
पपई: पपई हे अशा फळांपैकी एक आहे ज्यामध्ये भरपूर फायबर असतात. एक कप पपईमध्ये 2.5 ग्रॅम फायबर असते. पपईमध्ये असलेले पपेन हे एंजाइम पचन सुधारते. पपईमध्ये व्हिटॅमिन सीचे प्रमाण जास्त असते. हे व्हिटॅमिन रोगप्रतिकार शक्ती मजबूत करण्यासाठी उत्तम आहे. तसंच पपईमध्ये लाअकोपीन आणि बीटा कॅरोटीन यासारखे अद्वितीय अँटीऑक्सिडंट्स असतात. जे दाहक विरोधी गुणधर्मांनी समृद्ध आहेत. यात असलेल्या पोटॅशियममुळे शरीरातील कोलेस्ट्रॉलची पातळी नियंत्रणात राहते. परिणामी हृदयरोगाचा धोका कमी होतो. पपईचा ग्लायसेमिक इंडेक्स कमी असल्यामुळे मधुमेह असलेल्या लोकांसाठी हे योग्य फळ आहे.
केळी: तज्ज्ञांचे म्हणणे आहे की, कुठेही सहज उपलब्ध असलेल्या केळीमध्ये भरपूर प्रमाणात फायबर असते. असं म्हटलं जाते की, एका मध्यम आकाराच्या केळीमध्ये 3 ग्रॅम फायबर असते. केळीमध्ये पोटॅशियम देखील असते. जे हृदयाच्या आरोग्य राखण्याकरिता मदत करते. तसंच केळी व्हिटॅमिन बीने समृद्ध असतात. जे रोगप्रतिकार शक्ती वाढण्यासाठी तसंच मेंदूच्या आरोग्यासाठी आणि चयापचय प्रक्रियासाठी उत्कृष्ट आहे.
सफरचंद: तज्ञांच्या मते, दररोज एक सफरचंद खाल्ल्याने अनेक आरोग्यविषयक फायदे होतात. एका मध्यम आकाराच्या सफरचंदात 4 ग्रॅम फायबर असते, विशेषतः सालीमध्ये. त्यात असलेले अँटीऑक्सिडंट्स रक्तातील साखरेची पातळी नियंत्रित करतात हे देखील उघड झाले आहे.
नाशपाती: तज्ज्ञांचे म्हणणे आहे की गोड आणि रसाळ नाशपातीमध्ये भरपूर फायबर आढळतात. एका फळात सुमारे 5-6 ग्रॅम फायबर असते. असे म्हटले जाते की ते पचन सुधारते आणि वजन नियंत्रित करण्यासाठी मदत करते. तुम्ही हे थेट खाल्ले जाऊ शकते किंवा सॅलड म्हणून देखील खाऊ शकता.
चिकू: चिकूमध्ये व्हिटॅमिन ए मुबलक प्रमाणात असते. ज्यामुळे डोळ्यांचे आरोग्य सुधारू शकते. तसंच यातील ग्लुकोजमुळे शरारीला त्वरीत ऊर्जा मिळते. बद्धकोष्ठतेसंबंधित समस्यावर चिकू रामबाण उपाय आहे. तसंच हे फळ मन शांत ठेवण्यासाठी आणि तणाव कमी करण्यासाठी महत्त्वाची भूमिका बजावते. याच्या सेवनाने कर्करोगाचा धोका कमी होतो. तसंच चिकूमध्ये पुरेशा प्रमाणात कॅल्शियम आढळते. यामुळे हाडांचे आरोग्य चांगलं राहते.
संत्री: संत्र्यांमध्ये व्हिटॅमिन सी भरपूर प्रमाणात आढळते शिवाय त्यात भरपूर फायबर देखील असते. एका संत्र्यामध्ये 3 ग्रॅम फायबर असते असे स्पष्ट झालं आहे. नियमित संत्री खाल्ल्यास रोगप्रतिकारक शक्ती सुधारते. तसंच शरीर हायड्रेटेड ठेवण्यासाठी हे एक उत्तम फळ आहे.
अननस: तज्ज्ञांचं म्हणणं आहे की, हंगामी फळ अनन यामध्ये फायबरचे प्रमाण जास्त असते. एक कप अननसात 2.3 ग्रॅम फायबर असते. त्यात असलेले ब्रोमेलेन हे एंजाइम जळजळ कमी करण्यासाठी उत्तम आहे. तसंच याच्या नियमित सेवनाने चयापचय सुधारते.
(डिस्क्लेमर: ही सामान्य माहिती केवळ वाचनासाठी दिलेली आहे. ईटीव्ही भारत या माहितीच्या वैज्ञानिक मान्यतेबाबत कोणतीही पुष्टी करत नाही. अधिक माहितीसाठी डॉक्टरांकडून सल्ला घ्यावा.)
संदर्भ
https://www.ncbi.nlm.nih.gov/books/NBK570127/table/lipid_diet_cardiov.T.fiber_content_of_se_2/
