विजय देवरकोंडा आणि मृणाल ठाकूर स्टारर 'फॅमिली स्टार' लवकरच होणार ओटीटीवर रिलीज - family star

Family Star Movie : 'फॅमिली स्टार' या चित्रपटाबाबत एक अपडेट समोर आली आहे. विजय देवरकोंडा आणि मृणाल ठाकूर अभिनीत 'फॅमिली स्टार' हा चित्रपट ओटीटीवर रिलीज होणार आहे.

मुंबई - Family Star Movie : अभिनेता विजय देवरकोंडा आणि अभिनेत्री मृणाल ठाकूर यांचा 'फॅमिली स्टार' हा चित्रपट नुकताच 5 एप्रिल 2024 रोजी थिएटरमध्ये प्रदर्शित झाला. या चित्रपटाला प्रेक्षक आणि समीक्षकांचा संमिश्र प्रतिसाद मिळाला. 'फॅमिली स्टार' चित्रपटानं 19 दिवसात बॉक्स ऑफिसवर फारशी कमाई केली नाही, मात्र अनेकांना विजय आणि मृणालमधील ऑनस्क्रीन केमिस्ट्री खूप आवडली. 'फॅमिली स्टार' आता 26 एप्रिल रोजी तेलुगू आणि तमिळमध्ये अ‍ॅमॅझोन प्राईमवर प्रदर्शित होणार आहे. आता तुम्हाला विजय देवरकोंडा आणि मृणाल ठाकूर यांच्यातील ऑनस्क्रीन केमिस्ट्री पाहायची असेल, तर अ‍ॅमॅझोनवर हा चित्रपट पाहू शकता.

• View this post on Instagram

  A post shared by Vijay Deverakonda (@thedeverakonda)

' फॅमिली स्टार'ची स्टार कास्ट : सोशल मीडियावर चाहत्यांमध्ये या चित्रपटाच्या ओटीटी रिलीजबाबत प्रचंड चर्चा आहे. विजय देवरकोंडा आणि मृणाल ठाकूरशिवाय या चित्रपटामध्ये दिव्यांशा कौशिक, अजय घोष आणि वासुकी यासारखे कलाकार आहेत.'फॅमिली स्टार' चित्रपटामध्ये एका मध्यमवर्गीय कुटुंबाची कहाणी दाखविण्यात आली आहे. विजय देवरकोंडाबरोबर दिग्दर्शक परशुरामचा हा दुसरा चित्रपट असून त्यांनी याआधी 'गीता गोविंदम'मध्ये एकत्र काम केलं होत. या चित्रपटामध्ये विजयबरोबर साऊथ अभिनेत्री रश्मिका मंदान्ना ही मुख्य भूमिकेत दिसली होती. हा चित्रपट रुपेरी पडद्यावर हिट ठरला होता. या चित्रपटामधील गाणी ही प्रचंड गाजली होती. विजय आणि रश्मिकाची जोडी अनेकांना आवडली होती.

'फॅमिली स्टार' चित्रपटाबद्दल : 'फॅमिली स्टार' हा रोमँटिक ॲक्शन ड्रामा चित्रपट आहे, जो परशुराम लिखित आणि दिग्दर्शित आहे. या चित्रपटाची निर्मिती श्री वेंकटेश्वर क्रिएशन्स अंतर्गत दिल राजू आणि सिरिश यांनी केली आहे. हा चित्रपट 50 कोटीच्या बजेटमध्ये तयार करण्यात आला होता. या चित्रपटानं रुपेरी पडद्यावर 21.5 कोटीची कमाई केली आहे. दरम्यान विजयच्या वर्कफ्रंटबद्दल बोलायचं झालं तर पुढं तो दिग्दर्शिक पुरी जगन्नाथ यांच्या 'जन गण मन' या चित्रपटामध्ये दिसणार आहे. या चित्रपटाच्या रिलीजची वाट अनेकजण पाहत आहेत. याशिवाय त्याच्याकडे आणखी काही प्रोजेक्ट्स आहेत.

हेही वाचा :