'കേരള സ്റ്റോറി' രണ്ടാം ഭാഗം ബഹിഷ്‌കരിക്കണം; സംഘപരിവാർ പ്രോജക്‌ടിനെതിരെ ലോകമലയാളികൾ ഒന്നിക്കണമെന്ന് എ എ റഹിം

കോൺഗ്രസിനെതിരെ രൂക്ഷവിമർശനംഹരിയാന മഹിളാ കോൺഗ്രസ് നേതാവിൻ്റെ ഭർത്താവ് നടത്തിയ വെളിപ്പെടുത്തലുകൾ കോൺഗ്രസിൻ്റെ തകർച്ചയെയാണ് കാണിക്കുന്നതെന്ന് റഹിം പറഞ്ഞു. സീറ്റ് വിഭജനത്തിനായി കോൺഗ്രസ് നേതാക്കൾ പണം വാങ്ങുന്നു എന്ന വാർത്തകൾ ഞെട്ടിക്കുന്നതാണ്. ബിഹാറിലും സമാനമായ രീതിയിൽ സീറ്റിനായി കച്ചവടം നടക്കുന്നുണ്ട്. രാജ്യത്തിൻ്റെ വിവിധ ഭാഗങ്ങളിൽ സീറ്റ് കച്ചവടത്തിലൂടെ കോൺഗ്രസ് കള്ളപ്പണം സമ്പാദിക്കുകയാണ്. ഈ പണം എവിടെപ്പോകുന്നു എന്ന് വ്യക്തമാക്കണം. കള്ളപ്പണ ഇടപാടുകൾ പുറത്തുവന്നിട്ടും ഇഡി എന്തുകൊണ്ടാണ് അന്വേഷണം നടത്താത്തതെന്ന് അദ്ദേഹം ചോദിച്ചു. ബിജെപിയുടെ കൈയിലെ വെറും കളിപ്പാവയായി കോൺഗ്രസ് അധഃപതിച്ചിരിക്കുകയാണ്.കെജരിവാളിൻ്റെ മോചനം കേന്ദ്രത്തിനുള്ള തിരിച്ചടിമദ്യനയക്കേസിൽ അരവിന്ദ് കെജരിവാളിനെ കുറ്റവിമുക്തനാക്കിയ കോടതി വിധി കേന്ദ്ര സർക്കാരിൻ്റെ മുഖത്തേറ്റ കനത്ത പ്രഹരമാണെന്ന് എ എ റഹിം വിശേഷിപ്പിച്ചു. ബിജെപിക്ക് അധികാരം പിടിച്ചെടുക്കാനുള്ള ഒരു ഉപാധി മാത്രമായിരുന്നു ഈ കേസ്. ഡൽഹി കോൺഗ്രസ് അധ്യക്ഷൻ്റെ പരാതിയുടെ അടിസ്ഥാനത്തിലായിരുന്നു കേസെടുത്തത് എന്നത് കോൺഗ്രസ് ബിജെപിയുമായി പുലർത്തുന്ന അന്തർധാരയ്ക്ക് തെളിവാണ്. ഈ വിധി ബിജെപിക്ക് മാത്രമല്ല, കോൺഗ്രസിന് നേരെയുമുള്ള വിരൽചൂണ്ടലാണ്. കെജരിവാളിനെതിരെ വ്യാജ പരാതി നൽകിയ നടപടിയിൽ രാഹുൽ ഗാന്ധി ക്ഷമാപണം നടത്താൻ തയാറാകുമോ എന്നും റഹിം ചോദിച്ചു.

Also Read: ഭക്തിസാന്ദ്രമായി അനന്തപുരി; ആറ്റുകാൽ പൊങ്കാല മാർച്ച് മൂന്നിന്, ഭക്തരെ സ്വീകരിക്കാനൊരുങ്ങി നഗരം